الشاعر يجي بدون تردد!!!

[شاعره بنت فارس]

بسم الله الرحمن الرحيم
السلام عليكم ورحمة الله وبركاته..وبعد

هذه اول مشاركه لي في هذا المنتدى الرائع واتمنى ان تلقى استحسان المتابعين وهي عباره عن محاوره لاي شخص <<<قلت رجال وشاعر بعد .........وانا اعلن التحدي



الا ياهل الساحه بغينا شعر شعر=وانا بنت غطًا راسي كله شعر شعر
واحب البدو والنار وبيت الشعر شعر=يقولون مال الحمله الا جملها


سلام لهل الشعر يتبعه باقت ورود=من بنت شيخ(ن) على العليا يحط ويشيل
انا بدويه وعندي كل شئ له حدود=من قوم(ن) الله خلقنا مزبن(ن) للدخيل


ابي شاعر وليس مستشعراً

تحياااتي:11rob:


ملاحظه في الموال غطا الطا مشدوده غطًا

[محمد نايف العتيبي]

.


شاعره بنت فارس


حياك الله بين اسره غرابيل ...


ومرحبا بقوافيك الطيبه ولاهنتي


صـح لـســاااانك



دمتي بخير



محمد بن نايف

[شاعره بنت فارس]

شكراً على مرورك محمد
وصح بدنك

[ضيف الله الحميدي]

شاعره بنت فارس


صح لسانك


وحياك الله في غرابيل بين اخوانك


وصح لسان الشاعر اللى بيرد


ومتابع

[شاعره بنت فارس]

ضيف الله صح بدنك

ونتمنى وصول الشاعر

[محمد ابن براك العطاوي]

هذا والله الكلام صح لسانك يابنت فارس

[شاعره بنت فارس]

صح بدنك اخوي

شكرا على مرورك

[عمدة الشعار]

كلام كبير

[شاعره بنت فارس]

بس وين الجدير

[عمدة الشعار]

يجيب الله خير

[شاعره بنت فارس]

الله يسمع منك

[شاعره بنت فارس]

ياكثرهم لكن منهو حضر حضر=واللي انقرد حظه جايه حضر حضر
من بنت بدو(ن)لا ماهم حضر حضر=يقولون مال الحمله الا جملها


لا والله اني ابابطي دون رد وردود=ياوين راح الشعر معاد به من يعيل
هو ياترى خوف ولا ماش فيكم صمود=لا والله اختلفت الدنيا وجتنا بجيل


الليل سرى وانا ابسري فمان الله والوعد بكره

[محمد نايف العتيبي]

ههههههههه

بعد شوي بحصل واحد نفس الطريقه داخل اول مشاركه له فالموضوع ذا لا مواضيع ولا شي وبأسم مستعار , وهذي طريقه هاليومين .... الله يعين بس


.

[خراب السفينه]

شاعره بنت فارس ............ جيتك .........

الا يابنيت فارس انا هنا هنا
وترى الملعبه ماهي بمية هنا هنا
ولامن حضرت اليوم مامن هنا هنا
عسى الله يعزك يالديار السعوديه

يامرحبا عد ماسالت عروق النفود
واعداد ماتبهر الدله بعودن وهيل
في بنت بدون عليها الطايله ماتكود
وما تنطق الا ومنطوقه كلام جميل

[محمد نايف العتيبي]

هههههههههه

اني والله خابر انه بيجي اسم مستعار واول مشاركه له


واصلوا الله يوفقكم



صحه السنتكم جميعا


دمتم بخير ههههههههههه

[احمدالعارضي]

صح لسانك شاعره بنت فارس
محمد ابن نايف صدقت يالذيب

[شاعره بنت فارس]

الا ياعميلي جاك مني جزا جزا=وياكيف فيصل في الشدايد جزا جزا
ولا البلنتي يذكرونه جزاجزا=عسى الله يعزك يالديار السعوديه


ابك البقا والعرب ياصاحبي هم شهود=عضو(ن)جديد وياكم من قبل نجمه تشيل
انا اشهد اني قدرت العب واجر الجنود=والفائده راس شاعر طاح وسط الشليل



محمد العتيبي ليش متنتحل شخصية العضو الجديد على قولتك (ملعوبه)

[محمد نايف العتيبي]

[poem= font="Simplified Arabic,4,white,bold,normal" bkcolor="transparent"

محمد العتيبي ليش متنتحل شخصية العضو الجديد على قولتك (ملعوبه)


.


مو محمد اللي يترك اسمه ويروح يدور مستعار عشان يلعب مع بنت , والشي الثاني محمد العتيبي مايحاور بنات ....


وصلي وبالتوفيق , مانقص من شاعريتك بس مبدا عندي فقط .



دمتم بخير

[شاعره بنت فارس]

الله يخليك كلام جميل



مواصله

[منور العوني]

اشوا ان راعي السفينه رد

لان الشاعره تبغى شاعر ماهو شويعر ولا مستشعر

وحنا ان سلمنا من الاولى ما انفكينا من الثانيه:redface:

[عبدالعزيز نايف]

:11oto:

[ضيف الله الحميدي]

محمد نايف

اشهد بالله انك قلت الصحيح يالغالي


بلشنا وبتلشنا لاكن الله يوفق الجميع


ولافيه شى غريب


ودمتم يالغالين

[ماجد]

صح لسانك شاعرة بنت فارس

متااااابع

[خراب السفينه]

الا يابنيت فارس الله شهد شهد
بأن العتيبي مابقافي شهد شهد
لو انه شهد وايضا كلامه شهد شهد
عسى الله يعزك ياديار السعوديه

ركود يابنت فارس ياحضرنا ركود
انتي ثريا ولاكن ماتشابه سهيل
ومن يحمل السيف ماينطح بخشم العمود
وتنزيل راس الجبل هذا من المستحيل

[شقردي حرب]

صح السنتكم خراب السفينه
وشاعره بنت فارس
واصلوووووووووووو
متابعين

[شاعره بنت فارس]

لا لا تكرر وإخذ مني عبر عبر=وماكل من جاني بشعره عبر عبر
والفرق واضح بين ددسن وابو عبر عبر=عسى الله يعزك يالديار السعوديه


معناك غادي لاكن على الله إنه يعود=مير انصحك لا تقرب وانت شكلك نحيل
رح غذ شعرك وخله من كبار العضود=ياكيف خنجر يبارزسيف(ن) احدب صقيل

[خراب السفينه]

كلامك كلامك يابنيه وسط وسط
ولعبي مهاجم وانتي لعبك وسط وسط
وسيفي وسيفي في غريمي وسط وسط
عسى الله يعزك ياديار السعوديه

معناي واضح ولايجهله كود الهنود
والناس ماهي على اشكالها ياحليل

وشعري مغذيه وارقابه بوقته سنود
لاكن حمولك حذارى يابنيه تمـــيل

[محمد نايف العتيبي]

كلامك كلامك يابنيه وسط وسط
وانا ماخذ اللي كل هرجه وسط وسط
وهرجي على القمه ولاهو وسط وسط
عسى الله يعزك ياديار السعوديه




.
؟

كلمه وسط تكررت فالموال بنفس المعنى


وهذا ماهو شقر يالغالي الشقر كل كلمه بصفه ومعنى اخر وانت هنا كلها وسط وسط وبنفس المعنى في كل الموال ...

ويمكن انا غلطان لكن لا تاخذها من باب الزعل , عاد انتم ادرى ياشعار المحاوره انا شاعر نظم ....



تقبل الود ....



محمد بن نايف

[خراب السفينه]

ملاحضاتك على العين والراس يالغلا وبالعكس ماني زعلان هذا تنبيه

تشكـر يالغلا عليه للعلوميه تم التعديل

[عبدالعزيز نايف]

محمد براك


مالي قدره والله


ههههههههههههههه


واصلوا

[شاعره بنت فارس]

الا يا عميلي ماتعرف السحر سحر
وفي اخر اليله تسمى سحر سحر
ياكيف بندر ينهزم من سحر سحر
عسى الله يعزك ياديار السعوديه


صاحبك يابو نجم معاد يقدر يذود=ليه العذر ياولد والكيل عيا يكيل
خلاص راحت عليك انته نقضت العهود=انا اشهد اني بنيه وانت رجل(ن) هبيل



صاحب السفينه كلام العتيبي صحيح والتكرار في المعنى قلته لك قبل لكن اللحين خلاص
((اللي مايعرف الصقر يشويه))



يقولون الشعر روح وانا اقول الشعر ماراح=الا ياكيف راح الشعر وانا للحين بالساحه


تحيااااااااااااااتي




محاولات جيده ياراكب السفينه صح لسانك

[محمد نايف العتيبي]

<< حس انه عرف شاعره بنت فارس :بفكر:



على العموم صح لساااااااااااانك ياشاعره ولاهنتي يالطيبه

وصح لسااااااااااااااااان خراب السفينه وبيض الله وجهك ..




دمتم بخير

[شاعره بنت فارس]

<< حس انه عرف شاعره بنت فارس :بفكر:



على العموم صح لساااااااااااانك ياشاعره ولاهنتي يالطيبه

وصح لسااااااااااااااااان خراب السفينه وبيض الله وجهك ..




دمتم بخير





والله ماعتقد انك تعرفني :11oto:

صح بدنك يالعتيبي ويعطيك العافيه واشكرك على المتابعه


تحياتي:11rob::11rob: