المساعد الشخصي الرقمي

مشاهدة النسخة كاملة : معشي الذيب00


محمد فراج الدوسري
07-04-2008, 10:50 PM
مانيب من تآكل عشـاه الذيابـه=أنا معشي الذيب لامن عوى ذيب
أنا العقيد بوقت كلّه نهابـه=وأنا على الهدّات عطب المظاريب
أنهب سمين القوم ماحدٍ درابـه=أفـك عانيهـم وارسل مناديـب
من مبطيٍ لاجيت كلي مهابه=والحين ياعيني عليهم معازيـب
نسكن على متن الهوى والسحابه=الريح نسرجها بوقت المواجيـب
حنـا خلقنـا هكـذا للحـرابـه=مانستكين إلا نـدوّر 0مطاليـب
بوقت الرخا تلقا القِّرّا والرحابه=تصفو على جال العدود المشاريب
ندمح خطا زلات بعض القرابـه=وهفواتنا تكبر وتصبح عذاريب
ما أتبع الدانـي وأهـل المعابـه=أرقا الرجوم النايفات المراقيـب
مـن أولاٍ وانـا خـوِي الذيابـه=ومعشيٍ الذيب لامن عوى ذيـب
فراج العتيبي
07-04-2008, 11:10 PM
حجز اول ولي عوده انشالله
ضيف الله السميري
07-04-2008, 11:15 PM
محمد فراج


اشهد انك معشي الذيابه



صح لساك
محمد القنيّاوي
07-04-2008, 11:39 PM
كفوووووووووو ياسمي

ونعم يأبن فراج

وافي ومن وافين
صح لسانك وسلم نبضك على هالرائعه

إحترااامي لك
محمد نايف العتيبي
08-04-2008, 01:52 AM
.

الله الله


الشاعر : محمد الدوسري


حي هالجزاله وحي هالراس , وافي وكفووو يالدوسري



قصيده جزله مثل ماسبقها يابو فراج




صــح لــســآآآآنـــك لاهنت



دمت بخير



محمد بن نايف
خــــالـــــد
08-04-2008, 04:41 AM
محمد فراج الدوسري
ـــــــــــــــــــــــــ ــــــ
صح لسانك واعتلا شانك

وتسلم يمينك يالغالي


لاهنت
ـــــــــــــــــــــــــ ــــــ
أخوكـ/خالد
فخر أهلها
08-04-2008, 09:19 AM
ونعم فيك

صح لسااانك وسلمت اناملك

نص رائع
مهدي بن مسفر الحبابي
08-04-2008, 11:36 AM
أخوي محمد فراج الدوسري

صح لسانك وسلم فكرك

رايعه ومليون نعم بالدواسر

لك احترامي وتقديري
احمد مناحي
08-04-2008, 07:57 PM
محمد فراج الدوسري

هلا بك وغلا

صح لسانك الى رضاك

قصيده شامخه وان كفوها

والنعم فيك يابن فراج تعشي الذيب ولابتك يعشونه ..

ولان الشيئ بالشيئ يذكر لدينا في الشمال الشيخ بن سعيد

شيخ الدغيرات يلقبونه معشي الذيب ولذلك قصة طريفه

لايسمح المجال لذكرها الان ..

شاعر تلفت الانتباه بجزالتك يابن فراج الله لايضرك ..

تقبل مروري
الخنفري
08-04-2008, 08:55 PM
صح السانك ولاهنت سجل اعجابي
محمد فراج الدوسري
09-04-2008, 11:40 PM
للجميع الود والورد

متابعتكم لخوكم محل تقديره
محمد فراج الدوسري
14-04-2008, 09:58 AM
للجميع الود والورد

متابعتكم لخوكم محل تقديره
محمد فراج الدوسري
14-04-2008, 11:30 PM
فراج العتيبي

بعد راسي على راسي

مصافحتك نوماس


لك الود والورد
محمد بن ضاوي
15-04-2008, 06:42 AM
أنهب سمين القوم ماحدٍ درابـه
........ أفك عانيهـم وارسـل مناديـب


كفو يابن فراج



صح لسانك ولا هنت على هالرائعه
ليــن القســا
15-04-2008, 11:40 AM
ندمح خطا زلات بعض القرابـه
وهفواتنا تكبر وتصبح عذاريـب
ما أتبع الدانـي وأهـل المعابـه
أرقا الرجوم النايفات المراقيـب
مـن أولاٍ وانـا خـوِي الذيابـه
ومعشيٍ الذيب لامن عوى ذيـب


سلمت ودمت شاعرنا لهذا العطاء تنثر بمداد السمو والرفعة
محمد الدغيري
15-04-2008, 04:08 PM
محمد فراج الدوسري

مبدع ومتميز دوماً

صح قلبك وفكرك يا الغالي

وانتظر جديدك هنا قريباً

تحيه عطره

محمد الدغيري
محمد فراج الدوسري
17-04-2008, 06:17 AM
ضيف الله


لاهنت ولا هان غاليك

ممنون لك الغالي وشهاه اعتزبه


لك الود والورد
محمد فراج الدوسري
17-04-2008, 06:21 AM
محمد الشمري يابعدي


ماقلته نوماس


لك الود والورد
محمد فراج الدوسري
17-04-2008, 06:21 AM
محمد العتيبي يابعدي


مرورك مبهج

لك الود والورد