الشعر حاش من التعب كثر ما حيش

[عبدالعزيز عبيد العدواني]

بدعت لي قاف(ن) على الراس شوش = من هاجس(ن) صابه مع الوقت تشويش

وبديت بالفكره وقامت تهاوش = حروف شعري والقلم جهز الجيش

قال انت ناوي قلت يا صاحبي عش = بين الورق واحذر تجاوبني بليش

عفشي معي وانت انتبه وامسك القش = لا ينتثر قشك على طاري العيش

الشعر يا صاب الهدف حيل ينعش = يا لامس احساس البشر دون تخشيش

ياسامعين الصوت من صوت(ن) اجهش = به من غثا بعض الاوادم عراميش

الفكر يا صناعة الفكر يخدش = من جملة ختوش(ن) غدو بالدراويش

كش كش لهم عش عش بعينك وقل أش = مدد رجولك بس عطهم بخاشيش

تلقى سماسرة القصايد تهابش = من دون حمار(ن) ركب له على كديش

ناس(ن) على جمع الدراهم وبالغش = تهدم صروح الشعر والعلم تهميش

يا شعر يا رمان يا طعم مشمش = يالجادل اللي زاهيتها العكاريش

اسلم وسلم لي على قلبي الهش = وفتش على اللي داخل القلب تفتيش

وان جيت لافكار(ن) جديده تغابش = رتب وقصدها واذا احتجت تكييش

ابي طلق ناري واببدل القفش = ان صاب والا يذعر الصيد تهويش

والطلقه اللي بعض الاحيان تدوش = تدوش عقول(ن) من فزعها مرابيش

هذي حقيقه والحقيقه تفتش = والشعر حاش من التعب كثر ما حيش

واللي بنى بيته لزوم(ن) يحوش = والطير جنحانه زهت فيه بالريش

والزرع لا منه يبس حيل ينحش = وياكثرهم وان قيل وين الحواشيش

الناس تلعب بس دايم تكوش = والمشكله يا قفل اللعب بالشيش

وان كان به طازج على قولة فرش = شعري ثقل ما يلعبونه هل الطيش

[محمد الروقي]

صح لساااانك

الى رضاااااك نحب نتواصل معك لجزالتك

بس نشوفك متكبر علينا شوي يالطيب ههههههههه


تقبل تحياتي وتقديري

[عبدالهادي الجهني]

حجز هذا المقعد والرجوع مرة آخرى

[عبدالعزيز عبيد العدواني]

صح لساااانك

الى رضاااااك نحب نتواصل معك لجزالتك

بس نشوفك متكبر علينا شوي يالطيب ههههههههه


تقبل تحياتي وتقديري


هههههههههههههههههه


لا يارجل وش اتكبر عليه أنا وش عندي عشان اتكبر


أنا والله اللي شاريكم ولي الفخر اني اكتب معكم بس وفرة المنتديات تشوش على الراس شوي


والتشتيت يقلل نسبة التواجد في مكان واحد والا يعلم الله اني أعتز بكم ووجودي بينكم بحد ذاته


وصول إلى القمه بالنسبة لي



مشرفنا الغالي / محمد الروقي


شكرا من الأعماق لهذا التواجد المشرف


لك الحب

[عبدالعزيز عبيد العدواني]

حجز هذا المقعد والرجوع مرة آخرى

أهلا وسهلا بك شاعرنا عبدالهادي الجهني


حضورك يرتقي بالحضور


أنتضرك بشغف

[بدر ناصر المورقي]

عبدالعزيز العدواني
صح لسانك ياذيبان
قصيده رائعه بروعت صاحبها تحياتي
بدر العتيبي

[محمد الدغيري]

الغالي

مبدع .. وممتع

وتطرقت لـموضوع مهم هنا

صح قلبك وكلكـ


انتظر ابداع قادم


تحيه عطره
محمد

[أمل عبدالعزيز]

بدعت لي قاف(ن) على الراس شوش = من هاجس(ن) صابه مع الوقت تشويش

وبديت بالفكره وقامت تهاوش = حروف شعري والقلم جهز الجيش

قال انت ناوي قلت يا صاحبي عش = بين الورق واحذر تجاوبني بليش

عفشي معي وانت انتبه وامسك القش = لا ينتثر قشك على طاري العيش

الشعر يا صاب الهدف حيل ينعش = يا لامس احساس البشر دون تخشيش

ياسامعين الصوت من صوت(ن) اجهش = به من غثا بعض الاوادم عراميش

الفكر يا صناعة الفكر يخدش = من جملة ختوش(ن) غدو بالدراويش

كش كش لهم عش عش بعينك وقل أش = مدد رجولك بس عطهم بخاشيش

تلقى سماسرة القصايد تهابش = من دون حمار(ن) ركب له على كديش

ناس(ن) على جمع الدراهم وبالغش = تهدم صروح الشعر والعلم تهميش

يا شعر يا رمان يا طعم مشمش = يالجادل اللي زاهيتها العكاريش

اسلم وسلم لي على قلبي الهش = وفتش على اللي داخل القلب تفتيش

وان جيت لافكار(ن) جديده تغابش = رتب وقصدها واذا احتجت تكييش

ابي طلق ناري واببدل القفش = ان صاب والا يذعر الصيد تهويش

والطلقه اللي بعض الاحيان تدوش = تدوش عقول(ن) من فزعها مرابيش

هذي حقيقه والحقيقه تفتش = والشعر حاش من التعب كثر ما حيش

واللي بنى بيته لزوم(ن) يحوش = والطير جنحانه زهت فيه بالريش

والزرع لا منه يبس حيل ينحش = وياكثرهم وان قيل وين الحواشيش

الناس تلعب بس دايم تكوش = والمشكله يا قفل اللعب بالشيش

وان كان به طازج على قولة فرش = شعري ثقل ما يلعبونه هل الطيش

.

.

الشاعر المبدع عبدالعزيز العدواني

مساء الشعر والعذوبة
ومساء الإبداع والإمتاع
صح قلبك وكلك
ويبقى حضور ذو ألق في كل مرة....

[احمد مناحي]

عبد العزيز عبيد العدواني

هلا بك وغلا

صح لسانك الى رضاك

قصيده رائعه ونص راااااااقي

لكن هذا واقع الحال يالعدواني هذا حال الشعر والشعراء

كتبت فاابدعت

لافض فوك

تقبل مروري

[نشمي مقعد العتيبي]

عبد العزيز

صح لسااااااانك

جزله وتدل على شاعر عذب

يمتلك اسلوب جيد في الكتابه

[محمد بن ضاوي]

عفشي معي وانت انتبه وامسك القـش
.................. لا ينتثر قشـك علـى طـاري العيـش

عبدالعزيز العدواني


نص جميل وصح لسانك ولا هنت

[فالح المصعوك الغنّامي]

عبدالعزيز العدواااني هلا هلا ومرررحباااا

حي الله الابداااع وراااعيه لله درك كلما قريت لك نص

لاهو اطيب من اللي قبله..صح لسااااانك وسلمت يالغالي

[نايف عبدالله العتيبي]

عبدالعزيز عبيد العدواني

:

حي الله هـ البوح وراعيه :)

صح لسانك يالقرم

أخوكـ

[عبدالعزيز عبيد العدواني]

الشاعر القدير / بدر ناصر العتيبي



صح بدنك ولا هان راسك يالغلا


حضور جميل أعتز به


دام حضورك ودامت أيامك بالنقاء

[خــــالـــــد]

عبدالعزيز العدواني
ـــــــــــــــــــــــــ ــــــ
صح لسانك وقلبك

وتسلم يمينك على القصيدة

دمت ولاهنت!
ـــــــــــــــــــــــــ ــــــ
أخوكـ/خالد