تكفون يا عالم أصحوا ..

[الاهلي الراقي]

ايوالله تكفون يا إدارة الاهلي اصحوا شوفوا الناس من حولكم ايش يسوون طالعوا كحيلان ايش يسوي باللجان أقسم بالله يهزئهم ومحد يقدر يتجرأ عليه مثال بسيط يوم قال ان النصر عليه مشاكل وشكاوي ومدري ايش قالهم بالمختصر سنسجل ونسجل ونسجل وفعلا سجل غصبن عن خشومهم وتذكرون قصة كرستياس اليوناني .. يارجال بياان واحد من كحيلان عن لجنة الحكام سبب ربكه باللجنه وزادو الحكام الاجانب الى خمس حكام بالسنه .. ياخي خلاص انتهت عصر المثاليه ومدري ايش والكلام الفاضي ..
وعلى الجانب عبدالرحمن بن مساعد ببرنامج كوره يقول السنه هاذي ما أخذ اجازه بالصيف وكان متنقل بين معسكر الفريق وتوقيع الرعايه وشوف كم شركه وقعت مع الهلال وشوفو كيف الاستعداد اللياقي لهم .. يارجل في مباراة السد اللي بالرياض شوفتوا احتفاله يوم سجلوا الهدف وشفتوا كيف ردت فعل اللاعبين معه اقسم بالله غصب يكرفون ويحرثون الملعب لأن الرئيس معهم بالدكه غير كذا شفتوا اسلوبه بالاجتماعات مع اللعيبه بالمعسكر وحتى استفزازه للاهلي بقصة الحكام الاجانب يعني الرجل يحارب بجميع أسلحته مو مثل إدارتنا الرئيس فباريس ونائب الرئيس مدري ايش وضعه لا حس ولا خبر مزهريه .. الحين لو بتسأل سؤال مين نائب رئيس الاهلي تلقى النص يحسبونه فهد بارباع ما دروا ان فهد مسؤل الاحتراف فقط .. وعلى طاري فهد بارباع نتفق نختلف مع عمله الا إن عنده ميزه اللي هي تواصله مع الجمهور بالانستقرام وهاذي تحسب له مو مثل فهد بن خالد اخر ظهور له بتويتر 2013 ..
وبالنهايه ليت اللعيبه أشركوا وتحدوا فهد بن خالد بتحدي الثلج يمكن اذا انكب عليه الثلج مع المويه يصحي من السبات اللي هو فيه ..