غيابك

[مجنونة حنونة]

تعال وشوف غيابك وش عمل فيني @@حبيبي ما عندي صبر يتحمل التاخير
رحلت وعقبك الدنيا غلاها طاح عن عيني @@اجاوب اللي يسال عن اخباري و اقول بخير
و انا لاخير في غيابك ولا حاجة تهنيني@@علي طاريك كل لحظه ولا احتاج للتذكير
حريص القلب ما ينسى عيونك لا توصيني @@محد يقدر يعوضني لانك في عيوني غير @@ومهما شفت انا الفرحة بدونك ما تسليني

[احمد مناحي]

مجنونه حنونه

هلا بك وغلا

صح لسانك على هالمحاوله الجميله

ولي وجهة نظر ان سمحتي لي بها من باب الافاده والاستفاده

تعال وشوف غيابك وش عمل فيني @@حبيبي ما عندي صبر
يتحمل التاخير

هذا البيت مكسور الصدر والعجز ولو قلتي :

تعال وشوف يالغالي غيابك وش عمل فيني = حبيبي مابقى عندي صبر يتحمل التأخير .

لكان افضل واصلح للوزن ..

رحلت وعقبك الدنيا غلاها طاح عن عيني @@اجاوب اللي يسال عن اخباري و اقول بخير

في هذا البيت كسر في العجز :

ولو انك قلتي :

اجاوب كل من يسأل عن اخباري وا قول بخير .

لكان افضل ....

و انا لاخير في غيابك ولا حاجة تهنيني@@علي طاريك كل لحظه ولا احتاج للتذكير

هذا البيت جميل رغم الثقل في العجز في كلمة (كل)

بالتحديد ..

حريص القلب ما ينسى عيونك لا توصيني @@محد يقدر يعوضني لانك في عيوني غير @@

هذا البيت روعه يستحق الوقوف عنده كثيرا ..

ومهما شفت انا الفرحة بدونك ما تسليني

هذا الصدر اين العجز ؟

ثم ان نصاب القصيده سبعة ابيات ..

يعني ماقل عن السبعة ابيات لاتسمى قصيده ..

الامر المهم

لديك الملكة الشعريه ومع كثرة القراءه وزيادة الحرص

وتكرار المحاولات ستنجحين وستبدعين بااذن الله ..

كلنا وقعنا في اخطاء في بداياتنا لكن مع الوقت

والاستماع للنصائح تلافيناها ....

اتمنى ان تتقبلي تطفلي برحابة صدر ..

وفق الله الجميع

[سعود المجلاد]

قصيدة أو محاوله رائعه أختي العزيزة أستمعي لنصائح أخوي أحمد وبالتأكيد ستصلين للقمه مع هذا الرائع

وعندما حبك الوزن أخوي أحمد كانت قصيدة في قمة الروعه لكي مودتي

[عبقرينو]

ماشاء الله كثير المواهب في الشعر لاكن محتاجه ممارسه دون انقطاع في اي موقف واي زمن

[غلا بلادي]

السلام عليكم ورحمة الله وبركاته

.

ربما لايحق لي الرد

لكن ارى انه من واجبي ان تتضح الحقيقة

وهذا مااقوم به في كل منتدى أشرف عليه او انتمي له

القصيدة مشهورة

واتمنى ان تكوني فعلا صاحبتها

وهاهي كاملة :

تصدق وإلا ماتصدق .... أنا عاجز عن التفكير
تعال وشوف في عينك غيابك وش عمل فيني
* * *
حبيبي مابقى عندي صبر يتحمل التأخير
رحلت... وعقبك الدنيا غلاها طاح من عيني
* * *
أجاوب اللي يسألني عن أخباري وأقول بخير
وأنا لاخير بغيابك ولا حاجه تهنيني
* * *
على طاريك كل لحظه ولأحتاج للتذكير
حريص القلب ماينسى عيونك لاتوصيني
* * *
محد يقدر يعوضني لأنك في عيوني غير
ومهما شفت أنا الفرحه بدونك ماتسليني
* * *
أنا حبيتك وهالغلطه حبيبي مالها تبرير
علاقة حب مجنونة مابين أحزاني وبيني
* * *
وكيف الحال وشلوني جواب مايبي تفسير
بدونك أنت ماتضحك حياتي وترمش سنيني
* * *
مثل شاعر عجز يوصف شعوره وخانه التعبير
أنا ضايع ولاأدري من فراقك أنا ويني
* * *
مثل طير كسر بعدك جناحه وماقدرت أطير
أحاول أبتسم وأنسى ولكن وش ينسيني
* * *
أشوفك في صباحي إنت معنى ياصباح الخير
وأشوفك في مسائي حلم وردي لاتصحيني
* * *
تصدق السهر يرسم عيوني ويتقن التصوير
ويشق النور في صفحة حياتي وماألاقيني
* * *
أنام وشلون ومشكلتي عجزت ألقى لها تدبير
طلبت النوم لحظاتة وعيا النوم يعطيني
* * *
تغير وجهي من أول غيابك وإبتدى التأثير
حبيبي من التعب كافي خذيت اللي يكفيني
* * *
ياأغلى من رحل عني ياكل الحب والتقدير
تعال كان لي عندك معزه وكان تغليني
* * *
تعال إن كنت تعشقني وإذا فعلا تبي لي خير
تعال ومد لي كف الوصل وآمد كفيني
* * *
وإذا كان الجفا واجب بدى من قلبي التقصير
أبيك الحين ترجع لي ولا ترجع تخليني
* * *
أنا ماأقول اللي صار فيني ماهقيته يصير
لأني كنت متأكد بأن البعد ينهيني

/


حاولت أرسل رسالة للمشرف المسئول دون ان أرد تجنبا للاحراج

لكن مشاركاتي لاتسمح..

عذرا على التدخل,,,

[غلا أبوها]

الأخت غلا بلادي كلامها صحيح القصيدة مشهوره

مشا الله عليك مجنونة القصيده لك رووعة