شرقاوي
19-03-2004, 12:21 AM
يالربع والربيعات ابقولكم سالفة صارت لي اللة لايعيدها واحمدوا ربكم على العافية لا اللة يبتليكم بشي لايحمد عقباة حلوة عقباة متعوب عليها شوي ومطلعها من اخر الفهرس الي في راسي .
تجيكم السالفة دخلت اخر الليل غرفتي وانا الى ارجف الباب برجلي مسوي فيها زعلان وضايق صدري تراني اذا زعلت اعطي بقوس برجولي . متاثر بذاك الياباني شتني شان مدري صح على اسمة .
المهم وماطاحت عيني الا على السرير هو ازين شي في الغرفة واجي اتسحب بشويش وادبج براسي على المخدة الى كلها سعابيل وطالعة كنها خريطة الفارسي كل المعالم الطبيعة وغير الطبيعية طالعة فيها؟؟؟ واللة من وسع الفم الى تقول حصالة قروش عجزت وانا اربطة بجلال امي . جلست افتح واغمض بعيوني ابي النوم يجي ماجاء مع اني متروش قبل اسبوع في اطلق خزان .
قلت خلني العب بالجوال وادقدق مثل ذا الشباب (اعقب عاد نفسة مهوب منهم) قلت من وين ابدء قلت مافية الا الارقام الجديدة 059 يمدحونها العيال يقولون تراها كذا . تراني رافع مصبعي يوم اقول كذا . وامسك جوالي المكسر الى تقول فم شايب هادة السوس والتمر . واسمي باللة وابدء الا يرد على واحد يقول التلفون مهوب في الخدمة يابعدي تحطمت شوي بس تذكرت كلام استاذ مصطفي يوم يقول لاتصير عندك الروح الانهزامية ..
وادق الرقم الثاني وانا عاض على برطمي التحتي .ومطير عيوني في الجدار . الا يوم رد ذاك الصوت الى من زينة استحيت وتغطيت بالبطانية وقمت اتاتع ابي اقول السلام عليكم وعيت تجي معي مع اني دايم اقولها عند اخويا ابوي . واخيرا قلتها مع عطسة هذا كبرها (يعني تفقع الاذن) الا البنت\ اسمعها تقول ارحمك اللة . قلت زين واللة فاتحة خير على نياتي . بس تدرون ماعندي اسلوب والا اعرف اتكلم لقافة اخر الليل مالها سنع
واقول لها وش اسمك يالحلوة الا اسمع دبج بالسماعة وبغت تنزل من عيني دمعة بس مسكتها اخر لحظة وقمت
اقول براسي كذا وكذا (اهزهزة) قلت ابدق مرة ثانية الا يوم ردت بنفس خايسة وش تبي انت الحين . الا قامت الدنيا تسود وتبيض في عيني ماني متعود على الكرش والتطنيش .(ولد عز على غفلة ) الا البنت\ تقول وش تبي متصل اخر الليل علينا قلت شوفي انا ضايق صدري وقلت ابي احد اسولف معة ويونسني لين ارقد لاني متعود وانا صغير كانت امي تقول لي حتوتة (اتميلح وانا اقولها) مسوي نفسي من عيال الشيوخ والنعمة . الا كم عمرك وش اسم اكبر اخوانك ؟؟ البنت\ سخيف واهبل ودبج بالسماعة بصراحة قلت مافية الا( ريفو ) هو الى عندة اسلوب من يوم كان في سادس علية تعبير ودايم يكتب اربع صفحات .
الو ريفو هلا بشرقاوي العلة وحروف التمني . قلت لة انا في مشكلة قال بعدين كلمني انا مشغول معي مكالمة وتراني ناشب بعمري معها؟؟؟ لاياشيخ . ريفو اخلص هات وش عندك .
قلت اسمع انا تعرفت على وحدة قبل شوي (خلاص حطها يعرفها ابو الشباب ) بس ماتبي تسولف معي مدري ليش مع اني واللة اكلمها وانا منسدح يعني ماني متكبر مثل بعضهم .
ريفو\ انكتم بس الا ماعندك اسلوب من يوم عرفتك اسمع اذا اتصلت عليها طير عيونك فيها شوي واذا شفتها دنقت براسها معناها تبيك . وبعدين شف اذا كلمتها سد خشمك عشان صوتك يجي ناعم وتقول في خاطرها رومنسي بالدرجة الافقية . وشف خلك ثقيل ومربط اذنيك ولاتلعب عليك وتقول اشحن لي ترا بتعرف انك سبهة ومهبول وبتطيح من عينها . وعليك بالكلام الزين عاد احس انة يقولها وهو يهز راسة لي خابرة واحساسي مايخيب من يوم الاتحاد مانهزم في الدوري .الو ومساء الخير مدري صباح الخير. قايلها وانا ساد خشمي بعد عشان لاتقول كبير(سن) البنت\ نعم . قلت
انا اسمي نواف (ياكذبي كذباة يسمع بالاسامي الزينة ) وعمري عشرين سنة وحاط سكسوكة مثلثة ولاتهون لاباش كيري . وتراني مثقف ومعي شهادة هاااة وتراها بعد مو ليلية . احس ان لساني انطلق وفارق بطولين عنها
(متاثر بسباق الخيول) وبصراحة انتي شمعة حياتي واطلق من لمبة حجرتي . واذا سمعت صوتك ارتاح مرة وكن الهلال متأهل للنهائي . (المخ كروي بحت اللة يخلف) وشوفي انا راح اعوضك كل الهزائم الى مرت في حياتك انا واللة عارف من قل الموارد المادية عندكم في البيت . قمت امسح شعر راسي بيدي احس اني تكلمت كثير ولا متشقق انها جالسة تسمعني .
البنت\ بصراحة ارتحت لك من يوم سمعت الاتغة الى في لسانك لانة جاني احساس انك مالك علاقات داخلية واجنبية (مهيب عاقلة الى عندها كاشف) شف انا اسمي (مريم) ؟؟(اللة يازين الاسم تصدقين انة من الاسامي الجديدة ) شف ترا يقولون اني اشبة زينب العسكري مدري الحرامي . ولا بعد اقدر الحياة البيتوتية تتميلح الملعونة الظاهر نوت تغرغر فيني شافتني على نياتي .. شوفي بصراحة انا فكيت معك اووووة قصدي ارتحت لك وودي اتكلم معك تراني عاطل وماعندي شغل ولامستقل ولاتهون بقية القنوات الفضائية وترا اطلق شهادة عندي سادس وتخب على بعد . والبنت جالسة تسمع كني جالس اغني لها مو اسولف نعبوا بليسها . مامدني اقول لها ترا انا صريح مرة لاتواخذيني الا ذيك التفلة وش كبرهااااااااااااا مع تسكيرة التلفون .. انواع طيحة الوجة وتجميعة اقول بعض الصراحة مالها داعي .. ......
مايستفاد من القصة :
1. اذا بغيت تكلم بنت خل في مخباك عشر بطاقات سوا .
2. لاعمرك تصارح بنت بالحقيقة ..
3. حاول تطور نفسك بالدوجان والروحات للسوق وملاحق العبايات المخصرة .
4. ترا الفراغ يسوي شي مالة سنع عند الشباب والشبابات ...
عارف اني طولتها عليكم شوي بس ترا الفراغ ووضعة في المكان المناسب رايح فيها عندي
تجيكم السالفة دخلت اخر الليل غرفتي وانا الى ارجف الباب برجلي مسوي فيها زعلان وضايق صدري تراني اذا زعلت اعطي بقوس برجولي . متاثر بذاك الياباني شتني شان مدري صح على اسمة .
المهم وماطاحت عيني الا على السرير هو ازين شي في الغرفة واجي اتسحب بشويش وادبج براسي على المخدة الى كلها سعابيل وطالعة كنها خريطة الفارسي كل المعالم الطبيعة وغير الطبيعية طالعة فيها؟؟؟ واللة من وسع الفم الى تقول حصالة قروش عجزت وانا اربطة بجلال امي . جلست افتح واغمض بعيوني ابي النوم يجي ماجاء مع اني متروش قبل اسبوع في اطلق خزان .
قلت خلني العب بالجوال وادقدق مثل ذا الشباب (اعقب عاد نفسة مهوب منهم) قلت من وين ابدء قلت مافية الا الارقام الجديدة 059 يمدحونها العيال يقولون تراها كذا . تراني رافع مصبعي يوم اقول كذا . وامسك جوالي المكسر الى تقول فم شايب هادة السوس والتمر . واسمي باللة وابدء الا يرد على واحد يقول التلفون مهوب في الخدمة يابعدي تحطمت شوي بس تذكرت كلام استاذ مصطفي يوم يقول لاتصير عندك الروح الانهزامية ..
وادق الرقم الثاني وانا عاض على برطمي التحتي .ومطير عيوني في الجدار . الا يوم رد ذاك الصوت الى من زينة استحيت وتغطيت بالبطانية وقمت اتاتع ابي اقول السلام عليكم وعيت تجي معي مع اني دايم اقولها عند اخويا ابوي . واخيرا قلتها مع عطسة هذا كبرها (يعني تفقع الاذن) الا البنت\ اسمعها تقول ارحمك اللة . قلت زين واللة فاتحة خير على نياتي . بس تدرون ماعندي اسلوب والا اعرف اتكلم لقافة اخر الليل مالها سنع
واقول لها وش اسمك يالحلوة الا اسمع دبج بالسماعة وبغت تنزل من عيني دمعة بس مسكتها اخر لحظة وقمت
اقول براسي كذا وكذا (اهزهزة) قلت ابدق مرة ثانية الا يوم ردت بنفس خايسة وش تبي انت الحين . الا قامت الدنيا تسود وتبيض في عيني ماني متعود على الكرش والتطنيش .(ولد عز على غفلة ) الا البنت\ تقول وش تبي متصل اخر الليل علينا قلت شوفي انا ضايق صدري وقلت ابي احد اسولف معة ويونسني لين ارقد لاني متعود وانا صغير كانت امي تقول لي حتوتة (اتميلح وانا اقولها) مسوي نفسي من عيال الشيوخ والنعمة . الا كم عمرك وش اسم اكبر اخوانك ؟؟ البنت\ سخيف واهبل ودبج بالسماعة بصراحة قلت مافية الا( ريفو ) هو الى عندة اسلوب من يوم كان في سادس علية تعبير ودايم يكتب اربع صفحات .
الو ريفو هلا بشرقاوي العلة وحروف التمني . قلت لة انا في مشكلة قال بعدين كلمني انا مشغول معي مكالمة وتراني ناشب بعمري معها؟؟؟ لاياشيخ . ريفو اخلص هات وش عندك .
قلت اسمع انا تعرفت على وحدة قبل شوي (خلاص حطها يعرفها ابو الشباب ) بس ماتبي تسولف معي مدري ليش مع اني واللة اكلمها وانا منسدح يعني ماني متكبر مثل بعضهم .
ريفو\ انكتم بس الا ماعندك اسلوب من يوم عرفتك اسمع اذا اتصلت عليها طير عيونك فيها شوي واذا شفتها دنقت براسها معناها تبيك . وبعدين شف اذا كلمتها سد خشمك عشان صوتك يجي ناعم وتقول في خاطرها رومنسي بالدرجة الافقية . وشف خلك ثقيل ومربط اذنيك ولاتلعب عليك وتقول اشحن لي ترا بتعرف انك سبهة ومهبول وبتطيح من عينها . وعليك بالكلام الزين عاد احس انة يقولها وهو يهز راسة لي خابرة واحساسي مايخيب من يوم الاتحاد مانهزم في الدوري .الو ومساء الخير مدري صباح الخير. قايلها وانا ساد خشمي بعد عشان لاتقول كبير(سن) البنت\ نعم . قلت
انا اسمي نواف (ياكذبي كذباة يسمع بالاسامي الزينة ) وعمري عشرين سنة وحاط سكسوكة مثلثة ولاتهون لاباش كيري . وتراني مثقف ومعي شهادة هاااة وتراها بعد مو ليلية . احس ان لساني انطلق وفارق بطولين عنها
(متاثر بسباق الخيول) وبصراحة انتي شمعة حياتي واطلق من لمبة حجرتي . واذا سمعت صوتك ارتاح مرة وكن الهلال متأهل للنهائي . (المخ كروي بحت اللة يخلف) وشوفي انا راح اعوضك كل الهزائم الى مرت في حياتك انا واللة عارف من قل الموارد المادية عندكم في البيت . قمت امسح شعر راسي بيدي احس اني تكلمت كثير ولا متشقق انها جالسة تسمعني .
البنت\ بصراحة ارتحت لك من يوم سمعت الاتغة الى في لسانك لانة جاني احساس انك مالك علاقات داخلية واجنبية (مهيب عاقلة الى عندها كاشف) شف انا اسمي (مريم) ؟؟(اللة يازين الاسم تصدقين انة من الاسامي الجديدة ) شف ترا يقولون اني اشبة زينب العسكري مدري الحرامي . ولا بعد اقدر الحياة البيتوتية تتميلح الملعونة الظاهر نوت تغرغر فيني شافتني على نياتي .. شوفي بصراحة انا فكيت معك اووووة قصدي ارتحت لك وودي اتكلم معك تراني عاطل وماعندي شغل ولامستقل ولاتهون بقية القنوات الفضائية وترا اطلق شهادة عندي سادس وتخب على بعد . والبنت جالسة تسمع كني جالس اغني لها مو اسولف نعبوا بليسها . مامدني اقول لها ترا انا صريح مرة لاتواخذيني الا ذيك التفلة وش كبرهااااااااااااا مع تسكيرة التلفون .. انواع طيحة الوجة وتجميعة اقول بعض الصراحة مالها داعي .. ......
مايستفاد من القصة :
1. اذا بغيت تكلم بنت خل في مخباك عشر بطاقات سوا .
2. لاعمرك تصارح بنت بالحقيقة ..
3. حاول تطور نفسك بالدوجان والروحات للسوق وملاحق العبايات المخصرة .
4. ترا الفراغ يسوي شي مالة سنع عند الشباب والشبابات ...
عارف اني طولتها عليكم شوي بس ترا الفراغ ووضعة في المكان المناسب رايح فيها عندي