احمدالعارضي
18-02-2008, 01:02 AM
السلام عليم ورحمة الله وبركاته
اقدم لكم جديدي عسى ان ينال رضاكم
البارحه ليلي قضيته هواجيس=جلست اقض الليل هوجاس هوجاس
مالي جليس الا القلم والقراطيس=وشهب النجوم اللي على الليل حراس
نفثت عن يسراي خوفي من ابليس=يلقى عليه درب وابليس خناس
اليا لقاله درب جاب الوساويس=ثم ساقهن فالقلب وسواس وسواس
ودارت رحايه فوق حب الطلاميس=واشتعلت عروقي ودقن الاجراس
وشبيت في رووس القصايد مقابس=وسريت مع ليلي على ضو مقباس
لين اشتعل ليلي ودق المراويس=وقرنست له من داخل الفكر قرناس
ماقرنسوه امقرنسين القرانيس=وانجب هنوف الشعر لباست الماس
قالت على لساني علوم ونواميس=وراحت تطاير مثل قطاع الارماس
تشمخ كما يشمخ على النيل رمسيس=وتجمح كما جمح الاصايل والافراس
ملكتها من داخلي ملك بلقيس=واسقيتها نبض المشاعر والاحساس
اعوذ بالله من وجيه المعابيس=واعوذ بالله من مداسيس الانجاس
ثلثين جلاس المجالس جواسيس=تضحك لك وتنقل علومك مع الناس
اليا حضر رجال واليا انقلب هيس=أخير منه اللي ملا راسه الكاس
والعالم اللي مثلت دور قسيس=ماتدري ان الوضع مزري وحساس
راحو خدم تحت العيون النواعيس=واطيبهم اللي يضرب اخماس باخماس
تدرج وتهرج بالردى والدهاليس=ياما قريت اعلومهم فوق قرطاس
كلن مزهب له زهاب وهداريس=واليا لقاله درب يوطى وينداس
وطاه من عرض الرخوم الدنافيس=صحيح من قال الدناسه لها ادناس
حشمت نفسي عن علوم الكناديس=وكرمتها عن زمرتن مالها ساس
ماني من اللي يعشق الكاس والكيس=وقومي هل الغارات لباست الطاس
ماهمني لو يدبسون الدبابيس=ولاهمني نقطة قلم فوق كراس
لو ولفو ضدي كبار القواميس=عمر الذنب ماياصل العين والراس
ياوجد حالي ياهبوب النسانيس=وياوجد حالي كل ماهب نسناس
كثر البكا ما رد ليلى على قيس=والعشق ناره تشتعل بين الاقواس
يابنت انا شاعر وعندي حواسيس=ياحمس قلبي حمستن فوق محماس
قلبي حمس واضلوع قلبي محاميس=واشتقت لك وانتي ورى حمر الاطعاس
اقدم لكم جديدي عسى ان ينال رضاكم
البارحه ليلي قضيته هواجيس=جلست اقض الليل هوجاس هوجاس
مالي جليس الا القلم والقراطيس=وشهب النجوم اللي على الليل حراس
نفثت عن يسراي خوفي من ابليس=يلقى عليه درب وابليس خناس
اليا لقاله درب جاب الوساويس=ثم ساقهن فالقلب وسواس وسواس
ودارت رحايه فوق حب الطلاميس=واشتعلت عروقي ودقن الاجراس
وشبيت في رووس القصايد مقابس=وسريت مع ليلي على ضو مقباس
لين اشتعل ليلي ودق المراويس=وقرنست له من داخل الفكر قرناس
ماقرنسوه امقرنسين القرانيس=وانجب هنوف الشعر لباست الماس
قالت على لساني علوم ونواميس=وراحت تطاير مثل قطاع الارماس
تشمخ كما يشمخ على النيل رمسيس=وتجمح كما جمح الاصايل والافراس
ملكتها من داخلي ملك بلقيس=واسقيتها نبض المشاعر والاحساس
اعوذ بالله من وجيه المعابيس=واعوذ بالله من مداسيس الانجاس
ثلثين جلاس المجالس جواسيس=تضحك لك وتنقل علومك مع الناس
اليا حضر رجال واليا انقلب هيس=أخير منه اللي ملا راسه الكاس
والعالم اللي مثلت دور قسيس=ماتدري ان الوضع مزري وحساس
راحو خدم تحت العيون النواعيس=واطيبهم اللي يضرب اخماس باخماس
تدرج وتهرج بالردى والدهاليس=ياما قريت اعلومهم فوق قرطاس
كلن مزهب له زهاب وهداريس=واليا لقاله درب يوطى وينداس
وطاه من عرض الرخوم الدنافيس=صحيح من قال الدناسه لها ادناس
حشمت نفسي عن علوم الكناديس=وكرمتها عن زمرتن مالها ساس
ماني من اللي يعشق الكاس والكيس=وقومي هل الغارات لباست الطاس
ماهمني لو يدبسون الدبابيس=ولاهمني نقطة قلم فوق كراس
لو ولفو ضدي كبار القواميس=عمر الذنب ماياصل العين والراس
ياوجد حالي ياهبوب النسانيس=وياوجد حالي كل ماهب نسناس
كثر البكا ما رد ليلى على قيس=والعشق ناره تشتعل بين الاقواس
يابنت انا شاعر وعندي حواسيس=ياحمس قلبي حمستن فوق محماس
قلبي حمس واضلوع قلبي محاميس=واشتقت لك وانتي ورى حمر الاطعاس