الفاضي يتقدم ...!

[عبدالله حنيف العتيبي]

الطارف ســداد..


سلامــي عليكم يازحول الرياجــيل =سلامـــن يبث النور عقب الضلامــي

غرابيــل ياشعار مــوقع غرابيل=ترى الشعر فن وذوق ماهـــو كلامي

[حبيّب الحربي]

صح لسانك


وصدق كلااامك




لاهنت


وننتظر الشعار

[عبدالله حنيف العتيبي]

صح بدنكـ ياحبيب ..

حياك الله ..

تحياتي ..

[الصقر البرازي]

صح لساااااااااانك

وصح لسان المقابل





لك التحيه من :- الصقر البرازي الســــــهلي

[شلعان الدوسري]

هلا مرحبا ترحيبةٍ توفي الكيل = تراحيب تزها كل عالي مقامي
غرابيل يا المنعور دار الحلاحيل = وراع الجزاله ما يلحَق ملامي

[عبدالله حنيف العتيبي]

صح بدنكـ يالسهلي ..


لاهنت على المرور ..


تحياتي ..

[عبدالعزيز نايف]

صح لسانك ابو حنيف مبداء كايف ورد وافي من شلعان


صحت الالسن وازهلوا الصفين يالذيابه

[عبدالله حنيف العتيبي]

الله الله .. استلم ..


يدوم البقاوالكيل مايقبل الميــل=بغيته فعل ولا بغيــته بأسامي

ياشلعان ركــز عاين الجدي وسهيل=أحــد قال أنــا مستور ولا الزلامــي

[عبدالله حنيف العتيبي]

عبدالعزيز صح بدنكـ ..

والله ان حضوركـ انه ينومس ولاهانوا الباقين ..

تحياتي ..

[قادح شـرار]

أبو حنيف : صح لسانك يالذيب . بداية رهيبة ورائعة .

شلعان الدوسري : صح لسانك يالدوسري . وردك وافي .


واصلوا ومتابعكم ........




أخوكم/قادح شرار.

[عبدالله حنيف العتيبي]

قادح حياك الله ..

وصح بدنكـ يالقرم بعض من ماعندكم ..

فديت المرور وراعيه ..

[شلعان الدوسري]

كفو يا العتيبي يا حفيد المشاكيل = وهداج عدٍ يارده كل ضامي
ترانا نعرف الصبح ما يشبه الليل = وليا من مشينا عارفين النظامي

[شلعان الدوسري]

الأخوه الكرام

حبيب الحربي

الصقر البرازي

عبدالعزيز الدلبحي

قادح شرار


حياكم الله و يا مرحبا و الله و مسهلا

شرفتونا بمروركم الطيب

تحياتي للجميـــــــــــــع

[عبدالله حنيف العتيبي]

ياسلام .. استلم ..



ياشلعان وش قولك مع القال والقيل=وعدك لقينا فيه برد وسلامي

لقيت الفرس ياصاحبي تنطح الخيل=ولقيت الجنون اتغوص والبحر طامي

[شلعان الدوسري]

طيب طيب أستلم لا عدمتك



عميلك ليا من قال ما فيه تبديل = و عنده لمثلك ميسمٍ دوم حامي
ترى البحر يابن حنيف ما يشبه السيل = وذنب الحرامي فوق جنب الحرامي

[محمد نايف العتيبي]

.


الله الله



الله الله




هنا جزاله هنا ركاده هنا معاني هنا ثقلين




عبدالله حنيف : فديت راسك صح لسانك بدايه جزله ولا هي غريبه منك وبيض الله وجهك ..




شلعان الدوسري : حي والله هالراس صح لسانك ولاهنت يالجزل بيض الله وجهك ...





محاوره من العيار الثقيل



ارشحها لتــثـبـيت ***





دمتم بخير

[عبدالله حنيف العتيبي]

حياك الله يابونايف ..

وماعليك زود ..

بعض من ماعندكم ..

فديتكـ انت ومرورك..

وشرف لنا وجودك فالمتصفح ..

[عبدالله حنيف العتيبي]

طيب طيب استلم .



تقوله وزندك ماقوى الحط والشيل = رمينا الفشق جوف اللحم والعظامي

طرى العكس فالحله وصارت تعاليل = وذنب الحرامي ضاع وسط الزحامي

[نـواف الشمــري]

عبدالله العتيبي


شلعان الدوسري




صحت السنتكم جميعا ولا هنتوا



بصفك يالعتيبي ولا يهون شلعان




تحياتي لكم جميعا

[عبدالله حنيف العتيبي]

صح بدنكـ يانواف ..

ولاهنت على المرور ..

وشرف لي وجودكـ في صفي ..

لاخلا ولا عــدم ,,

[شلعان الدوسري]

سواتك يعرف الحيل ما يفتر شعيل = و ترى الريح ما هز الجبال الزوامي
لو المختبر يفحص جميع التحاليل = عرفنا الطيور امن الجراد التهامي

[شلعان الدوسري]

الأخ : محمد بن نايف

مرحبا و الله و مسهلا

و شرفتنا جعلك تحيا

و وجهك أبيض يا القرم

كل التقدير و الأحترام

[شلعان الدوسري]

نواف الشمري

مرحبا مليون يا القرم

و حياك الله في صف عبدالله و الا في صفي

الصف واحد جعلك تسلم

مع أني زعلان عليك كل محاوره و أنت ضدي


شرفتنا جعلك تحيا

كل الشكر و التقدير

[عبدالله حنيف العتيبي]

استلم والختام عندكـ..وتشرفت بالعب معك يالجزل ..


تقوله وسيفك يابيض الوجه هوتميل=نسوق الفحل في وسط شدقه خطامي

وترى المختبر للبيع مكتوب تقبيل=بعد مارمى والمشكله دون رامي

[شلعان الدوسري]

وعدنا وعدنا فالليال المقابيل = ولساني ليا جات اللوازم حسامي
عسى الدار يغشاها صدوق المخاييل = وعسى حالته في كل يومٍ تمامي



الأخ العزيز و الشاعر المبدع : عبدالله بن حنيف العتيبي

الله لا يهينك و بيض الله وجهك و صح السانك

و تشرفنا با اللعب مع مثلك و شرواك

و الله يطول بعمرك و عمر من مر و شرفنا بمروره

كل التقدير و الاحترام

[عبدالعزيز نايف]

صحت الالسن محاورة من العيار الثقيل وشعار
يمتلكون الجزاله


سجلوا اعجابي




تحياتي

[ماجد الرويس]

صح لسانكم يامبدعين محاروة رائعه لكم جزيل الشكر والتقدير.

[شلعان الدوسري]

عبدالعزيز الدلبحي

صح بدنك يا القرم

و شرفتنا بمرورك الكريم



عباث

صح بدنك يا الذيب

و حياك الله


كل التقدير و الأحترام لكم