الكلمات مني والأبيات عليكم

[ســـمـــا]

http://www.21za.com/pic/salam_kalam003_files/21.gif

http://www.21za.com/pic/salam_kalam005_files/35.gif

مبدعي غرابيل بشعراءه وشاعراته أقدم لكم موضوع جديد أنا آتيكم بالكلمة وأنتم تكتبون عليها أبيات
أول مرة أكتب في الشعر أرجو التفاعل

الكلمة الأولى ( التفاؤل )

اكتبوا عليها أبيات

[جواهر عبدالله]

أبيات قديمة لي :


تفائلت بزمن فيـه التفـاؤل توأمـاً لليـآس=بغيت النور بس إني لقيت العتمة أشوى لـي
عزيزة نفس ما أرضى طرف لي بالغلط ينداس=يا ويل اللي يعاديني وربي فيـه مـا ابالـي

[فخر أهلها]

لو ابحث للأمل فيني ياكثره يوم انا صغيره=هذاك اول وانا طفله وكل همومي العابي
منين اجيب لي ذرة تفاؤل يالله الخيره=وانا ماقد صفت لي دنيتي والحظ ماطابي

المعذره اخت سما والله توي كتبتها يعني لو ماتجمل استري ماواجهتي بس ماحبيت اخجلك

يسلموووووو على هالموضوع

اعذب التحايا

[بدر ناصر المورقي]

مشكوره اختي على الدعوه وحاولت اتفائل لكن كنت قاعد اقرا الاخبار وماكان فيها ذرت تفائل ههههههه لكن على شانك حاولت فكانت هذه الابيات تقبليها والعذر والسموحه

وين التفائل يازمان المهازل
كرام الانفس من سواتك ذليله
وسهم العروبه يوم صاعد ونازل
والغرب جاي بشر يغلي غليله
بس يا تفائل إرْق لاسمى المنازل
نفذ طلب بنت الاصول النبيله
اسمى التحايا

[وجــــدان]

الأخت الغاليه سما

موضوع روعه والله وصح لسان الجميع ولي عوده بحول الله

شكراً على دعوتك الكريمه

تحيتي لك

[وجــــدان]

اختي سما

مشاركتي المتواضعه أتمنى قبولها


لاتقتل أيامك على مفرق الياس=واطلق حجاجك للأمل والمحبّه
والناس ،،، لاتبدي على حزنك الناس=ربٍ عطاك الحزن يكفيك ربّه
خلّك على رغم الألم رافع الراس=ولابد للفرحه يجي يوم سبّه

تحيتي لك

[محمد نايف العتيبي]

الله يعطيك العافيه وهذي مشاركتي , رمبا استعجلت في كتابتها اقبلوها كما هي :

.


من تفائل خير حصل فيه خير=اقطتفت لكم مثل عن امثله
هكذا الدنيا على العالم تسير=مايفيدك غير شي ٍ تعمله
من تفائل خير ريح للضمير=مانطولها ولابه تكمله


دمتم بخير


محمد بن نايف

[فايز ماجد]

الله يعطيك العافية

يااخت سما

وموضوع جميل وفكرة جميلة




انا سؤالاً ماله اية اجابة
----------واناجواباً صار مصدر تساؤل

يمكنّي افرح حزن وسط الكتابة

----------او اني اتشائم بداعي تفاؤل ..!