بن دحيلااااان تعااااي ابيك

[رائد الشريف]

السلام عليكم ورحمة الله وبركاته
كيف حالك

من زمان وانا ابي محاوره مع شاعر من غرابيل

بس مامسكت معي الا امس

وطلبت وماجا احد

الا الحانوتي بس متأخر

وقلت انشاء الله بكره

والحين الظاهر لازم اطلب بالاسم

والحانوتي موفيه

ودورك الحين

استلم لاهنت

بن دحيلان ليت سقم الضرس صاب
...................غيرك ولاني ذاكر اسمٍ معيّن

ابحتفظ باسمه ولاني بمغتاب
.................... يكفيني اللي من ذنوبي تبايّن

اخوك المحب الدويبي

[طيف الوله]

الدويبي


الله الله الله صح لسانك يالغالي وفي انتظار بن دحيلااان


تعال لايكون اللي ودك تحتفظ باسمه انا :mad: تراي ما اتحمل وجع الضروس :p

[ابـــوليـــــلى]

صح لسانك يا الدويبي

بس ياخوووووك عطنا وجهه

في موضوعك الثاني اللي تقول تبي محاورة


لا تااااااااخر علينا

[محمد بن دحيلان]

ارحب يادوبي

استلم طال عمرك

وصح السانك المحاوره تبي مواصل ونا توني جاي من طرقه

لكن الايام جايه وراح تجمعنا


ان صابنا ماهوب حيّه ولا داب=الامر ماهو صعب يافلان هيّن
لاتحتفظ ناده ولاشناب لشناب=وزيد الذنوب احسان كودك تديّن

[رائد الشريف]

حياااااااك والله


وانت استلم لاهنت


شايفك تستدرج بتلميح والقاب
..................كنك على اسرار الخلايق تفطّن

هو واحدٍ فيه المنى والرجاء خاب
................. من عقب ماحبه بقلبي تمكّن

[قوت القلوب]

:برافو: :برافو: :برافو: ماشاء الله
صح السانكم ويعطيكم العافيه
تحياتي

[الأميرة الناعمة]

صح لسانكم يا رائعين

[محمد السبيعي]

والنعم بابن هندي وبمحمد بن دحيلان

دعوة للاستمتاع بالمعاني الجزلة ،،