محمدبن براك العطاوي

[ام العيون السود]

مساك الله بالخير


يامرحبا من غير واجب وتكليف=مثل تراحيب الحضر من ورى الشات
الحرمثلك مايحشم الملاقيف=لو هو من العتبان والا البرازات

[الهيـلع]

حلوووووو

[محمد ابن براك العطاوي]

مساك الله بالنور والسرور
ام العيون السود انا ماقد لعبت مع بنت والصراحه ماودي لاني لي بيت من محاوره قديمه اقول فيه


انا من فضل رب البيت مالعب غير مع رجال = اذا جات المواقيف احتمي دوري وهو دوره

ولعبت معك عشانك طلبتيني بالاسم وحشمه لك
وان بغيتي تعيفيني بعد هالرد لك الشكر
واستلمي //


دام البقا قدام نبدا السواليف = ياللي دعيتيني وجاوبت بالذات
ندمح لجل عين الرفيق التناتيف = والطيبه ترجع دبل عشر مرات

[ام العيون السود]

للي مثلك ماينعاف --بس استلم


انابلاي اللي يهوز المشاريف=وانته تحسبه امن الطيورالمغيرات
اقصيف الجنحان يحتاج تصريف=ماينزل الا فالبحر والمحيطات

[عبدالعزيز نايف]

ياسلام ام العيون صح لسانك وصح لسان ابو براك واصلوا متابعين

[محمد ابن براك العطاوي]

اجل نتوكل على الله

معروف وضع الطير من دون تعريف = طلوع راس الضلع ماهو سهالات
اخفيف الجنحان لو طار ماشيف = ولاحدن درى لو كان هو حي او مات

[محمد نايف العتيبي]

.

الله الله

.


ام العيون السود

مبدا جميل وجزل وصح لســــــانــك ومبدعه


.


.

محمد العطاوي

رد ولا اجمل وجزاله غير غريبه طال عمرك , صح لســــــــانـــــك




واصـلــواااا


.


دمتم بخير


..

محمد بن نايف

..

[ام العيون السود]

عسى خواله للدهروالصواديف=اهل القطيف امكبرين العمامات
انا هواي اللي يبث المصاريف=ريفن لضيفه بالليال العسيرات

[ام العيون السود]

الاخوان
الهيلع=الدلبحي=محمدنايف
اسعدني مروركم وتشجيعكم

[مها الحسن]

ياااااااااااااااااااااااا ااااااااااااااااسلاااام يام العيوووووووووون السوود

ابك انا بصفك ولااااااااايهون الذيب ابن براااك ولكن حمية الحريم

ههههههههههههههههههههه

الليل الليل




الذيب الذيب



كلاك كلاك


جاك جاك

[محمد ابن براك العطاوي]

ام العيون السود اسف جدا على الانقطاع كنت مسافر
مير الوعد قدام ان شاء الله

واشكر من مر ويشرفني مروركم
والسموحه منكم جميع