عاذرك ،، ابن هندي

[ابن هندي]

اسعد الله اوقاتكم جميعا

اتمنى ان تحوز على رضاكم هذه القصيده
المتواضعه جدا



عاذرك يا صدري اللي ضقت وانت اعذرني=الفراق اقوى من عزومي وانا ما أحتآله
دام حتى الواقع اللي عشت فيه انكرني=حالتي في ذمتي يرثى لها من حاله
لا تعاتبني ترى كثر الحكي يقهرني=ولا تزوّد جوفي المسلول في سلاّله
يكفي اللي راح يا صدري ولا عبّرني=ولا ترك لي غير ضحكة سنّ من عذّاله
الحبيب اللي فدآه الروح ما قدّرني=ما تقول اني غلآه وقد سكنت إفــبآله
كنت سيفٍ في يمينه لا زعل يشهرني=في وجيه العالم اللي سبّبوا غرباله
وكان اذا عـَريَت همومه جآ وقال استرني=وقلت لك عيني من صدوف الشقآ واشقآله
ويقلط بعينٍ ليا طال الجفا تسهرني=وايتذرّا بجفني اللي ناحتٍ تمثاله
وايتوسّط عقلي وينهاني ويامرني=واتتبّع خطوته بـقفآيته واقبآله
كنّي المسحور وبسبّابته سآحرني=بالاشآره كل شيٍ في مراده ناله
اشهد ان فراق ملهوف الحشآ دمّرني=واشهد ان حالي بعد ما فارقه يرثاله
ليت موتي من قبل ترف الصبآ يهجرني=زارني واقفى بروحٍ همّها تشتاله
وليت ما صغـّرني بعينه بعد كبّرني=وليت يوم اقفآ خذآ بإقفآيته سلسآله
وواجب انك يا صدر قلب الشقآ تعذرني=الفراق اقوى من عزومي وانا ما احتاله



وسلامتكم



،،

[شقران]

اشهد ان فراق ملهوف الحشآ دمّرني
واشهد ان حالي بعد ما فارقه يرثاله


ابن هندي الغالي

يطيب لي مصافحة شامختك

لاعدمتك ولافض فوك يالقرم والف صح لساااااااااااااانك




شقران

[عنود الريم]

عاذرك يا صدري اللي ضقت وانت اعذرني
الفراق اقوى من عزومي وانا ما أحتآله

دام حتى الواقع اللي عشت فيه انكرني
حالتي في ذمتي يرثى لها من حاله



عزاااااه يا ابن هندي

معذووور والله

قصيده شامخه

صح لسانك

تحياتي

[قوت القلوب]

صح السانك
يعطيك العافيه
تحياتي

[رائد الشريف]

صح لساااااااانك


قصيده من الروائع النادره


لاتعليق

سوى

سجل اعجاابي الابدي لديك

اخوك المحب الدويبي

[فالح الشلوي]

ليت موتي من قبل ترف الصبآ يهجرني
....................زارني واقفى بروحٍ همّها تشتاله
وليت ما صغّرني بعينه بعد كبّرني
.....................وليت يوم اقفآ خذآ بإقفآيته سلسآله
وواجب انك يا صدر قلب الشقآ تعذرني
.0..................الفراق اقوى من عزومي وانا ما احتاله

شامخه من شامخ

ورائعه من رائع


صح لســـانك مليـــون يابن هندي وقصيده تحمل في ثنايها الصدق وفن الصياغة وقوه القافية

دايم تشد انتبهي لنقطه :

كل قصيده تنزل لك في غرابيل اجزم قبل اقراها انها افضل من سابقتها

تحياتي لك

اخوك / عذب والاوهام

[طيف الوله]

دام حتى الواقع اللي عشت فيه انكرني
حالتي في ذمتي يرثى لها من حاله
لا تعاتبني ترى كثر الحكي يقهرني
ولا تزوّد جوفي المسلول في سلاّله
يكفي اللي راح يا صدري ولا عبّرني
ولا ترك لي غير ضحكة سنّ من عذّاله


ابن هندي

اسمح لي ان اسميك شاعر الوجدان

شاعر الاحاسيس

شاعر يعرف كيف يحرك مشاعرناااا لتتفاعل مع كل حرف يكتبه

استاذ يابن هندي استاذ في ابداعك ..في قصائدك..في روعة معانيك

مهما كتبت لن استطيع التعبير عن روعة هذه الابيات التي جاءت في وقتهاااا

صحححححح قلبك ملياااراااات شاعرنا الغالي

[مُذهِلــــة]

اشهد ان فراق ملهوف الحشآ دمّرني
واشهد ان حالي بعد ما فارقه يرثاله
ليت موتي من قبل ترف الصبآ يهجرني
زارني واقفى بروحٍ همّها تشتاله
وليت ما صغّرني بعينه بعد كبّرني
وليت يوم اقفآ خذآ بإقفآيته سلسآله
وواجب انك يا صدر قلب الشقآ تعذرني
الفراق اقوى من عزومي وانا ما احتاله



روووووووووووووووووعة بحق

قصيدة جزلة و قوية بمعانيها وكلماتها وحروفها

جاءت لتنسج لنا أقسى اللحظات و أمرها على الإنسان لحظات الفراق والبعد

بين الأحباب

شاعرنا الكبير أبدعت في الصياغة وحسن البيان وجمال العبارة

فدمت لنا شاعراً مميزاً


تحيااااااتي لك

[ابن هندي]

يا هلا ويا غلا يا شقران

صح الله ابدنك ولاهنت على التعليق

لك تحياتي



،،

[ابن هندي]

عنود الريم ،،

صح الله ابدنك ،، وتسلمين على المصافحه

ولاهنتي على الاطراء الجميل ،،

تقبلي تحياتي


ابن هندي

،،

[ابن هندي]

قوت القلوب ،،

الله يعافيك وصح الله ابدنك


تسلمين ولاهنتي



،،

[ابن هندي]

يا مرحبا ومسهلا يالدويبي

مصافحتك شرف للقصيده ولصاحب القصيده


لاهنت على التواصل الرائع يا رائع

لك تحياتي


،،

[ابن هندي]

يا مرحبا بالشاعر عذب الاوهام

صح الله ابدنك ولاهنت

ومشكور على التواصل والتشجيع

اتمنى اقدّم ما يليق بكم جميعا


لك تحياتي

،،

[ابن هندي]

اهلا وسهلا يا طيف الوله

صح الله ابدنك اولاّ

وثانيا تشكرين على هذا الاسم الرائع

وهذا دليل على ذوقك الراقي

تقبلي تحياتي

،،

[ابن هندي]

يا هلا وغلا بـ مذهله

تواصل طيب واطراء اطيب

صح الله ابدنك ولاهنتي


شاكر لك على التشجيع ودمتي للتواصل


لكِ تحياتي

ابن هندي


،،