ياربح تنشد علامي ليش فالمشراف بادي ,,,,,

[ناصر الجلاه]

..


بسم الله الرحمن الرحيم

السلام عليكم ورحمة الله وبركاته ,,

هذه القصيده نتواصل بها في الشعر النبطي في منتديات غرابيل ونرجو ان تحوز على اعجابكم والقصيده تعبر عن ذاااتها ..




استفيضي ياهجوسي واطلعي مع كل وادي=سنديبي سنديبي واعتلي راس الطويله

والمبادي في سلومي لاتزلين المبادي=يلحق الرجال شرهه كان رمعاته هزيله

مانقلت هموم قلبي خوف في شربي وزادي=طمعتي كسب الجزيله مانبى غير الجزيله

الحرار حرار لكن فرقها يوم الهدادي=والله إنا في زمنا ماضوينا بالفشيله

كانها بالطيب تاتي كانها بالحرب عادي=ابشر إن الزند يقدح نار في خشم الفتيله

نسمع إن النار تالع نار واتلاها رمادي=بس قالوا فالزمن والماء ماغطته النثيله

لكن القصه ماهي حربٍ نجيب ام الزنادي=ونردي الاولى صويبه عكس لا لخرى قتيله

وايضآ القصه ماتاصل يم حال الاقتصادي=ارتخى سعر الموشر وارتفع سعر البليله

كل ماعديت ضلعٍ معتلي جاني هجادي=استباح اللي بصدري والدموع اكبر دليله

ياربح تنشد علامي ليش فالمشراف بادي=اذكر اللي خدها يبرق كما برق المخيله

ياربح وأكبر هموم اهل الهوى هم البعادي=كيف مع دور الزمان الخل يعذر في خليله

لي ثلاث سنين بين القلب والتفكير غادي=ارتكي للحمل مثل شعيل وانهضبه واشيله

بين صعبات الامور وبين تحقيق المرادي=ارعدي يالمزنه الغرى وسيلي يامسيله

طايحٍ كني صويب الرمح وسيوفٍ حدادي=عزتي للي بناب الحب طايح عزتيله

لايسمى بالشهيد ولايسمى بالمفادي=كان ماهوب الملوح قيس يمنكه بديله

اطلب الله بالصبر مولاي خلاق العبادي =لين اشوف ام العيون السود نقاض الجديله

شوفها في يوم عندي يشبه ايام العيادي=اشهد إنه يوم العيد اللي جمعني بالجميله

الهنوف اللي لاجاني طيفها عفت الرقادي=قمت ابوهه طول ليلي كن في صدري مليله

ريحها ممزوج عطرٍ من زهر عنبر وكادي=ومن وصوف وصوفها بالحسن وصفه مستحيله

مثلها ماشفت انا في حضر وألا في بوادي=ياربح عند العصيمي صاحبك تسوى قبيله

ذكرها في وسط قلبي ذكرها داخل فوادي=هب ياحبٍ هموم الوقت عيت لا تزيله

والحقيقه يالسبيعي لا اعتليت الضلع بادي=اذكر اللي خدها يبرق كما برق المخيله

[يوسف عبدالله الغنامي]

صح لسانك وأعتلا شانك

قصيده جزله من شاعر جزل

تشرفت بأن أكون ما أوائل الحضور لهذه الدره الرائعه

تقبل ودي وتقديري

[ناصر الجلاه]

..

يوسف العتيبي

..

صح بدنكـ يابن العم الجزاله من اصلك .. مروركـ كريـــم واطراءكـ جميل

لاهنت يايوسف

..

[فراج العتيبي]

ناصر الجلاه




قصيده قمه في الروعه احييك عليها يامبدع

لاكن عليك الانتباه للخطاء الاملائي فالبيت

كانها بالطيب تاتـي كانهـا بالحـرب عـادي
ابشر إن الزند قدح نـار فـي خشـم الفتيلـه

اعتقد انك نسيت الالف والام في كلمة النار


صح لسانك يامبدع ولاهنت



وتقبل مرور اخيك

[ماجد]

مرحبا

ناصر الجلاه

بيض الله وجهك

ابيات جميلة وغزليه في قمة الروعة

صح لساااااااااانك ولاهنت

تحياتي

نبضـ الشمالـ

[احمد مناحي]

ناصر الجلاه

هلا بك وغلا

صح لسانك الى رضاك

شاعر رائع ومبدع في كل حالاتك

والشاعر ربح السبيعي كفو وانت سندت على حيد ..

ننتظر رد ربح الذي بلاشك لن يقل روعة عن هذه الفاتنه ..

تقبل مروري

[عبدالعزيز نايف]

صح لسانك ياناصر وبيض الله وجهك قصيدة جزله

وين الغيبات ياناصر ماعاد لك شوفة وانا اخوك



بانتضار جديدك

لاتقاطعنا


تحياتي

[ناصر الجلاه]

ناصر الجلاه




قصيده قمه في الروعه احييك عليها يامبدع

لاكن عليك الانتباه للخطاء الاملائي فالبيت

كانها بالطيب تاتـي كانهـا بالحـرب عـادي
ابشر إن الزند قدح نـار فـي خشـم الفتيلـه

اعتقد انك نسيت الالف والام في كلمة النار


صح لسانك يامبدع ولاهنت



وتقبل مرور اخيك


فراج العتيبي


صح بدنك يابن العم وشكرآ على لفت النظر للبيت :

كانها بالطيب تاتـي كانهـا بالحـرب عـادي
ابشر إن الزند قدح نـار فـي خشـم الفتيلـه

وتعديل الخظأ زيادة حرف الياء في كلمه ((قدح)) الذي سقط سهوآ والصحيح:

كانها بالطيب تاتـي كانهـا بالحـرب عـادي
ابشر إن الزند يقدح نـار فـي خشـم الفتيلـه


تواجدكـ واطرائكـ العطر وسام على صدري

لاهنت يافراج

[ناصر الجلاه]

..

نبض الشمال

..

صح بدنك يالغاااالي .. ووجهكـ ابيض الرائع تصفحكـ الكريــــم

لاهنت

..

[ناصر الجلاه]

..

احمد مناحي الشمري

..

تبقـا يابومناحي .. وصح بدنكـ الرائع شخصكـ الكريم تواجدكـ يشرفني عطرت الصفحه بإطرائكـ الجميل

لاهنت يالشمري

..

[ناصر الجلاه]

..

عبدالعزيز الدلبحي

..

صح بدنكـ يابن العم .. ووجهكـ ابيض تواجدكـ يشرفني

لاهنت ياعبدالعزيز

..

[خيال الشعثا]

الله علالالالالالالالالالالالا لالاك يااامبدع
دائما دائما تأتي بجزززل القووول ياناصر
صح لسااانك ولالالافوض فوووك

[عبدالهادي الجهني]

شوفها في يوم عندي يشبـه ايـام العيـادي
اشهد إنه يوم العيد اللـي جمعنـي بالجميلـه
الهنوف اللي لاجاني طيفهـا عفـت الرقـادي
قمت ابوهه طول ليلي كن في صـدري مليلـه
ريحها ممزوج عطرٍ من زهر عنبـر وكـادي
ومن وصوف وصوفها بالحسن وصفه مستحيله
مثلها ماشفت انا في حضـر وألا فـي بـوادي
ياربح عند العصيمي صاحبـك تسـوى قبيلـه

،

،

الشاعر الجزل / ناصر الجلاه


صح لسانك وكلك ونبضك وحرفك ونزفك

لاهنت ولا هان بيانك

قصيدة جزلة ذات نغم رائع


،
،
،
،

[محمد نايف العتيبي]

.

.

الله الله



الشاعر : ناصر الجلاه


حي هالراس في ذمتي , والحمدلله على السلامه



جزله جزله ياناصر والله يبيض وجهك على كل حال


صـح لـســـانــك مليووووون لاهنت



دمت بخير



محمد بن نايف

[سعود السلمي]

ياربح تنشد علامي ليـش فالمشـراف بـادي
اذكر اللي خدها يبـرق كمـا بـرق المخيلـه

هههههه المطوع ماني خابر قلبه أخضر مدري يمكن تغٌير ولا شيء

صح لسانك ياناصر شامخه ماهي غريبه على شاعر جزل مثلك يالذيب

[محمد بن ضاوي]

مانقلت هموم قلبي خوف فـي شربـي وزادي
............. طمعتي كسب الجزيله مانبـى غيـر الجزيلـه

كفو يالشاعر


صح لسانك ولاهنت

[صهيل الصمت]

لي ثلاث سنين بين القلـب والتفكيـر غـادي
ارتكي للحمل مثل شعيـل وانهضبـه واشيلـه
بين صعبات الامور وبيـن تحقيـق المـرادي
ارعدي يالمزنـه الغـرى وسيلـي يامسيلـه
طايحٍ كني صويب الرمـح وسيـوفٍ حـدادي
عزتـي للـي بنـاب الحـب طايـح عزتيلـه


ياسلام عليك ياناصر
كتبت وتميزت ابياتك

دمت ودام نبض قلبك

ُدم بخير

[دفا المشاعر]

http://www.up-00.com/uploads/rhh85995.gif

أخي الشاعر الرائع والعذب القدير /

# ناصر الجلاهـ #

صح لسانك وكلك على هالقصيدة العطرة والعذبة ،,

وبيّض الله وجهك يالقرم

قصيدة رائعة كـ روعة حضورك ،,

والله يعطيك ألف عافيـة ،,

http://www.up-00.com/uploads/JNp85152.gif

لا عدمنا جديد شعرك الفواّح والبوّاح والعذب والرائع

احترامي وتقديري

[شاعرة نجد]

لكن القصه ماهي حـربٍ نجيـب ام الزنـادي
ونردي الاولى صويبه عكس لا لخـرى قتيلـه
وايضآ القصه ماتاصل يـم حـال الاقتصـادي
ارتخى سعر الموشر وارتفـع سعـر البليلـه


صح الله لسانك شاعرنا الجزل

تقديري لبوحك المميز,لاهنت

أعذب التحايااا’,,

[محمد الدغيري]

ناصر الجلاه

حضور مميز


صح قلبك وكلك يا الغالي


وانتظر ابداع قادم قريباً هنا


تحيه عطره

محمد الدغيري

[أبوعبدالرحمن]

صح لسانك يا ناصر


جزل ومبدع دوما

وننتظر رد المبدع ربح السبيعي


تحيتي لكم

[ناصر الجلاه]

..

خيال الشعثا

..

صح بدنكـ يالغااالي نورت المتصفح وعطرت الصفحه بأطرائكـ الجميل

لاهنت

..

[ناصر الجلاه]

..

عبدالهادي الجهني

..

صح بدنكـ يالغااالي الابداع تواجدكـ الكريــم والجزاله من اصلك يالغاااالي

اسعدني تصفحكـ

لاهنت

..

[ناصر الجلاه]

..

محمد العتيبي

..

تحيا ياطويل العمر .. الله يسلمكـ يابونايف ووجهكـ ابيض

صح بدنكـ تواجدكـ يكفيني يابونايف

لاهنت

..

[ناصر الجلاه]

..

هاوي قصيد

..

هههه تغير المطوع ماتعرفه .. صح بدنكـ ياهاوي الجزاله تصفحكـ الكريـــم

لاهنت

..

[خالد البرقاوي]

مشكور
ماقصرت
تقبل مروري

[ناصر الجلاه]

..

محمد ضاوي

..

ماعليك زود يالغاااالي .. صح بدنكـ ونورت الصفحه

لاهنت

..

[ناصر الجلاه]

..

صهيل الصمت

..

صح بدنكـ يالغااااليه .. نورتي الصفحه بإطرائكـ العطر

لاهنتي

..

[ناصر الجلاه]

..

دفا المشاعر

..

صح بدنكـ يالغااااليه حضوركـ مميز .. واطرائكــ جميل

لاهنتي

..

[ناصر الجلاه]

..

شاعرة نجد

..

حياكـ ربي يالغااااليه .. صح بدنكـ مروركـ كريــــم

لاهنتي

..

[ربح السبيعي]

ياربح تنشد علامي ليـش فالمشـراف بـادي=اذكر اللي خدها يبـرق كمـا بـرق المخيلـه

هههههههه وينا ووين النشده التوبه اموت ماعاد نشدتك

صح لسانك ياناصر العصيمي على هالقصيده الجزله

والله يساعدنا على الرد لو ماهوب واصل مستوى هالشامخه