عميد اتحادي
26-10-2014, 02:10 AM
السلام عليكم ورحمة الله وبركاته
اتمنى يا موندياليين تكونوا في تمام الصحة والعافية
وين يجينا العافية وهذول لاعبين يلعبون في الفريق الأول
مباراة لولا الله ثم لعب وأخلاق الحواري لانتصر الاتحاد بأقل مجهود على فريق متواضع كالنصر !
قبل البدء بالنقد فأنا أيضاً اتقبل النقد والنقاش مع اخواني الأعضاء
لكن
عزيزي المشرف اللي دائماً كل ما كتبت موضوع حذفته .. اذا بيني وبينك شيء صفّه معاي إما في كل موضوع تحذفه هذه مصيبة !
حذفك للمواضيع مو على حسب مزاجيتك أو على حسب حبّك وكرهك للشخص حط هذي المعلومة براسك
البعض يتساءل .. ليش ما تكتب موضوع إلا للنقد؟ الجواب ببساطة لأن الاتحاد لما يفوز فهذا شي طبيعي ولما يقدّم مستوى مبهر هذا هو الاتحاد الطبيعي ويعطيني وضعية الصامت والمستمتع
اما اشوف فريقي يتبهذل مع اللي رايح واللي جاي ؟ لا والله ماراح اسكت لين يرجع اتحادي اللي اعرفه ومرض عام 2011 ومات عام 2012 ونحن لا زلنا كجمهور ننعش هذا الفريق ببصيص أمل
اعتذر على الإطالة وادخل بالموضوع
الكثير من الاخوان يقولون التحكيم سبب الخسارة
في الحقيقة مدري وين ابدأ
من بداية الدوري والفريق متواضع فنياً ويترنح قدام الفرق الصغيرة ونسمع بطبول صغيرة تقول
-لا تنتقد
- اسكت
- الفريق ممتاز
وهذي اول نتايج الدوا اللي يخدّر فيه الجمهور نفسه ! يحاول يقنع نفسه من بداية الموسم ان الفريق ممتاز وماشي بالطريق الصحيح وهو يعاني قدام الفرق الصغيرة وأفضل هدّاف في الفريق حالياً هو ماركينهو مسجل 3 اهداف فقط !
نعم .. الاتحاد على المستوى الإداري نجح في العودة لكن على أي اساس تطبّل لمستوى الاتحاد وهذا ثاني اختبار له بعد العين وسقط فيها بكرتين احمر وهدفين !
عمرو انور يقول بتصريحه ( فيما معناه ) .. " اتفادى اني اتكلم اليوم لأني لو تكلمت فإني راح ازعل ناس كثيرين " ألف علامة استفهام ومتأكد انه يقصد المستوى الفني للاعبين على المستوى الجماعي والفردي أيضاً
حال البعض من الجمهور يقول
- ماركينهو لاعب بطل لأنه جاي من دوري عالمي ( الإيطالي ) ومن فريق كبير ( روما - فيرونا ) وهو في الحقيقة لاعب أقل من عادي وسجلّه ضعيف وحبيس دكة الاحتياط في روما ، لكن دائماً تواجه بالأرقام وتقابل بالشتيمة والتطبيل الزائد ثم حذف للموضوع.
- ياكونان لاعب ممتاز .. ليش؟ لأنه لعب 12 دقيقة بكاس العالم وفي عام 2011 تهاوشو عليه بايرن وجوفنتوس .. طيب والحين في عام 2014 ؟ لاعب احتياط في فريق متواضع في الدوري الألماني .. أيضاً دوري عالمي ولكن سجلّه ضعيييييف ضعييييييف !!
- دياكيتي .. مجنون هذا اللاعب لأنه جا من الدوري الانقليزي ( الدرجة الأولى ) ! للمعلومية كتبت موضوع عن دياكيتي ان جمهور فريقه السابق كانوا مبسوطين لانه رحل ومستواه سيء وانحذف موضوعي ! سياسة تكتيم الأفواه ..
جميعهم لا عالميتهم ولا قوّة فرقهم فرقت في مستوياتهم معنا لأن سجلّهم الكروي ضعيف وهذي حقيقة مسجّلة بالأرقام
نرجع للمباراة
فريق النصر متواضع وغير مخيف بقيادة كانيدا لكننا أضعنا 3 نقاط بسبب تافه ومستوى فريق حواري .. لاعبين يرجعون الكرة للحارس والحارس يطيّر وكم مرة جابوا العيد قدام المرمى ماهو الا دليل على انه فيه بربسة ولعب بالتمارين ، ون تو على طريقة مبتدئين وتمريرات خاطئة ومقطوعة بين اللاعبين
كرت احمر بوقت قياسي لأبوسبعان مع تحفّظي على البطاقة الصفرا الثانية ، نرفزة من فواز راح توهّق الفريق في المباراة الجاية مع ان مستواه اصلاً ما يؤهله يكون مع الفريق الأول
مختار بلنتي .. لا زال هذا اللاعب يدور على ضربات جزاء اكثر من انه يبحث عن طريقة اخرى للتسجيل لا تسليم ولا استلام ولا ركض وسيصوم الفريق عن التهديف بسبب مجاملته وركن عبدالرحمن الغامدي بالاحتياط !
هدف أول يقهر ، محمد قاسم عجزان يتحرك ويطبّق مصيدة التسلل مع اللاعبين وكلفنا هدف
فريق بشكل كامل سيء بإستثناء احمد عسيري وعبدالفتاح عسيري
عقلية اللاعبين لا زالت مبرجمة على اللعب العشوائي ولعب مش حالك ولازم يتسجل فينا عشان نشد حيلنا ، فريق ما يؤمن باللعب الجماعي وبدون مهاجم انسى انه يؤدي
لو الاتحاد فعلاً يبغى ينافس فإنه يبغى له شغل كبير ومثل ما قال ابو ثامر انه على الأقل يبغى له سنتين سنة ونص يرجع الاتحاد مرعب.
بدون مجاملة .. نص اللاعبين ( وأقصدها حرفياً 15 لاعب في الفريق الأول من اصل 30 ) ما يستاهلون يلعبون في فريق الاتحاد وماراح اتكلم بالأسماء
رسالة إلى رئيس الاتحاد ابراهيم البلوي
بيتوركا ما اعتقد راح يسوّي شي هذا الموسم بسبب اللاعبين
اللاعبين الأجانب بعطاءهم مو من اسامي الأندية اللي تجيبهم منها
اختيار الاجانب ( يجب ) أن يكون دقيق ، ماذا قدّم لفريقه السابق وهل هو لاعب أساسي أو احتياط؟
مثل لمّا تجي توظّف شخص بشركة ، لازم تشوف السي في حقه وتشوف خبرته وإيش قدّم لشركته السابقة ، تشوف مستواه داخل الملعب بعدين تتعاقد معاه
أتمنى منك الصبر على بيتوركا والتعاقد بقدر الإمكان مع لاعبين محليين وأجانب ( مميزين )
رسالة لعادل جمجوم ..
لم ادرك حجم الدمار الذي سبّبته للإتحاد حتى رأيت فريق يلعب لعب حواري اليوم ببيعك للاعبين الكبار ككريري ونايف ونور ، والآن أدركت حاجتنا الماسّة لهؤلاء باستثناء نور لانه في بيته الآن .. فحسبي الله عليك ونعم الوكيل !
اتمنى يا موندياليين تكونوا في تمام الصحة والعافية
وين يجينا العافية وهذول لاعبين يلعبون في الفريق الأول
مباراة لولا الله ثم لعب وأخلاق الحواري لانتصر الاتحاد بأقل مجهود على فريق متواضع كالنصر !
قبل البدء بالنقد فأنا أيضاً اتقبل النقد والنقاش مع اخواني الأعضاء
لكن
عزيزي المشرف اللي دائماً كل ما كتبت موضوع حذفته .. اذا بيني وبينك شيء صفّه معاي إما في كل موضوع تحذفه هذه مصيبة !
حذفك للمواضيع مو على حسب مزاجيتك أو على حسب حبّك وكرهك للشخص حط هذي المعلومة براسك
البعض يتساءل .. ليش ما تكتب موضوع إلا للنقد؟ الجواب ببساطة لأن الاتحاد لما يفوز فهذا شي طبيعي ولما يقدّم مستوى مبهر هذا هو الاتحاد الطبيعي ويعطيني وضعية الصامت والمستمتع
اما اشوف فريقي يتبهذل مع اللي رايح واللي جاي ؟ لا والله ماراح اسكت لين يرجع اتحادي اللي اعرفه ومرض عام 2011 ومات عام 2012 ونحن لا زلنا كجمهور ننعش هذا الفريق ببصيص أمل
اعتذر على الإطالة وادخل بالموضوع
الكثير من الاخوان يقولون التحكيم سبب الخسارة
في الحقيقة مدري وين ابدأ
من بداية الدوري والفريق متواضع فنياً ويترنح قدام الفرق الصغيرة ونسمع بطبول صغيرة تقول
-لا تنتقد
- اسكت
- الفريق ممتاز
وهذي اول نتايج الدوا اللي يخدّر فيه الجمهور نفسه ! يحاول يقنع نفسه من بداية الموسم ان الفريق ممتاز وماشي بالطريق الصحيح وهو يعاني قدام الفرق الصغيرة وأفضل هدّاف في الفريق حالياً هو ماركينهو مسجل 3 اهداف فقط !
نعم .. الاتحاد على المستوى الإداري نجح في العودة لكن على أي اساس تطبّل لمستوى الاتحاد وهذا ثاني اختبار له بعد العين وسقط فيها بكرتين احمر وهدفين !
عمرو انور يقول بتصريحه ( فيما معناه ) .. " اتفادى اني اتكلم اليوم لأني لو تكلمت فإني راح ازعل ناس كثيرين " ألف علامة استفهام ومتأكد انه يقصد المستوى الفني للاعبين على المستوى الجماعي والفردي أيضاً
حال البعض من الجمهور يقول
- ماركينهو لاعب بطل لأنه جاي من دوري عالمي ( الإيطالي ) ومن فريق كبير ( روما - فيرونا ) وهو في الحقيقة لاعب أقل من عادي وسجلّه ضعيف وحبيس دكة الاحتياط في روما ، لكن دائماً تواجه بالأرقام وتقابل بالشتيمة والتطبيل الزائد ثم حذف للموضوع.
- ياكونان لاعب ممتاز .. ليش؟ لأنه لعب 12 دقيقة بكاس العالم وفي عام 2011 تهاوشو عليه بايرن وجوفنتوس .. طيب والحين في عام 2014 ؟ لاعب احتياط في فريق متواضع في الدوري الألماني .. أيضاً دوري عالمي ولكن سجلّه ضعيييييف ضعييييييف !!
- دياكيتي .. مجنون هذا اللاعب لأنه جا من الدوري الانقليزي ( الدرجة الأولى ) ! للمعلومية كتبت موضوع عن دياكيتي ان جمهور فريقه السابق كانوا مبسوطين لانه رحل ومستواه سيء وانحذف موضوعي ! سياسة تكتيم الأفواه ..
جميعهم لا عالميتهم ولا قوّة فرقهم فرقت في مستوياتهم معنا لأن سجلّهم الكروي ضعيف وهذي حقيقة مسجّلة بالأرقام
نرجع للمباراة
فريق النصر متواضع وغير مخيف بقيادة كانيدا لكننا أضعنا 3 نقاط بسبب تافه ومستوى فريق حواري .. لاعبين يرجعون الكرة للحارس والحارس يطيّر وكم مرة جابوا العيد قدام المرمى ماهو الا دليل على انه فيه بربسة ولعب بالتمارين ، ون تو على طريقة مبتدئين وتمريرات خاطئة ومقطوعة بين اللاعبين
كرت احمر بوقت قياسي لأبوسبعان مع تحفّظي على البطاقة الصفرا الثانية ، نرفزة من فواز راح توهّق الفريق في المباراة الجاية مع ان مستواه اصلاً ما يؤهله يكون مع الفريق الأول
مختار بلنتي .. لا زال هذا اللاعب يدور على ضربات جزاء اكثر من انه يبحث عن طريقة اخرى للتسجيل لا تسليم ولا استلام ولا ركض وسيصوم الفريق عن التهديف بسبب مجاملته وركن عبدالرحمن الغامدي بالاحتياط !
هدف أول يقهر ، محمد قاسم عجزان يتحرك ويطبّق مصيدة التسلل مع اللاعبين وكلفنا هدف
فريق بشكل كامل سيء بإستثناء احمد عسيري وعبدالفتاح عسيري
عقلية اللاعبين لا زالت مبرجمة على اللعب العشوائي ولعب مش حالك ولازم يتسجل فينا عشان نشد حيلنا ، فريق ما يؤمن باللعب الجماعي وبدون مهاجم انسى انه يؤدي
لو الاتحاد فعلاً يبغى ينافس فإنه يبغى له شغل كبير ومثل ما قال ابو ثامر انه على الأقل يبغى له سنتين سنة ونص يرجع الاتحاد مرعب.
بدون مجاملة .. نص اللاعبين ( وأقصدها حرفياً 15 لاعب في الفريق الأول من اصل 30 ) ما يستاهلون يلعبون في فريق الاتحاد وماراح اتكلم بالأسماء
رسالة إلى رئيس الاتحاد ابراهيم البلوي
بيتوركا ما اعتقد راح يسوّي شي هذا الموسم بسبب اللاعبين
اللاعبين الأجانب بعطاءهم مو من اسامي الأندية اللي تجيبهم منها
اختيار الاجانب ( يجب ) أن يكون دقيق ، ماذا قدّم لفريقه السابق وهل هو لاعب أساسي أو احتياط؟
مثل لمّا تجي توظّف شخص بشركة ، لازم تشوف السي في حقه وتشوف خبرته وإيش قدّم لشركته السابقة ، تشوف مستواه داخل الملعب بعدين تتعاقد معاه
أتمنى منك الصبر على بيتوركا والتعاقد بقدر الإمكان مع لاعبين محليين وأجانب ( مميزين )
رسالة لعادل جمجوم ..
لم ادرك حجم الدمار الذي سبّبته للإتحاد حتى رأيت فريق يلعب لعب حواري اليوم ببيعك للاعبين الكبار ككريري ونايف ونور ، والآن أدركت حاجتنا الماسّة لهؤلاء باستثناء نور لانه في بيته الآن .. فحسبي الله عليك ونعم الوكيل !