فالك المليار يا نشوى الرويني==خلّي المليون لليّ صفقوا له

[رشيد الهديرس]

**






























**








































**
















**



فالك المليار يا نشوى الرويني=خلّي المليون لليّ صفقوا له
في سجّل مشجّعينك سجّليني=بعد ما فزتي على عيال الحموله
لا جمعتيهم على سمن وسميني=أسمني .. وأخذي من السمن العموله !
جابك الله للبنات وللبنيني=والولد مهبول .. والبنت مهبوله
تاجري بعقولهم والله يعيني=يوم قام العنصري يتبع ميوله
حرّكي فزعاتهم في كلّ حيني=وخلّي النخوه تقول اللي تقوله
بالرسايل من يسار ومن يميني=جاك فزّاع العرب يشعب ذلوله
هكذا حنّا على مرّ السنيني=ما نمثّل غير بأدوار البطوله
في دولنا .. زادوا المتنبّييني=وكلّ متنبّي لقا له سيف دوله !
يذبح ويصلخ ويومي باليديني=بالحركات البطيّه والعجوله
كل ما زوّد حماسه حبّتيني=أنتثر حبّه وشاله في حثوله
يجلب المحضور بين المسلميني=والجماهير المجانين أهتفوا له
يحسب أنه يملك العقل الذهيني=ينظم من الوهم مرجانه ولوله
لو فرضنا الشّعر مدلوله ثميني=أستباحوا فرضه وعرضه وطوله
روضة ٍ عيّت تسرّ الناظريني=وكلّنا دارين في الوضع وحلوله
ما نعيش بخير وحنّا غافليني=( عن كتاب الله وعن سنّة رسوله )

[محمد الروقي]

سلمت اخوي



قصيدة سجلت بسم نجم صاعد

ياليتها بسم شاعر لانها جزله


تقبل تحياتي وسمحلي بنقلها لحملها اسم مستعار

[سيف كلمة]

ما نعيش بخير وحنّا غافليني=( عن كتاب الله وعن سنّة رسوله )

اللهم صل وسلم عليه
صدقت والله صح لسانك ،،،

[سعود السلمي]

هههههه

ماراح يضرك شيء لو كتبت منقول وحفظت حقوق راعيهاا

أختيار موفق يدل على ذائقتك الجميلة ..لاهنت