براقيات بدون ردود للقراءه فقط شكراااا

[عبدالرحمن البراق]

هذا الركن الهادي الذي ينطلق منه بوح المشاعر ومواقف الحياه ارجوا تعاونكم لكي نعيش مع الحرف ونرد بقلوبنا ويكفي ثناؤكم تقبلو تحيات محبكم عبدالرحمن البراق ،،،،

روح في حالك وحالي مستقره = ماتريد اللي تسبب في جراحي
ماتريد اللي يدورلي مضره = روح ياخوان بهبوب الرياحي

0000000000000000000000000000

حينما اقع على بيداء الامل واقول وقوع بعد كبوة جواد فأين الوقوع ياسماء الياس

[عبدالرحمن البراق]

اهلا وسهلا اصحافكم بكف الحروف التي هي منكم وإليكم ،،،

حين فزت بمسابقة شاعر السبائك لمجاراة الشيخ محمد إبن راشد ال مكتوم بالمركز الرابع من6000 شاعر كنت في جلسه انا والشاعر محمد إبن الذيب وسعد علوش وتركي ألفين وناصر الفراعنه وبعض الاخوه بالكويت قبل المهرجان فقال محمد بن الذيب استغرب ياعبدالرحمن ليش ماقدمت قصيده غزليه قدام العميمي وغسان والسعيد ،، قلت انا ياابو راشد انا قدمت القصيده الاساسيه اللي برزت فيها وانا مقتنع فيها وللمعلوميه العميمي اللي قالي مطوع مهايطي طلب مني غزليه وقدمتها غير الاساسيه ،، وابرهتهم ولكن مسابقة شاعر اللي يبون ههههههه مايبوني ،، قال سمعنا الغزليه قلت طيب طيب


ذري علينا وأشرقي دوم ياشمس = لا تحرميني نور الاشواق لا شاع
قلبي بصدري وإنحمس داخلي حمس = وشلون أطفي لاهبٍ بين الاضلاع
كم ضاق بالي وأصبح بخاطري عمس = وقت الغروب اللي منه جمعنا ضاع
ويرتاح لاشفت العقارب على خمس = ساعة شروقك واصبح القلب ملتاع
قالي بعدها العميمي ووقف القصيده من تبي تقابل وانا أستغربت وقلت ياستاذ سلطان هل كل اللي تغزلون لهم نوايا غير طيبه ،، غير الموضوع ورجع للاساسيه ،، وشاف ثقتي وقوة ردودي وقال لحمد السعيد مطوع مهايطي ،، ضحك محمد بن الذيب،، راح يتمنون مشاركة شاعر مثلك ياعبدالرحمن قلت ماعليك زود وقال البرنامج عمره 3 سنوات ويسقط لانه انكشف على حقيقته

[عبدالرحمن البراق]

،،،،،،،،،،،،،،،،،،،،،،
، ،
، جرح الغدر منك ،
، ،
،،،،،،،،،،،،،،،،،،،،،،


جرحتني جرحٍ من العام ماطاب = جرحٍ نشا بالقلب وسطه تنثر
وشلون تجرح من عرف وصل الاحباب = كابرت ثم خليت نفسه تأثر
أنا أشهد إنك بالمواعيد كذاب = عسى حياتك كلبوها تعثر
نور الوفاء والصدق من خافقك غاب = ودم المحبه من غرورك تخثر
إنسا اللقاء مادام قفلتله باب = مهما تقلل هرج مهما تكثر

قصيد في تاريخ (( 9 / 10 /1419 ه ))

[عبدالرحمن البراق]

لها وحدها من القلب للقلب ،،


،،،،،،،،،،،،،،،،،،،،،،،،، ،،،،،،،،،،،،،،



قالت عن إذنك ودنا ناكل حلا = قلت الخطر من الحلا لاياكلك



دمتم بخير

[حـ ـلات]

تسلم ياعبدالرحمن