مرحبا ترحيبة العارضي لاشاف ضيف

[احمدالعارضي]

يشرفني العب مع اي واحد


مرحبا ترحيبة العارضي لاشاف ضيف=في محل النقض والفتل واعلوم الرجال
ياعميل الخير خلك على الضلع المنيف=إرق لاشفت العرب راقيه رووس الطوال

[قادح شـرار]

البقـا يا شاعـر ٍ لاهـرج هـرجه نظيف === والقمــر يا صاحبــي جعلـه يـعـود هلال

طبعنا راقي ولاهو من الطبع الضعيف === والحمولة مالها الأ ظهور من الجمال

[عبدالعزيز نايف]

صح لسانك احمد كعادتك مبدع بدايه جزله ورد لايقل عن جزالة البدع

قادح شرار صح لسانك يالذيب

واصلوا متابع

[قادح شـرار]

عبدالعزيز الدلبحي : مرورك يسعدنا . وصح بدنك .

مشكوور على المرور يالغالي .




أخوك/قادح شرار.

[عبدالله بن زيد]

صح لسانك يا احمد

ولايهون قادح


تقبلوا مروري

[احمدالعارضي]

العهد يبقى عهد والحسا جنب القطيف=ووالله إنا خابرين اليمين امن الشمال
ليتها ماجاتنا منك يالرجل الشريف=مير طبع الوقت يااصحاب من حال(ن) لحال

[قادح شـرار]

العهد يبقى عهد وأنت سِــيد المعاريف === ومـن معه حيلة مـع الوقـت لابـد يحـتال

شفتك مع قوم الخواجة تلج الغطاريف === وأنت خابرك ماترقى سوى روس الجبال :كلوش:

[فهــد]

صح لسانك احمد

صح لسانك قادح شرار وسجلني في صفك ولايهون العارضي

[احمدالعارضي]

اخوي قادح الله لايهينك راجع البيتين الاخيره واصلح الوزن تراك كسرت
وعلى العموم مقبوله واستلم الرد


حالت الحيله على راسك وطاح الصريف=مالك ومال الطريق العوج ياابن الحلال
الولد هذا وكاد إن في راسه نزيف=الخواجه وين شافه عسى مابه هبال

[احمدالعارضي]

غدا نكمل
تصبحون على خير

[فهــد]

البيت صحيح ياقادح <<<< وجهة نضر

[قادح شـرار]

أدري إن البيت صحيح يا فهد , بس الظاهر أحمد غفى شوي .

[احمدالعارضي]

أدري إن البيت صحيح يا فهد , بس الظاهر أحمد غفى شوي .

اخوي قادح
انت لو ميزت بيوتك كان عرفت بدون شهادة احد
واصلا كلمة (المعاريف والغطاريف) مستحيل ومن سابع المستحيلات انها تجي على هذا البحر
اضف الى ذلك الشطرين الاخرين لكن على سبيل المثال فقط
والشعار يدخلون هنا باستمرار وانشالله انك تلقى من يقنعك
واللي اسمه فهد هذا مااقول فيه قصور لكن شكله مبتديء
واختلاف الرأي لايفسد للود قضيه

[قادح شـرار]

أحمد . أنت موجود ولا مشيت . خلاص ماهو بمشكلة بكرة على خير نتفاهم يابوحميد .:11sted_re

[عمدة الشعار]

واصلا كلمة (المعاريف والغطاريف) مستحيل ومن سابع المستحيلات انها تجي على هذا البحر



السلام عليكم


أولاً: صح الله السنتكم جميعاً

ثانياً: كلامك يأحمد 100% 100

ثالثاً: تقبلوا تحياتي

[قادح شـرار]

تدعي بالكسر واتزيف الوضع تزييف === مايبي يخسر ويطلع فقير بدون مال :wink:

لا تناقشني وتِـــكثر علــيّ السواليف === من بغى الماء يارده بالعيال وبالحبال :واو:

[محمد نايف العتيبي]

.

مرحبا ترحيبة العارضي لاشاف ضيـف
في محل النقض والفتل واعلوم الرجال
ياعميل الخير خلك على الضلع المنيف
إرق لاشفت العرب راقيه رووس الطوال


100%100 وزن وقافيه ومعنى

.

البقـا يا شاعـر ٍ لاهـرج هـرجه نظيف === والقمــر يا صاحبــي جعلـه يـعـود هلال

طبعنا راقي ولاهو من الطبع الضعيف === والحمولة مالها الأ ظهور من الجمال


100%100 وزن وقافيه ومعنى

.

العهد يبقى عهد والحسـا جنـب القطيـف
ووالله إنا خابرين اليميـن امـن الشمـال
ليتها ماجاتنـا منـك يالرجـل الشريـف
مير طبع الوقت يااصحاب من حال(ن) لحال

100 % 100 مظبوط وموزون تمام على نفس الوزن الاول في القاف الاول

.

العهد يبقى عهد وأنت سِــيد المعاريف === ومـن معه حيلة مـع الوقـت لابـد يحـتال

شفتك مع قوم الخواجة تلج الغطاريف === وأنت خابرك ماترقى سوى روس الجبال


* تغير الوزن كامل في البيتين :

البيت الاول : ( المعاريف , لابد يحتال ).

البيت الثاني : (شفتك , مع , تلج , الغطاريف ).


.

حالت الحيله على راسك وطاح الصريف
مالك ومال الطريق العوج ياابن الحلال
الولد هذا وكاد إن فـي راسـه نزيـف
الخواجه وين شافه عسى مابـه هبـال

100% 100 على نفس الوزن الاول

.

تدعي بالكسر واتزيف الوضع تزييف === مايبي يخسر ويطلع فقير بدون مال

لا تناقشني وتِـــكثر علــيّ السواليف === من بغى الماء يارده بالعيال وبالحبال


تغير الوزن في الصدر فقط , اما العجز موزون 100%100 ..

البيت الاول : ( واتزيف , تزييف ).

البيت الثاني : ( علي . السواليف ).



وصح لسانك يااحمد العارضي ولاهي غريبه الجزاله منك ..

وصح لسانك ياقادح شرار وبالتوفيق يالغالي ...


دمتم بخير


محمد بن نايف

[منور العوني]

.

مرحبا ترحيبة العارضي لاشاف ضيـف
في محل النقض والفتل واعلوم الرجال
ياعميل الخير خلك على الضلع المنيف
إرق لاشفت العرب راقيه رووس الطوال


100%100 وزن وقافيه ومعنى

.

البقـا يا شاعـر ٍ لاهـرج هـرجه نظيف === والقمــر يا صاحبــي جعلـه يـعـود هلال

طبعنا راقي ولاهو من الطبع الضعيف === والحمولة مالها الأ ظهور من الجمال


100%100 وزن وقافيه ومعنى

.

العهد يبقى عهد والحسـا جنـب القطيـف
ووالله إنا خابرين اليميـن امـن الشمـال
ليتها ماجاتنـا منـك يالرجـل الشريـف
مير طبع الوقت يااصحاب من حال(ن) لحال

100 % 100 مظبوط وموزون تمام على نفس الوزن الاول في القاف الاول

.

العهد يبقى عهد وأنت سِــيد المعاريف === ومـن معه حيلة مـع الوقـت لابـد يحـتال

شفتك مع قوم الخواجة تلج الغطاريف === وأنت خابرك ماترقى سوى روس الجبال


* تغير الوزن كامل في البيتين :

البيت الاول : ( المعاريف , لابد يحتال ).

البيت الثاني : (شفتك , مع , تلج , الغطاريف ).


.

حالت الحيله على راسك وطاح الصريف
مالك ومال الطريق العوج ياابن الحلال
الولد هذا وكاد إن فـي راسـه نزيـف
الخواجه وين شافه عسى مابـه هبـال

100% 100 على نفس الوزن الاول

.

تدعي بالكسر واتزيف الوضع تزييف === مايبي يخسر ويطلع فقير بدون مال

لا تناقشني وتِـــكثر علــيّ السواليف === من بغى الماء يارده بالعيال وبالحبال


تغير الوزن في الصدر فقط , اما العجز موزون 100%100 ..

البيت الاول : ( واتزيف , تزييف ).

البيت الثاني : ( علي . السواليف ).



وصح لسانك يااحمد العارضي ولاهي غريبه الجزاله منك ..

وصح لسانك ياقادح شرار وبالتوفيق يالغالي ...


دمتم بخير


محمد بن نايف

:11umbup::11umbup::11umbup:

صح لسانك يا احمد وصح لسان قادح

وابو نايف ماقصر
اظن انه وضح كل شي

[احمدالعارضي]

عبدالعزيز الدلبحي: صح بدنك ولاهنت وبيض الله وجهك على المرور الجميل
فهد: صح بدنك ولاهنت
عمدة الشعار: صح بدنك وبيض الله وجهك وبارك الله فيك يالذيب
محمد بن نايف: حي هالشوفه والله يالقرم وصح بدنك وبيض الله وجهك اشهد انك كفيت ووفيت ياابو نايف عسى الله لايخلينا منك يالذيب
منور العوني:صح بدنك وبيض الله وجهك على المرور ولاعدمتك واكيد ان ابو نايف ماقصر ولا يحتاج تعقيب ولاعليك زود يالقرم
قادح شرار: صح لسانك وماقصرت واستمتعت معك واظن الخلاف اللي حصل خلاص انحل بعد كلام الشباب الله يجزاهم خير واظنك راح تقتنع
وانا مشيت الاولى عشانك صاحبي لكن الثانيه اسمحلي يالذيب
والجايات اكثر وخيرها في غيرها
وارجع اقول (اختلاف الراي لايفسد للود قضيه)

[قادح شـرار]

عبدالعزيز الدلبحي : لازم أشوف رأيك في هالموضوع

_ أنا دون ميقافي لأن لحنها واحد على جميع الأبيات عندي.

_ دام روس العصابة أجمعوا على الخلل فالوزن ,ماني بضد كلامهم , وأقول شوركم وهداية الله .




أخوكم/قادح شرار.

[عبدالعزيز نايف]

يالربع والله ان لي يومين محتفظ بوجهة نضري لكن والله العضيم
ان البيت الاول والثاني اللي قلتوا انها مكسورة انها صحيحه لانكم فيه كلمه يمكن نطقتوها غير نطق الرجال

لكن انا اراهن على هذا الشئ وايميلي راح ارسله على كل من احمد العارضي ومحمد راح اخبره فاقرب وقت وراح الحنها على مسمع منكم

انا بصراحه يابو نايف كنت مفكر كذا زي ماقلتوا لكن دريت ان فيه كلمه ثقلتوها شوي وهي تمشي بدون

تحياتي

[مها الحسن]

ههههههههههههه

يسلااام على المبدا الكايف والمحاورة الروووووعة

صحت الالسسسسسسسسن وزين اني جيت متاخرة ولا كان صارت حروب

هههههههههههههههههههههه