مسجات شعريه من تأليف.. (طلاّب مدرسة أمل عبدالعزيز) (إكتب أشعار أو طب وإختار)

[ماجد نصار]

السلام عليكم ورحمة الله وبركاته

بالبركه والخير والسعاده عمّر الله كل أوقاتكم


:: تصلنا أحيان رسائل عبر الجوال
تكون أحيانا مختصره بيت او بيتين او حتى كلمتين
ولكن يبدو أن تأثيرها يكون أكبر من قصائد طويله

رسالة جوال تعبر عن :: التواصل وأخرى عن الإعتذار
او عن الحب او للدعوه والموعظة الحسنه او أفراح او أحزان .. وكل المجالات اللتي تريد ان يعبر عن إحساسك
صمت من أشعار .


رسالة مؤثره منك .قد (تذيب خلاف أو تعيد أمل
أو تشرق بشمس الفرح) .



من يكتب الرسائل التي تصلنا هم بشر .. ونحن بشر .!!


تصلنا رسائل على هيئة أبيات ولكن تكون مختله في الوزن
والقافيه ... فلماذا لا نكتب بالشكل السليم كي نساهم حتى
في نشر ثقافة الكتابه الشعريه السليمه ..!




:: إكتب مسج جوال :: يكون عباره عن شعر
ويكون من ضمن البحور التي تم تمت دراستها في هذه المدرسه .



الهدف :: تواصل .. ورقي ... وإعطاء مناخات أخرى لتطبيق دروس المدرسه




من أجل الشعر ... من أجل التواصل
من أجل أن نكون أفضل

فتحت لكم هذه النافذه
وننتظر مسجاتكم الشعريه



لمؤلف السمج:: صح لسانك
للزائر::بدون ماتحتار .. طب وإختار

[عبدالهادي الجهني]

،

،

هلا ماجد

فكرة موفقة

ولك مني هذا البيت على الطاير





نفسي اشوفك يا عذابي دقايق =قربك دوا جرحي وبلسم حياتي



مع الشكر
،

،

،

[ماجد نصار]

لاهنت يالغالي

وننتظر تواصلك وإثراءك لهذه المكتبه
الحين لسا الرفوف فاضيه :)

وصح لسانك وكلك

[ماجد نصار]

:

:


": أنا بسألك باللي أسمعك صوت المسج هالحين":
:/توقعت أني المرسل لشخصك أو أحد ثاني :\

"إذا متوقع اني مرسله مشكور لك ألفين"
)(واذا اخطيت جابرني بمسج ثاني على شاني )(

[صلاح الأحمدي]

؛

الغالي ماجد النصار

ياخي إنت تجيب مواضيع مررررررررره حوولوووه

انتظرني ..

بشوف المسجات ...!. وأدور على بحورهن أند باك من ثاني هنا

مودتي

؛
http://up101.arabsh.com/my/f0e0c1d.gif ،، مَوَدَّة،،
؛

[ماجد نصار]

؛

الغالي ماجد النصار

ياخي إنت تجيب مواضيع مررررررررره حوولوووه

انتظرني ..

بشوف المسجات ...!. وأدور على بحورهن أند باك من ثاني هنا

مودتي

؛
http://up101.arabsh.com/my/f0e0c1d.gif ،، مَوَدَّة،،
؛




هلا وغلا
أستاذ صلاح

مانجي إلا من بعدك طال عمرك

الله يجمل حالك

وانتظر عودتك يامطر

[ماجد نصار]

إسمحوالي أن أبحث في إرشيف بعض

شعراء وشاعرات المدرسه


وسوف أبدأ

بالشاعره الكبيره( أمل عبدالعزيز)

[ماجد نصار]

رساله تقطر هم

هات قلبي طلبتـك لايجـفّ النـدا
وتذبل أغصان حبك والغلا والورود


ان لقيته فديتك وان فقدتـه فـدا
به بليّاه بحيـا والمواجـع تجـود


بك بدونك بعيش العمر مالي جـدا
شانت أيام عمري والمقابيل سـود

[ماجد نصار]

رساله تمطر حب



يا اجابه كبيره ضاع فيها سؤالي
.....قبل حبّك تعبني هالسؤال وجداله

وين أبلقى حبيبٍ راقي الحب عالي
......مرتفع فوق دايم عن دروب الجهاله

وين أبلقى الحبيب اللي سكن في خيالي.
.....وين أبلقى الوفيّ إللي كريمه خصاله


ماتحقّق خيالي بالهوى واحتمالي
........جيت فوق الخيال وفوق كل إحتماله

في غرامك لقيت اللي أبد ماطرالي
........وانتهى وسط قلبي هالجدال وسؤاله

[ماجد نصار]

رساله " للغياب وأهله"




حامـت علـى قلـب المعنّـا تفاكيـره
وصار الجفا والصـد للمشتقـي خيـره

ياطول ساعـات العنـا لـو بنحسبهـا
وياقصر ساعـات الفـرح يالله الخيـره

الليـل ماهـوّن علـى القلـب علّـتـه
ياخذني الهوجـاس والفكـر والحيـره


للصاحب اللي غاب وانقطعـت أخبـاره
والفكر يرحل فيـه مـن ديـره لديـره

[ماجد نصار]

رساله " على البال"




البارحه طيفك علـى بالـي خطـر
وفاحت بقلبـي ياغـلاي أطيابـه

ياللي خيالك لاحضر عندي حضـر
فرحي وفزّت في الخفوق أعشابـه

أشتاق لك شوق الصحاري للمطـر
شوق الخفوق المشتقـي لاحبابـه

أشتاق لك من دون ناسي والبشـر
ويشدّ لـك شوقـي بكـل ركابـه

ياكل عمـري ياعيونـي والنظـر
والله ماغيـرك حسبـت حسـابـه

[ساره آل مسلم]

ماجد روووووووووووووووووعه الفكره لا ابداع


عيني عليك بارده



لي عوده

[ماجد نصار]

ماجد روووووووووووووووووعه الفكره لا ابداع


عيني عليك بارده



لي عوده


الله يحييك

انتي والعوده:مزون:


الإبداع تواجدك وتوصلك
الدائم



شكرا كثيره :)

[ماجد نصار]

الآن مع الشاعر الكبير ( نيّاف العتيبي )

سوف أختار على ذوقي


فأتمنى أن تنال الإستحسان


وحتى ان يأتي ويقدم لكم منه وإليكم

[ماجد نصار]

" حل الفرااااق "


لاتعتذر فاتـت وحـان افراقـك
قربك وبعـدك فالنظـر سيانـي

شفتك تعديتـي حـدود افاقـك
واسبابها مدحي ونطق لسانـي

ودامك تصد وخاطري مشتاقـك
وتزيد لوعات الزمان احزانـي

يمين لاعلنها وازيـد احراقـك
واسقيك من كاس الهوان الواني

[ماجد نصار]

"" شفها غلاتك""


إن كان تنشد عن هواك وغلاوتـك
العين مع قلبي تراهـن فـدى لـك

في شاشة ٍ للعين بروزت صورتك
حتـى عيونـي ماتناظـر بدالـك

وباقصى سويداالقلب سجلت سيرتك
باقصى سويداالقلب ساكن لحالـك

قلب ٍ تتله فـي غـلاك ومودتـك
رقيت به فوق السحـاب وعنالـك

قلب ٍخضع لك من غلاك ومحبتـك
انا اشهد انـه بالمحبـه صفالـك

[ماجد نصار]

مناجاه( يانتفق.. يانفترق)

عقب ماسويـت فيـه وش تبـا بجروحـي
ليه تسأل ياحبيبـي عـن جـروح أهدابـك

أسئلتـك اللـي تجـول بخاطـرك ياروحـي
ماتفيـد مـعـذبٍ ذاق العـنـا باسبـابـك

وش يفيدك ؟وش بتجني؟ وش هو المصلوحي
لوعرفـت انـي أعانـي لوعتـي بغيـابـك

روح في دربك وانـا فـي يمتـي باروحـي
لك عليه لوصدفتـك مااسئلـك وش جابـك

ماأنكر انك كنت جرحي وأنت كـل فروحـي
ولاأنكر اني كنت هايم بـك وكنـت اشقابـك

وكان قصـدك تنتقـم ياغايتـي مسموحـي
شوفني قدمك وسـو اللـي تبـي فاحبابـك


إلى هنا ... كنا في قلب نيّاف

[ماجد نصار]

الآن نأخذكم بجوله

مع الشاعره الصعبه(وجدان)




.... إنتظروا القادم

[ماجد نصار]

" حتى بسؤالي ما أحصل إجابه"


ظالم بصدّك والجفا موت الأحباب
قاسي بهجرك ياهـواي وعذابـه

حيّرتني مابيـن صـدّه وترحـاب
حتى الغلا منّـك أخافـه واهابـه

وشلون تقسى وانت مابين الأهداب
هذا السؤال إللي تعبـت بجوابـه

[ماجد نصار]

" يـاخوي ...تعال"

متـى تجينـا يالبعيـد أوحشتنـي
ملامحك يا اغلى من أغلى ربوعي

والضحكه اللي في غيابك جفتنـي
ياكثر ماشتاقت صداها ضلوعـي

كلّ الرسايـل والصـور ماكفتنـي
وماخفّفت ياخوي من زود روعـي

[ماجد نصار]

وقف..!!


جيت تحسبنا نبـي نرجـع سـوا
تحسب الضحكه ترجّع كـل شـي


أعتـذر ياصاحبـي مالـك لـوا
العروش اللي على خبـرك خْلـي


الجفـا والصـد منـك والـنـوا
ماترك في خافقي لك عرق حـي

[خيالات الشعر]

الله عليك ماجد فعلا مجهود تشكر عليه


تقبل تقديري واحترامي

دمت بوود

[ماجد نصار]

الله عليك ماجد فعلا مجهود تشكر عليه


تقبل تقديري واحترامي

دمت بوود



الشاعره/ خيالات الشعر

اهلاً وسهلا بك في هذه الزاويه اّلتي وجدت من أجلكم


لاشكر على واجب


وأتمنى أن نرى تواصلك
وطرح مابجعبتك من شعر


مودة

[أمل عبدالعزيز]

,
,
,
العذب النقي ماجد نصّار:


والله لا أعلم ماذا أقول لك
ولكن أنت هكذا تتميز بأمور كثيرة تأتي بها على غفلة منّا وتأسرنا بها
وهنا بصدق أبهرتني بهذه الصور وهذه المسجات التى وهبتها بعناوين متنوعة على حسب الموضوع
سيكون لي عودة بمن يكتب الله لي نصيب البحث في ديوانه واختيار أعذب ماكتب.
.

تحيتي لك ولكل من يأتي .
.

[ماجد نصار]

,
,
,
العذب النقي ماجد نصّار:


والله لا أعلم ماذا أقول لك
ولكن أنت هكذا تتميز بأمور كثيرة تأتي بها على غفلة منّا وتأسرنا بها
وهنا بصدق أبهرتني بهذه الصور وهذه المسجات التى وهبتها بعناوين متنوعة على حسب الموضوع
سيكون لي عودة بمن يكتب الله لي نصيب البحث في ديوانه واختيار أعذب ماكتب.
.

تحيتي لك ولكل من يأتي .
.

هلا وغلا أبله أمل
سعيد بمرورك وتعقيبك
ولولا إبداعكم لم يكن لدينا بالأصل إبداع

فإعجابي الشديد بقصائدك دارت بالفكر
حتى أراد أن يضعها به>ه الطريقه
وسوف أبحر أيضا في بقية قصائدك
فلم آت إلا بالقليل وبقي الكثير
وبحول الله ستكون لي وقفه مطوله هنا
مع قصائدك وقصائد المبدعين امثالك

ولك التحيه والسلام عليك

[محمد نايف العتيبي]

.



انت الوريد اللي على قلب مغليك=وانت الدواء للي يدور علاجه


محمد بن نايف ..!!

[ماجد نصار]

.



انت الوريد اللي على قلب مغليك=وانت الدواء للي يدور علاجه


محمد بن نايف ..!!

هلا محمد صح لسانك
وشكرا على مساهمتك

وننتظر تواصلك






محمد بن نايف ..!!

ودك تشيل " بن" اللي بين محمد ونايف
ترى نخاف منها:مزون:

[ماجد نصار]

".. يا أنا يا إنت.."

خل الزمن يمشي وفي شان مجريه
وخلنا ندور في هالفلك والمجرّه

نشوف من يمشي وتعثر خطاويه
ونشوف من تمشي دروبه مبرّه

[ماجد نصار]

"..غيابك غير عن كل الخلايق.."

بعـض البشـر لاغـاب محـدٍ درابـه
والبعـض لا والله ولـو غـاب ساعـه

تلقـى المـلـل والتـعـب والكـآبـه
وكـن الـذي غابـوا علينـا جماعـه

شوفي القلم... والحرف ...شوفي الكتابه
غبتـي وجتهـا بعـد بُعـدك مجاعـه

[ماجد نصار]

".. أوريك.. :) .."

أبوعدك ياللي تبـي خطـف قلبـي
إني لأجيك بقلب وارجـع بقلبيـن

[ماجد نصار]

(.: أكيد نادم.. بس إرجع..:.)

مدري الزمن راجع معك ذكرياتك
وإلا خدعك بقولت القـادم احلـى

أنا أدري اللي فات مو بس فاتـك
وانا أدري أن الوقت ياصاح يبلى

أكيد لو راجعـت ذاتـك بذاتـك
ماغيري أحلى لك ولا غيرك أغلى

ماشفتنـي وانـا أبيـن غلاتـك
وأبكيك وايضـا بالصبـر آتحـلّا

بالله شفها دامها غصـب جاتـك
شفها عيوني بأحمر الدمع حبلـى

[حبيب المرشدي]

سلااااااااااام


مساء الفل على الجميع


ومساء خااااص لـ " ماجد " :11rob:


أقوول :

وش حيلة اللي غاب خلّه عن العين ...هذا السؤال أهم منه الإجابه
هم وألم وأحزان ودموع مسكين...حتى لو إن القــلب كلّه صلااابه


سلاااااام

:icon_bigg

[محمد نايف العتيبي]

هلا محمد صح لسانك
وشكرا على مساهمتك

وننتظر تواصلك





ودك تشيل " بن" اللي بين محمد ونايف
ترى نخاف منها:مزون:

.

ماجد صح بدنك وهلابك اكثر


ههههههه

محمد بن نايف لا تخليني اكمل بعدين بن منو ههههههههه



حياك الله

[ماجد نصار]

سلااااااااااام


مساء الفل على الجميع


ومساء خااااص لـ " ماجد " :11rob:


أقوول :

وش حيلة اللي غاب خلّه عن العين ...هذا السؤال أهم منه الإجابه
هم وألم وأحزان ودموع مسكين...حتى لو إن القــلب كلّه صلااابه


سلاااااام

:icon_bigg

حبيب أنشهد إنك حبيب

سرني تواجدك
وصح كلك
لاهنت

[ماجد نصار]

.

ماجد صح بدنك وهلابك اكثر


ههههههه

محمد بن نايف لا تخليني اكمل بعدين بن منو ههههههههه



حياك الله


ومالو ياقميل
كمل وحنا عملنا حاقه هههههه:مزون:

حيّاك الله مره كل مره
وإرقع تاني

[ماجد نصار]

.:,اممم يكفي اني أحبك وانت لا تشقى ولاتحب..".’:.




.
قلبي اللي يودك مايبي منك توده
خايف يروح فيها لاغدى قلبك يحبه

وانت منته توده شوف كيف انته تشده
الا خله بعيد ويتقي... ويخاف ربه

[ماجد نصار]

.:,’ياغايب عني ترى للبطا لوم,’:.



في غيابك ..تبي تعرف انا كيف حالي
طيب... إتخيل إن به واحد يدق بابك

يوم تفتح وتلقى ضيف ماهو بغالي
ثم تنحر كرمك.. تقول له.. ويش جابك!!!

ضيفك اللي نهرته أنهره..!! ماطرالي
وليه واطرد شقى أجمل مساويْ غيابك

[ساره آل مسلم]

الله يقويك



على هيك ذوق>>>كانت قاعده تنقي عشان ترسل ...

[أبوعبدالرحمن]

الله يعطيك العافية يا ماجد

وبشارك معكم ببعض الابيات



صحيح قلبي من عرفته لا صمل يعني صمـل=لكن يا عمـري غيابـك لخبـط أم المسألـه
من شافني دونك يقول إني قبل لحظة ( ثمل )=واستغفر الله .. بس عقلي كن بعدك يسطلـه
يا كثر سكينٍ يبـي يظهـر إذا طـاح الجمـل=مشغول في حبٍ جمعنا جعـل ربـي يشغلـه

[ماجد نصار]

كيان مأسور حياك .. الله يوفقك في إنتقاءاتك وفي إختباراتك : )

[ماجد نصار]

ابو عبدالرحمن .. ياهلا ويامرحبا .. شرفت
مشاركه جميله جدا

تعال كل مره

[ماجد نصار]

كنت ادوّر لي مدينه ..
وش حصل يومٍ لقيتك..
شفتك أكثر من مدينه .. شفت مجموعة مداين
شفتك أكبرمن وطن
وصرت أول من يدور
له مدينه ثم يلقى له " وطن"
وعشتك أكثر من وطن
وش حصل ..يوم جفيتي
صرت أبحث عن مدينه
والوطن رااااح الوطن
وصرت أول واحدٍ
يملك وطن ثمّ يْتمنى
بعْد خسرانه .. مدينه,,!

[خالد بن محيل]

مشكور على هذا التميز