فواز الشهيب
07-02-2008, 06:38 PM
ويل من عينه من يدينه تهل الدمعا = إلطمت عينه يدينه وانتثر مدمعها
لو يحاول ينزع ايده مايفيد النزعا = لطمت ايده... ماله الاّ... يسكت ويبلعها
جالها تأثير في وسط الضمير ووقعا = والبلا جاته.. وهو.. ماكان متوقّعها
شانت الاوضاع في لحضه... وقامت بقعا= وشتّت كل العلوم اللي بغى يجمعها
صار قلبه يشتكي مابين صقع ولقعا = وتوجعه نفسه.....ونفسه مايبي يوجعها
يصبح ويمسي وروحه جرحها يتّسعا=وراح للدكتور... بعد انّه عجز يمنعها
طالع الدكتور فيه .. وكان واقف وقعا = وقال روحك مالها عندي دوى ينفعها
في ضروسك والعيون.. أقوى وجع مجتمعا= والعلاج افقع عيونك.. والضروس اقلعها
لو قوى قلعة ضروسه ماقوى للفقعا= ماله الاّ الصبْر.. وامرار الصبر يجرعها
أمس جا يشكي عليّ.. وكان وضعه وضعا = قلت انا اعطيتك نصايح ليتك تراجعها
قوم لا تبكي على حالك وتقعد تنعا =وابا اذكّرك النصيايح واستمع واتبعها
ماتذكّر يوم جيتك من محبّتك أسعا=وقلت في صدري هروج.. وقلت لي طلّعها
قلت لك ماكل شق.. يفيد فيه الرقعا = آه من بعض الشقوق اللي ما احد يرقعها
وقلت لك عندي نصايح.. فى النصايح نفعا= قولها واجب علي وواجبك تسمعها
احذر ضعاف النفوس اهل القلوب الوجعا= لا توقّف ضدّها ولا توقّف معها
وقلت لا تامن ثيابك.....ماصغيت السمعا= قلت انا اقيس البحور السبع قبل اشرعها
وقلت ماكل ارض تزرعها بتنبت زرعا = وقلت لي داري ولكن سالفتك اقطعها
وقلبي اللي منطبع حبّك بوسطه طبعا= قلت اخذ نصايحك بعد الخوي رجّعها
واترك الدرعا بمرعاها ياقلبي ترعا= العرب مادوّرو فزعتك لا تفزعها
يحسبون انّك تدوّر من وراهم طمعا=وانت ودّك توضع الأشياء في موضعها
لا تقرّب من عدن ..ولا تقرّب صنعا= والطيور تطير وتعوّد على ماقعها
ويالخوي اللي تمد الوصل بعد القطعا=اقنعت نفسك من اللي صار ولاّ اقنعها
وفّر أعذارك ترى اذانيّ منها شبعا= اصغ سمعك واستمع ..كثر السوالف دعها
إذنك اللي ما اسمعت.. ماحقّها الاّ المصعا=والله انّي لو ما اعزّك.. يالخوي لاامصعها
اعتبر من ما جرالك واصح بعد اللّسعا= والامور اللي مضت بعد قضت ودّعها
ونفسك اللي واقفه تحتاج منك الدفعا= بعد ماحطمّتها من واجبك تصنعها
طحت ماهو عيب لكن قوم واربع ربعا= بالعزوم تقوم وتروم البشر مطمعها
مايطيح الاّ الرخوم السبع يبقى سبعا= والحياه مصارعه تبغى من يصارعها
صد نفسك عن هواها واعطها امر المنعا= وعزّها واحذر لغير اللي خلق تخضعها
والثياب اللي بها عشت العمر منخدعا = ارمها من فوق جسمك يالخوي ونزعها
ولا تخلّي طيب قلبك عاده إلك وطبعا= شجرة ماتنفعك فى الوقت لا تزرعها
فى الختام اخذ النصايح فى النصايح نفعا= قولها واجب علي وواجبك تسمعها
إعملبها فى الحياه وكن لها متّبعا = ماندم من يستمع فيها ومن يتبعها
لو يحاول ينزع ايده مايفيد النزعا = لطمت ايده... ماله الاّ... يسكت ويبلعها
جالها تأثير في وسط الضمير ووقعا = والبلا جاته.. وهو.. ماكان متوقّعها
شانت الاوضاع في لحضه... وقامت بقعا= وشتّت كل العلوم اللي بغى يجمعها
صار قلبه يشتكي مابين صقع ولقعا = وتوجعه نفسه.....ونفسه مايبي يوجعها
يصبح ويمسي وروحه جرحها يتّسعا=وراح للدكتور... بعد انّه عجز يمنعها
طالع الدكتور فيه .. وكان واقف وقعا = وقال روحك مالها عندي دوى ينفعها
في ضروسك والعيون.. أقوى وجع مجتمعا= والعلاج افقع عيونك.. والضروس اقلعها
لو قوى قلعة ضروسه ماقوى للفقعا= ماله الاّ الصبْر.. وامرار الصبر يجرعها
أمس جا يشكي عليّ.. وكان وضعه وضعا = قلت انا اعطيتك نصايح ليتك تراجعها
قوم لا تبكي على حالك وتقعد تنعا =وابا اذكّرك النصيايح واستمع واتبعها
ماتذكّر يوم جيتك من محبّتك أسعا=وقلت في صدري هروج.. وقلت لي طلّعها
قلت لك ماكل شق.. يفيد فيه الرقعا = آه من بعض الشقوق اللي ما احد يرقعها
وقلت لك عندي نصايح.. فى النصايح نفعا= قولها واجب علي وواجبك تسمعها
احذر ضعاف النفوس اهل القلوب الوجعا= لا توقّف ضدّها ولا توقّف معها
وقلت لا تامن ثيابك.....ماصغيت السمعا= قلت انا اقيس البحور السبع قبل اشرعها
وقلت ماكل ارض تزرعها بتنبت زرعا = وقلت لي داري ولكن سالفتك اقطعها
وقلبي اللي منطبع حبّك بوسطه طبعا= قلت اخذ نصايحك بعد الخوي رجّعها
واترك الدرعا بمرعاها ياقلبي ترعا= العرب مادوّرو فزعتك لا تفزعها
يحسبون انّك تدوّر من وراهم طمعا=وانت ودّك توضع الأشياء في موضعها
لا تقرّب من عدن ..ولا تقرّب صنعا= والطيور تطير وتعوّد على ماقعها
ويالخوي اللي تمد الوصل بعد القطعا=اقنعت نفسك من اللي صار ولاّ اقنعها
وفّر أعذارك ترى اذانيّ منها شبعا= اصغ سمعك واستمع ..كثر السوالف دعها
إذنك اللي ما اسمعت.. ماحقّها الاّ المصعا=والله انّي لو ما اعزّك.. يالخوي لاامصعها
اعتبر من ما جرالك واصح بعد اللّسعا= والامور اللي مضت بعد قضت ودّعها
ونفسك اللي واقفه تحتاج منك الدفعا= بعد ماحطمّتها من واجبك تصنعها
طحت ماهو عيب لكن قوم واربع ربعا= بالعزوم تقوم وتروم البشر مطمعها
مايطيح الاّ الرخوم السبع يبقى سبعا= والحياه مصارعه تبغى من يصارعها
صد نفسك عن هواها واعطها امر المنعا= وعزّها واحذر لغير اللي خلق تخضعها
والثياب اللي بها عشت العمر منخدعا = ارمها من فوق جسمك يالخوي ونزعها
ولا تخلّي طيب قلبك عاده إلك وطبعا= شجرة ماتنفعك فى الوقت لا تزرعها
فى الختام اخذ النصايح فى النصايح نفعا= قولها واجب علي وواجبك تسمعها
إعملبها فى الحياه وكن لها متّبعا = ماندم من يستمع فيها ومن يتبعها