مواضيع في موضوع ( سبحنة مرتاح )

[مرتاح البال]

بسم الله الرحمن الرحيم

السلام عليكم ..


كيف حالكم ..؟


اول شيء اعتذر للاخت اشراقة امل <-- زي كذا اسمها

طلبت مني صورة النحلة بدون كتابة والى الان ماجبتها :11utup:والله مالقيت موقع يرفع 2 ميقا ، فياليت اللي عندة يرسله لي واكون شاكر لهـ ..

زود على هذا اني منشغل ها الايام بالاختبار ( دعواتكم )

اليوم غير بالنسبة لي

اليوم ماعندي صور حلوة كلها عادية

اليوم عندي سبحنة <--- ودي اطلع اللي قلبي

نبداء بالصورة ثم عقب نتكلم ...

http://www.al9da.net/vb/attachment.php?attachmentid=1383&d=1208483503

ليه اذا شفت الصورة تقول جو رومنسي

المشكلة حنا شعب ما نعرف الرومنسية وشلون قايلة ..؟

سؤال يتبادر إلى ذهني مرة ثانية ،، وشلون اصير اطلق رومنسي

<-- يقول الله يعين اللي تبي تصير زوجتي ههههههههههههههههههههههههه ههههه


http://www.al9da.net/vb/attachment.php?attachmentid=1379&d=1208483432

مكان الصورة واضح ( جامعه الملك سعود )

الوقت : ايام الاختبارات الترم الاول ..

كنت رايح للجامعه وعندي اختبار والجو اوكي ،، وانا دايم امر من عند ها المكان اللي يخليك تشوف الرياض من فووق ...


<-- اربط حزام الامان ( على اليمين في الصورة نفسها )

على فكرة ترى الارض الفاضية هذي بيحطونها فيها جامعه البنات اللي في عليشة بيحطونها في ها الارض الفاضية ( حركات يا البنات )

الله يعينا على السواويق
كل يوم ابروح اصور صورة بانورامية بس يطلع غبار ولا اصور

ليه ...!

ليه النقاشات بين السعوديين مالها نهاية ولافية امل احد يقتنع

مرة من المرات طالعن مع اخوياي كان نقاشنا عن العسكري هل يفضل ان يكون شهادة ثانوي او جامعه

وكان واحد منهم عسكري معه شهادة ثانوي ،، المهم من الحماس في النقاش عصب نواف ويقول لمتعب ( العسكري ) ياخي انت ماجاوبت على جوابي

.....

ليه كل شيء عندنا ممنوع

في احد المباريات رحت احظرها وقلت ابأخذ معي الكاميرة اصور الجمهور والمباراة ، اول ما دخلت عيا الشرطي يدخلها ،، يقول انها ممنوعه ،، بالهواش دخلناها

يوم دخلت الملعب وجلست اصور وشافني شرطي ثاني قالي دخل كاميرتك والا كسرتها قدامك

.....

لية الاشغال تجيك مرة وحدة

تلقى اسبوع كامل ماعندك شيء

وعقب الاسبوع يجي يوم كله اشغال <-- دايم تصير معي

....

لية اذا صار الجو برئ حلو وانت نايم ما تقوم ،، اما اذا صار غبار قمت

....

ليه دايم العيب في الرجال مهب في الحرمة ،، تلقاهم يرفضون الولد اللي خاطب بنتهم لان راتبه قليل وتلقى بنتهم كل العيوب فيها ( ماتعرف تطبخ ولا تعرف تنظف )

.....

ليه اذا كنت ناوي اكتب موضوع تطلع السواليف والافكار واذا جيت اكتب تروح



ليه ليه ليه تكتب موضوع هههههههههههههههههههههههه

http://www.al9da.net/vb/attachment.php?attachmentid=1380&d=1208483432

الاشياء الباردة والحارة حلوة <-- بدري

دايم اذا جيت اذاكر لازم تكون الكاميرة جمبي اجلس اصور بها


http://www.al9da.net/vb/attachment.php?attachmentid=1382&d=1208483432

شوفو الشمس وشلون جايه مع السحب .. ،، ألوانها غريبه ( سبحان الله ) ...

http://www.al9da.net/vb/attachment.php?attachmentid=1381&d=1208483432

وشو هذا <-- ترى احتري الجواب



اصعب سؤال في حياتي

وش العشاء

وبس

[كاسب العز]

مرتاح البال

افكار جميله دقه اتقان ماشاء الله عليك

عجبتني هذه الصوره في فكرتها وتنفيذها

http://www.al9da.net/vb/attachment.php?attachmentid=1380&d=1208483432

شد حيلك دوم متميز

انتظر جديد ابداعك بــ فارغ الصبر


http://www.yesmeenah.com/smiles/smiles/50/dear%20(1).gif

[@الخياله@]

ماشالله تبارك الرحمن

تصوير رااائع

سلمت يداك

صورة الشمس مع السحاب أكثر

شي عجبتني

ربي يوفقك ويحفظك

مشكوور


.
.
.



أختكـ الخياله

[إشراقـ أمل ـة]

أخوي مرتاح البال ..



اول شيء اعتذر للاخت اشراقة امل <-- زي كذا اسمها

أولا / لا إعتذار بين الإخوة ...

ثانيا / اسمي صح بس ينقصه الهمزات هي اللي بتحليه !!!


طلبت مني صورة النحلة بدون كتابة والى الان ماجبتها والله مالقيت موقع يرفع 2 ميقا ، فياليت اللي عندة يرسله لي واكون شاكر لهـ ..

أخوي مرتاح البال ريح بالك وربي تلاتة صور للنحلة محتفظة بها في الصور وهذا يكفي .. يكفي تعبك أخوي ولا تكبر السالفة إحنا إخوة تذكر ذلك جيدا ..

نناقش موضوعك ..

الصور ابداع في ابداع أنت موهبة فذه ماشاء الله عليك

أي صورة من يدك تطلع جميلة ورائعة ...

تسلم الأيااادي يامبدع غرابيل ..

حق لنا أن نفخر بوجود شاب يعمل بتفاني وإخلاص من أجل غرابيل ...

هنئا لك غرابيل بمرتاح البال ..

وكلامك كان صائبا ورائعا ...

أسأل الله لك دوام التوفيق يااارب ..

[طيف]

ماشاء الله تبارك الله

صور في غاية الجمال

ابداع وفن تسلم يمناك اخوي

ويعطيك الف عافيه

[فوووووشي]

http://foooshy7878.googlepages.com/Foshy1.jpg
****

يه يه يه يه ياناااس عندكم احترافي ...!!
بجد تصوور وانت مرتااح واضح من صوورك بانك مزااجي

يالعسكري منت هين هههههههههههههههه الا صدق يابختك لو تصير عسكري وجامعي ابك رواتبهم عااااليه<<الا وش تخصصك :مزون:
هههههههههههههه

بصرااااحه كل صوووره تقل الزوود عندي...
وادوووخ انا ع الشمعه والجو الحريقه :خجل:

يعجبني اسلووبك وطريقة تفكيرك واو
وياما بالجامعه مضاليم خرجت لنا اجيال تعشق الفن وتتميز به.....احم :مزون:

جد موضوع وصوور بالذااكره لا يمكن ينسى ....
يعني وشسمه ما قلت كامك وش نوعها وكم البيكسل تبعه؟؟

بصراحه ابددددددددعت

****
http://foooshy7878.googlepages.com/Foshy2.gif

[TαlαL]

http://www.al9da.net/vb/attachment.php?attachmentid=1380&d=1208483432

يالبا قلبك ياشيخ وربي انك مبدع ومن أعلى طراز

مرتاح البال

اعجبتني واعجبتني وابهرتني بجمالية فكرتها ..

الله يسعدك ياشيخ

على هالروائع الي نشوفهامن ابداعاتك

لاتحرمنا كل جديد لك يامـــبدع يافنــان

موفق يارب

[][ سما الدوحه ][]

الله رووووعه..

اعجبتني صوره الـ mocah

والسحاب..

يعطيك العافيه على تصوريرك المميز



سما

[N n y ~]

ياهلا والله وينك ياراجل زماااان عنك

منورنا من جديد وجديدك هالمرة غير غييييير

بعلق على كل صورة استلم :مزون: :

" الشمعة "

فكرتها حلوة والاضاءة كانت فيها غير معطية ألوان جدا روووعة للصورة

واصل ابداعك .. وتميزك بالأفكار


"الرياض "

تهبل تهبل تهبل

ماشاء الله عليك

بجد طالع شكلها غير

ومعطية كذا فكرة للصورة

أن الرياض بها عمران تطور يعني وصحراء كأصل الأرض ونخيل اعتزاز و فخر :مزون:

<~ تحليلها خخخخخخخ

عيني عليك باردة


" صورة الأشياء الباردة والحارة :مزون: "

واااااااااااو

تنفيذ الصورة كان خطير وباين من الصورة أنه كان متعب شوي :wink:

بس بجد يآخذ العقل

يعني نوكمنت


" صورة الشمس مع السحب "

بصراحة انبهرت بيها

سبحان الخالق

ياليت تقوللي وين التقطت هالصورة بالضبط ؟

وضوح الصورة تدل على أن يد محترفة مصورتها


"صورة الشجر "

خخخخخخخخخخخخ

أضحك عليها لأني دايم أسوي هالحركة بس طبعا بكامرة الجوال :(

وتعجبني هالحركة ليه مدري

بس تعطي شكل غير وخطنطيير



مرتاح البال ,,

اش أقلك بعد كل اللي قلته وشفته أنا :مزون:

أتمنى لك مستقبل باهر في التصوير ومجالك الدراسي

والله يوفقك وين ماكنت

وتسلم لنا يمينك وعدستك


دوما بانتظار جديدك

[خــــالـــــد]

مرتاح البال
ـــــــــــــــــــــــــ ــــــ
اللي يتصفح مواضيعك ولا يروّق ترى ما عنده سالفة !

تسلم يا لغالي

ويعطيك ألف عافية على الإبداع

صور في غاية الإبداع والجمال

تقبل شكري وودي
ـــــــــــــــــــــــــ ــــــ
أخوكـ/خالد

[•.'Deem'.•]

8888

صدقت والله ياخالد ..

مرتاح البال ...

تصويرك جنااااااان ماشاء الله عليك ...

ابدااااااااع مادري شقول ؟؟!! ماشاء الله عليك ..

كل صوره تقول الزود عندي ..

اما اخر صوره اتوقع والله اعلم انها كشتك (شعرك .. شوشتك .. :مزون:)امزح خيو ..

هذي شجره بس شكلها ياقلبي جافه شوي ..

مرتاح ..

الله يريح بالك وقلبك بالعافيه يارب ..

وماننحرم يارب ..

تحياتي ..

[مرتاح البال]

شاكر لكم تعليقاتكم لي عودة للتعليق على كل التعليقات <-- اتحدى احد يقولها كم مرة :)

[فخر أهلها]

تسلم يمينك يامرتاح

صور ولا احلى

بددعت فيها بصرااحه

لك ارق تحيه