ســلام والشعــر ماله غيرنا راعي

[(المرعبة)]

ســلام والشــعر ماله غيرنا راعي
خاتم بكفي يجي خاضع ومنصاعي
واللي تهاب المواجه مالها داعي
والشعر ماله سواي يرتب أوضاعه

ياسلامي سلامٍ متجه للجميع = يسلب الباب صاحيها ومجنونها
أناأقول الشتاء يلحقه فصل الربيع =ووجهة أنظار بعض الناس يخفونها

المرعبة

[ناصر الجلاه]

..



يامرحبا والشعر في حكمت نجومه=ناسٍ تعنى على بدعه ومنضومه

خلوه يأهل الخواتم نعرف ختومه=الشعر ماله سواااي يرتب اوضاعه





مرحبا والدليله عادته مايضيع=عد ماغنت أهل الشعر بإلحونها

عقبها صيف لكن زبدكم لايميع=الحراره على الزبده وماعونها

[(المرعبة)]

إن قالها الله قلبت الجو بالساحه
وشعللت فيها عقولٍ حيل مرتاحه
والغيت فكرة حيارى شاطي الراحه
الشعر ماله سواي يرتب اوضاعه

إنت تمشي على هونك وعصرك سريع= تاكل اللقمه اللي عكس مكنونها
الحراره تضر الملتهي والرضيع = ماتضر العقول اللي تجارونها

[ناصر الجلاه]

..


ياسلاااااااام هههههه




قولك هذا بالحقيقه مايروعنا=وأيضآ ترى لايفرقنا ويجمعنا

روحي اقلبي يالحبيبه شاعر المعنا= والشعر ماله سوااي يرتب اوضاعه



ياهل العرف مرينا بحادث شنيع=فيه شفت الجنايز داخل كفونها

باقي الليل عدي واطلعي كل ريع=الامانه تراها عند مامونها

[(المرعبة)]

الرد لاجاك وزنه وزن فش فاشي
يرسلك للتهلكة في ركن الإنعاشي
يامن بعينه تساوى جالس وماشي
الشعر ماله سواي يرتب اوضاعه



مايهاب الحوادث كل قلبٍ شجيع = والبقربعد ماحجت على قرونها
الأمانه وداعة كل قلبٍ وديع = وسط راسي تراجمها ومضمونها

[ناصر الجلاه]

..



الفتل والنقض ساس الشعر وجذوره=ماهوب كوره تشاوتها هل الكوره
هذا ترى واقعه بالصوت والصوره=والشعر ماله سوااي يرتب أوضاعه



الطبيعه طبيعه والتصنع صنيع=والعرب في كلامك لدت عيونها

لانصحت العوارف بالنصايح تطيع=البلا فالمهبل من يردونها

[احمدالعارضي]

الله الله
صحت الالسن
شعار جزلين ومحاوره قويه
واصلو وحنا متابعين

[ناصر الجلاه]

..

احمد العارضي

..

صح بدنكـ .. مروركــ كريـــم يالغااالي

لاهنت

..

[(المرعبة)]

المعرفه علمها للفاهم العارف
والبحر بحاره الربان والغارف
أما أنت جرحك من أول واضح ونازف
والشعر ماله سواي يرتب أوضاعه



من حفر قاع قبره لايدور شفيع = لاتخون المعاني تجهل فنونها
والنصايح لها مصدر وشانٍٍ رفيع= مدركين النصيحه قبل تقرونها

[(المرعبة)]

العارضي أحمد

صح بدنك

شكرا لمرورك الكريم

[ناصر الجلاه]

..


المعرفه من كلامي يشهد الشاهد=اللي على الشعر والشاعر يجي ناقد

وألا اكثر الناس عاش ومات متقاعد=الشعر ماله سوااي يرتب اوضاعه





من يوطي برجله فوق شوك النقيع=لايقول انها سهله وياهونها

وش بلا الناس فالخليان تقرع قريع=ياخسارة هقاوي جيتي من دونها

[(المرعبة)]

مايضبط الخبزه إلا مخبز الخابز
يابالعٍ لقمته من مطعم الجاهز
الشوك مايثني اللي فعلها فايز
والشعر ماله سوااي يرتب أوضاعه


كان يشهد علينا يانويصر سميع= فالمعاني لها ناسٍ يشوفونها
قلت لك لا تهقوى وأنت ماا تستطيع = لي من إسمي قضايا تدخل سجونها

[ناصر الجلاه]

..



مايدخل المعركه ياكود متحدي=يشب بالنار من زنده قبل زندي

ماهوب يهومي برأسه كنه الهندي=والشعر ماله سوااي يرتب اوضاعه




استمع يامبارك واستمع يابزيع=هرجةٍ كل خلق الله يوحونها

المجله تصور والأذاعه تذيع=مرعبه بالتغطرس بانت سنونها

[(المرعبة)]

هذا الزمن يجمع الخسران بالرابح
تزيدالاكيال وانتا كيلك الطافح
دعواتنا تشهد المستقبل الصالح
والشعر ماله سواي يرتب اوضاعه


مابقى الا تنادي هيه يا احمد قريع = الستاره عليك الناس يطوونها
يوم أنا عشت جوٍ بالسعاده بديع = بعضهم دمعة عيونه يهلونها

[ناصر الجلاه]

..



صحيح مير العرب منهاجها واضح=بحر المعارف يباله واحدٍ سابح

يابلشة الضاوي الشاوي مع السارح=والشعر ماله سوااي يرتب اوضاعه




مفتي المملكه أل الشيخ وألا المنيع=ياعسى أهل الشريعه مايخلونها


مانفع فالمعارك ضحكتك يالكيع=باحت المستدينه حض مديونها

[(المرعبة)]

ناصر المجلاه

تشرفت محاورتك

صح لساانك

سبحانك اللهم وبحمدك اشهد ان لا اله الا انت استغفرك واتوب اليك

[ناصر الجلاه]

..

المرعبه

..

صح بدنكـ والشرف لي انا


سلمتي ولاهنتي

..

[حزن النوايف]

صح لسانكم واقوى الله افعالكم 00

جزيلين بكل المعنى لا هنتم

وانا طبعا مع الشاعرات المتمكنات قولا وعملا مثل المرعبة وباقي الاخوات الموجودات لا هانوا

ييض الله وجيهكم وفي انتظار المزيد منك ياالمرعبه
لكم ارق تحيه

[(المرعبة)]

حزن النوايف

صح بدنك

شرفني مرورك
وياهلا