آه آه آه خلاص ما اقدر

[عميد اتحادي]

الناس اصحاب القلوب الضعيفه والناس إللي ما تفهم كوره والناس الإنهزاميه
والناس الركيكه واصحاب الفكر الركيك واصحاب الفكر العقيم
الناس الخوافه والمرتعبه
اصحاب الاعصاب الضعيفه
والناس إللي ما لها في التور ولا الطحين

والمندسين الوسخين اوي

والناس الملعبطه العبيطه الهبله
والاغبياء
والاذكياء زياده عن اللزوم

والناس ال آه آه آه خلاص انا ما اقدر انا اعصابي ما تتحمل خلاص نحنا انهزمنا وخلاص نحنا طلعنا من آسيا خلاص خلونا نفكر في 2016
خلاص العين ترى قوي مره قوي وكمان راح يهزمنا تاني

ممكن تنطمو وتسكتو
ترى نحنا الإتحاد
عارفين يعني إيش الإتحاد
نمووور
نمور جده
نمور جده يا ورع إنتا وهوا
يعني المباراه الجايه دعععس
دوووووس يا مان
هوا دا إللي بقي فريق لونو موووف يفوز علينا
ما يمشي
حضر الجمهور او ما حضر الجمهور
ما يمشي
ما تعدي يا ورع ما تعدي
تشكيلة رجال في الملعب
كل واحد اخد فرصه وخذلنا يجنب شويه
المباراه مباراة اعصاب
تبغى اعصاب حديد
اعصاب من فولاذ
ذكاء و دهاء ومكر وخدعه وتمويه ولعب من القلب
شغل بزوره وكاكي وطيطي وطيحني ما ينفع
نبغى دعسسس في الملعب

القرني يا ولد بلقرن يا ولد الجنوب يأ نمر جداوي، التركيز لازم يكون في التوب

محمد قاسم ظهير ايسر، لازم تلعب من قلبك، جهة اليسار تحرقها
الضميري، يا ابضاي، لازم التركيز يكون عالي، لا احد يتنفس من جهتك
احمد يا عسيري، عارفك فنان و سريع و ذكي، تركيزك مع اسامواه، لازم تقرى لعبو، لازم عينك تكون معاه، مره لا يوطوط
يا عبسي يا طلال، الجهه اليمين عاد تبعك، لا تتقدم كتير، خليك مدافع تالت مع العسيري والدميري، ولا تكسر التسلل

با جندوح وسامبا في المحور ثابتين، سامبا يغطي قاسم لمن يطلع، با جندوح لازم تلعب من قلبك، توزيع وتحرك بدون كوره، عارفك ذكي

الوسط، نور و السبع، دور هجومي خاص لنور خلف المهاجم، السبع تراك فنان ورينا المطش دا إيش في راسك من كوره، نور لازم تلعب من قلب قلبك، لازم تخترع كوره

يا ولد غامد، الهجوم هجومك يا نمر، الكوره في رجل نور او السبع، اتحرك واطلب الكوره واستلم وموه وشوووت يا بطل اليوم يومك وفي التانيه اخدعهم ومرر تاني لنور او السبع، يشوتو او يموهو ويردوها تاني لك تنفرد بالحارس وتبدع
ماركي عل يمين شويه، المكان إللي بدع فيه، دا مكانو، لا يتحرك، لا يتفلسف كتير، اسحب على جوه و شوووووت، او اسحب على اليمين وعرض لل غامدي في الطمنطعش ويكون نور مسوي ميد اتتاك والسبع على بره شويه إستناها
الغامدي وماركي والسبع لازم يلعبو بضغط عالي، يعني يطلعو كل إللي عندهم في الشوط الاول، الشوط التاني في تلاته جدد يدخلو، وبرضو يكون لعبهم ضغط عالي، يعني اجري لا يوقف

فهد و مختار و ياكونان ومعن ، الشوط التاني

إن شاء الله من الشوط الاول نخلص الهدفين إللي علينا
والشوط التاني نطقطق على روسهم

ما يعدي، ما يمشي يا نمور
مو بدي السهوله يعدو من جده

بإذن العلي القدير، القوي الجبار
ناكلهم باربعه
اربعه صفر
و نعلمهم يعني إيش تحدي
يعني إيش نمور


وسلامتكم يالنمور الحقيقيه، اشباه النمور لا