~~~~~~~ يانجمممممم~~~~~~~.

[تاجر مواشي]

اغنام - ابل - دواجن - طيور


~~~~~~~ يانجمممممم~~~~~~~. (http://www.aghnam.com.sa/vb/showthread.php?t=369438)


يانجم ياللي غبت من غبت مابنت
وش حال بين أيام مجدك وبينك
الشمس تطلع وأسأل الصبح وين أنت؟
وتغيب شمسي واسأل الليل وينك
وين انت أنا منهان لاهنت
منهان من شخص عجز لايهينك
أرجع متى ترجع؟ أنا انهنت وسجنت
واللي سجني كان قبلي سجينك
أرجع ورجع مجد ماضي كما كنت
ورجع من المديون للناس دينك
ياقاسي في وجه الأضداد مالنت
ومن صاحبك ينعم بعطفك ولينك
حتى على خصمك من احسانك أحسنت
وياما عطيت من كل غالي يمينك
بالسيف في شبه الجزيرة (تسلطنت)
أخضعت أهلها وملكنه يدينك
مثلك ولد والله فلا جابته بنت
لاشك عين يمهلنك سنينك
أقولها وينك وأنا أدل ؤوين أنت
لاشك من زود القهر قلت وينك
وياقصر ياللي بدلوا طينك اسمنت
أحذر تخون وتنكر أصحاب طينك
الله يخونك كان لأهل الوفا خنت
ووفيت للي بالوفا خاينينك
ياقصر لاتسكن وان انضمت وسكنت
خفس قهر وأخفس معك ساكنينك
ياقصر مهما زينوا فيك مازنت
(زينك) رحل وان عاد لك عاد زينك

المصدر: منـتـديات أغـــنـام (http://www.aghnam.com.sa/vb) - من قسم: هـمس القــوافــي والخواطر (http://www.aghnam.com.sa/vb/forumdisplay.php?f=89)


ZZZZZZZ dhk[llllllZZZZZZZ>