أمس الضحى عديت في راس الاكموم ( فكاهيه ) [الأرشيف]

مشاهدة النسخة كاملة : أمس الضحى عديت في راس الاكموم ( فكاهيه )

يوسف عبدالله الغنامي

13-03-2008, 01:53 AM

أمس الضحى عديت في راس (الاكموم)= ودربلت يم (الخال) ماشفت حاجه
ياكود طيرٍ بالسما يدرج الحوم = الظاهر أنه شايفٍ له دجاجه
وأدرجت دربيلي على (ظلم) مهموم= وأشوف معصيره مخالط عجاجه
وأدرجت دربيلي على (كشب) للبوم = يحوم فوقه قلت هذي سماجه
وأدرجت دربيلي على( دمخ ) للقوم = مولمين سيوفهم للمواجه
ومن كثر ماعصبت أنا أطيح وأقوم = أترك قراح الما واقرطع هماجه
المسأله فيها شجيعين ورخوم = ماعني وعنهم يالاقشر لحاجه
ونطلت دربيلي وحولت بسهوم = والسيف والشلفا وخنجر وصاجه
من سرعتي كني على الورك مصدوم = المعركه طب الفؤاد وعلاجه
وساعة تواجهنا على حزة النوم= الطيب اللي مايدور خراجه
أثعيت فيهم مثل ماثعيت فالروم= وشجيعهم ماني معبي مزاجه
ولديت يمه قلت أنا الأمر محسوم = تعال يالملعون ورع الخواجه
وأظهرت سيفي خابر السيف ملحوم= ليا لمع كنه لميع الزجاجه
ليا لمع في عينه يصير منجوم = وأشوف في مخه يصير أرتجاجه
ورفعت سيفي يوم قلت له مرحوم = وأوشكت أقص الراس وأشيل تاجه
حسيت أنا يوم الظهر صار مصروم = باللي غدرني قدم مطفي سراجه
وأستيسروني صرت مستيسر اليوم= حسبي على الدربيل مبعد مداجه

مابين الاقواس أسما لجبال مشهوره بنجد والحجاز

النوري

13-03-2008, 02:09 AM

يوسف العتيبي

تشرفت بصافحة رائعة من در وألماس

واسمحلي بالتعديل.فكلمة أمس خرجت عن مكانها.وأعتقد هذا ماأردت.

فكاهية أطربتني.

والي المزيد من التآلق..

تقبل شكري وتقديري,,

محمد نايف العتيبي

13-03-2008, 02:30 AM

.

.

ههههههههه

وأدرجت دربيلي على( دمخ ) للقوم
مولمين سيوفهم للمواجه

يامال السيل يادمخ :wink:

يوسف العتيبي

فكاهيه جميله وبيض الله وجهك يالذيب

لاهنت وصح لساااااااااااانك يالطيب

دمت بخير

محمد بن نايف

يوسف عبدالله الغنامي

13-03-2008, 02:37 PM

النوري

هلا وغلا

نورتي لصفحه بحضورك الرائع

تسلمين وربي يديم حضورك وتواجدك

فراج العتيبي

13-03-2008, 02:40 PM

ههههههههههههه

يوسف الله يعطيك العافيه

صح لسانك ولاهنت

تقبل مروري

اخوك

احمد مناحي

13-03-2008, 02:57 PM

يوسف العتيبي

هلا بك و غلا

صح لسانك الى رضاك

كتبت فابدعت

والفكاهه مطلوبه للترفيه والترويح عن النفس ..

شاعر رائع

الله لايضرك

تقبل مروري

دفا المشاعر

14-03-2008, 06:31 AM

http://www.up-00.com/uploads/rhh85995.gif

أخي الشاعر العذب القدير /

# يوسف العتيبي #

صح لسانك على هالقصيدة الجميلة

وبيّض الله وجهك يالجزززل

والله يعطيك ألف عافيـة ،,

http://www.up-00.com/uploads/JNp85152.gif

لا عدمنا جديد شعرك البوّاح والعذب والجميل

احترامي وتقديري

محمد الدغيري

14-03-2008, 06:49 AM

يوسف العتيبي

الله يقطع بليس عدوينك

بيض الله وجهكـ

وصح لـ سانكـ يا الغالي

وانتظر ابداعك وتواصلك قريباً هنا

تحيه عطره

محمد الدغيري

شاعرة نجد

14-03-2008, 02:36 PM

صح الله لسانك ولاهنت

تقديري واحترامي لك’,

مضحي السميري

14-03-2008, 11:02 PM

وأدرجت دربيلي على (كشب) للبوم
يحوم فوقه قلت هذي سماجه

ههههههههههههههههههههههههه هههههههههههههىى

يوسف الله يهديك

علامك على كشب يامسلم

صح لسانك

مدد

اخووك

محمد الروقي

14-03-2008, 11:24 PM

رحت مره لمحل الدرابيل في طريق المدينة

بجده فوجدت دربيل يقول 25 الف ريال قلت دقيقه اجيب المبلغ

وشفتك ولا شافني ودربيلك هذاا كم يسااوي يا يوسف شكله يبي يطرق المليون

وصح لساااااااانك مليونين

قصيدة فيه من المداعبات المرحه مايجعل لها نكهة خاصة

أبوعبدالرحمن

15-03-2008, 01:18 AM

يوسف العتيبي

صح قلبك وكلك

وسلمت اناملك

جزل ومبدع دوما

تحيتي لك

يوسف عبدالله الغنامي

15-03-2008, 02:05 PM

محمد نايف العتيبي

آمين والله

وعسى الضحكه دوووووووووم يالغالي

تشرفت بحضورك الكريم

خالد البرقاوي

15-03-2008, 02:31 PM

رائع اخوي وصف الطبيعة للديرنا
تقبل مروري
وسلام

يوسف عبدالله الغنامي

16-03-2008, 03:48 PM

فراج العتيبي

دووم الضحكه

صح بدنك

ومشكور على الحضور يالغالي

حامد الروقي

16-03-2008, 09:57 PM

يوسف الله يضحط سنك ؟

وصح لسانك وبيض الله وجهك

دمخ ـ ذيابته فيه ولا انقرضت ؟

كشب: / ـ الحره ـ ام حيد ـ المليساء ـ ام الصخال ـ فيها قيعان تسمى بلد وبليد

القصيده هذي اعادة الذكريات وتلتنا للدير تل
قلبي عليها يتله صادق النيه + ويتله الود يم اللي تمناها

تسلم يايوسف

تحياتي

يوسف عبدالله الغنامي

17-03-2008, 03:31 PM

أحمد مناحي الشمري

صح بدنك

ومشكور يالغالي على الحضور الطيب

يوسف عبدالله الغنامي

17-03-2008, 03:33 PM

يوسف عبدالله الغنامي

17-03-2008, 03:34 PM

محمد الدغيري

صح بدنك

مرورك شرف لي يالغالي

يوسف عبدالله الغنامي

17-03-2008, 03:35 PM

شاعرة نجد

صح بدنك

ومشكوره يالغلا على الحضور الرائع

يوسف عبدالله الغنامي

17-03-2008, 04:14 PM

مضحي السميري

هلا والله وغلا وجعل الضحكه دوووم أن شاء الله

وأهل كشب على العين والراس عيال عم وغالين وأنا ماقلت فيهم شي قلت أشوف البوم يحوم فوق كشب والبوم في كل مكان ماهو في كشب وبس وألا أهل كشب مايكفيهم نعمٍ واحد

والقصيده فكاهيه لا أكثر ولا اقل لايجي في الخاطر شي

وش علوم الجوال عساك شريت الموديل الجديد ههههههههههه