الدلبحي أو عبّاث , وأفطنوا للمعنى.

[قادح شـرار]

يـا ســلام الله عليـكم عـدد وبـل السحـاب === عـد ما هلت عليكم مـزون أمطارها

كيف تطرح ذيب والذيب من حوله ذياب === كيف تغزي ديرة ٍ حُـصنت بأسوارها

[عبدالعزيز نايف]

ياهلا قادح واستاذن اخوي عباث
وعسى الله يجملنا

ياهلا يامرحبا جونا الليله ضباب = واتحرى الشمس تطلع واشوف انوارها
صاحبك سوى جريمه ثم اعلنها وتاب = ولاحصل غلطه والاسوار تحمى دارها

[ماجد الرويس]

:)
صح لسانك ياقادح

وصح لسانك ياعبد العزيز

متابع لكم

[قادح شـرار]

البقـا ياللـي ليـا من دعينـاه إستجاب === ياجعل هالمرحبـا دوم تِشعل نارها

صاحبي عاقل ولا يفعل ألا فالصواب === مير لن زلة رجوله تجينا أخبارها

[قادح شـرار]

عبدالعزيز الدلبحي : المعذرة على التأخر يا خوك , وأنت قدها وقدود .

عبّاث : صح بدنك . تابع والمعنى ينصاك وينصى الدلبحي .


أخوكم/ قادح شرار.

[عبدالعزيز نايف]

البقـا ياللـي ليـا من دعينـاه إستجاب === ياجعل هالمرحبـا دوم تِشعل نارها

صاحبي عاقل ولا يفعل ألا فالصواب === مير لن زلة رجوله تجينا أخبارها


ساعة الميقاف ماهمنا كثر الصعاب = سلمنا يامرحبا ماندور غارها
صاحبك لامن نطق يحسب لهرجه حساب = مايغره ناقة المدعي وحوارها

[عبدالعزيز نايف]

اخوي قادح الدعوى تساهيل وانا اخوك انت تاخرت وانا تاخرت لكن والله ان عندي مدرسه بكره
لكن المحاورة ماحنا بمخلينها الوعد بكره من بعد العشا الى عشر احدعش<<< يكلم تلفون هذا ولا وش
خلال هالوقت نكمل المحاورة باذن الله

[قادح شـرار]

أخوي الدلبحي: كلنا ورانا صحيه الصباح . الله وياك وبالتوفيق .

[محمد نايف العتيبي]

الله الله

.

قادح شرار بيض الله وجهك وصح لسانك


.



عزوز ههههههه ياخي انت لك وحشه وبيض الله وجهك صح لسااااااانك


.



واصلوا


دمتم بخير

[عبدالعزيز نايف]

الله الله

.

قادح شرار بيض الله وجهك وصح لسانك


.



عزوز ههههههه ياخي انت لك وحشه وبيض الله وجهك صح لسااااااانك


.



واصلوا


دمتم بخير

ياهلا ابو نايف وجهك ابيض والله مادرش وش اقولك والله مايجذبنا للمنتدى الا خوة الناس اللي شرواك يالذيب

[قادح شـرار]

خابر العتبان دايم يسوقون الركاب === سوقها ياليـن تبركبك فوق أزوارهـا

يا جعل منهو يدوّر مشاكل بالذهاب === والدروب اثنين واللي تبيها أختارها

[قادح شـرار]

محمد بن نايف: وجهك أبيض , وصح بدنك , مرورك على الصفحة شرف , مشكوووور على المرور.




أخوك/ قادح شرار.

[عبدالعزيز نايف]

خابر العتبان دايم يسوقون الركاب === سوقها ياليـن تبركبك فوق أزوارهـا

يا جعل منهو يدوّر مشاكل بالذهاب === والدروب اثنين واللي تبيها أختارها

اررررررررررحب

البحر لو نشربه مايكفينا شراب = والسفينه ابحرت وابتدى مشوارها
لاتعجل تدري ان مقصده ماهو خراب = والدروب المضلمه لاتولع نارها

[قادح شـرار]

يالعتيبي جيت مسرع وزندك فالجـراب === يا جعل بعض العرب تنتبه بأبصارها

كنت أبشريلك عمامة وأفصل لك ثياب === سالفة مرت وعجت عليك اغبـارها

[عبدالعزيز نايف]

يالعتيبي جيت مسرع وزندك فالجـراب === يا جعل بعض العرب تنتبه بأبصارها

كنت أبشريلك عمامة وأفصل لك ثياب === سالفة مرت وعجت عليك اغبـارها


المكينه خبطت والتغا رقم الحساب = وانت تعرف بندقي مايهس عيارها
ماطلبناها من اللي تهجا فالكتاب = ليت قادح ماتسرع وطش غفارها

[عبدالعزيز نايف]

اخوي قادح صح لسانك انت شاعر وشهادتي فيك مجروحه وصح لسانك واذا كان عندك
شي تفضل
والله ان ودي اكمل الطاروق حماسي لكن المدرسه <<<< كل يوم يسجل تاخير

الجايات اكثر يالذيب

[عبدالله حنيف العتيبي]

قادح شرار.. عبدالعزيز الدلبحي ..

صحتـ السنتكــم..

والله ان المحاوراتـ الي مثل هاذي اننــا نشفق لها ..

لاهنتــوا ..

[قادح شـرار]

عبدالعزيز الدلبحي: أنا بعد شفت لك بيت قلت انت فيه :

نبى نخالف منهج الدستور ====== ونجيب نور الشمس للفية .

البيت وحده يكفي بالأشادة بك . وتشرفت باللعب معك .


أخوك/ قادح شرار.

[قادح شـرار]

أبو حنيف : مرورك مثلك على هالصفحة فخر لي . صح بدنك , ومشكور على المرور الكريم





أخوك/ قادح شرار.

[عبدالعزيز نايف]

قادح شرار.. عبدالعزيز الدلبحي ..

صحتـ السنتكــم..

والله ان المحاوراتـ الي مثل هاذي اننــا نشفق لها ..

لاهنتــوا ..

صح بدنك ومرورك شرف لنا

[عبدالعزيز نايف]

عبدالعزيز الدلبحي: أنا بعد شفت لك بيت قلت انت فيه :

نبى نخالف منهج الدستور ====== ونجيب نور الشمس للفية .

البيت وحده يكفي بالأشادة بك . وتشرفت باللعب معك .


أخوك/ قادح شرار.

تسلم يالذيب ولعب ن معك مكسب لانك شاعر لايشق لك غبار لاهنت ياقادح