مشاهدة النسخة كاملة : شاعر زمانه وش يودي لازهمته وش يجيب ...!!!!
ناصر الجلاه
29-04-2008, 09:23 PM
..
يامرحبا ترحيبتٍ مثل العسل وألا الحليب=في طعمها في لونها مامثلها مامثلها
شاعر زمانه وش يودي لازهمته وش يجيب=أليا عقدنها عقدت المعنى صعيبٍ حلها
.
شاعرزمانه
29-04-2008, 10:04 PM
دام البقى ردّيتن يسمعبها بعيد وقريب=من شاعرن يضحك على الشعار ما يضحكلها
لا تزهمه ناصيك يا ناصر وجايك لا تغيب=ليه (البسوس) تقودكم باقي السوالف خلّها
ناصر الجلاه
29-04-2008, 10:13 PM
..
الشعر فيه المعتدي والمرتدي وأيضآ طبيب=وانامداوي للقلوب اللي تبين غلها
سيرت فالديره ولا حصلتلي حصني وذيب=وأليا غزالٍ يفتلي فالدار هاذي كلها
شاعرزمانه
29-04-2008, 10:31 PM
ماانته محصّل من زمانك ياولدغير النصيب=بعض الهقاوي يتعب الرجّال ما يا صلّها
ناديكم يا اهل البيوت الذيب في وسط القليب=قل للعينه يا ولد ترجع وراها قلها
ناصر الجلاه
29-04-2008, 10:47 PM
..
شوف الهدف قدام عينك ياتزله ياتصيب=خل الرجال اللي تطير عقولها من ظلها
أم الكباير تايبه ومن المعاصي ماتشيب=هاذي حقيقه ياعميلي لازمٍ تفطنلها
شاعرزمانه
29-04-2008, 11:03 PM
.
.
.
أنته تبرّى والتبرّي مانفع قدم الحريب=اعلومكم ما عاداعَرْف دقاقها من جلّها
وصّل علومي يا ولد قل قالها شخص(ن)غريب=من لا وقف فوق قدمه جعل الاله يشلها
ناصر الجلاه
29-04-2008, 11:24 PM
..
ليش أتبرى في دعاوي مالنا فيها طليب=ياليتها جوف الضماير باقيه واحسن لها
ماقلتلي شيٍ جديد الناس تدري يالبيب=من هرجتك جتك العرب بسوفها وتسلها
شاعرزمانه
29-04-2008, 11:35 PM
.
.
تشرفت بمحاورتك
دمت بخير
ناصر الجلاه
29-04-2008, 11:37 PM
..
شاعر زمانه
..
شكرآ على تلبية الدعوى يالغاااالي
مودتي
..
الجبل الراسي
29-04-2008, 11:48 PM
ياليتكم تواصلون رائعين جدآ
صحت اللسنتكم
(المرعبة)
30-04-2008, 01:51 AM
هههههههه
شاعر زمانه
وناصر
عز الله (البسوس) مرعبه الرعب يشغل مير الله يشغلنا بطاعته
ناصر الجلاه
30-04-2008, 07:53 PM
...
الجبل الراسي .. المرعبه
..
لاهنتواااا على المرور الكريــــم
(( البسوس )) هههههههه
..
عمدة الشعار
30-04-2008, 11:14 PM
طاروق رائع صح الله السنتكم والله لا يهينكم
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir