عبدالله بن حنيف> اقلط لاهنت

[طراد]

من طواري خاطر الشاعر طراد المستعده=ياسلام الله على ابن حنيف وتعم الجماعه
السحايب ماتغايب والمضارب مجرهده=وانت مثل البارق اللي نرقبه في كل ساعه

[شقردي حرب]

طراد صح لسانك
وين عبدالله
بنتضاره
متابع

[شقردي حرب]

الليل سرا ياشعار

[عبدالله حنيف العتيبي]

استلم ..



من هجوسن تعشق الميدان والميدان قده=مرحبا يالشاعر الي ماكشفنا عن قناعه

النجم واضح يــرد الي عجز غيره يرده=دام ترقبنا لك الله مانساوم فالبضاعه

[طراد]

البقا ياشاعر العتبان من حايل لجده=والفتى مايرفعه ياكود فعل(ن) من ذراعه
مايضد الضد ياضد الضدايد كود ضده=والعوض فاللي نعده راس من روس الشجاعه

[قادح شـرار]

يا سلاااام يا سلااااااام .

صحت الألسن , واصلوا ...........





أخوكم/ قادح شرار.

[عبدالله حنيف العتيبي]

الله الله استلم ..


شاعر العتبان مايعرف عميله وش مرده=لو يطير الطير يالدندون مافاد ارتفاعه
كل واحد يعرف حدوده ويأقف عند حده=القناعه كنز لا يفنى عليــكم بالقناعه

[طراد]

شاعر العتبان وده لو يقول انه ماوده=كلمتي راحت وعبدالله تهور باندفاعه
كلمتك هذي بعدها قرب فراش ومخده=والطماعه ياعسى الله لايورينا طماعه

[عبدالله حنيف العتيبي]

استلم ..


ياحسافه يالجمل يومه برك مافاد زنده=مانقول الا عسا الصومال مافيها مجاعه
عارفين وفاهمين ان البطل معروف نده=لكن العجله تسوقك نطلب المولى شفاعه

[طراد]

شيل حط وحط شيل وجيب علم وعلم وده=ذاك من هذا وهذا صورت(ن) بعد الطباعه
انت مثل اللي بنا له بيت ثم عود وهده=نوب صح ونوب تصنع لي سواليفك صناعه

[عبدالله حنيف العتيبي]

صح لسانك ياطراد وشرف لي محاورتك..لاهنت يالقرم


ماعرفنا واحدن جاب المعاني غير قصده=القوافي تجبره ربي دخيلك من ضياعه
لو نخوبر لو نلغم صاحبي راعي مكده=والبحر عاف السفينه والمصيبه من شراعه

[طراد]

صح بدنك وانا اللي اتشرف بمحاورتك والله لايهينك


العتيبي يتهمني والبلاوي وسط كبده=عاذرينك يالعتيبي دام مافيك استطاعه
قول حامض ياعنب مدام ماتقدر تجده=والمكده في ظهور اهل الشقا واهل الرعاعه

[مها الحسن]

ههههههههههه
هههههههههههههههههه


حررررررررررب هنا

صحححححححححححححححت الالسسسسسسسسنة


مبدعيننننننننننننننن

ماشاء الله


الليل الليل




الصبح الصبح



الله اكبر عليكممممممممممممممممممم

[عبدالعزيز نايف]

صحت الالسن طاروق كايف ومحاورة ممتعه

لا اوصيك يابو حنيف شلوطه وازهل الصف ههههههههههه

متابع

[احمدالعارضي]

الله الله
صحت السنكم
ابدعتو