ودنا بشاعر ٍ جيّد .

[قادح شـرار]

ودنا بشاعر ٍ نبغي نداقش معاه === شاعر ٍ جيّد وفي كل ماقف قـوي

يكشف الجرح ثم إنه يقرّب دواه === ويحذر الذيب لاسمع الذياب اتعوي

[طراد]

ودك وودي وكلن يدور هواه=مير لابد واحد يالعميل يهوي
والله اني طبيب الجرح للي بغاه=كان تبغى حجام وكان تبغى كوي

[طراد]

ياعميل الخير
استاذنك ساعه وارجع لك

[قادح شـرار]

جيت يالشاعر اللي ما يميز خطاه === مير أبشويك لين تحس حر الشوي

يا طبيب العرب ما عاد عندك نجاه === طحت في وسط حاره دربها ملتوي

المعذرة على التأخر فالرد , كنت أتعشى ياخوي .

[عبدالله حنيف العتيبي]

الله الله ..

صحت السنتكم ..يامبدعين ..

متابع..بترقب ..

[محمد ابن براك العطاوي]

ياسلام ياقادح شرار متميز كعادتك =
صح لسانك وانا في صفك ولايهون طراد =

[طراد]

العمى ضيع ادروب العرب من عماه=مير مايستوي عقل الخبل والسوي
دربك الملتوي نقص(ن) على اللي مشاه=وكان تبغى النقيصه روح دور خوي

[قادح شـرار]

شاعر ٍ يوم شاف النار عوّد وراه === لا تعود وخلك فوق دربك سوي

شفته ايرد سيفه يا عرب في خباه === يا جماعة تروني ناوي ٍ له نوي

[ماجد الرويس]

الله الله

صح لسااانك ياقااادح والصف دبل وثري

الداب

الداب


وصح لسااان طراااد

تحياتي

[طراد]

ابك حنا حرار الجو وانت القطاه=وان بغيتك طويت الارض فوقك طوي
ماقنيت المهند للحفاه الرعاه=وانشد الشاعر ابن حنيف قبل اتغوي

[قادح شـرار]

كان جاتك ضليمة روح عند القضاه === قلهم حدني فالدرب شخص بدوي :مزون:

كيـف أبنشد عتيبي والعتيبي نسـاه === روح دور شهادة عند رجل بلوي


رجل: بمعنى شخص بلوي . عشان فيه أناس يقرون غلط.

[طراد]

راح يرثع مع الوادي ولا له سواه=نوب نوحي ونين ونوب نوحي صوي
قلت ليته وجعله عل قلب عساه=مير بانت وبان الخافي المنزوي

[طراد]

اشكر كل من مر على هذه الصفحه
وصحت السنتكم جميعا

قادح
صح لسانك
وتصبح على خير

[قادح شـرار]

جاه سيل ٍ مع الوادي وغطى جماه === ذوق من خير ربي لين ما ترتوي

إنتهى الدرب كل ٍ عارف ٍ مستواه === يا جماعة تعشيت العشا المستوي


أخوي طراد : صح لسانك ولافيك قصور . سرا الليل وأقترب الفجر . وختامها عندك يالذيب

[قادح شـرار]

ابن حنيف العتيبي: صح بدنك , ونورت الصفحة بمرورك .

ابن براك العتيبي: التميّز بصير بمرورك بالصفحة , وصح بدنك , والصف يتشرف بمثلك .

عبّاث : صح بدنك يالذيب , وينك يا مسلم تطوّل الغيبات .

قسم المحاورة منتدى غرابيل : أهنئكم بشاعر جديد وفذ مثل الأخ طـــــراد .


مشكووووورين يالغالين على المرور .


أخوكم/ قادح شرار.

[ربح السبيعي]

قادح شرار و طراد


صحت السنتكم على هالمحاوره الحماسيه


لاهنتو جميعاً

[طراد]

قادح شرار
صح لسانك يالقرم
(ياجماعه تعشيت العشى المستوي)
(ياجماعه تعشيت العشى المستوي)
(ياجماعه تعشيت العشى المستوي)
(ياجماعه تعشيت العشى المستوي)
الله الله


ولاانسى ان اشكر جميع من مر على هذه الصفحه وشرفتوني بمرورك يالطيبين

[قادح شـرار]

ربح السبيعي : أكبر شرف لي مرورك بصفحتي , وصح بدنك وخلك متواجد معنا على طول .

طراد : صح بدنك , القرم شئ بسيط مما عندك يالمبدع .




أخوكم/ قادح شرار.

[عبدالعزيز نايف]

سلام عليك ياقادح ولايهون طراد صحت السنتكم

وازهل الصف ياقادح ولا اوصيك على الرجال ههه




واصلوا

[احمدالعارضي]

ياسلام ياسلام
صحت السنكم واخص قادح ولايهون طراد

[حبيب المرشدي]

صح لسااااااااااانك ياقااااادح

وصح لسااااااااااااان طراد

كلكم مبدعين

[قادح شـرار]

عبدالعزيز الدلبحي : حياك الله بالصفحة , وصح بدنك , الصف ما يستغني عنك يالذيب , اللعب أنتهى , لعبنا مباشر وحامي . وهذا اللعب الحقيقي .

أحمد العارضي : يا مرحبابك يالذيب بالصفحة , صح بدنك , وين الغيبة يا رجال , خلّك قريب.

حبيب المرشدي : صح بدنك ويا مرحبابك .


مشكووووورين يالغالين على مروركم الكريم .


أخوكم/ قادح شرار.