حصميت
10-03-2004, 02:04 AM
ملاحظه :- جرت احداث هذه القصه في صيف عام 2003 م بين مدينه الدمام والرياض ودمشق ..... جميع الشخصيات غير حقيقيه والاحداث لك عليها شوي ..
@@@@@@@@@@@@@@@@@
تعرفون ان الصيف عندنا قارس ويخلي الواحد يتحكحك من البلاوي اللي تطلع منه ... لدرجه ان الواحد وهو يتروش تطلع ريحته اصلا هو يتروش رفعه عتب والا الترويش ما فيه فايده لانه الواحد وهو يتروش عرقه ينزل وريحته طالعه اضافه الى ان الترويش في بدايه شهر يوليو عندنا يعتبر سلق للجسم ....
لكل ما سبق قررت اني ابورد هالصيفيه واسافر للبراد طبعا مو لابها ولا الطايف ولا حايل اللي صيفها هايل يقولون واصلن انا خبل اروح لهالاماكن اللي اروبا ارحم من اسعار فنادقها والا بالله غرفتين ومنافعها باربعميه وخمسين ...
وين حنا وين عايشين ...
المهم قررت اروح برى (( يعني وين حدي سوريا والاردن والا لبنان بعيده عن شواربي وشوارب الحاضرين ))
رحت وقدمت اجازه خمسطعش يوم لان الرصيد هذا هو ويوم شيكت الجواز الا هو مخلص وانا اللي اروح للجوازات واطق هاك الصوره اللي على كيف كيوفك واعطيها للموظف ومعها ثلاثميه ريال قيمه الجواز الا قولته يابو الشباب عليك مخالفات رحت سددهن وتعال ...
رحت للمرور الا هي زحمه سلنتح من الشباب مثلي وشرواي يبون السفر وحجر لهم النظام الجديد الله لا يوفق من اقترحه وضيق على المسلمين ،،وكلن جاي يطلع برنت الا قوله الموظف اللي مسوي فيها مهم :-اعوذ بالله منكم يالسعوديين (( اخس يالتايلندي )) ما تسددون الا اذا بغيتوا تسافرون وانا ارد عليه من حارق في اقصى شراين قلبي زحف حتى كبدي وقلت له الحين نزل كاسة الشاي يا بو الشباب ولا يكثر ومشنا وبلا حكي ماله طعمه <<<<< يتعلم سوري بروفات .....
خذيت البرنت الا هي مخالفات ادري عنها وبعضها والله تجني وعدوان والا هي يا طويلين الاعمار الف وخمسميه ريال (( قطع اشاره + سرعه + موقف غلط + هروب + مسيره بعد مباره الهلال والاهلي )) ومن هالحكي الفاضي ...
مالكم بالخرابيط ذي رحت البنك والا هو زحمه و من زين التنظيم عندنا في دول العالم السابع ما فيه الا موظف واحد بس للجوازات و كمبيوتر واحد ولطعه يا شباب من الساعه تسع الى اثنعش الا ربع المهم مدري هو حظ والا معاند لي ...
يوم وصل دوري وهو تعن للموظف روحه للسي دبليو عزكم الله والظاهر ان معه شد عضلي بعينه والجهاز العصبي للخشم فيه مشاكل فتاخر ابو الشباب ساعه كامله ويوم جا الا الجهاز خربان وانلطعنا نص ساعه لين صلحوه و انا اللي اسدد واروح البيت وانام لين ثاني يوم من التعب ودبله الكبد ...
ثاني يوم رحت الجوازات و دخلت بقوه عين وانا اجي الموظف بكل ثقه قلت خذ الوصل وعطني الجواز الا قولته يابو الشباب رح صور صوره خلفيتها بيضاء وانا اللي انقز بحلقه ولا حسيت الا انا فوق الكونتر من القهر يبن الناس ليه ما قلت من اول الا قوله الضابط انت ما سالت قلت طيب ياخخخخخي حطوا تنبيه لوحه عليها تعليمات جديده الا المرجعين علشان الصور فوق الخمسميه مراجع ...وانا اللي اسب على الضابط طبعا بيني وبين نفسي واقول يلعن ابو الواسطه اللي خلت دلوخ مثلك يخشون الامنيه (( منقهر انه ما خش الامنيه لان خشمي منحرف )) لاحظوا خشمي مو اخلاقي يعني ...
رحت صورت صوره بيضاء وجيت ثاني يوم وكان يوافق ربوع واروح لخوياي واوقع دخول وخروج بنفس الوقت لاني اجازه واروح للجوازات ومعي الصوره خلفيتها بيضاء كننا معريس مو جواز حشى ... المهم الظهر صليت ورحت وعطوني الجواز وطلعت وانا خسران نص الميزانيه للسفريه وهي الف وثمنميه ريال هي كالتنالي ...
1500 = مخالفات
300 = قيمه جواز كهربائي عفوا قصدي ممغنط
20 = بنزين روحه جيه للجوازات
20 = صوره خلفيتها بيضاء
10 = عطيتها شحاد عند الجوازات ...
المهم قبل ما انهي الجزء الاول كان فيه شباب زلايب مكلميني اخاويهم قبل وانا رافض ولكن بعد التدهور الاقتصادي اللي جاني قررت اخاوي خويا الغفله وبالجزء الجاي اعلمكم عن فاجعتي بحقيقه خوياي وقصتي مع شريط فارس مهدي و شريط شيرين وجدي وقصه ابو حسان ورزفه على شريط الكسرات هز الوسط من حمودي على شريط شيرين وجدي وقصتي مع شريط نوال الكويتيه .....
........................
مشيت للرياض الساعه 12 الظهر في مخباي الجواز والامور زينه وتمام .... والفلوس رغم انه طار نصها مخالفات وقيمه جواز الا انه اهم شي الاصرار والعزيمه على السفر واني ما افشل خوياي اللي ما تركوني (( طبعا بعد ما طفرت وقررت اني اخاويهم ))لا ليل ولا نهار من لهم يومين ( من علمتهم ) وش سويت و وش عملت ....
وصلت الرياض الساعه 3 العصر وريحت شوي في السويت حقي (( الملحق للي ما يعرف كلمه سويت ))
ريحت وقمت المغرب وتعطرت وتزينت وحلقت اللحيه وكويت الشماغ ورحت لعرس واحد من الجماعه ((وطمبق طمبق طمبق طمبق )) <<<<<< قرقعه الطيران سامري ...
ا وبعد فاصل من السامري والعرضه حسيت ظهري كنه خشبه وركبي جامده وحالتي حاله ... رحت البيت و خذيت دش وعند تمام الخامسه صباحا حطيت خشتي على المخده واستغرقت بنووووووم عميييييييق ..
قمت الساعه اربع العصر الا ظهري للحين متخشب وعظامي احس يبيلها تريله تمر فوقها ورقبتي تعورني الا خوياي محظرني عندي ...
ا وانا اللي اقوم واروح اغير الزيت والسيفون وافلل الموتر ونحط شناطنا وفي تمام (( تمام والا امل )) الحاديه عشره مساءا مشينا وينك يا خط الشمال ....
ا بالطريق ومن وصلنا المجمعه شانت اخلاقي وطقتني النفاضه وبغيت ابكي يوم شغلوا لي شريط نوال الكويتيه القلوب الساهيه ))
<<<<<<<<<<< رومنسي الولد بقوه ........
ا مو هذا السبب السبب انه الشباب اللي معي قاموا يتكلمون عن نوال مو عن فنها او عن شي يختص فيها كفنانه لا قاموا يتكلمون عن قصتها و انها في الكليب الاخير احلى من اللي قبله ووقاموا يتناقشون وحنا على ابواب حفر الباطن عن ايهن احلى هي والا حلومه ... (( ما دروا ان كل وحده اشين من الثانيه )) انا بيني وبينكم وسوست ... قلت خوياي شبلاهم ...ما كلين شي والا افكارهم كذا وش بلاهم جتهم الحنيه على طول ...
وقفت عند البقاله قلت شتشربون الا واحد منهم يقولي جبلي شاني والثاني يبي بايسن ... انا بهالحظه طيرت عيوني وشنباتي قامن يطلعن وينزلن وخشمي قام يتعفط ورجليني مدري احسهن وقفن و راسي استدار ..
افا يا ذا العلم وش شانييه يالخكري ....
خوييي تاثّر و قام شوي ويصيح و قطع الكت حقه وقام يبكي ابي ارجع ابي ارجع .. المهم احنا في رفحا ووين يتركنا هالعله والقطه بتنقص علينا وحنا طفارى وانا اللي اقوم اتحلوى له وقلت له لو تبي روج شريتلك مو بس شاني ... قال لا الروج خله من الشام (( ابو الشباب صدق ))
ا انا في هذه الاثناء كنت مشغل شريط ابو مهدي اخر واحد المهم قام خوينا هذا (( حمودي )) قال ابو شيرازي ابوه قلت هلا وش بغيت يا بعد شيراز كلها قال ممكن تشغل هاالشريط ... قلت ابشر ..
قال خذ ويوم خذيته واشغله الا شريط شيرين وجدي وما اشوفلك الا خويي هذا ابو الشاني قام يهز ويتهزهز ولا نجوى فؤاد ويصايح من الحماس والطرب .....
عاد هو يا ليته نحيف يعني وجسمه من القطع المتوسط ما يخالف المشكله انه جثه واذا شفته نطري علي عماره المملكه ...
المهم ويقوم الهز واللز ... وخويي الثاني شانت اخلاقه ويطلع عن طوره ... ويقوم ويصبخ خوينا ذاك على قفاه وقال واخرتها معك ياخخخخي المساله ذوق وهو اللي يطلع شريط شيرين وجدي ويحط شريط عزازي ويبدا يرزف ويوم اقبلنا على حزم الجلااميد الا ما فيه الا غبرته واتتذكر قول الشاعر ...
حزم الجلاميد يلعن امك ...... حنا وصلنا النعيريه ...
انا هنا مت من القهر واطلع شريطي المفضل الكسرات وابداء اهوز على سرعه واكتف السيارات الجايه والرايحه و ادوس الابنص لين وصلته ميتين وابو سليم مدهر وحموووودي بعد قلبي قاعد يرقص مصري على الكسرات والعربجي خوينا اللي ورى قام يطامر ورى ورى سرى سرى سنايدي ابو شيرازي ...
وتجيني حاله ( ........ )
واجي ابوقف قبل عرعر بستين كيلو الا قوله (( حمودي )) ياي وش تبي تسوي ...
قلت ابي دوره المياه قال يع يالهمج قلت وبنبره حاده (( انطم ولا يكثر لااجي العن سلسفيل اهلك ))
خوينا جته حاله قام يصيح ويبكي و يقطع بغرته يااااااااي ياربيييييه يا وحوش يا همج يا متخلفين كذا تعاملوني ... (( انا حمودي اللي محد يقولي وخر وراك تقولي انطم )) يا ويلك من الله ...
هو من ناحيه كسر خاطري كسر خاطري لكن والله ثم والله لولا اني منحد اخاويه لقلة ذات اليد و انعدام وسائل كسب الرزق والماده و لانخفاض الدخل الفردي اني والله لاسريه على حمار عرج من حزم الجلاميد الى الرياض لكن الخوي امانه واسمي اللي انبليت فيه فلازم اتحمله غديه يعقل ويصير رجال بالشام (( ايه هين ما هقيت بهالشنب اللي حاطه رفع عتب رجوله ))...
ا وصلنا كاف الساعه 8 الصباح وبعدين القريات الساعه 9 الا ربع ونزل العربجي و(( ابو حسان )) حشى هذا معلم شاورما مو عربجي ... المهم نزل ابو حسان حبيب قلبي ويفلل السياره ويشتري لنا حب ومويه و بيبسي وشاني للاخت (( حمودي )) وناصل الحدود في تمام الساعه عشر الصباح ...
واكمل لكم في الجزء الجاي قصتنا مع الحدود الاردنيه والخط اللي مدري شيبي وسالفه زحمه الحدود السوريه ............... ّّ
رأيت المنايا خبط عشواء من تصب ## تمته ومن يسلم يعمر فيصبح تاجر اسهم
[email protected]
:confused: :confused:
@@@@@@@@@@@@@@@@@
تعرفون ان الصيف عندنا قارس ويخلي الواحد يتحكحك من البلاوي اللي تطلع منه ... لدرجه ان الواحد وهو يتروش تطلع ريحته اصلا هو يتروش رفعه عتب والا الترويش ما فيه فايده لانه الواحد وهو يتروش عرقه ينزل وريحته طالعه اضافه الى ان الترويش في بدايه شهر يوليو عندنا يعتبر سلق للجسم ....
لكل ما سبق قررت اني ابورد هالصيفيه واسافر للبراد طبعا مو لابها ولا الطايف ولا حايل اللي صيفها هايل يقولون واصلن انا خبل اروح لهالاماكن اللي اروبا ارحم من اسعار فنادقها والا بالله غرفتين ومنافعها باربعميه وخمسين ...
وين حنا وين عايشين ...
المهم قررت اروح برى (( يعني وين حدي سوريا والاردن والا لبنان بعيده عن شواربي وشوارب الحاضرين ))
رحت وقدمت اجازه خمسطعش يوم لان الرصيد هذا هو ويوم شيكت الجواز الا هو مخلص وانا اللي اروح للجوازات واطق هاك الصوره اللي على كيف كيوفك واعطيها للموظف ومعها ثلاثميه ريال قيمه الجواز الا قولته يابو الشباب عليك مخالفات رحت سددهن وتعال ...
رحت للمرور الا هي زحمه سلنتح من الشباب مثلي وشرواي يبون السفر وحجر لهم النظام الجديد الله لا يوفق من اقترحه وضيق على المسلمين ،،وكلن جاي يطلع برنت الا قوله الموظف اللي مسوي فيها مهم :-اعوذ بالله منكم يالسعوديين (( اخس يالتايلندي )) ما تسددون الا اذا بغيتوا تسافرون وانا ارد عليه من حارق في اقصى شراين قلبي زحف حتى كبدي وقلت له الحين نزل كاسة الشاي يا بو الشباب ولا يكثر ومشنا وبلا حكي ماله طعمه <<<<< يتعلم سوري بروفات .....
خذيت البرنت الا هي مخالفات ادري عنها وبعضها والله تجني وعدوان والا هي يا طويلين الاعمار الف وخمسميه ريال (( قطع اشاره + سرعه + موقف غلط + هروب + مسيره بعد مباره الهلال والاهلي )) ومن هالحكي الفاضي ...
مالكم بالخرابيط ذي رحت البنك والا هو زحمه و من زين التنظيم عندنا في دول العالم السابع ما فيه الا موظف واحد بس للجوازات و كمبيوتر واحد ولطعه يا شباب من الساعه تسع الى اثنعش الا ربع المهم مدري هو حظ والا معاند لي ...
يوم وصل دوري وهو تعن للموظف روحه للسي دبليو عزكم الله والظاهر ان معه شد عضلي بعينه والجهاز العصبي للخشم فيه مشاكل فتاخر ابو الشباب ساعه كامله ويوم جا الا الجهاز خربان وانلطعنا نص ساعه لين صلحوه و انا اللي اسدد واروح البيت وانام لين ثاني يوم من التعب ودبله الكبد ...
ثاني يوم رحت الجوازات و دخلت بقوه عين وانا اجي الموظف بكل ثقه قلت خذ الوصل وعطني الجواز الا قولته يابو الشباب رح صور صوره خلفيتها بيضاء وانا اللي انقز بحلقه ولا حسيت الا انا فوق الكونتر من القهر يبن الناس ليه ما قلت من اول الا قوله الضابط انت ما سالت قلت طيب ياخخخخخي حطوا تنبيه لوحه عليها تعليمات جديده الا المرجعين علشان الصور فوق الخمسميه مراجع ...وانا اللي اسب على الضابط طبعا بيني وبين نفسي واقول يلعن ابو الواسطه اللي خلت دلوخ مثلك يخشون الامنيه (( منقهر انه ما خش الامنيه لان خشمي منحرف )) لاحظوا خشمي مو اخلاقي يعني ...
رحت صورت صوره بيضاء وجيت ثاني يوم وكان يوافق ربوع واروح لخوياي واوقع دخول وخروج بنفس الوقت لاني اجازه واروح للجوازات ومعي الصوره خلفيتها بيضاء كننا معريس مو جواز حشى ... المهم الظهر صليت ورحت وعطوني الجواز وطلعت وانا خسران نص الميزانيه للسفريه وهي الف وثمنميه ريال هي كالتنالي ...
1500 = مخالفات
300 = قيمه جواز كهربائي عفوا قصدي ممغنط
20 = بنزين روحه جيه للجوازات
20 = صوره خلفيتها بيضاء
10 = عطيتها شحاد عند الجوازات ...
المهم قبل ما انهي الجزء الاول كان فيه شباب زلايب مكلميني اخاويهم قبل وانا رافض ولكن بعد التدهور الاقتصادي اللي جاني قررت اخاوي خويا الغفله وبالجزء الجاي اعلمكم عن فاجعتي بحقيقه خوياي وقصتي مع شريط فارس مهدي و شريط شيرين وجدي وقصه ابو حسان ورزفه على شريط الكسرات هز الوسط من حمودي على شريط شيرين وجدي وقصتي مع شريط نوال الكويتيه .....
........................
مشيت للرياض الساعه 12 الظهر في مخباي الجواز والامور زينه وتمام .... والفلوس رغم انه طار نصها مخالفات وقيمه جواز الا انه اهم شي الاصرار والعزيمه على السفر واني ما افشل خوياي اللي ما تركوني (( طبعا بعد ما طفرت وقررت اني اخاويهم ))لا ليل ولا نهار من لهم يومين ( من علمتهم ) وش سويت و وش عملت ....
وصلت الرياض الساعه 3 العصر وريحت شوي في السويت حقي (( الملحق للي ما يعرف كلمه سويت ))
ريحت وقمت المغرب وتعطرت وتزينت وحلقت اللحيه وكويت الشماغ ورحت لعرس واحد من الجماعه ((وطمبق طمبق طمبق طمبق )) <<<<<< قرقعه الطيران سامري ...
ا وبعد فاصل من السامري والعرضه حسيت ظهري كنه خشبه وركبي جامده وحالتي حاله ... رحت البيت و خذيت دش وعند تمام الخامسه صباحا حطيت خشتي على المخده واستغرقت بنووووووم عميييييييق ..
قمت الساعه اربع العصر الا ظهري للحين متخشب وعظامي احس يبيلها تريله تمر فوقها ورقبتي تعورني الا خوياي محظرني عندي ...
ا وانا اللي اقوم واروح اغير الزيت والسيفون وافلل الموتر ونحط شناطنا وفي تمام (( تمام والا امل )) الحاديه عشره مساءا مشينا وينك يا خط الشمال ....
ا بالطريق ومن وصلنا المجمعه شانت اخلاقي وطقتني النفاضه وبغيت ابكي يوم شغلوا لي شريط نوال الكويتيه القلوب الساهيه ))
<<<<<<<<<<< رومنسي الولد بقوه ........
ا مو هذا السبب السبب انه الشباب اللي معي قاموا يتكلمون عن نوال مو عن فنها او عن شي يختص فيها كفنانه لا قاموا يتكلمون عن قصتها و انها في الكليب الاخير احلى من اللي قبله ووقاموا يتناقشون وحنا على ابواب حفر الباطن عن ايهن احلى هي والا حلومه ... (( ما دروا ان كل وحده اشين من الثانيه )) انا بيني وبينكم وسوست ... قلت خوياي شبلاهم ...ما كلين شي والا افكارهم كذا وش بلاهم جتهم الحنيه على طول ...
وقفت عند البقاله قلت شتشربون الا واحد منهم يقولي جبلي شاني والثاني يبي بايسن ... انا بهالحظه طيرت عيوني وشنباتي قامن يطلعن وينزلن وخشمي قام يتعفط ورجليني مدري احسهن وقفن و راسي استدار ..
افا يا ذا العلم وش شانييه يالخكري ....
خوييي تاثّر و قام شوي ويصيح و قطع الكت حقه وقام يبكي ابي ارجع ابي ارجع .. المهم احنا في رفحا ووين يتركنا هالعله والقطه بتنقص علينا وحنا طفارى وانا اللي اقوم اتحلوى له وقلت له لو تبي روج شريتلك مو بس شاني ... قال لا الروج خله من الشام (( ابو الشباب صدق ))
ا انا في هذه الاثناء كنت مشغل شريط ابو مهدي اخر واحد المهم قام خوينا هذا (( حمودي )) قال ابو شيرازي ابوه قلت هلا وش بغيت يا بعد شيراز كلها قال ممكن تشغل هاالشريط ... قلت ابشر ..
قال خذ ويوم خذيته واشغله الا شريط شيرين وجدي وما اشوفلك الا خويي هذا ابو الشاني قام يهز ويتهزهز ولا نجوى فؤاد ويصايح من الحماس والطرب .....
عاد هو يا ليته نحيف يعني وجسمه من القطع المتوسط ما يخالف المشكله انه جثه واذا شفته نطري علي عماره المملكه ...
المهم ويقوم الهز واللز ... وخويي الثاني شانت اخلاقه ويطلع عن طوره ... ويقوم ويصبخ خوينا ذاك على قفاه وقال واخرتها معك ياخخخخي المساله ذوق وهو اللي يطلع شريط شيرين وجدي ويحط شريط عزازي ويبدا يرزف ويوم اقبلنا على حزم الجلااميد الا ما فيه الا غبرته واتتذكر قول الشاعر ...
حزم الجلاميد يلعن امك ...... حنا وصلنا النعيريه ...
انا هنا مت من القهر واطلع شريطي المفضل الكسرات وابداء اهوز على سرعه واكتف السيارات الجايه والرايحه و ادوس الابنص لين وصلته ميتين وابو سليم مدهر وحموووودي بعد قلبي قاعد يرقص مصري على الكسرات والعربجي خوينا اللي ورى قام يطامر ورى ورى سرى سرى سنايدي ابو شيرازي ...
وتجيني حاله ( ........ )
واجي ابوقف قبل عرعر بستين كيلو الا قوله (( حمودي )) ياي وش تبي تسوي ...
قلت ابي دوره المياه قال يع يالهمج قلت وبنبره حاده (( انطم ولا يكثر لااجي العن سلسفيل اهلك ))
خوينا جته حاله قام يصيح ويبكي و يقطع بغرته يااااااااي ياربيييييه يا وحوش يا همج يا متخلفين كذا تعاملوني ... (( انا حمودي اللي محد يقولي وخر وراك تقولي انطم )) يا ويلك من الله ...
هو من ناحيه كسر خاطري كسر خاطري لكن والله ثم والله لولا اني منحد اخاويه لقلة ذات اليد و انعدام وسائل كسب الرزق والماده و لانخفاض الدخل الفردي اني والله لاسريه على حمار عرج من حزم الجلاميد الى الرياض لكن الخوي امانه واسمي اللي انبليت فيه فلازم اتحمله غديه يعقل ويصير رجال بالشام (( ايه هين ما هقيت بهالشنب اللي حاطه رفع عتب رجوله ))...
ا وصلنا كاف الساعه 8 الصباح وبعدين القريات الساعه 9 الا ربع ونزل العربجي و(( ابو حسان )) حشى هذا معلم شاورما مو عربجي ... المهم نزل ابو حسان حبيب قلبي ويفلل السياره ويشتري لنا حب ومويه و بيبسي وشاني للاخت (( حمودي )) وناصل الحدود في تمام الساعه عشر الصباح ...
واكمل لكم في الجزء الجاي قصتنا مع الحدود الاردنيه والخط اللي مدري شيبي وسالفه زحمه الحدود السوريه ............... ّّ
رأيت المنايا خبط عشواء من تصب ## تمته ومن يسلم يعمر فيصبح تاجر اسهم
[email protected]
:confused: :confused: