ضابط مظلي

[سامي العتيبي]

السلام عليكم ورحمة الله وبركاته




يا ذيب لا تعوي بعد جاوبك ذيب = قبل الظما والجوع خلّ العولّي
يا ما مع الطرقه كسبنا الاصاحيب = ويا ما درسنا فالزمان المولي
واليوم لا تنشد ورا صوتي يغيب = مالك من المردود لو ربع ملي
يطري علي يا ذيب بعض الهناديب = ولانته بفاهمني ولو قلت قلي
شفت الثريا قلت يا عالم الغيب = يا ليتني نجم ٍ معاها متعلي
واثر طلوع الجوّ يحتاج تدريب = حتى تجي يا ذيب ضابط مظلي
عذبتني يا سيد كل الرعابيب = إن مر طيفك قمت ارحب واهلي
والله يا لولا الخوف من كلمة العيب = لاطيح في ظلك بعد عفت ظلي
لقيت في نظرة عيونك تعاجيب = شي ٍ يسل الحال يا زين سلي
ولقيت في خدّك متاهه وتغريب = أضيع من برّاق مزن ٍ شعلي
ولقيت في ضحكة شفاك التعاذيب = اليا رسمت جيتك من الشوق كلي
وتلوم راسي يوم ينبت به الشيب = الله عليك ارحم بحالي وش اللي
يمنعك لا تضمد على الجرح ويطيب = واسكن بقلبك حيث هذا محلي
مار انكفت والحال مسموم يا ذيب = متى تجي يا ذيب ضابط مظلي ؟






وسلاامتكمـ

[منصور الحربي]

مساءك سكر :


الغالي سامي العتيبي :



صح لسانك واعتلا شانك .. قصيدة قمة في كل شي ..

[حامد الروقي]

بيض الله وجهك ياسامي



وصح لسانك شهادتي فيك مجروحه




تحياتي

[احمد مناحي]

سامي العتيبي

هلا بك وغلا

صح لسانك الى رضاك

قصيده رائعه ياسامي

كتبت فابدعت الله لايضرك

تقبل مروري

[محمد نايف العتيبي]

.


سامي العتيبي


.


بيض الله وجهك ياذيبان



ابيات جزله


صـح لـسانك لاهنت...



دمت بخير



محمد بن نايف