المساعد الشخصي الرقمي

مشاهدة النسخة كاملة : بريق الزيف


نبضة وفاء
31-03-2008, 06:35 PM
مشيت دروبك القفرا متيم في غرامك ضاع = طعوني غدر وخدودي بدم الدمع مبتله
أثاري بحرك لغيري واناغافل رخيص القاع=وموجك يتبع التيار وكلن غاصه وزله
ولو ماغرني طبعك انا ماصرت بك طماع = ولكني صحيت وشفت نكران الهوى لاهله
ياليتك تلمس شعوري ويحيا خافقك ملتاع = وتعشق صاحب (ن) خوان سيوفه دوم منسله
مصيرك تعرف الوافي ومن أرخص ثمنك وباع =ومنهو اللي بريقه زيف ومن صافي الذهب أصله
ورغم ان الوفا طبعي وماني للوصل قطاع=أبيك تفارق دروبي وتهجر عالمي كله
أنا اترجاك تتركني بلا دمعة كذب ووداع =وسراب اوهام خداعه وميثاق الولا حله
خلاص اليوم انا عفتك يكفيني ألم واوجاع =وجرحي اللي انكتم بي مات ووجدان الغلا مله
احمد مناحي
31-03-2008, 06:43 PM
نبضة وفاء

هلا بك وغلا

صح لسانك الى رضاك

كتبتي فابدعتي حس شاعري جميل واحاسيس مرهفه ....

رغم الالم والحرقه لكن شموخ واعتزاز يطغى على هذا النص الفاخر ...

مستمر تقدم الشعر النسائي بخطوات واسعه الى الامام مادام هناك اقلام نسائيه بمثل هذه

الروعه وهذا التمكن ...

قصيده رايقه وراقيه وعذبه ...

اسعدني ان اكون اول من يصافح حرفك الراقي ...

تقبلي مروري
عبدالله بن زيد
31-03-2008, 06:44 PM
صح لسانك

ولا هنتِ

وقصيدة جزلة
فايز ماجد
31-03-2008, 07:15 PM
نبضة وفاء

حياك الله

قصيدة جميلة على بحر الشيباني

ورائعة من روائعك المعتادة

وشاعرة مبدعة

لكن

لي ملاحظات لاتؤثر على جمال القصيدة

قافية العجز كانت
مبتلّـه
وزلّـه
لاهلـه

في البيت الثالث خالفتي القافية

يكون ذلك مسموح لوكانت قافية البيت الثالث في الثاني

أما أن تأت بعد الاول والثاني فهذا يعد مخالفة للقافية

ايضا في هالشطر زيادة حرف

وتعشق صاحب (ن) خوان سيوفه دوم منسلـه

ويستقيم الوزن لو قلتي

وتعشق صاحبن خاين سيوفه دوم منسله

ايضا هناك ثقل في عجز بعض الابيات في قصيدتك

اما الصدر خلت من أي ثقل أو كسر

عموما ننتظر منك الاجمل

صح لسانك

تحياتي لك
محمد القنيّاوي
31-03-2008, 07:36 PM
نبضة وفاء


قصيده جميله


صح لسانك

دمتي بخير
صالح الروقي
31-03-2008, 08:27 PM
صح لسانك نبضة وفاء

نتابع قلمك

تحياتي
محمد الروقي
31-03-2008, 10:53 PM
صح لساااااااااااااانك الى رضاك

وليس لدي زيادة على ماقاله اخي فايز

بالعلم ان القصيده رايعه تقبلي مروري وتقديري
محمد الدغيري
01-04-2008, 02:14 AM
حياك الله

يا نبضه وفاء


غياب طويل جداً



ولكن حضور مميز

صح قلبكـ

وننتظر حضورك قادم أجمل

تحيه عطره

محمد الدغيري
مسلط المغيري
01-04-2008, 02:40 AM
صح لسانك


قصيده جميله من شاعره جميله
أبوعبدالرحمن
01-04-2008, 09:59 AM
نبضة وفاء


صح قلبك وكلك


واهلا بقلمك مجددا



تحيتي لك