يارجال ويا متزوجين الي شفته طبيعي ولا مو طبيعي

[حبيبة حبيبها]

بسم الله الرحمن الرحيم


السلام عليكم ورحمة الله وبركاته


بقولكم موقف وأنتوا احكموا عليه وعلي فكره هذا المنظر أنا شفته أكثر من مره كنت بسوق ودخلت محل ماكان فيه الاانا وحده وزوجها معها كنت انا مشغوله بالملابس الحرمه مدري شنو أختارت وراحت علشان تحاسب قالها المحاسب السعر 256 قالها زوجها طلعي انا لفت انتباهي كلمته طلعي طلعي شنو قامت الحرمه فتحت الشنطه حقتها وطلعت المبلغ الطلوب قالها البايع المبلغ ناقص 15 ريال التفتت الحرمه لزوجها وقالت له مامعي كمل انت المبلغ يعني 15 الريال الناقصه وقالها زوجها ماعندي قالت له فيه معك فلوس بس كمل الباقي قالها لا ماني مكمل انا قاعد علي بنك وبعدين مو لازم تأخذين شي اكثر من فلوسك رجعيها وشوفي شي ثاني ولاموبلازم تأخذين من ذالمحل انا هنا جنن جنوني ماقدر يدفع الحرمته 15 ريال حرمها من شي هي تبيه ومختارته علشان مايكمل المبلغ أقسم بالله لولا الحياء اني خفت بعد من زوجها لايطلع وقح ويتكلم علي كان كملت لها المبلغ وعلي فكره الحرمه رمت الملابس من يدها وطلعت من المحل بالله شرايكم برجال زي كذا وهذا أمثاله كثير المنظر هذا كذا مره اشوفه وتكررمعي بمركز جيان تعرفونه كلكم لما جاء يبي يحاسب مد يده لحرمته فتحت بوكها وطلعت الفلوس قصر المبلغ الي معاها عن الاغراض الي شرتها قالت له ادفع وانا اعطيك اذا رجعنا للبيت قالها والله ماادفع رجعي نص اغراضك
والشهر الجاي اشتري الي قصر عليك !!!!!!!!!
بذمتكم الي شفته وسمعته شي طبيعي ولا لا وبالامانه انتوا عمركم سويتوا كذا

[الماسه]

يؤؤؤؤ


استغفر الله العلي العظيم

علشان 15 ريال


وش هالبخل


لاوالله ياوخيتي الي شفتيه ماهو طبيعي بنوب بنوب بنوب

ماقول الاالله يعين زوجته المسكينه

والله لايبلانا

[•°MiSs CHANEL°•]

،
،
،

حبيـبة حبيبهـا ..

انا بصراحه اشوف اللي يسوي كذا

نقص رجوووله ..

يعني انت متزوجني عشان شنو بس عشــان ......؟

لا اذا على كذا فيه الف واحد بيتزوجني وبيصرف علي ..

الله يكون في عونهم ياررررب ..

لو انا منهم عشان أدبه صح اقعد بالبيت

وخليه يصرف صح واطلعها من قلبه ..

<=== من جد نرفزت لان هالموضوع جدا يقهرني ..

،
،
،

[سعود]

شوفي ياختي



الدين والعرف يقول النفقه على الزوج


هذا الامر لا يختلف عليه اثنان



ولكن ربما تكون الزوجة موظفه وهو عاطل ولا يملك ولا ريال !!


هذا الاحتمال الأول



الاحتمال الثاني


انه يكون بخييييييييييييييييييييييي يييييييييييييييييييييل



والى هنا ماعندي تعليق نهائي :زعلان:


لاني اكره البخلااااء :زعلان:



وتسلمين على هيك طرح قيم



تحية عطرة

[حســــام]

اختي الغاليه

اصابع يدك مو سوا

وثاني شي .. ممكن مادفع المبلغ

لشي خاص فيهم هما اعرف بحياتهم

او ممكن الرجال ماعنده

والاحتمالات واجد

تحياااااااااااااتي

[بنت الورد]

اللهم لك الحمد والشكر النعمه زواله وان شكرتم لازيدنكم

اختي الفاضله الناس لها ظروفها والحاله ترا جد صارت صعبه ماهي نفس قبل بغض النظر عن قيمة الملبغ صغره او كبره يمكن فيه حريم ما يقدرون ظروف الزوج ويمكن فيه ازواج بخلاء لكن بالنسبه لمبلغ 15 ريال ويرد بخاطر ام عياله ماهي حلوه بالمره

[محمد الدغيري]

زي ما قال سعود النفقه على الزوج ولو كانت تستلم صعف راتبه


وانا هنا اعاتبك على قولكـ الرجال لأن هذا ما هو عمل رجال

[حبيبة حبيبها]

يعطيكم الف عافيه علي ردودكم الحلوه وتسلم ايدينكم

[إشراقـ أمل ـة]

أختي حبيبة هذا هو الواقع الاّن وللأسف الشديد

أصبح الأمر طبيعي عند الرجال يعني زي مابيقولوا ( مغسول وجهه بمرق )

كانوا يخجلون من طلب الزوجة أو الأخت والان أصبح الأمر لايشكل لهم أي ذرة خجل !!

رأيي في هذه الزوجه هو كالاتي :

1 / قد تكون الزوجة طيبة أو ساذجة لذا لايلقي لها بالا ..

2 / قد تكون الزوجة تمادت في تدليع زوجها ..

3 / قد يكون بخيلا ..

4 / بطالة الزوج .

5 / سيطرة الزوج .

فالزوج الطيب حتى وإن كان لايعمل ، على الأقل يتفاهم مع زوجته بأسلوب الطيبة وبحلو الكلام ، حتى يكسب ودها ...

أما الرجل الشديد أبدا لايكسب رضاها أبدا ..

أختي حبيبة

بارك الله فيك

طرح جدا رااائع

لاحرمك الله الأجر والمثوبة ...

[طيف]

الحمد لله انني لمـ اواجه مثل هذه القصه في حياتي

وغالباً ماتكون المشكله عند الموظفات

وهذه سنه الحياة المال من الرجل وليس من المراه


وشكرا لك ِ عزيزتي

[الــــعــــاشـــق]

هذا ما يثق بزوجته الظاهر أنه متزوج غصب عنه

يرجعون الملابس عشان 15 ريال بس و إللي معها وين فلوسه بخيل لهالدرجه
هذا ماهو برجال هذا واحد أعذوني على كلمتي ( منحط ) ومايستاهل يتزوج وفلوس الرجل ملك له وأعياله وزوجته أما فلوس الزوجه خاص بها فقط

[اذكر الله]

أختي الفاضلة

وللأسف مثل هؤلاء لا أستطيع أن أطلق عليه بكلمة رجال

وللأسف موجود وبكثرة ولو سألتيه عن الحقوق الزوجية لذكر لك

بأن الرجال قوامون على النساء..................!!!!!!

ولهم تفسير خاص وحسب أهوائهم لقول الله عز وجل ونسوا أهم ما في القوامة

أن يتولى الصرف على زوجته وأن لا يغصبها على صرف شيء من مالها إلا برضى منها

ولكن أغلب النساء العاملات يعانون من ذلك وهو تخلي الزوج نهائياً على الصرف عليها

طبعاً هي لديها المال وأكيد ومن طيب خاطرها راح تنفق على نفسها وتعينه وهذا واجب

عليها وخاصة إذا كان زوجها من ذوات الدخل المحدود ..

ولكن ما ذكرتيه مخجل ومؤسف جداً جداً

بارك الله فيك وفي طرحك لقضية هامة وموجودة وكثرة

تقديري وودي

[ناصر الراشد]

حبيبت حبيبها

الله يخليكم لبعض
وبخصوص القصه اللي طرحتيها
والله شيء عادي لي انهم ذكور وليسوا رجال
فهناك مثل هذا الذكر ممن يستخدم قوته وتسلطه على هذه الزوجه التي قد يكون من اسباب الصبر على هذا الزوج القاسي اطفالها وقد يكون هناك ظروف اخرى تجبرها على الجلوس في ذمته
لكن ولله الحمد قله وليس كما ذكرته الاخت (اذكر الله بكثرتهم)
او(( الاخت اشراقه ))عندما جمعة بأن كل الرجال مثله

شاكر لطرحك وقلمك

[فتى جده]

اختي الغاليه
من المعروف ان النفقه على الزوج .
وفي هذه الحاله يجب على الزوج وهو ادرى بظروفه الماديه
ان يوضح لزوجته ويفهمها ان تشتري اغراض في حدود المبلغ
الذي في حوزته تلافيا لمثل ماحدث . وبما انه لم يحدد ذلك فكان الاجدر به ان
يدفع ثمن الاغراض التي اشترتها زوجته وان لايكر في خاطرها مو بس يكمل المبلغ الناقص
(15 ) ريال . وعندما يعودون الي المنزل عليه ان يوضح لها قد ايش كان في حرج
اما الزوجه يجب عليها ان تراعي ظروف زوجها ولا تتسبب في احراجه ويتم ذلك بان تطلب
منه ان تشتري الاغراض التي نفسها فيها وتدفع هي المبلغ اذا كان ماعنده استطاعه عموما
التفاهم يجب ان يكون بين الطرفين قبل الذهاب الي السوق .هذه وجهة نظر ليس الا
يعطيك الف عافيه على هالموضوع وتقبلي مروري

[مازن]

قبل أن تحكموا على الزوج بالبخل، تأكدوا من ذلك ،فلربما ما تسمونه بخلاً يكون بسبب قلة دخله، أو مروره بظروف ما.

وأقل نصيحة أقدمها لهذه الزوجة أن تكثر من الدعاء والتضرع لله عز وجل أن يصلح لها زوجها وأن يرقق قلبه عليها وأن يعافيه وإياه، من هذا الابتلاء.

[اذكر الله]

عدت لكم للتعقيب على أخي المحترم ناصر الراشد

والله ياخوي أنا أعمل ولي راتبي ولله الحمد وبالرغم من ذلك زوجي كريم

وما يقصر معي نهائياً ..

ولكن ما ذكرته بأنهم كثيرون من واقع عملي وعدد كبير منهن يعانون من هذه المشكلة

ولي صديقة الله يذكرها بالخير زوجها يأخذ كل راتبها ويعطيها هو مصروف شهري !!

وسبب صبرها أولادها ويتيمة وليس لها أحد ..

وأخرى تعينه على كل شيء وإجباري حتى إيجار الشقة التي تسكنها ولا يصرف عليها نهائياً

وأنا ذكرت لكثرة المشاكل وهذا يخص المرأة العاملة فقط

والمرأة العاملة العاقلة تعين زوجها وتساعده من طيب نفسها وهذا واجب وليس عيباً

أخي ناصر وأيضاً كثيرون الرجال الذين لا يقبلون بأن تصرف الزوجة ويمنع ذلك ويأمرها

بأن تجمع مالها ويأمرها بعدم الصرف ويقول هذا واجبي

بارك الله فيك

تقديري

[جميل الثبيتي]

الأخت الفاضلة

مادري هل الموضوع ( حضرتيه) بنفسك والا ناقلته للمناقشه

على العموم الحياة الزوجيه الجميلة والسعيده والمبنية على التفاهم والمودة والرحمة

تعني الإنسجام والتخطيط السليم فلن تذهب زوجة للسوق للتبضع دون التفاهم مع الزوج

وما تحتاجه ومدى إمكانيته في تلك اللحظة وكثيرا ما نسمع عن مشاكل زوجية بسبب عدم

تقدير الزوجة إمكانية زوجها ولا اعتقد أن هناك عاقل ورجل بكل ما تحمله هذه المعاني

وطلبت إليه زوجته ( دون أن تضعه بموقف محرج ) إكمال المبلغ التافه ويرفض إلا ( ذكر )

على راي أخي ناصر وبخيل على رأي سعود

على العموم عندنا بمكة مثل يقول

حيث الرجال مافي نساء وحيث النساء مافي رجال

اشكر نقلكم لهذه القضية وعساكم على القوة

[عباس العتابي]

هذه رذاله وليست بخل