من يلاعبني وانا اخو هيـــا ...

[شاعر قلطه]

يا ربعنا مات الظمير اليوم والمعنى يبي = عديت انا كل الضروف القاسيه واللي تلين
الله خلق بعض البشر عاقل ولكنه غبي = شفت الحقايق غامضه ليت الحقايق ماتبين

[شاعر قلطه]

أنا اخو هيا

وينكم؟

[قادح شـرار]

توي وصلتك , بيجيك الرد .

[قادح شـرار]

يـا شاعـر القلـطة تمـهّل ثم صلي عالنـبي === سلّم على العربان الله يسامحك دنـيا وديـن


منته معدّي ظرف قاسي دام جيتوا ملعبي === من شان مرة ثانية تظفي سلام المسلمين

[شاعر قلطه]

يا قادح الدنيا تخلينا نجيها وانحبي = تراك ضيعت (الوزن) خل المشاعر لا تشين
يا صاحبي قلي هداك الله علينا وش تبي = وانا من اللي ما يصيد الصيد يا كود السمين

[شاعر قلطه]

لا تشيب القاف وانا اخوك

بسرعه

ابي اشوف مباراة التلال اليمني مع سرقطه الاسباني بعد قليل

شكرا

[قادح شـرار]

الوزن واضـح مير أظـنك جيت عندي تكذبي === وإن كـنـت شـاطـر كــرر الأبـيـات مـرة مـرتين


أطرحك ثم أذبحك ثم ادوسكم تحت اركبي === من شان تعرف غايتك لن جيتوا يمي مقبلين

[شاعر قلطه]

كم شاعرن صيته علا من فوق قوة منكبي = ولا انت ورعن ما حسبنا له مكايد او كمين
يا صاحبي خل القهاوي وانت عربيد وصبي = الله خلقنا وافرق الجمعين واصحب البطين

[قادح شـرار]

الـحـمـد لله ذايـق النـعمـة وأدهّـن شـاربـي === وأليا حدانـا الـوقت دايـم ندحم بـجنـب ٍ متين


يا شين شِعرك مير بعّد مذهبك عن مذهبي === لا عاد تومي بذّنبك من عندنا يا ابا الحصين

[شاعر قلطه]

الله يجمع غاربك يا صاحبي مع غاربي= ودي اسوقك لين يصبح علمنا عندك ثمين
والله لولا حشمت الحضار واللي ماربي= عمودي يدخل بالمحاني من يسار ومن يمين

[قادح شـرار]

تصبح على خير يا الأخو

ماني مكلّف عمري أقدح نار وأشب احطبي === من شان ناس ٍ ما تميّز هرجها يالطيبين


مـنته بـشاعـر ميـر خلـك بالمـحاكـم كـاتبي === ويا ويلكم لن مرة ٍ جيتـوا علـي ّ معوّدين

[شاعر قلطه]

يعطيك العافيق

[عبدالله حنيف العتيبي]

لاهنت ياخــو هيا وصح لسانك ..

لاهنت ياقادح شرار جزل وصح لسانك ..

تحياتي لكم ..