طبغون الصراحه

[تاجر مواشي]

اغنام - ابل - دواجن - طيور


طبغون الصراحه (http://www.aghnam.com.sa/vb/showthread.php?t=359773)


السلام عليكم ورحمة الله وبركاته
كيف حالكم يااخوان
بتكلم اليوم عن سوق الحمام بالنسبة للحمام القطيفي،، ياكثر ماشرينا من سوق الحمام حمام قطيفي ويطلع خثوق بالمطير
مستوى تعبان بسبب التشريك وما إلى ذلك،،طبعاً سوق الحمام يلم المجاهيل من الحمام القطيفي يقول لك الشريطي على الخيط (عشان تشوف الحمام يقلب) وبمجرد ان يقلب الطير تخق؟!!
انا محدثكم عند مجاهيل وعندي ترث مثبوته المجاهيل تتعبك وتضيع وقتك بلا فائدة والنصيحه من اخو ابعد عنها انا جربتها ومالقت الا ضياع الوقت والمستوى التعباااان جداً
لكن بعض الاحيان تشري طيور وانت وحظك تلع مستوى في المطير رائع لكن هذا نادر جدا اما لسبب ان البائع جاب طيوره الخثوق
وكان معها كم جذبه(ضيفة) وكانت حمام واحد يجمع العروق الصافيه والترث وطحت عليها،،ارجع واقول سوق الحمام اشكال بدون افعاااال وانا مجربها ،،تبي ترتاح
اشتر من سطح واحد معروف بالترث الطيبة والمطير والقلب والمشرات الطويلة والجميلة،،ووفر تعبك وفلوسك اخسر على جوز 300 او 400 ريال ولااخسر تعب وجوز بـ30 او 40 ريال
ضيع وقتي وفلوسي بلافائدة،،ولكن اذا جيت تشتري اهتم بالمطير اذا رحت لراعي السطح اشتر على نظرك خله يطير واذا قال والله ان قفلت على حمامي خايف يضيع
او هذا طيور فلان وعلان وبدأ يقرق على راسك اسحب عليها
اشتر على نظرك وبسسس،،ياكثر مارقينا سطوح ولقينا نصااابين ،،،واخيرا الموضوع من اجتهادي الشخصي
وحاولت انبه الواحد الي يبي يربي قطيفي انه يبعد عن سوق الحمام ويشتري من الترث المعروفه
مثلا تبدأ بجوز هجارس وجوز فرايدة وجوز سهيليات >>مجرد مثال لبعض الترث والا انت بكيفك اختار الي يعجبك من ترث وكلها الحمدلله مستواها طيب الترث المثبوته
وبالتالي بتوفر تعبك وفلوسك وترتاح وصدقني لو تطارد ورى المجاهيل في القطيفي مصيرك بترجع للترث يلي تبحث عن المطير المميز،،،،وشكــراً وآسف على الاطالة.




المصدر: منـتـديات أغـــنـام (http://www.aghnam.com.sa/vb) - من قسم: *ساحة بيع وشراء الـحمـــام اللاحـم والقطيفي والهندي والباكستاني (http://www.aghnam.com.sa/vb/forumdisplay.php?f=237)


'fy,k hgwvhpi