ياباغي العليا لها عشرة بنود؟؟

[تاجر مواشي]

اغنام - ابل - دواجن - طيور


ياباغي العليا لها عشرة بنود؟؟ (http://www.aghnam.com.sa/vb/showthread.php?t=356391)


ياباغي العليا (http://www.aghnam.com.sa/vb/tags.php?tag=%C7%E1%DA%E1%ED%C7) لهـا عشـرة ابنـود

سجل وانا بمليـك واحفـظ عددهـا

من شان مايلحقك عيبـن ومنقـود

احفظ وصاتي والوصـاه اعتمدهـا

اوصيك قبل الجسم يدبيبـه الـدود

في حفرتـن لابـد نسكـن لحدهـا

دنيا العنا فيهـا مشاريـب وعـدود

وكم واحدن له حاجتـن ماوجدهـا

عليك بالتقوى ترا العمـر محـدود

واردع هوى النفس الدنيـه وقدهـا

واحفظ صلاتك تكسب الرزق والفود

تكسب مكاسيـب الحيـاه وسعدهـا

وصوم رمضان وزك يالشامخ الطود

ترا البيـوت النايفـه مـن عمدهـا

وجالس هل التوحيد والعز والجـود

واتـرك مقاريـد العبـاد وقردهـا

الي على التفريق ياتونـك احشـود

فصيلتن دب الجهـل فـي جسدهـا

واحسن جوار الجار لو كان مقـرود

وللجـار نفسـك لاتبيـن نكدهـا

والضيف عطه الطيب والطيب مردود

اكسـب جنـاب الطيبيـن وسندهـا

عقب الشحم والبـن قدملـه العـود

حيثك من الي مـن لفاهـا حمدهـا

وبنت الردي لو هي زلالن وقرهـود

حـذراك تقربهـا وتمسـك بيدهـا

خذ بنت قرمن عند الاجواد محمـود

لا جا نهار الهـوش بيـن ولدهـا

وزلة رفيقك لالفـت دون مقصـود

لاتمسـك الزلـه وهـو ماقصدهـا

ثـلاث مررهـا ولا شـك بشهـود

والرابعه شـب الحطـب لاوردهـا

هذي عشر وان كـان تبغينـي ازود

سجل على عشر الوصايـا وزدهـا

ا لظلم شين وتالـي الظلـم مـردود

والغيظ شيطـان القلـوب وكبدهـا

والصمت زينه والحكي سيف محدود

والحقـد غيمـه والتباغـظ بردهـا

فكر وميز واعرف البيض والسـود

واحذر قلوب الحاسديـن وحسدهـا

ياخوك بين الناس طـارد ومطـرود

ماتجهلك بعـض الحـرار وهددهـا

وان ضامتك دنياك واصبحت مضهود

فاطلب من المولـى يحلـل اعقدهـا

الواحد الـي كل ابونا لـه اسجـود

الي جميع اعمـال خلقـه رصدهـا

هذي نصيحه وانت معطيني اوعـود

واهل الوفى والعرف توفي وعدهـا

المصدر: منـتـديات أغـــنـام (http://www.aghnam.com.sa/vb) - من قسم: الــمــنــتـــــدى الـــعـــــــــــام (http://www.aghnam.com.sa/vb/forumdisplay.php?f=23)


dhfhyd hgugdh gih uavm fk,]??