شقردي حرب , وشمس الدروب .

[قادح شـرار]

من بعد شفناك يـا شاعر وذيب الحـروب === سـلام رديـــة ٍ تـِشعـل فـنيـرانها


إن كان يقوى الحريبي تحت شمس الدروب === يصبر على شب ناري ثم دخانها

[شقردي حرب]

معاليش ياقادح
انا خليت الجهاز شغال وروحت لاكن ماصار الا خير
ميعادنا بكره نكمل
لاشفتني ماجود شد حيلك
واستلم



يامرحبا عد روس الخلق شرق وجنوب
----------------------ترحيبه اهل الكرم بقدوم ضيفانها
صاحبك يارجل من لابه متان الجنوب
----------------------تفرك خشوم العداء ويطير شيطانها

[ضيف الله الحميدي]

صح لسانك

ياقادح شراره


وصح لسانك ياشقردي حرب


واصلووووووووووووو

ومتعونا بارك الله فيكم
ومتابع

[شقردي حرب]

ضيف الله الحميدي
شرفتنا
ون جاء قادح شرار ازهله
لاكن جمعلي حرب اللي بالمنتدي يمسكون صفي
ههههههههههههههههههه

[قادح شـرار]

:36_1_17[1

طيب طيب .

[قادح شـرار]

إن كنت شاعر وناوي عن قبيلة تنوب === البـرق يبرق على الديرة وريعانها

ما انته بداري ياذا الحربي بسر القلوب === يا رب سترك على الديرة وعربانها

[قادح شـرار]

شقردي يا أخوي : بعد إذنك , دخل الأن وقت الصلاة , أصلي وأجيك .

[شقردي حرب]

استلم

انوب في كل دار وكل حدب وصوب
--------------------ولحرب ماضاع دين عند ديانها
من جاء بزله نبا نجلده حتى يتوب
--------------------المهلكه عانها والعافيه عانها

[شقردي حرب]

جزاك الله خير

[عبدالله حنيف العتيبي]

الله الله ..

قادح وشقردي ..

صحت السنتكم ..
شل ابوك حط ابوك ..هههههههههههه..

اضاهر من قو هالمحاوره ..

الي بيرد بياخــذ قسمه ههههههههههه..

متابع .

[شقردي حرب]

عبدالله حنيف يسعدنا مرورك
والمحاوره كلها شل ابوك وحط ابوك
هههههههههههههه

[قادح شـرار]

أشعب بعيرك يالين يحين وقت الغروب === لين الجنايز تِـلف فداخل أكفانها

منته بعير الحِمل ...وأنته بعير الركوب === اجمـال غرّت عباد الله بـأبدانها

[قادح شـرار]

ضيف الله الحميدي : صح بدنك ياخوي , ومتابعتك شرف لنا .

أبو حنيف : صح بدنك يالذيب , متابعتك تشجيع وحافز وفخر لكل شخص .


مشكورين على مروركم الكريــــــــــــم .



أخوكم/ قادح شـــــــــرار.

[شقردي حرب]

استلم

بيت بلا ساس لو بنيه بلكٍ وطوب
-------------------ينهد ومثبت الجدران سيسانها
ياكبر ذنبك وذنبك من كبار الذنوب
-------------------هرج الاجاويد عند الناس ميزانها

[شقردي حرب]

معاليش علي التاخير
انشغلت اشوي والله

[عبدالعزيز نايف]

عاشوا صح لسانك قادح شرار بدايه جزله كما عودتنا يالمبدع

شقردي حرب صح لسانك رد جزل


مبدعين ياشباب واصلوا

[قادح شـرار]

بيت ٍ ليا عجة العجه وهبت هبـوب === يطيح من فوق حرمة بين ورعانها

تدري ليا صار علم ٍ بيننا وامحسوب === ننحـر بلا فرق طيـبها وقـشرانها

[قادح شـرار]

عبدالعزيز الدلبحي : صح بدنك يالدلبحي , الأبداع في تواجدك معنا .

مشكوووور على المرور , نوّرت الصفحة .

[شقردي حرب]

تراء التكاسي تكاسي ماتطول الجيوب
---------------------وانته فطين افهم القصه بعنوانها
ماني بشايل هموم ان كان شبت شبوب
---------------------عندي قروم القبايل مثل ورعانها

[شقردي حرب]

عبدالعزيز الدلبحي حياك
شرفت واسعد

[قادح شـرار]

أخوي شقردي حرب : صح لسانك طال عمرك , والختام عندك , وتشرفت باللعب معك .
إن كان تبغا الحقيقة منت قد الوجوب === روّحت في حضن حيـّة يلمـظ ألسانها

الدرب قفّل وأنا ماني علاك امغصوب === أتـعبت بندق معي وأتعبت نـيشانها

[شقردي حرب]

منته بشيخ العرب منته بقد الصعوب
---------------------وين انت والمشيخه ياصاحبي وانها
رجل مابين العرب مفلس وفاض الجيوب
----------------------ان هف قالو عساء ماهز وجدانها

حله بركه

[قادح شـرار]

قادح شرار:
من بعد شفناك يـا شاعر وذيب الحـروب === سـلام رديـــة ٍ تـِشعـل فـنيـرانها


إن كان يقوى الحريبي تحت شمس الدروب === يصبر على شب ناري ثم دخانها

شقردي حرب:

يامرحبا عد روس الخلق شرق وجنوب
----------------------ترحيبه اهل الكرم بقدوم ضيفانها
صاحبك يارجل من لابه متان الجنوب
----------------------تفرك خشوم العداء ويطير شيطانها


قادح شرار:
إن كنت شاعر وناوي عن قبيلة تنوب === البـرق يبرق على الديرة وريعانها

ما انته بداري ياذا الحربي بسر القلوب === يا رب سترك على الديرة وعربانها

شقردي حرب:
انوب في كل دار وكل حدب وصوب
--------------------ولحرب ماضاع دين عند ديانها
من جاء بزله نبا نجلده حتى يتوب
--------------------المهلكه عانها والعافيه عانها


قادح شرار:
أشعب بعيرك يالين يحين وقت الغروب === لين الجنايز تِـلف فداخل أكفانها

منته بعير الحِمل ...وأنته بعير الركوب === اجمـال غرّت عباد الله بـأبدانها


شقردي حرب:

بيت بلا ساس لو بنيه بلكٍ وطوب
-------------------ينهد ومثبت الجدران سيسانها
ياكبر ذنبك وذنبك من كبار الذنوب
-------------------هرج الاجاويد عند الناس ميزانها


قادح شرار:
بيت ٍ ليا عجة العجه وهبت هبـوب === يطيح من فوق حرمة بين ورعانها

تدري ليا صار علم ٍ بيننا وامحسوب === ننحـر بلا فرق طيـبها وقـشرانها


شقردي حرب:
تراء التكاسي تكاسي ماتطول الجيوب
---------------------وانته فطين افهم القصه بعنوانها
ماني بشايل هموم ان كان شبت شبوب
---------------------عندي قروم القبايل مثل ورعانها


قادح شرار:
إن كان تبغا الحقيقة منت قد الوجوب === روّحت في حضن حيـّة يلمـظ ألسانها

الدرب قفّل وأنا ماني علاك امغصوب === أتـعبت بندق معي وأتعبت نـيشانها


شقردي حرب:

منته بشيخ العرب منته بقد الصعوب
---------------------وين انت والمشيخه ياصاحبي وانها
رجل مابين العرب مفلس وفاض الجيوب
----------------------ان هف قالو عساء ماهز وجدانها


وسلامتكم

[احمدالعارضي]

صح لسانك ياقادح
وصح لسان ياشقردي
واصلو وانا في صف قادح ولاهون شقردي
تحياتي للجميع

[محمدالجابري]

صـــــــح السانك ياقادح
و
صـــــــح السانك ياشقردي

[قادح شـرار]

صح لسانك ياقادح
وصح لسان ياشقردي
واصلو وانا في صف قادح ولاهون شقردي
تحياتي للجميع

صح بدنك يا أحمد , الصف يزهابك يا الملياااااااااااااااااااا اار .

ما نقوى غيابك يابوحميد عن المنتدى . :36_1_4[1]


أخوك/ قادح شــــــرار.

[قادح شـرار]

صـــــــح السانك ياقادح
و
صـــــــح السانك ياشقردي


صح بدنك يا محمد , مرورك أنار صفحة المنتدى ياخوي , ياليت نشوفك دايم معنا .

مشكوووور على مرورك الكريم

أخوك/ قادح شـــــرار.

[خراب السفينه]

يعطيكم العافيه واصلوووووووووووو

[قادح شـرار]

خراب السفينة : الله يعافيك , اللعب كان مباشر وأنتهى , شغلنا حار يا فول . ههههههه.

مشكوووووووور على مرورك يا مخرب السفينة .