المساعد الشخصي الرقمي

مشاهدة النسخة كاملة : الكفو لابرك للكايده شالها


محمد ابن براك العطاوي
16-02-2008, 01:04 AM
السلام عليكم ورحمة الله وبركاته
الشاعر الكفو يتفضل من غير قصور فالرياجيل



يالشاعر اقرب واقلب اللعب شقرا = والنيه البيضاء فلا هيب شقرا
ولاتحسب ان العاصمه مثل شقرا = يالله على بابك يافتاح الابواب


ياسلامي سلام اسلام حسب النظام = مثل لون الغيوم ان هل همالها
عارفين الشداد وعارفين المسام = والكفو لابرك للكايده شالها
الصقر البرازي
16-02-2008, 01:08 AM
صح لسانك يابن براك


وصح لسانك مقابلك








تراني اتابع ويمكن اصير في صفك اذا ودّك

هههههههه


لك التحيه من :- الصقر البرازي الســـــــهلي
عمدة الشعار
16-02-2008, 01:11 AM
صح لسانك وصح لسان قبيلك مقدماً



تحياتي لك
محمد ابن براك العطاوي
16-02-2008, 01:13 AM
صح لسانك يابن براك


وصح لسانك مقابلك








تراني اتابع ويمكن اصير في صفك اذا ودّك

هههههههه


لك التحيه من :- الصقر البرازي الســـــــهلي

صح بدنك طال عمرك
والله يحييك تحية المطر
واذا جيت في صفي اتشرف
واذا لعبت معي يزيدني شرف
منصور السبيعي
16-02-2008, 01:13 AM
الله ..الله
شقر .. شقر
صح لسانك يابن براك
وصح لسانك مقابلك مقدما
محمد ابن براك العطاوي
16-02-2008, 01:15 AM
العمده صح بدنك
السبيعي صح بدنك
ابرك الساعات الله يحييكم
محمد ابن براك العطاوي
16-02-2008, 02:35 PM
وين الشعار اللي يلعبون الشقر والا مافيه احد
ياحلالاه بس
الصقر البرازي
16-02-2008, 05:25 PM
الاخ محمد

والله النيه اني من الصفوف

بس يوم شفتك تلفت وتنادي ولامن احد قلت نسد الفراغ وتقدمنا والله يعين

خلوووووووووووووووووووووها



التاجــر اللي حوّل بسوقها وسام == يدري عن الداب الحنش مخطر وسام

ماهمه ابد ن من نخى حام ن وسام == يالله علــى بابك يا فتــاح الابـــــــواب


والبقا بك مرد اللي لفى من سلاام

================= مثل لون الورود الحمر واشكالها

عارفين السمان وعارفين الهيام

================ والقصور العليّه ضــافي اظــلالها
الصقر البرازي
16-02-2008, 05:28 PM
ابن براك

تراك بالخيار

اما ترد

او تتركنا ونهون ويجي غيرنا



<<<<<<<<< ناشب له نشبه هههههههه
ربح السبيعي
16-02-2008, 08:46 PM
الله الله


موال شقر وطاروق رائع


صح لسانك يابن براك وصح لسان البرازي


واصلو وانا ماسك الصفوف
محمد ابن براك العطاوي
16-02-2008, 10:19 PM
حياك الله يالبرازي
معاد عنها مجناب ابلعب معك ولي الشرف العب مع شرواك


يالصقر اخذ هاذا القرار الوزاري = اهل المشالح ماهم اهل الوزاري
وماهمنا حاسد وناقد وزاري = يالله على بابك يافتاح الابواب


كل شاعر له التقدير والاحترام = والمقاريد فال الله ولا فالها
ياصقر ياصقر لاهنت شد الحزام = المعاني غميضه وانت تقوى لها
محمد ابن براك العطاوي
16-02-2008, 10:27 PM
ياهلا ياهلا ياربح وامية هلا = شاعرن من قبيله كلها غاليه
ولنا الشرف بمرورك ومتابعتك لنا يابو خالد
الصقر البرازي
16-02-2008, 10:57 PM
يومــك تردد مايغــني سلااامه == حاله خطيره مابعدها سلااامه

واللي يسلّم ماسمعتو سلااامه == يالله على بابك يافتاح الابواب



يالعطاوي رجيتك لاتحل الحرام

================والمكاييل وقف عند مكيالها

من يورّد كلام يجيه مثله كلام

=============== والمعاني كثيره واكثر اعيالها
محمد ابن براك العطاوي
17-02-2008, 02:37 PM
اللي يجيب العلم قل من نصابه = مدام راع المال يحسب نصابه
والسيف ماسك في يميني نصابه = يالله على بابك يافتاح الابواب


كيف توصف فروخ الحر مثل الحمام = قلت لك ماتشابه قلت من قالها
خلها بيننا مثل السماء والغمام = وكلمتن ماتخارج دور ابدالها
الصقر البرازي
17-02-2008, 08:32 PM
كــلن يقول الزين مــلكي حلالي == لو كان مجرم مايعرف الحلالي

والهرج الاطيب في لساني حلا0لي == يالله على بابك يافتاح الابواب



منكبي خالقه ربي لوقت الزحام

================== والخيول الاصيله حضر خيالها

احفظ الوقت وصل ولا تعدى الامام

================== حج بيته وزك وكثّر اعمالها
الصقر البرازي
17-02-2008, 08:34 PM
محمد ابن براك

صح لسانك

وسعدت باللعب معك


وانا على فكره اول مرّه في حياتي العب شقر



لك التحيه من :- الصقر البرازي الســــــــــــــهلي
محمد ابن براك العطاوي
17-02-2008, 09:44 PM
الصقر البرازي صح بدنك

وانا سعدت اكثر
والشقر اسهل من اللي غيره
ويعطي للشاعر مجال انه يفكر ويشغل مخه ولايصعب على اللي شرواك