(بصق التايب) على الجماهير.. أشعل شرارة الإهانة المُباشرة

[عاشق العميد]

السلام عليكم ورحمة الله وبركاته
اسعد الله اوقاتكم
وينكم يـ جماهير الاهلال (هل يرضيكم ما فعله طارق التايب مع الجمهور)
فانااقول لايستحق الحترام هذا راي فاعطوني رايكم
طارق التايب لم يُعط لنجوميته حق الاحترام الجماهيري حين تعرّض لبعض المُضايقات من الجماهير ورماه أحدهم (بقارورة ماء) ليرد على جمهور الوحدة بالبصق وهي ردّة فعل يُعاقب عليها (الفيفا) الدولي لما لها من اعتبارات مؤلمة إنسانياً تقود إلى مفهومي إهانة واحتقار كرامة البشر!
في المُقابل تعرّض مُحترف الوحدة (جونيور) لنفس المُضايقات الجماهيرية والرمي بالقوارير الفارغة ولم يصدر منه أيّ ردّة فعل بل لجأ لحكم اللقاء الذي طالب الجهات الأمنيه بإيقاف مايحدث من شغب في المدرجات!
وبين الحالتين تنتظر الجماهير الرياضية موقف لجنة العقوبات في اتحاد كرة القدم السعودي وهو المعني بحفظ كرامة وآدمية المُشجع الرياضي في ملاعب المملكة من تصرفات بعض المحترفين الأجانب الذين جاؤا كمحترفي كرة قدم وليسوا محترفي إساءة لإنسان هذه الأرض المُباركة! السؤال الأهم والأبرز والأخطر: هل بإمكان الاتحاد السعودي عمل ضوابط تحمي منشآت الرئاسة من العبث الذي تعودت عليه جماهير الهلال؟ هل لديهم أنظمة ولوائح توقف هذه المناظر المُشينة لهذه الجماهير الزرقاء التي وصل آذاها إلى حدود لا تليق بسمعة ومكانة المنافسات السعودية خصوصاً كأس خادم الحرمين يحفظه الله.
الله يعطيكم الـ، مليووون عافيـــــــــــةـف
عاشق العميد

[أسيــ الصمت ــر]

هل يرضيكم ياجماهير الهلال مافعله التايب ؟؟

طيب ليش ماتقول هل يرضيكم مافعله الجمهور للتايب ؟؟

بالنسبة لي حركته جت في وقتها وشوي بعد الي جاهم ..

أما أنك تشوف أشياء وتخلي أشياء هذا أمر مايدخل العقل ..

الي صار للتايب شي يقهر ولا يرضي أي واحد يعشق الكره لأنه لاعب يمتع المشاهد ..

طيب وش الدافع الي يخلي الجمهور يقذف التايب بالماء؟؟؟

ماكان فيه أي مضايقه أو مشاحنات بين اللاعبين والأدهى والأمر أن الموقف نفسه تكرر مع نواف التمياط اللاعب الخلوق وهذا أمر لايرضينا أبدا أبدا ..

وفر لي أمن أعطيك أخلاق أما يفقعون راسي وأحب خشومهم ((معصي))

[طنطل]

اخوي العميد صعب تقنع الهلاليين انهم مخطين التايب يجب ان يوقف وينال جزاء رادع

[نياف العتيبي]

اقول التايب اوقف من الاتحاد لارضاء الاتحاد


لكن لماذا تطرقت لجماهير الهلال ولم تتطرق لجمهورالوحده


وهي اسباب نشوب المشكله


وبعدين البشر لديها كرامه وترد بالمثل


لان لكل فعل ردة فعل


ماتلاحظون في انفسكم شيء كبير على الهلال


حتى البعض وده يحشر نفسه لو ماشاف المباره


يسمع الكلام ويجيك يعدي

على قولة المثل مع الخيل ياشقراء


والفيفا تعترفون بقراراته وتعليماته اذا صارت ضد الهلال


اما اذا كانت للهلال قلتوا الاتحاد السعودي مشرع هالشيء

للهلال سبحان الله وما اقول غير عجبببببببببببي


الناايف

[TαlαL]

يستاهل ماجاه ...


والي مو عاجبه القرار اقوله يحط نفسه في مكان..

واحد من جماهير الوحده وجته (التفله) وش شعورك !!

واذا ترضاها لغيرك ترضاها لنفسك..

[عسل الكون]

انآ من وجهه نظري ان ردهـ فعل التآيب عآديه جدا
حلوهـ ذي تبيهم يرمون عليه وهو يدق لهم تحيه مع ابتسآمه ؟!!
< لو انآ مكانه مايردني الا اني اتوطى في بطن اللي رمى القآرورهـ :مزون: < اوووخـص
وبعدين ليه ماقلت قبل لاتتهجم على طارق ان جماهير الوحده غلطت عليه ورد عليهآ بذا الحركه على طول قلت التايب غلطآن غريبه ..؟!!
هو ماسوى شيء غلط قاعد يدافع عن كرامته يعني من وجهه نظرك اذا ابتسم لهم راح يعجبك ؟! انا اتوقع لو انه ماسوى شيء وسكت كان تهجمتوا عليه وقلتوا راضي ان جمهور الوحده يهينه !
غريبـه

[أديب الاتحاد]

فعل غير مبرر اطلاقاً من التائب بغض النظر عن ماحدث لة شخص جاهل قذفة بقارورة ماء والتائب بصق على جمهور باكملة وقام باشارة بيدية معناها انكم حمير ياجماهير الوحدة ( اكرمكم الله )
لاعب محترف يجب ان يتعامل باحتراف مع مثل هذا الامور حتى لو تعرض للاساءة حتى لايسي لسمعتة كما اسائها التائب ببصقتة

[الكايد أحلى]

كن أديب ياغريب

طارق التايب يستحق التسفير والشطب ..

.
.
.

سلـــملم

[❤فدآك❤كلي❤]

يعني تركت العلب اللي رميت عليه وجيت على البصق

فعلا مشكلة التعصب الاعمى مشكله

عموما هذي ردة فعل ويستحقها الجمهور المتخلف

وعموما الهلال سيحقق البطوله الثالثه وبتكون

بصقه بس غير شكل لناس كثير وبالتوفيق للزعيم

واللي ماخذ اجازه بدري يتفرج :مزون:


فداك كلي

[خــــالـــــد]

عاشق العميد
ـــــــــــــــــــــــــ ــــــ
بصراحة أنا أشوف إن التايب أخطأ ..

ولكن والله معه عذره ..

لو جاتك قارورة موية مليانة على ( علباك )

والله تنسدح وترفس هههههههههههههه

بس هو تصرف تصرف بديهي بردة فعل سريعة

وأنا متأكد إنه ندمان على حركته هذي ..

أما جونيور ونواف .. والله لو جاتهم مفاجأة ممكن تصير لهم ردة فعل ..

لكن كانوا متوقعين الشحن الجماهيري بعد قوارير الوحدة

شكراً لك
ـــــــــــــــــــــــــ ــــــ
أخوكـ/خالد

[عاشق العميد]

السلام عليكم ورحمة الله وبركاته الشكر لكم موصول جميعا على الاهتمام و استجابتكم في أعطا ألرائكم في ما قام به لاعب الهلال طارق التايب الذي لم يحترم قوانين هذي البلد والجمهور والكل يعرف أن كرامة الإنسان فوق كل شي اكرر لكم تحياتي ويعطيكم الـ مليوووون عافيـــــــة ـف
أخوكم/ عاشق العميد

[مغترب في عذاب]

هو وش سوى ..؟؟ تفل صح

خلوه يتفل عاااااادي

العيبه اذا جت من اهل العيبة ما تصير عيبه


وهو اخلاقه مو جديدة .. كذا داايما بس كان بحركات

استفزازية .. والحين بان على اصله !!