مختار طيحني .. فهد الحقني .. وقروني بالبركة

[عميد اتحادي]

الهزيمة مو عيب ابدا .. العيب عدم تقديم مستوى رغم دعم الادارة والجمهور وتوفير كل السبل والظروف ..

مختار قبل ما يستلم الكوره يطيح .. بشتى الطرق يحاول يمثل .. بكل الوسائل يطيح نفسه .. وفي النهاية بارد جدا كإنه ما تفرق معاه المباراة ..

فهد .. اجررري وبعدين ربك يحلها !!
ادعس وبعدين نشوف نناول مين !!
الكورة بالعقل ليست بالسرعه الطائشة

القروني .. ( شباب العبوا ما اوصيكم شدوا حيلكم ) .. مافي اي تكتيك مافي اي هجمات منظمه ،، مافي اي تنظيم وترتيب وسط الملعب وفوق هذا قام يخبط في مباراة حساسة زي هذي !!
اجل تلعب قاسم والعبسي وعبدالفتاح والقميزي احتياط !!

الموضوع ابدا يا جمهور الاتحاد العزيز ليس موضوع خسارة ،، الموضوع موضوع مستوى وروح غابوا عن فريق اشتهر بهما ..

الحل والتصحيح ليس الان .. التصحيح بعد مباراة الاياب ان شاء الله

اتوقع لو علم لاعبو الاتحاد بكمية القهر والغبنة اللي حسهم جمهورهم امس لما ضيعوا دقيقة في طيحة او محاولة تمثيل او لعبة طائشة ..

ولكن.. نأمل في الاياب ان يحصل ما نتمنى ونتأهل من امام العين لدور نصف النهائي

ختام / قبلة علي جبين كل اتحادي حضر بالأمس في مباراة الاتحاد والعين