مشاهدة النسخة كاملة : بشير
عباس المخضرم
11-04-2008, 04:08 AM
فيه شاعر مع الشعار واسمه بشير=جيت ابا اعطيه نبذه طيبه فالحياه
قالها اللي معه للحرب سيفٍ شطير=لا لقا الخصم مايبغاء من أحدٍ وصاه
عمدة الشعار
11-04-2008, 05:29 AM
من بشير!؟
بشيـــر
11-04-2008, 06:04 PM
فعل هذا المخضرم بيننا مايصير=كيف جانا ولاسلم ويروي رواه
دام جاني كذا.!! مافيه لف وتدوير=زدت ناري حطب والكل ياخذ جزاه
بعيد المراميس
11-04-2008, 08:54 PM
عباس وبشير وقاف مخضرم ومعنى
صحت السنتكم وسجلوا متابعتي للفائده
تحياتي لكم
اخوكم
عباس المخضرم
15-04-2008, 05:30 PM
ليه اسلم وانا ماجيت والقصد خير=تاتقوم القيامه يالحفاه العراه
كان هذا كلامك هالوعد في عسير=والجوايز ليا منك طلعت السراه
عباس المخضرم
15-04-2008, 05:32 PM
بعيد المراميس
صح بدنك وانت دكتور في فن المحاوره الفايده لنا بمتابعتك
بشيـــر
15-04-2008, 07:44 PM
بعيد المراميس
صح بدنك
متابعتك شرف لنا
ولا هنت
بشيـــر
15-04-2008, 07:49 PM
لوتقوم القيامه ماينير المنير=وانت تنكر كلام وكل عينً تراه
وانت منت بمدرس ولانته بالمدير=صرت شاعر ومع هذا تبيلك رقاه
عباس المخضرم
16-04-2008, 12:29 AM
أنت سنك صغير وعقلك ايضاً صغير=لا أسعد الله صباحه لا أسعد الله مساه
غيرك يشوفني والا انت مالك ضمير=ماحدٍ واقفِ لي ,, لو قلبه حصاه
محمد نايف العتيبي
16-04-2008, 02:16 PM
.
ايـــــه اللهبه هههههههههه
هذي والله المحاوره الهجوميه مير حتى جاين بدون مواضيع .
المخضرم اسم على مسمى صح لسانك ولاهنت ..
بشير هههههههه ارحب يابشير صح لسانك ولاهنت ..
دمتم بخير
محمد بن نايف
بشيـــر
16-04-2008, 06:02 PM
محمد نايف
صح بدنك
وسلمــــــت
بشيـــر
16-04-2008, 06:04 PM
البشر ماتشوف الابو عقلً كبير=ول ياهالعجوز الي تصيب الدعاه
انت والي معك والي بدربك يسير=كلكم حبةً في وسط هاك الرحاه
عباس المخضرم
16-04-2008, 06:33 PM
الك منقار مايدمي و جنحان طير=والك بيتٍ بنيته مايذري ذراه
اسبح البحر ثم لا تحسبنه غدير=البحر ياعميل الخير يغرقك ماه
بشيـــر
17-04-2008, 01:22 AM
انا لي وانت لك والله عليمً خبير=ماحمدنعمت العين ... يوم الله عماه
قد سبحت البحر يوم أن بحري غزير=كل كلمه تقوله.!! يمك الاتجاه
عباس المخضرم
17-04-2008, 02:23 AM
محمد بن نايف
شهاده اعتز بها وصح بدنك يالذيب
بشير
انت موهوب والله يعيني على صقل موهبتك :)
لنا لقا ودرس اخر
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir