ياللي تعرف اللغز..حااااول تجيبه؟؟

[النوري]

الألغاز..
ملكه شعريه..
وموهبة قلمانجيدها

ليس الحل فقط؟
بل الإبداع في نسق الأبيات وزنا وقافيه..

وهنا نورد لغزا لم يتوصل لحله أحد حتى هذه اللحظه..
والمطلوب حل اللغز بطريقة شعريه..بناء ابيات عليها..

و من أراد حل اللغز فقط.(كحل) فعليه ارسال رساله خاصه بذلك..
وبعدفرز الحلول الشعرية أولا سنعلن الأسماء التي توصلت للحل بدون ابيات..


اللغز




أسألك عن ثنتين ياطيب الساس=يدعى لهن في يوم مره ومره
اللي حضرهن يحسبن له مع الناس=ومن لاحضرهن يدبلن في مقره
هن بالمدينه والقرايا بها تقاس=ولاحد ذكر بالباديه لهن جره

:11umbup::11umbup::11umbup:

[سعود السلمي]

فكرة حلوه والله اتمنى انها تكون مستمره تنشيط للذاكرة ولو تثبتين الموضوع أفضل من وجهة نظري علشان الي يمٌر القسم يشوف الموضوع ...

بس الافضلية لازم تكون للاصحاب الحلول الصحيحه شعراا إلا في حالة مايكون فيه حل صحيح
وقتها تختاري من الحلول الصحيحه الي تجيك على الخاص ..

أهم شيء أنك تعرفين الحل مانبغى نتعب في شيء حله غير معروف ههههههههه


مشكورة على الفكره الرائعه ولي عوده بعد التفكير إن شاءلله

[محمد نايف العتيبي]

الله الله

الاستاذه النوري

فكره رائعه واستأذ منك بتثبيتها لكي تتضح للاخرين

.

.

والله يقدرنا ونحاول نحله , مع ان الذاكره 64 ههههههههه ماش ذاكره لكن الله يعين


دمتي بخير

[النوري]

بالنسبة لي حليته وبنفس القافيه..قولوا ماشاء الله


اشكرك..أخوي محمد على تثبيت الموضوع..كان ودي اثبته..بس متسحيه ابز بعمري ههههه

وترى اللغز واضح مثل الشمس بتسبد السماء..يعني لايجي واحد ويقول:...........؟

نبي حلول شعريه..نبي نبدع..ياقماعه الربع؟ انهجوا يامال الغنيمه لاتبطون علانا..ياسنايدي


هاوي قصيد

ارحب الله لايهينك على حضورك المبكر..
حولك الحل ولايبي من يدنيه.لشاعرمثلك


والساعة المباركة

[عبدالهادي الجهني]

ان شاء الله

الحل صحيح

هو صلاة الجمعة وخطبتها

وهذا الحل شعرا

ارجو ان يكون الحل صحيحا




حليتها من بعد ما جاني اليأس = فكرى سرح حتى ما وصل المجره
هذى صلاة الجمعة يا ناس يا ناس = عيد-ن على المسلم لا بده يسره
ومن قبلها خطبة تبين بمقياس = امامها يخطب ولله دره

[سعود السلمي]

هههههههههه

خلاص عبد الهادي قفل باب الاجتهاد والحل صلاة الجمعة مافيها كلام كنت عارف الحل من البداية بس قلت انتظر شوي نشوف الردود ..

النوري مافيه فكه هاتي لغز ثاني ههههههه بس شوفي حل في مسألة الردود علشان مايوضح الحل من بدري ...

المشاركة الي كنت مجهزهاا كتبتها في عجاله


قريت لغز ٍ في رويتز وفي واس = وعبر الخزامي في رياض المسٌره
اخذ الخبر والعلم من قاسي الراس = والي عرف للحل لله دٌره
هاذي هي الجمعه وقال ابن عباس = صلاتها واجب على نفس حرٌه

[النوري]

صلاة الجمعه

وهذا هو الحل الصحيح..يسلم فكرك

وهذه ابياتي:


أنا أشهد ان اللغز مبني على ساس= والشعر يطغى عند الإبداع سره
طاعه وتشريعه بالاسلام للناس=يجنى بها خيره وينزاح شره
واللي تونى متعب النفس محتاس= ومن ادرك الجمعه فلله دره


نبارك للشاعرالمتآلق/عبدالهادي الجهني

ونترك تقييم الحل والأبيات.. لشاعرنا / محمد نايف العتيبي
ومن..شرفنا من الشعراء الأفاضل


*علامات اللغز:

يدعى لهن في يوم مره ومره(أي ينادى للصلاة مرتين في يوم واحد..إذانان.للجمعه)
لهن(ركعتان)
ومن لاحضرهن يدبلن في مقره(في المسجد ركعتان.وفي البيت أربع)
هن بالمدينه والقرايا بهاقياس(في الجوامع..قياسا علي غيرهن.ففي الباديه.ليس لهن جره (ذكر)

[النوري]

الأول:
عبدالهادي الجهني

حليتهـا مـن بعـد مـا جانـي اليـأس
فكرى سرح حتى ما وصل المجره
هذى صلاة الجمعة يا ناس يا ناس
عيد-ن على المسلـم لا بـده يسـره
ومـن قبلهـا خطبـة تبيـن بمقيـاس
امــامـــهـــا يــخـــطـــب ولله دره


الثاني:
هاوي قصيد



قريت لغز ٍ في رويتز وفـي واس
وعبر الخزامي في رياض المسٌره
اخذ الخبر والعلم من قاسي الراس
والـي عــرف للـحـل لله دٌره
هاذي هي الجمعه وقال ابن عباس
صلاتها واجب على نفـس حـرٌه





الثالث:
النوري

أنا أشهد ان اللغز مبني على ساس
والشعر يطغى عند الإبداع سـره
طاعه وتشريعه بالاسلام للنـاس
يجنى بها خيره وينـزاح شـره
واللي تونى متعب النفس محتاس
ومـن ادرك الجمـعـه فلله دره

هاوي قصيد

البركه ..

يامتابع الجمعه وخزامى الصحاري=جبت الجزيل وجيت ياطيب الساس

وفيه ملاحظه: توحد قافية لله دره..أحد معه برشام؟؟:مزون:

وضني فيك ماخاب كنت عارفه ان الحل بيدك.لكنك كنت ترتب ابياتك.وبالفعل جزله.
لاتخلينا من رأيك بالابيات..

وابشر باللغز اللي..مايحله حلحيل متحلحل؟:11umbup:

[سعود السلمي]

ماقصرتي ياطويلة العمر أختيار موفق منك للغز وفكرة تمنى أستمراها
عموما في رد اللغاز لاحد يتعب نفسه في شرح تفاصيل الحل في الرد
يكفي الاشاره للحل مثل ردك تماما ممتاز بكل المقايس ورد عبدالهادي
أحس انه يبغى يوضح تفاصيل الحل وتورط في القافيه بس رد ممتاز
وكلكم أساتذه نتعلم منكم والجزاله أنتم اهلها ماتحتاجون تقيم من احد


عاد أهم شيء لا تنسين اللغز الي مايحله حلحيل متحلحل ,,, مدري كيف كتبتيها :مزون:
بس تأكدي أنه مايكون يطلع في البحث حق قوقل علشان ماحد يلطش الحل ’’ تحياتي

[محمد نايف العتيبي]

لا لا لا لا لا

صراحه مالكم داعي طيب طيب مردوده ياهاوي انت والنوري هههههههه

مسرعكم انا قلت مافيه احد بيحله بسرعه خلني انام وبكره افكر فالابيات لان الحل عارفه

لكن هذا تعتبر ضدكم خليتوني لين نمت وحليتوه طيب طيب ...


المراكز :

عبدالهادي الجهني 1/ صح لسانك وبيض الله وجهك

هاوي قصيد الخاين 2/ صح لساااانك وتسلم على هالابيات الجزله

النوري الخاينه 3/ صح لساااااانك وتسمين ابيات اكثر من رائعه وانا اوريكم

والدليل انكم متواعدين تحلونه , ان كل واحد في بيته لله دره ههههههه


وانا اقول لله دركم والله لا يظركم


الحل : صلاه الجمعه << بدري ههههههه



ننتظر اللغز القادم بكل شوق ووله << يقول عاد بستقعد لكم ههههههه

دمتم بخير

[النوري]

أجل خونه؟ههههه
محمد نايف العتيبي

خل عنك النوم وانتبه للموقع لاحد يسرق حل والا ربط { تستهبل
انا مابلاني الا فزعة قـوقـل.
انخاك ياقوقل تكتم على السر..لاكل شي تبينه ياعضيدي
فيك الشهامه حين للعلم تظهر..وفيك اللقافه دايم ماتحيدي

أكيد انك لوتعللت عليه كان رحنا فيها؟
اللغز يفخربوجوك..وحله ينحل لاحليت؟{تفلفس فسلفه

واناتعمدت اتوخر والا الحل ارسلته لخزامى الصحارى قبل انزل الموضوع{ام التواضع
مايصير المعازيب يتقهوون قبل ضيوفهم{حقوق التشبيه.حقرص بقرص؟

ولادام الفكرة زينه..ياليت شعرائنا يتسابقون في نظم الألغاز..عندنا خيرة الشعار


الله يحييكم..
ولانتميز الا بمتابعتكم
وتشريفكم..بعدتوفيق الله

[سعود السلمي]

:11ap: :11ap: :11ap:

من قالك تنام الطيور طارت برزاقها خلاص وعبدالهادي ماقصر سبقنا على المركز الاول بعدين يامحمد عقاباا لك على التأخير قررناا يكون اللغز من عندك بس شوف تجيب لغز من بحث قوقل يعتبر لاغي وراح نصدر عليك حكم الاعدام شنقاا حتى الموت والله الهادي إلى سواء السبيل >> متأثر بالاخبار


أستاذتنا النوري الله لايهينك أجلي لغزك لين نشوف لغز ابو نايف اذا صعب نسحب عليه :واو:

[محمد نايف العتيبي]

أجل خونه؟ههههه
محمد نايف العتيبي

خل عنك النوم وانتبه للموقع لاحد يسرق حل والا ربط { تستهبل
انا مابلاني الا فزعة قـوقـل.
انخاك ياقوقل تكتم على السر..لاكل شي تبينه ياعضيدي
فيك الشهامه حين للعلم تظهر..وفيك اللقافه دايم ماتحيدي

أكيد انك لوتعللت عليه كان رحنا فيها؟
اللغز يفخربوجوك..وحله ينحل لاحليت؟{تفلفس فسلفه

واناتعمدت اتوخر والا الحل ارسلته لخزامى الصحارى قبل انزل الموضوع{ام التواضع
مايصير المعازيب يتقهوون قبل ضيوفهم{حقوق التشبيه.حقرص بقرص؟

ولادام الفكرة زينه..ياليت شعرائنا يتسابقون في نظم الألغاز..عندنا خيرة الشعار


الله يحييكم..
ولانتميز الا بمتابعتكم
وتشريفكم..بعدتوفيق الله



ههههههههههههههه

ايه ماعليه ماعليه يانوره الايام جايه

واقسم بالله لحستي مخي مافهمت شي بس الله يسلمك ههههههههه

وماعليك زود ههههههه << للاحتياط


يالله عاد جهزي لنا لغز وعطيني خبر لا تسوون مثل حركتكم ذي


بالتوفيق يااستاذتنا ..

[محمد نايف العتيبي]

:11ap: :11ap: :11ap:

من قالك تنام الطيور طارت برزاقها خلاص وعبدالهادي ماقصر سبقنا على المركز الاول بعدين يامحمد عقاباا لك على التأخير قررناا يكون اللغز من عندك بس شوف تجيب لغز من بحث قوقل يعتبر لاغي وراح نصدر عليك حكم الاعدام شنقاا حتى الموت والله الهادي إلى سواء السبيل >> متأثر بالاخبار


أستاذتنا النوري الله لايهينك أجلي لغزك لين نشوف لغز ابو نايف اذا صعب نسحب عليه :واو:


اول شي مساك الله بالخير


الله يرزق الطيور لاطارت ياهاوي ويرزقنا والمسلمين اجمعين

اما بعد ههههههه << ابك اخلص بس

وجودك نور الصفحه وصراحه ابدعتوا انت وعبدالهادي والنوري


اما اللغز لا والله النوري تجيبه انا بعدها عساني اسأل الوالد هو راعي اللغاز


دمتم بخير

[النوري]

عدنا اليكم اعزاي الناس الطيبين

جااك الموت ياتارك الصلاة{ يالله صبح خير

محمد العتيبي
اجل ما فهمت {شكله فيزياء
ابشر نفسر لك بعض الكلمات بعد ماتجيب الحل{ يمنع النوم..واصطحاب الجوال هههه

نبدأ على بركة الله :

اللغز:.


اسألك عن رجل سريع بممشاه= رجل خدوم ولازهمته يجي لك
يعرف مرادك قبل تفصح بمعناك= يقبض عليك وثم يطلق سبيلك



والجايات أكثر{ مذاكره زين
كونوا معنا


تريونا..لاهنتوا

[عبدالهادي الجهني]

هاوى قصيد

محمد نايف العتيبي

االنوري

الاساتذة الكرام

ابدعتوا في ابياتكم

بس النوري

جايب لغز من قراءة له يظهر فيه صعوبة

الظاهر ودها تصعبها علينا شويه

اختى النورى

والله حايس فيه

بس لازم افكر شويه

قبل ما يجي هاوى ومحمد

،

،

،

[عبدالهادي الجهني]

اسألك عن رجل سريع بممشاه= رجل خدوم ولازهمته يجي لك
يعرف مرادك قبل تفصح بمعناك= يقبض عليك وثم يطلق سبيلك
:بفكر:

[سعود السلمي]

هههههههه

هذا والله الي مايحله حلحيل متحلحل بس انا عندي اشتباه في حلين متاكد انه فيها واحد صح

وهالمره ماني متاخر بسبقك عبدالهادي وعطيكم فرصه لين اجهز ابيات الرد

[سعود السلمي]

تفضلي الحل



انا اشهد ان اللغز راعيه سواه = يالي كتبت اللغز ياعزتي لك
المصعد الي فالمباني بالاسلاك = ان كان ماهو صح يالله دخيلك

[عبدالهادي الجهني]

،

،


صح لسانك اخوي هاوي

جزل

ابدعت في الحل

خيرها بغيرها

،

،

،

[سعود السلمي]

عبدالهادي الجهني

صح بدنك يالذيب الجزاله انتم اهلها


انا جاء في بالي المصعد أو التلفريك طبعا الاقرب المصعد لانه معروف طريقة عمله بعكس التلفريك .. عموما نتظر التأكيد من الاخت النوري

بس حط في حسابك لازم تجيب لغز بشرط مايظهر في محرك البحث قوقل . مانبغى كل اللغاز على الاخت النوري نبغى ننشط المخ شوي وننشط الصفحه والقسم طبعا بعد إذن المشرفين الاخوان ابو نايف والنوري ..

[النوري]

هاوى قصيد

محمد نايف العتيبي

االنوري

الاساتذة الكرام

ابدعتوا في ابياتكم

بس النوري

جايب لغز من قراءة له يظهر فيه صعوبة

الظاهر ودها تصعبها علينا شويه

اختى النورى

والله حايس فيه

بس لازم افكر شويه

قبل ما يجي هاوى ومحمد

،

،

،



عبدالهادي الجهني
.
.
حياكــ الله

منور الصفحه طال عمركـ

العذروالسموحه طولت عليكم.

لكن الأمر شكله طلع من يدك{هاردلك

عموما حضورك مكسب للجميع..لاهنت

[النوري]

تفضلي الحل



انا اشهد ان اللغز راعيه سواه = يالي كتبت اللغز ياعزتي لك
المصعد الي فالمباني بالاسلاك = ان كان ماهو صح يالله دخيلك


يسلم راسك.

الحــــل:.

الأصنصير.(المصعد)

والأبيات جميله لكن سواه؟هل هي خطاء إملائي؟؟

مبارك شاعرنا/ هاوي قصيد..

نشكر تفاعلك يالطيب.وتشريفك .

[النوري]

عبدالهادي الجهني

صح بدنك يالذيب الجزاله انتم اهلها


انا جاء في بالي المصعد أو التلفريك طبعا الاقرب المصعد لانه معروف طريقة عمله بعكس التلفريك .. عموما نتظر التأكيد من الاخت النوري

بس حط في حسابك لازم تجيب لغز بشرط مايظهر في محرك البحث قوقل . مانبغى كل اللغاز على الاخت النوري نبغى ننشط المخ شوي وننشط الصفحه والقسم طبعا بعد إذن المشرفين الاخوان ابو نايف والنوري ..



خلوهااا

هاوي قصيد

مالك لوا ياطويل العمر الالغاز عندي ولاعليكم الا الحل.وبحال بحلت اعلنها صريحه.كلنا واحد.

لا واتحدى احد يجيبها لاقوقل ولا عشيرته.

والعتيبي راحت عليه بعد.



غدا لغزنا الثالث.

كونوا هنيا..
:واو:
:واو:
:11umbup:

[سعود السلمي]

أستاذتنا النوري

خلاص مادام تكفلتي بالالغاز الله يعينك انا قلت من أول ماودي نتعبك نخفف عليك ونتقاسم المهمه بس طلما تكفلتي بالالغاز هذا مايسعدنا والله يعينك >>> ماتبغى تتعب نفسها في التفكير :مزون:


بالنسبة ياطويلة العمر لكلمة "سواه" تنطق كذا "سوٌاه " الواو عليه شدٌه وسٌواه يعني ضبطه واحكم صياغته .. يعني مثل مايقول الواحد فلان راح يسوٌي شاهي او فلان هو الي سوٌا هذا الشاهي او ..الخ ,, ونطقها بالشدة ضروري علشان يكمل المعنى والوزن في الشطر

في انتظار الحلحيل المتحلحل الثالث هههههههه والله يعطيك العافية تعبناك معاناا

[النوري]

اسألك عن رجل سريع بممشاه= رجل خدوم ولازهمته يجي لك
يعرف مرادك قبل تفصح بمعناك= يقبض عليك وثم يطلق سبيلك

ماتلاحظون شي؟؟

داخلة على الله ثم عليكم تجبرون الخطاء؟{ هااااااه

يعرف مرادك قبل تفصح بمعناك= يقبض عليك وثم يطلق سبيلك

الابيات وزنها أختل والسبب حرف الكاف اللي حاسنا الله يهديه{احم
بدل مايصير (بمعناه )؟( جت بمعناك؟؟){حروف أخر زمن؟ من هالكيبورد التعبان{علينا؟

عاد انتم ماتلاحظون. ولاتذاكرون ولاتعلمون؟{وشلونكم

وبناء عليه تم طوى قيد الخطاء وتسجيله ضد مجهول{ الا موجود/ه


ماعلينا اللي صار صار والحمد لله على السلامه؟

والعبره بالجايات:{يقولون؟



نبدأ..والله يستر

اللغز الثالث:.

الحل هو.الــــــــــ....{اي هين

اللغز هو:.



اسألك عن حر وعبد لهم صيت = تجمعوا في بير صعب مجمه
الحر ضاع ولاعرف حي او ميت = والعبد شافوا جثته تحت دمه


اتمنى يكون صعب جدا جدا مانبي تحلون بسرعه{ مشكله مذاتكرين عدل

حيي الله جمعكم.
.
.

نداء.
نداء.
نداء.
محمد نايف العتيبي ..شكله غايب؟

[سعود السلمي]

الحل عرفته وبخلي مجال للاخوان لان اغلبهم يدخل في الليل وانا قليل ادخل في الليل
بعضهم مايلحق يشوف اللغز .. اذا مافيه احد حله بكره بحط الحل وطبعاا الفوز نصيب الي
يحل اللغز .. وانا برسلك الحل في الخاص علشان ماتقولين يصرف هههههه

[النوري]

هاوي قصيد

جبت الحل:.

ومنتظرين ابياتك.الرائعه


وانا حسبته صعيب..

لكن الحلحيل حله.

لغزن عليه التحدي..يقول: يامنهو قدي
يامحيرهم يامغربلهم..لاحدن يزعل يصبح ضدي

بيض الله وجهكـ..

لاتبطي علينا بنجيب الرابع

[سعود السلمي]

ماش الربع يامفحطين في الالغاز ولا مطنشين



يالي كتبت اللغز للغز حليت = مع كاسة الشاهي تهون المهمه
الحرٌ سكر .. والورق عبد ..ماخطيت = كلن يحط الحل في وسط فمه

[النوري]

يالـي كتبـت اللغـز للغـز حليـت
مع كاسة الشاهي تهـون المهمـه
الحرٌ سكر .. والورق عبد ..ماخطيت
كلن يحط الحـل فـي وسـط فمـه



السكر..والشاي

هذا حله.

هـاوي قـصيـد

بيض الله وجهكــ

ابيات رائعة ..واجتهاد يستحق الثناء


والعتيبي شكله مجاز.

والأخوان شكلهم..مخيمين بالبران

[محمد نايف العتيبي]

.

.

يافضحي منكم فضحاااااااه :خجل:


<< يقول يالله يارب يحلون مشكله الاتصال اللي انقطع .


هاوي قصيد

النوري المشتغله الغاز اييييييه فضالك الجو انتي وهاوي عشاني غايب << اقول اسكت بس


والله يالغالين منحرج منكم , بس قسم بالله مشاكل النت عارفينها والحين داخل من مكان ثاني

لكن ان شالله كلها يومين على حسب ماصرفوني الاتصالات ازعجتهم من كثر ماادق علااهم (عليهم).


فمان الله وبالتوفيق يالخاينين هههههههه



دنا غلبان ماترحموش حد دنتم ماتصلحوش اصحاب هههههههههه

[النوري]

ههههه
يالضعيف يالعتيبي

قام يوايق علانا من بعيد
الله يحلها يامحمد.ويلطف بحالك

والاتصالات مالهم بالفزعات؟{مشكله

الليله.يجيكم اللغز الجديد

لاتخلوننا.

[سعود السلمي]

محمد نايف العتيبي

هلا ومرحبااا مليون وييينك فاقدينك والله .. وصدقني طلما الدعوه فيها شركة الاتصالات احسب على اليومين حقتهم تصير شهرين لو قلت غير شركة الاتصال كانت تهون .. الله يسويها منتظرينك ومشتاقين لك وازهل الالغاز ماارح يعدي شيء ابد هههههه

النوري

في الانتظار نبغى حلحيل متحلحل يخلي الراس يصلع من التفكير الليله فاضي وابتكي عليه لو تنزلينه الليلة أفضل .. والحل على طول ماني منتظر احد اذا عرفته بنزله على طول

تعبناك ياطويلة العمر بس الالغاز ممتعه ومفيده للتفكير .. في الانتظار ومتابعين دائما وابداا

عبدالهادي الجهني

خلك معانا يالذيب لاتروح بعيد ارمع ماعليك باب الاجتهاد مفتوح

[النوري]

هاوي قصيد

ارحب يالطيب حياك

ودنا نتحرى العتيبي.والجهني
لكن غديهم مايطولون.

وفيك خير يالنشمي.

واللغز هالمره من العيارالثقيل.

اللغز:.
الرابع



اسألك عن بنت بها الزين منثور = تزوجت في شايب بعد مامات
قبله بكر مامسها كل منعور = وبناتها لعياله اضحن حليلات


أتمنى تحوس لين يلفون الجماعي؟

وش نوح ماحولنا مشاركين .

[سعود السلمي]

ووجهك ابيض يا الطيبه

اشهد بالله لغز محكوم 100%

من سوء حظ محمد وعبدالهادي اني موجود الليلة وبحرق عليهم اللغز


صورة ملكنا ناشر الحق والنور = عبدالعزيز الي بنٌى المجد هامات
له صورة ٍ دارت على الناس بالدور = وباقي عياله في فئات الريالات


لتوضيح الحل :- صورة الملك عبدالعزيز في فئة 500 ريال

[النوري]

صورة ملكنا ناشر الحـق والنـور
عبدالعزيز الي بنٌى المجد هامـات
له صورة ٍ دارت على الناس بالدور
وباقي عياله في فئـات الريـالات

الحل:.

فئة الخمسميه..


هاوي قصيد

لا لا لا مانتب سهل بنوب
والمراكز كل ابوها رامتكـ

والابيات فالكـ البيرق. والا المليون أمره سهل؟

[النوري]

عدنا لكم
أعزائي الطيبين..



اسألك عن رجل بشغله ومجراه = امير قوم وكلها ماتحاكيه
ليا زعل يزداد بالحيل ممشاه = وليا وقف ساعه قتل من حواليه


ننتظر حل وابيات جميله


كونوا معنا.

[سعود السلمي]

انا شفت اللغز اليوم الفجر وصراحه لغز صعب أو يمكن غير واضح في الوصف
عندي حل هو الاقرب لقناعتي واذا خطاء لي محاولة ثانية ..



سبحان رب ٍ سخر " القلب " واعطاه = سرٌ الحياه وباقي الجسم حاميه
اذا توقف وقف الجسم واعضاه = لين المنٌيه بعد ساعه توافيه

[النوري]

سبحان رب ٍ سخرالقلب واعطاه
سرٌ الحياه وباقي الجسـم حاميـه
اذا توقف وقف الجسـم واعضـاه
لين المنٌيـه بعـد ساعـه توافيـه


القــلب


هاوي قصيد

ماشاءالله عليكـ

اعترف انكـ شاعر ماحولكـ أحد{تبي تمدح؟

فالكـ المليون بيرق؟؟
.
لكن مدري ليه.قلت:
لين المنٌيـه بعـد ساعـه توافيـه

حددت ساعه..؟
فلو قلت:

لين المنية بأمر ربي توافـيه

وهو رأي يمكن يسكن أو أنه يرحل:مزون:
.

وأنا كذا خلصت الألغاز.
وبانتظر من يرسل لغز جديد
واذا ماحصل..باغطس وادورعن لغز.ويمكن اطول



الي ذلكـ الوعد
أترككم بحفظ الله ورعايتة.

:11umbup:

[سعود السلمي]

لين المنية بأمر ربي توافـيه

ههههه احسنتي هذا الصحيح والافضل

انا كان في بالي اربطها بالبيت الي يقول

وليا وقف ساعه قتل من حواليه

من باب التوضيح له بس تعديلك للبيت افضل واحكم وادق فالوصف

ماقصرتي ياطويلة العمر خذي راحتك ومتى ماطرا عليك لغز نحن في الخدمة والاخوان الي بحط لغز لازم يتأكد انه مايطلع في محرك بحث قوقل وإلا يعتبر اللغز لاغي ..

[ابـــوليـــــلى]

السلام عليكم ورحمة الله وبركاتة

حبيت اشارك بلغز ومتابع لهذا الموضوع من البداية واللغز موافق لشروطكم
يكفي الحل مباشره بدون قصيده

انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه

[نياف العتيبي]

يامرحبا حييت يابن المطاليق = واللغز واضح بينات ٍ رسومه
صندوق اسود في ثناد الغرانيق= يبحث عنه لاصارت البنت كومه


طبعا ً هو لونه برتقالي وليس اسود

لكن بالمسمى الصندوق الاسود


الناااايف

[ابـــوليـــــلى]

يامرحبا حييت يابن المطاليق = واللغز واضح بينات ٍ رسومه
صندوق اسود في ثناد الغرانيق= يبحث عنه لاصارت البنت كومه


طبعا ً هو لونه برتقالي وليس اسود

لكن بالمسمى الصندوق الاسود


الناااايف

صح لساانك إجابة صحيحة

الحل الصندق الاسود

[النوري]

السلام عليكم ورحمة الله وبركاتة

حبيت اشارك بلغز ومتابع لهذا الموضوع من البداية واللغز موافق لشروطكم
يكفي الحل مباشره بدون قصيده

انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه


انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه


ابوليلى

حياك الله
يسعدنا حضورك ومتابعتك الثمينه

ولغز مميز

اشكرك على المشاركة والتفاعل..

[ابـــوليـــــلى]

انشدك عن رجلٍ يحفظ المواثيق"="سره عميق ولا يخلي لزومه
وان ماتت امه دوروه المخاليق"="وليا لقوه يجيب خافي علومه


ابوليلى

حياك الله
يسعدنا حضورك ومتابعتك الثمينه

ولغز مميز

اشكرك على المشاركة والتفاعل..

اهلا وسهلا

متابع من البداية وبالمناسبة الاغازك صعبة ناظري لغزي كيف كان سهل ")

مقدر مرورك وبإذن الله اذا صار عندي لغز كتبته لكم

[النوري]

يامرحبا حييت يابـن المطاليـق=واللغز واضح بينات ٍ رسومـه
صندوق اسود في ثناد الغرانيق=يبحث عنه لاصارت البنت كومه

الحمد لله على السلامه

الناااايف

والحل الكايف

من طول الغيبات جاب الحلولي
والسالفه كله نقول: وتقولي
يالله عساها دايم الدوم صعبات
الغازنا حتي تشيل الحمولي

هذا مولغز.ترحيب .وابيات مش حالكـ{لاتدققون ههههه

مرحبا بالنايف ياهلا

[سعود السلمي]

ابو ليلى

يعطيك العافيه على اللغز وانا شفته اول مانزلته انت بس كنت عارف اللغز ومرٌ علي قبل كذا وعارف الحل وحبيت اترك المجال للآخوان وماقصر اخونا نياف خلص عليه من بدري

نياف العتيبي

صح لسانك شرفت ونورت اخوي


المره هذي عندي لغز بس من تأليفي ودقايق واكتبه لكم ..

[سعود السلمي]

عندي محاولة لكتابة لغز والمعذره اذا كان غير واضح او لغز مثل قلته وتوني مسويه وأول مره انشره هنا وانشاء الله تعرفون الحل واعذورناا على التقصير مجرد محاولة فقط



انشدك عن ناقه لها عشرة ديوس = فيها لكل الخلق رزق وطماعه
من دون راس وهي ترا تحفظ الروس = من يحتلبٌها ماجلس ربع ساعه

[نياف العتيبي]

ابوليلي


سلمت يالنشمي



النوري

صح لسااانك ولا خليت منك يالشيخه


والغيبات كلها من مشاغل الحياه ولا انتم غالين


هاوي قصيد


صح بدنك ولاهنتتتتتتت

وبيض الله وجهك على هاللغز

وبحاول افكر وارجع لك


اخوووكم


الناايف

[حامد الروقي]

السلام عليكم ورحمة الله وبركاته


سجلو حضوري وهذي اول مره اشوف الموضع ولا كان ماخليكم .

مجهودكم مسلي الحقيقه وتشكرون عليه والناس كلهم بحاجه لمثل هالمواضيع اللي تساعد على التفكير وتسلي .



حامد

[النوري]

عندي محاولة لكتابة لغز والمعذره اذا كان غير واضح او لغز مثل قلته وتوني مسويه وأول مره انشره هنا وانشاء الله تعرفون الحل واعذورناا على التقصير مجرد محاولة فقط



انشدك عن ناقه لها عشرة ديوس = فيها لكل الخلق رزق وطماعه
من دون راس وهي ترا تحفظ الروس = من يحتلبٌها ماجلس ربع ساعه

هاوي قصيد

انا أشهد انه لغزن محيرن بالحيلن؟
وابيات حلوه..ممكن تغششنا طال عمرك؟{..لايكثر


لي عودة بعد تفكيرن عميقن..{تقول:يارب يحلونه:11ccer:

[حامد الروقي]

السلام بعد التفكير اضن والعلم عند الله اني حليت اللغز .




ابا اتهور بالقياده وابا ادوس = ولياقلبت ابا استعين الجماعه
كلٍ على الصراف يصرف لي فلوس = مايلهي الصراف في ربع ساعه


واسمحو لي اول مره اشارك مدري لازم ارسل الحل بالخاص ولا عاادي
على كل حال بعد ماسمعة محاولة النوري قلت ياولد حرب .


وعسى الحل صحيح ولو اني متاكد 99%


تحياتي

[سعود السلمي]

السلام بعد التفكير اضن والعلم عند الله اني حليت اللغز .




ابا اتهور بالقياده وابا ادوس = ولياقلبت ابا استعين الجماعه
كلٍ على الصراف يصرف لي فلوس = مايلهي الصراف في ربع ساعه


واسمحو لي اول مره اشارك مدري لازم ارسل الحل بالخاص ولا عاادي
على كل حال بعد ماسمعة محاولة النوري قلت ياولد حرب .


وعسى الحل صحيح ولو اني متاكد 99%


تحياتي


عليكم السلام شرفت ونورت ياحامد الروقي

كفو كفو يالذيب سدحتبه وهو جهاز الصرافه مثل ماقلت

وبوضحها للاخوان

العشر ديوس = الي هي ارقام الجهاز من 1 - 9 والصفر العاشر
رزق وطماعه = رواتب الناس وفلوسهم فيها وبرضوا الحراميه لهم طمٌعه فيها
بدون راس وتحفظ الروس = الجهاز ماله راس بس تحفظ روس الاموال
من يحتلبها ماجلس ربع ساعه = الي يبغى يصرف منها فلوس مايطول اكثر ربع ساعه


بيض لله وجهك ياحامد الروقي وصح لساانك والعذر للجميع لو كان اللغز مو واضح

[حامد الروقي]

وجهك ابيض يالهاوي للقصيد


في انتضار احد الشباب يطرح لغز جديد


<<< متحمس الرجال للالغاز




سلام

[ابـــوليـــــلى]

السلام عليكم ورحمة الله وبركاتة

ضروف الاتصال متعثره ولا كان سبقت حامد على الحل :)

هاوي القصيد لغز مافيه كلام صناعة محترفين وانت من اهلها

لاتطولون علانا نبا لغز ثاني :) :)

سلام

[ابـــوليـــــلى]

السلام عليكم ورحمة الله وبركاتة

لغز اتمنى تفاعلكم

انشدك عن بنت (ن) لها عدة اللوان *** حق (ن) على الي شافها يحترمها
امرار ياطاها ولاهو بغلطان*** وامرار يرفعها وهو محتشمها
هي للرجال وغالب الوقت نسوان *** وهي للحضيض الي حياته غنمها

[سعود السلمي]

اللغز يحتاج تفكير شوي وان شاءلله يجيك الحل

[حامد الروقي]

:11ctor:
السلام عليكم ورحمة الله وبركاتة

لغز اتمنى تفاعلكم


انشدك عن بنت (ن) لها عدة اللوان =حق (ن) على الي شافها يحترمها
امرار ياطاها ولاهو بغلطان= وامرار يرفعها وهو محتشمها
هي للرجال وغالب الوقت نسوان=وهي للحضيض الي حياته غنمها






عليكم السلام يابو ليلى
ابي احل اللغز بلغز ثاني .

سبحان ربي فارض ن خمس يافلان = لمة محمد والله اللي قسمها
واركانها لازم تصلى بميزان = اربع عشر والكل منا فهمها
احدا يصليها وهويتلي الضان = واحد يصلي خاشعا في حرمها


اعتقد الحل تقريبا من وجهة نضري صار واضح . واذا تبون الصدق والله ماني بعجزان لوضح الحل . بس حبينا نتسلى


كل الشكر للجميع

اخوكم / حامد العتيبي

[حامد الروقي]

تكررت بالخطاء

[سعود السلمي]

ههههههه

جاي ابغى اكتب الحل وحامد جاب أجله يالله مو مشكله الجايات احسن

الحل طبعا السجاادة مدري اذا حامد يقصدها او لا

[حامد الروقي]

هلابك هاوي

طبعا اقصد السجاده



عادي اكتب الحل عادي


الله يعطيك الف عافيه

[سعود السلمي]

لا خلاص حلك الاول كافي ووافي

صح لساانك ياحامد

[ابـــوليـــــلى]

السلام عليكم ورحمة الله

حل اللغز السجادة

حامد الروقي صح لسانك

هاوي قصيد صح لسانك


اشكركم على التفاعل المشرف

[النوري]

أبوليلى

هاوي قصيد

حامد الروقي

حياكم الله..

ماقصرتوا عز الله نشطتوا الموضوع.وزينتوه

وأنا عندي لغز عسى يكون صعب ومحير؟


اللغز:.


أنشدك عن رجلن رفيعن مقامه=يقفي إيلا من اقبلت في بهاها
ويقبل بصده مايغيرزمانه=وهي تجي بعده وتفرض سناها

لغز أعليمي..:مزون:


والبركه فيكم,,



فالكم الطيب:11ap:

[ابـــوليـــــلى]

انا اعتذر عن الرد بالشعر مانيب شاعر

برمع قبل يجي هاوي القصيد وحامد الروقي

الحل والله اعلم الشمس

[حامد الروقي]

الله يعطيك العافيه يالنوري


وصح لسانك على اللغز الجميل

وعز الله الحل الصحيح المهلهل



سلام

[سعود السلمي]

مشاء الله على الاخوان الواحد مايمديه يشوف اللغز إلا يلقاه محلول

امممم اعتقد في الشطر الاول تقصدي " انشدك عن رجلن رفيعن مكانه "

ثاني مره تصير عليك ههههه بس ماعليك مايغير من معنى اللغز

الله يعطيكم العافيه جميعااا

وصحت للسنتكم ابو ليلي وحامد والنوري

[النوري]

مالكم لواااااا؟؟

للحين ماجبتوا الحل.
لأنه رجلا؟؟

والشمس
مؤنث؟؟

لكن وش هو المهلهل؟؟{غشيمه

حياكم واعذروني ..

[سعود السلمي]

الله يهديك ابو ليلي المهلهل خميتناا وانا يوم شفت حامد أكد الحل قلت يمكن صح

ولا أنا كان في بالي ان الحل هو "الشيب" وكنت ماني متأكد منه ولسى ماني متاكد منه

[حامد الروقي]

سلام ياشباب وصابيا


اذا مايقصد القمر ابو ليلى المهلهل


ماله عندي حل الا القمر والشمس .



ولا وش رايك يالنـــــــوري



سلام

[النوري]

سلاااام خيو

حامد الروقي

القــمــــــر

إيه هو {ياوجه الله أثره المهلهل؟

عاد أنا دخلت الشمس لنهم يتعاقبون.وأبي الخبط الحلاحيل{أحلفي؟

وطلعت بفايده:
القمر والشمس كوكبان يتعاقبان ولكل منهما فائدة تعم على الكون وكلاهما لايقل أهمية عن الأخر.

سبحان الله
ولو تبصرنا في خلق الرجل والمرأة لنجد أن لكل منهما شأن لايقل أهمية عن الأخر{صاردرس؟
الا الجغرافيا..ماحبه ؟

هي ملاحظه {ماجبتي جديد يافالحه

أتمنى يلفي علينا لغز
الله يحييكم وماتقصرون..

[محمد نايف العتيبي]

.

ماشالله مولعين الغاز ههههههههههه

الله يوفقكم ويسعدكم وصراحه الالغاز تنشيط للذاكره بس انا لو تحطون الحل وسط الابيات ماطلعته ههههه


وصحه السنتكم جميعا ً كلكم << لاياشيخ وجميعا مو زي كلكم


واوريكم بخلي ابوي يصككم بلغز يفحط هاوي في قوقل ماجابه هههههههه << اها بس



دمتم بخير وبنقاء وعطاء وبناء الامه العربيه اللتي اتضح معاناتها برفع الاسعار تجاه المستهلك ههههههه << ايه انت يالاخ وين وصلت



محمد بن نايف


مولعيت الغاز؟ إيه بنسوي شاهي هههه


محمد بن نايف العتيبي

والموضوع تو مانور..

الله لايهينك .نبي لغز..من الوزن الصعيب.

خلهم يحوسون فيه..سنه من تاريخه..:tongue:

[سعود السلمي]

ابو نايف

أنورت واسفرت وعطنا من الالغاز الي تقولهااا

بس بيني وبينك الايام هذي لو تقولي واحد زايد واحد كم يمكن ماعرفها

تعبت من التفكير في الالغاز ومن بداية الموضوع مشارك

واصعب من التفكير الرد على اللغز ...


النوري وحامد وابو ليلى المهلهل يعطيكم العافيه وصحت ابدانكم

[حامد الروقي]

سلام يالربع ـ

هذا اللغز اهديه لكم




انشدك عن شي مطيره عجيبي = يطير متفرق ولاشاله جناح

من سبته مخزوم خشم الصليبي = وعزي لدار مابها مثله اسلاح


لاتتعبون في قوقل / لان اللغز من ( بدعي ) يعني من نظمي .


والسلام

[ابـــوليـــــلى]

السلام عليكم ورحمة الله

رمعه أولى

القنبله

[حامد الروقي]

الله يكفينا شر القنابل


مالك لوا يابو ليلى



ماتحتاجوون توضيح لاكان المح لكم .


سلام

[محمد نايف العتيبي]

.

حامد الروقي صح لسانك والله لايهينك يالغالي :



اتمنى اني وفقت في الحل :



ان كان لي فاللغز حظ ونصيبي=واعطاني الله حل لغز ٍ بدعته
هذا هو البترول حل العتيبي=والله يجملني على مارمعته


.


دمتم بخير


محمد بن نايف

[محمد نايف العتيبي]

.

النوري

بوجودك النور لاهنتي وشاكر لك جهودك على الموضوع والله يعطيك العافيه ...



***

هاوي قصيد

يالبى هالطله هههههههه منور بوجودك يالغالي وصح لسانك يامبدع ...



دمتم بخير

[النوري]

الله يعطيكم العافيه

خووش خووش
جهود مايحتاج.

والغاز مولعه.

أبوليلى

هاوي قصيد

بيض الله وجيهكم يالنشاما..

والعتيبي يتقدم . بالحل والابيات.الرايعه

مشكورا على المتابعه والتميز

وأنتظروا لغز محكور على ناااااااااااااار هاديه{أخسي:مزون:

[سعود السلمي]

حامد الروقي

يعطيك العافيه على اللغز لغز رائع بروعة حضورك
واذكر زمان هذا اللغز انت طرحته في منتدى الهيلا
وكنت عارف الحل قلت اخلي مجال للاخوان

ابو نايف

مشاء الله اثرك داهيه في الالغاز بس صدقني وأسأل مجرب بعد اللغز الرابع راح تفقد الذاكره ههههههه

النوري

هاتي لغزك بس لاتشرهين عليٌ ماعاد فيني حيل افكر تعبت مره واي لغز صعب من اللحين اعلن استسلامي ههههه

[النوري]

أبانشد الشعار واهل المعاني= اللي لهم بالعرف صوله وجوله
طـيـرتعنى له خـوي الأماني=ساحل وهـو راحـل بأمره وحـوله
عـلم وهو حلم بمرالزماني=صعب وهـو سهـل بيسرالحموله


نستقبل الإستفسارات ونسعد بالمشاركات.والتوجيهات والكفالات.:مزون:

وهو لغز إجتهادي يعني لاحد يدعي على المؤلف؟:tongue:

[حامد الروقي]

والله واثقين من حل محمد مشاء الله عليكم . ماتنتضروني لين اجي وقول صح ولا غلط .

ماقدر اقول الا الله يعطيكم العافيه .


صح لسانك اخوي / محمد بن نايف


والله يعطيك العافيه

اخوي هاوي قصيد / ؟؟؟ الهيلا .. انا اذكر اني شاركتبه في الهيلا .

بس انا اللي مشغلني الحين اسمك الحقيقي . واضن اني اعرفك .


ــــــــــــــــ

اختي الغاليه النوري


جاري التفكير باللغز


واعتقد اني بحله . اذا ماسبقني احـــد

[النوري]

والله واثقين من حل محمد مشاء الله عليكم . ماتنتضروني لين اجي وقول صح ولا غلط .

ماقدر اقول الا الله يعطيكم العافيه .


صح لسانك اخوي / محمد بن نايف


والله يعطيك العافيه

اخوي هاوي قصيد / ؟؟؟ الهيلا .. انا اذكر اني شاركتبه في الهيلا .

بس انا اللي مشغلني الحين اسمك الحقيقي . واضن اني اعرفك .


ــــــــــــــــ

اختي الغاليه النوري


جاري التفكير باللغز


واعتقد اني بحله . اذا ماسبقني احـــد

حامد الروقي

السموحه طال عمرك

جيت اررررررررررركض وكني نسيت ؟لغزك
كنت غايبه أمس وخذني الحماس لاني ساهره علىاللغز الجديد{تضيع السالفه:مزون:

عموما حنا فيها ثبت الحل ورتب الأمور
ولاحقين على اللغز الأخير اللي بادوخكم فيه.{واثقه

[سعود السلمي]

ههههههه

والله من جد يدوخ ويحتاج استفسارات كثيره لكن انا عندي محاولة حل اولى قبل الاستفسار

اذا صح خير وبركه واذا غلط برجع استفسر عن بعض الابيات

الحل هو برنامج قوقل ايرث

[النوري]

ههههههه

والله من جد يدوخ ويحتاج استفسارات كثيره لكن انا عندي محاولة حل اولى قبل الاستفسار

اذا صح خير وبركه واذا غلط برجع استفسر عن بعض الابيات

الحل هو برنامج قوقل ايرث


هاوي قصيد

محترف والله


مالك لوا؟

هو شي حسي

:11umbup::11umbup::11umbup:
:11umbup::11umbup:

[محمد نايف العتيبي]

أبانشد الشعار واهل المعاني= اللي لهم بالعرف صوله وجوله
طـيـرتعنى له خـوي الأماني=ساحل وهـو راحـل بأمره وحـوله
عـلم وهو حلم بمرالزماني=صعب وهـو سهـل بيسرالحموله


نستقبل الإستفسارات ونسعد بالمشاركات.والتوجيهات والكفالات.:مزون:

وهو لغز إجتهادي يعني لاحد يدعي على المؤلف؟:tongue:

.

النوري عز الله دوختيني من امس ههههههه

انا عندي رمعه يمكن تصيب من امس وهي مزعجتني لكن بقولها وعلى الله ...



اللغز حله عـند راعـيه معـروف ......... شي طبيعي عارفينه.. اجل كيف ؟
الحل هو الحب في داخل الجوف..........اللي مكانه فيه داخـل ولا شـيف


ههههههه قلت الرمعه وطلعت خايف تجيني صقعه على راسي بقدر ولا شي ههههههه



دمتم بخير

[النوري]

.

النوري عز الله دوختيني من امس ههههههه

انا عندي رمعه يمكن تصيب من امس وهي مزعجتني لكن بقولها وعلى الله ...



اللغز حله عـند راعـيه معـروف ......... شي طبيعي عارفينه.. اجل كيف ؟
الحل هو الحب في داخل الجوف..........اللي مكانه فيه داخـل ولا شـيف


ههههههه قلت الرمعه وطلعت خايف تجيني صقعه على راسي بقدر ولا شي ههههههه



دمتم بخير


محمد نايف العتيبي


هاردلكـ يالطيب

وبالملاس؟؟نغرف من ابياتك الجزال

ولانشبع من الإبداع,

متابع طيب..وفكوري:مزون:

لكن الحب حاله تدخل ضمن هذا ال:11utup:

يعني اللي ... يحصل على ؟؟و؟و؟و؟ويجدالحب و؟و؟و؟و؟و؟و؟و؟و؟و{أوووه تعبت وانا ادوره وابيه.مثل غيري ؟وين القااااه؟


حزر حزر..فكر فكر
فزوره وصارت حزوره{هذافاصل إعلاني

[سعود السلمي]

مدام الحل حسي لابد من التوضيح عن بعض الابيات هههه

ساحل وهو راحل بأمره وحوله

المقصود هنا بأمر وحول خوي الاماني هذا .. أو بأمر وحول الحل ..
وكلمة وحوله ..مقصود فيها قريب منه او مقصود فيها بحوله يعني برغبته وقدرته

وكلمة ساحل .. هو ساحل الشواطي او لها معنى ثاني طبعاا بغض النظر عن المقصور

كلمة بيسر الحموله
هل المقصور فيها بأقل جهد او بأقل احتمال .. او المقصود فيها شيء ثاني

كلمة طير ٍ تعنى .. للتأكيد فقط هل هي تعنى او تغنى الخطاء الاملائي وراد

اخيرااا رمعه على الطاير غير مقتنع فيها بس من باب المحاوله

النووم

[ابـــوليـــــلى]

السلام عليكم ورحمة الله


بالخاطر رمعه واللغز صعب


الهاجس او الهاجوس نفس التسميه

[النوري]

مدام الحل حسي لابد من التوضيح عن بعض الابيات هههه

ساحل وهو راحل بأمره وحوله

المقصود هنا بأمر وحول خوي الاماني هذا .. أو بأمر وحول الحل ..
وكلمة وحوله ..مقصود فيها قريب منه او مقصود فيها بحوله يعني برغبته وقدرته

وكلمة ساحل .. هو ساحل الشواطي او لها معنى ثاني طبعاا بغض النظر عن المقصور

كلمة بيسر الحموله
هل المقصور فيها بأقل جهد او بأقل احتمال .. او المقصود فيها شيء ثاني

كلمة طير ٍ تعنى .. للتأكيد فقط هل هي تعنى او تغنى الخطاء الاملائي وراد

اخيرااا رمعه على الطاير غير مقتنع فيها بس من باب المحاوله

النووم


هاوي قصيد

مالك لوا؟
ماهوالنوم{دايخ بالحل:مزون:

أبشر بالتوضيع.لاهنت

ساحل وهو راحل (ساحل.. ليس له حصر ولا حد أي أنه في نواحي عديده )
(راحل..لايبقى ولو طال أو بلغ أقصى درجه .ودوام الحال محال)

بأمره وحوله (بأمر الله وحوله)
بيسر الحموله (هونها وتهون؟ لايكلف الله نفسا الاوسعها)

طيرتعنى ( تعنى).. أي أجتهد في طلبه؟ وطير ليست طير يعني طيركالعصافيرمثلا..
فهو شي يحط بالنفس ويسفح.بس مايغرد عشان تنام بخير :مزون:


أبوليلى

مالك لوا{دايخ يهوجس:مزون:


الظاهر صار بين الله لايحرمنا ولا إياكم:11utup:

[حامد الروقي]

إقتباس
المشاركه الاصليه كتبت بواصطة النوري في ـ ـ ـتاريخ

ابانشد الشعار واهل المعانـي
اللي لهم بالعرف صوله وجوله
طيرتعنى له خـوي الأمانـي
ساحل وهو راحل بأمره وحوله
علم وهـو حلـم بمرالزمانـي
صعب وهو سهل بيسرالحموله


بعد التلميحات والتوضيحات اللي مافهمت منها شي( يالنوري)


وعلى شان ماني متاكد من الحل :


اعتقد انه : الحــــــــــــــــــــــ ــــــــــلم


طبعا الحل من الابيات اخذته ما اعتمدت على الشرح


طريقة اقتباس جديده :مزون:

[النوري]

حامدالروقي

ماراجعت زين؟


نعيد الدرس ركز والدرجه كامله


ابانشد الشعار واهل المعانـي
اللي لهم بالعرف صوله وجوله {هذي يقصد به أنت وشرواك

طيرن تعنى له خوي الأماني { شي مثل الطير يروح ويجي يطير بساع ويوقع بساع.كلن يتمناه ؟
ساحل وهو راحل بأمره وحوله {ماله حد ولا مد تحسه بنفسك.وهوقابل للزوال

علم وهـو حلـم بمرالزمانـي {موجود بحياتنا ويحلم به عاى مدى الومان
صعب وهو سهل بيسرالحموله {قديصعب على المرء وقديسهل بإقتناع الشخص ان الرضى والقناعه مكسب والرزق والراحه وال(سبع حروف؟؟بقرب الله والإتكال عليه


إذا ماعرفتوه راح انزل ابيات توضح المعنى..{ متاهات

[سعود السلمي]

بعد التوضيح هذا أعتقد انك تقصدي

السعاده

والله يكتب لنا السعاده في الدارين ولجميع اخوانا المسلمين

[النوري]

إييييييييييه
يـالسعـادة


طيرالسعد عيا يوقع على القـلب
وين السعادة وين ياناشدي وين



نركض ورىطيف الأماني ونتعب
راحت أمانينا شقى القلب والعـين




عاد أنا باطلع قبل يجيني صحن يقشع خشتي بعدماأشغلتكم بلغز ركيك مايمت للبلاغه بصله؟:بايو:

[حامد الروقي]

السعاده طلبها صعب علىشان كذا ماقدرنا نعرفها .
كل الشكر لك النوري .

<><><><><><><><><><><><><><><><><><><><><><>



منهو عنده اللغز القادم ؟

ارشح . محمد نايف العتيبي.

[النوري]

السعاده طلبها صعب علىشان كذا ماقدرنا نعرفها .
كل الشكر لك النوري .

<><><><><><><><><><><><><><><><><><><><><><>



منهو عنده اللغز القادم ؟

ارشح . محمد نايف العتيبي.


حامد الروقي

والشكر لك بعدالله موصول للأخوه الذين أتحفونا بردودهم وتفاعلهم الرائعين..

وننتظر النشمي/ محمد نايف العتيبي

وبالمناسبة:.
طرح السامر سموالأميرعبدالعزيز بن سعود آلسعود لغزه الشعري عبر جوال السامر الخيري
والذي رصد له جائزة مائة ألف..وهو خاص لمشتركي جوال السامر

والأبيات عندي إذا رغبتوا ننزلها هنا أو نتشاور في اللغز الذي رمعته على عجل.ويستحق التفكيرطويلا..علما أنني شاركت في اللغز اللي قبله. وكان حله الطلاق وفهد إثنان في واحد:مزون:
وكان حلي الطلاق..هاردلك

[محمد نايف العتيبي]

.

الجميع ماشالله تبارك الله ياجعلكم تسلمون مولعين رمعات والغاز اهلكتنا هههههههههه نوره ارحمينا ذبحنا التفكير ورانا قصايد نبي نكتبها ههههههههههه

النوري لغز مميز والله يعطيك العافيه يالغاليه ...

هاوي قصيد حي هالراس وحي الرمعات وماقصرت يالغالي

حامد يعطيك العافيه يالغالي ورمعات طيبه , وانا ابتعد عن الالغاز وتحطني فيها هههههه

لكن من عيوني وطلبكم على العين والراس , بس على شرط هههههههه اجيب لغز واحله معكم ههههههه << لا ياشيخ


دمتم بخير

[محمد نايف العتيبي]

.

انا اذكر لغز قديم , لان والله يالغالين مالي في الالغاز ابد ابد , بس ياويلكم لو اجيب اخوي لكم عز الله بينشف ريقك ياهاوي هههههههه انت والنوري , امزح فديتكم ...


.


ياويش رجلا يمشي الليل كله =جاه الضحى من ماقفه مامشى بوع
في صوح لوح مايغادر محله=تلقى جوابه فالقراطيس مطبوع
.



وشوفوا كل واحد له رمعه وحده بس << ليه كذا يامحمد ههههههههه خلهم عشان ياما ياما ولا ولا ..


دمتم بخير جميعا ...


محمد بن نايف

[سعود السلمي]

حيالله ابو نايف وصح لساانك على اللغز ياذيبان

المفروض نجيب لغز يصلع بالراس وشرط ماحد يحله غير النوري علشان تعرف وش سوٌا فينا لغزها الاخير هههههههههه


تفضل يابو حميد الحل


اللغز ماهو كل واحد يحلٌه = إلا من الي يخسر القرش مدفوع
ان كان ماندفع بلشنا بعلٌه = اخر شهر نلقاه فالبيت مقطوع
فاتورة الكهرب وعدٌاد فلٌه = هذا الجواب اللغز والشك مرفوع

[النوري]

يعطيكم العافيه



لي عوده{مشغووووووله







ماتلاحظون الخط تغير؟{هذا وانتي مستعجله{ لقوفه.

[حامد الروقي]

صح لسانك اخوي محمد واخوي الهاوي للقصيد



ــــ

فعلا يالنوري فيه تغير في الخط بالمنتدى وستايل المنتدى في تغيير بسيط . ؟؟؟؟


انا توقعت فيه عطل عندي بالجهاز .





النوري عطيني لغز السامر نبي نتعاون على حله واللي يحله يعطيه للمشتركين في الجوال يرسلونه .
الحقيقه ماني مشترك في جوال السامر لكن بامكاني المساعده في الحل .



سلام

[محمد نايف العتيبي]

حيالله ابو نايف وصح لساانك على اللغز ياذيبان

المفروض نجيب لغز يصلع بالراس وشرط ماحد يحله غير النوري علشان تعرف وش سوٌا فينا لغزها الاخير هههههههههه


تفضل يابو حميد الحل


اللغز ماهو كل واحد يحلٌه = إلا من الي يخسر القرش مدفوع
ان كان ماندفع بلشنا بعلٌه = اخر شهر نلقاه فالبيت مقطوع
فاتورة الكهرب وعدٌاد فلٌه = هذا الجواب اللغز والشك مرفوع




.



صح لساااااااااانك ياهاوي بيض الله وجهك

[نياف العتيبي]

الله يسعد اوقاتكم جميع


لغز احفظه ولااعلم ان كان في قوقل ام لا


لكن قلت اشارك معكم




انشد واسال ومن نشد دل ماتاه=منهويجيب اللي نشدعن سؤاله
عن بنت تشفي كل نفسٍ ٍٍمعناه=توصف برجال ٍ صعيب ٍ زواله
من رافقته البنت يكفيه ماجاه= ومن فارقته البنت عزي لحاله


ودي تقولون البنت والرجال اللي توصف به

[محمد نايف العتيبي]

مرررحبا يانياف وهلا وغلا




والله عندي رمعه مستعجله هههههههه



كان ماهي : ( النفس ) ؟




دمت بخير

[نياف العتيبي]

مرررحبا يانياف وهلا وغلا




والله عندي رمعه مستعجله هههههههه



كان ماهي : ( النفس ) ؟




دمت بخير


هلابك يابونايف منوووووور


وحياك الله


لكن مالك لوىىىىىىىىىىىىى



النااايف

[سعود السلمي]

هلا ومرحبا نياف وصح لسانك على اللغز

عندي رمعه قبل النوم مستعجله على قولت محمد

اذاغلط ان شاء الله الصبح اذا صحيت استعقدله


الرمعه الشيخه الي هي مشيخة القبيله

[نياف العتيبي]

هلا ومرحبا نياف وصح لسانك على اللغز

عندي رمعه قبل النوم مستعجله على قولت محمد

اذاغلط ان شاء الله الصبح اذا صحيت استعقدله


الرمعه الشيخه الي هي مشيخة القبيله

البقا ياهاوي قصيد

وصح بدنك ولاخليت منك انت وشرواك


والرمعه مالك لوىىىى ماهي مشيخة القبيله


وانتظرك بعد ما تفلل نوم


الناااايف

[سعود السلمي]

تنشيط للرمعات وشكل اللغز حله بطول بس لاتوضح شيء

عندي رمعه

الشهاده

[نياف العتيبي]

هلابك مره اخرى ياهاوي


وابشر بعزك ماني بحب التوضيح


اذا ما ينحل نجيب غيره لكن فيكم الخير والبركه


متأكد انه ماراح يطوووول


ورمعتك مالك لوى ليس الشهاده


الله يقسم لنا نطقها عند الموت

وليست الشهاده بكل انواعها


النااااايف

[سعود السلمي]

ههههه

وين حامد والنوري وابو نايف مانشوف رمعات


لاتغير اللغز خله لو يجلس سنه يانياف


هذا رمعه على الطاير


العمله او الفلوس

[نياف العتيبي]

هلابك ياهاوي


وماقلت يالطيب قلنا ابشر


والربع مختفين تعرف نهاية الاسبوع كل ٍ يروح فيها


والرمعه بعد لم يحالفها الحظ


انتظرك وانتظر الاخوان معك


النااايف

[محمد نايف العتيبي]

صباح الخير


هاوي ما شالله عليك انواع الرمعات ...



نياف ياخوي وش هاللغز فكك مخي قطعه قطعه هههههههه



طيب نياف مدام اللغز صعب , عطنا خيارات ؟؟



والله رمعت رمعه وفكرة ولا عاد عندي شي ...




النوري , وحامد وينهم ؟؟؟ غايبين ولا يفكرون مثلي هههههه




دمتم بخير




محمد نا يف

[نياف العتيبي]

هلابالغالي


فكر يابونايف

نشط الخلايا


ذبحك القرموشي في جده

ههههههههههههههههههههه


حياك ربي يكفيني اشوف اسمك يالامير


الناااااايف

[محمد نايف العتيبي]

ههههههههههههه تسلم يابعد راسي انت


وانت رحت بعيد , جده اخذت فيها شهرين وبغيت اموت

والقرموشي والله ماقد مريته لا تضلموني


دمت بخير هههههههههههههههه

[النوري]

يالله حيهم

عدنا بعدرحلة إستجمام دامت يومين

المفروض نجيب لغز يصلع بالراس وشرط ماحد يحله غير النوري علشان تعرف وش سوٌا فينا لغزها{المشاركة كتبت بواسطة محمد نايف العتيبي {طريقة نسخ جديده :مزون:

عشان كذا غايبه هههههه



ماشاءالله الأستاذ/النااايف مشرفنا وألغاز طيبه وصلت جده{إيش شكلو؟

لكن أنا أقول يمكن الرمعه..والله مدري:مزون:.

[نياف العتيبي]

^

^


ايش شكله يالنوري


والرمعه حاولي مره اخرى هههههه

اذا جبتيها ههههه

منوره يالنوري

والحمدلله على السلامه


وهاللغز يسبب تساقط للشعر فقط

ومضمون مايصلع بالراس خخخخخ


حياكم وانتظركم


النااايف

[النوري]

هلا بالنااايف

يسلم القايل

لغزن طيبن بالحيل
نبي واحد يطول الشعر{داخله مشغل الأخت

هو شي بالسماء؟

أنا أضنها(النجمه)

واذا ماحزرت اعتقدانه شي حسي؟


ولسوف اعود..داحينه

واللي ودة يزيدرصيده.يقلط..وبالتوفيق للجميع

http://www.sfsaleh.com/vb/showthread.php?p=1849850#post1849850

[سعود السلمي]

حيالله الاخوان جميعهاا


صعبين زواله .. هذي مشكله والاحتملات كثيره


بس عندي رمعه ناشبه في حلقي بقولها


" القناعه " والقناعه كنز لايفنى

[حامد الروقي]

:huglove:سلام يالربع / ياخوان سبب لي عطل في التفكير لغز السامر .


بس عندي رمعه للغز نياف ـ


(بنات الافكار)


رمعه على الطاير

[محمد نايف العتيبي]

يالله حيهم

عدنا بعدرحلة إستجمام دامت يومين

المفروض نجيب لغز يصلع بالراس وشرط ماحد يحله غير النوري علشان تعرف وش سوٌا فينا لغزها{المشاركة كتبت بواسطة محمد نايف العتيبي {طريقة نسخ جديده :مزون:

عشان كذا غايبه هههههه



:مزون:.



النوري

الحمدلله على السلامه وحياك الله نورتي الموضوع ...


ههههههههههه الله يقطع بليسك انا متى قلت هالكلام :زعلان:


بس صراحه طريقه حلوه للنسخ يالنوري , خليني دايم اسويها لهاوي قصيد هههههههه



والله يانياف لغزك من رائي تحطه مع لغز السامر يمكن نحل حق السامر ولغزك يبقى مكانه ههههههههه



عندي رمعه ( نياف مخي قفل ). << هذي رمعتي الاخيره




دمتوا كلكم جميعا بخير << كلكم جميعا اخس حركات

[نياف العتيبي]

هلا بالنااايف

يسلم القايل

لغزن طيبن بالحيل
نبي واحد يطول الشعر{داخله مشغل الأخت

هو شي بالسماء؟

أنا أضنها(النجمه)

واذا ماحزرت اعتقدانه شي حسي؟


ولسوف اعود..داحينه

واللي ودة يزيدرصيده.يقلط..وبالتوفيق للجميع

http://www.sfsaleh.com/vb/showthread.php?p=1849850#post1849850


هلابالنوري


ماهيب النجمه

حاولي مره اخرى


ولاتدرين لاتتعبين مخك


انتهى امر اللغز

تابعيني واقول حله هههههههههه


الناااايف

[نياف العتيبي]

حيالله الاخوان جميعهاا


صعبين زواله .. هذي مشكله والاحتملات كثيره


بس عندي رمعه ناشبه في حلقي بقولها


" القناعه " والقناعه كنز لايفنى


هلابالذيب


هي كما اسلفت القناعه


الله يبيض وجهك ياهاوي


وصح لسااانك


ولاهنتتتتتتتتتتتتت


الناااايف

[نياف العتيبي]

:huglove:سلام يالربع / ياخوان سبب لي عطل في التفكير لغز السامر .


بس عندي رمعه للغز نياف ـ


(بنات الافكار)


رمعه على الطاير


هلابك ياحامد


منور المتصفح بحضورك

وتسلم يالغالي وطارت الطيور بارزاقها

حله هاوي وحياك ربي يالغالي


الناااايف

[نياف العتيبي]

النوري

الحمدلله على السلامه وحياك الله نورتي الموضوع ...


ههههههههههه الله يقطع بليسك انا متى قلت هالكلام :زعلان:


بس صراحه طريقه حلوه للنسخ يالنوري , خليني دايم اسويها لهاوي قصيد هههههههه



والله يانياف لغزك من رائي تحطه مع لغز السامر يمكن نحل حق السامر ولغزك يبقى مكانه ههههههههه



عندي رمعه ( نياف مخي قفل ). << هذي رمعتي الاخيره




دمتوا كلكم جميعا بخير << كلكم جميعا اخس حركات


خلاص لغزي انتهى امره من هاوي


شف لغز السامر


وشكرا ً على حضورك يابونايف


الناايف

[النوري]

(إقتباس)
المشاركة الأصلية كتبت بواسطة النوري في مرتن من المراريت

بيض الله وجيهكم.
والله ماقصرتوا..

شرايكم نتوقع للغز السامر.رمعات يعني>>وش عنده؟

ترى ماهولشي بس نبي ننشط الذاكره>>بالحييييل:مزون:

أبد لين يرزقنا الله لغز <<فاصل

[سعود السلمي]

ووجهك ابيض النايف لاهنت على اللغز والله الحل من زمان في بالي بس ماكنت مقتنع فيه وسبحان الله طلع صح هههههه

ولا هانوا الاخوان جميعاا محمد نايف وحامد الروقي والنوري وابوليلي المهلهل

.....

مدام فتحتوا النقاش للغز السامر بنحاول نحله مع أن الغاز السامر إجاباتها دايماا تنصدم فيها وتندم على التعب فيها هههههه


الي عنده رمعه الافضل يشرحها طلما اللغز غير معروف حله

رمعتي للغز اتوقع الحل الرسالات السماويه

حراير نبتت على النار والنور
تحدث الكون الفسيح ببهاهن
من حكمة الخلاق ولدن بديجور
وبدد ظلام الليل عالي سناهن

اول بيت يقصد الفترة الي قبل النبي محمد صلى الله عليه وسلم والبيت الثاني الفتره الي ظهر في النبي محمد صلى الله عليه وسلم

حسابهن في خانة البضع محصور
وبعصرهن غطن على من سواهن
خوات مختلفات باحوال وعصور
متشابهات بوصفهن وبنماهن

البيت الاول يقصد بعضهم حصرهاوتجاهل باقي الرسالات وفي الشطر الثاني توضيح ان في عهد الرسالات السماويه الاديان الوثنيه والوضعيه ماعاد لهاا وجود الا قليل

البيت الثاني خوات لانها رسائل سموايه تنزلت في عصور متفاوته اليهوديه والمسيحيه والاسلام


عموماا هذا حل منطقي وينطبق على اللغز اشياء ثانيه مثل تاريخ توحيد المملكةبالارقام او مثلا حروف كلمة عبدالعزيز بس في وجهة نظري هذا الاقرب .. ولا تستغرب لو طلع الحل بعد هذا كله.. زواج المسيار هههههه

[النوري]

مساكم الطيب

أنا أحس إنه شي بالسماء << نظرتها بالعلالي

يانجوم الدب الأكبروالدب الأصغر والدب القطبي.لان البضع من ثلاث الي تسع..أو العقارب<دم وسم ودسم>سم لاهد>ملهوده؟:11sted_re

وقدكان للنجوم شأن من حيث التاريخ وتعاقب الفصول<الحل الزعاق هههه

هذي رمعتي والله يقبل دعوتي.ويغفر زلتي.ويرزقني >دج يدج دجا

وإذا كان حلي صحيح .الجائزة لنا كلنامن الحين اللي أوله شرط أخره نور/ه

[حامد الروقي]

ووجهك ابيض النايف لاهنت على اللغز والله الحل من زمان في بالي بس ماكنت مقتنع فيه وسبحان الله طلع صح هههههه

ولا هانوا الاخوان جميعاا محمد نايف وحامد الروقي والنوري وابوليلي المهلهل

.....

مدام فتحتوا النقاش للغز السامر بنحاول نحله مع أن الغاز السامر إجاباتها دايماا تنصدم فيها وتندم على التعب فيها هههههه


الي عنده رمعه الافضل يشرحها طلما اللغز غير معروف حله

رمعتي للغز اتوقع الحل الرسالات السماويه

حراير نبتت على النار والنور
تحدث الكون الفسيح ببهاهن
من حكمة الخلاق ولدن بديجور
وبدد ظلام الليل عالي سناهن

اول بيت يقصد الفترة الي قبل النبي محمد صلى الله عليه وسلم والبيت الثاني الفتره الي ظهر في النبي محمد صلى الله عليه وسلم

حسابهن في خانة البضع محصور
وبعصرهن غطن على من سواهن
خوات مختلفات باحوال وعصور
متشابهات بوصفهن وبنماهن

البيت الاول يقصد بعضهم حصرهاوتجاهل باقي الرسالات وفي الشطر الثاني توضيح ان في عهد الرسالات السماويه الاديان الوثنيه والوضعيه ماعاد لهاا وجود الا قليل

البيت الثاني خوات لانها رسائل سموايه تنزلت في عصور متفاوته اليهوديه والمسيحيه والاسلام


عموماا هذا حل منطقي وينطبق على اللغز اشياء ثانيه مثل تاريخ توحيد المملكةبالارقام او مثلا حروف كلمة عبدالعزيز بس في وجهة نظري هذا الاقرب .. ولا تستغرب لو طلع الحل بعد هذا كله.. زواج المسيار هههههه




هلابك بدينا نخوض بالموضوع اللي يهمني امره ياسلام


بالبدايه ياصديقي هاوي القصيد. فعلا انا فكرت في الكتب السماويه الخمسه فعلا اللي انت ذكرت بس بطريقه اخرى يعني اللي نبيه الحين تحليل سليم يؤكد انه هو الحل الصحيح .ومعنا وقت .


ــــــ وبالنسبه لمحاولة النوري برضه قريبه من الحل وانا قلت انها (السبع )لانه الشاعر ذكر عددها في خانة البضع يعني ماتتعدى ( التسعه )
والكتب السماويه ماتتعدىالتسعه بعد .

بس انا في انتضار باقي التعليقات على الحلين اللي طرحا ارضا اعلاه .

ويمكن يكون زواج المسيار . هههههههههههههه


<<<<<هذا المتصفح يحتاج للعطله الاسبوعيه لين تمر بس وشوفو وشبيجيب يمكن المطمه .




النوري ممكن استفسار صغير / وش معني الرمز اللي حطيتيه :ب د جاجيد مدري ايش.


راجع بالحل بعون اللي ماتنام عينه .

سلام

[سعود السلمي]

وإذا كان حلي صحيح .الجائزة لنا كلنامن الحين اللي أوله شرط أخره نور/ه

ههههههههههههههههههههههه

الله يوفقك ان شاءلله


حامد الروقي


تصدق توني انتبه للبيت الي يقول

حسابهن في خانة البضع محصور
وبعصرهن غطن على من سواهن

على بالي يقول حسابهن في خانة " البعض " محصور


مو مشكله عندك يالذيب انا صفرت من الالغاز وهلكت اذا عندي رمعه تستاهل جبتهاا

عندك الله ثم عندك والله لايخسرلك تعب اخاف تنصدم اذا طلع الحل في ديره ثانيه لا تامن ههههههه

[النوري]

المشاركة كتبت بواسطتي أنا>إختصارات نيو

ويرزقني >دج يدج دجا>قصدي الدجه>أي والله داجين


أنا ماعندي وقت عطوني بس الحل والط عليه ابيات واذا ماحصل حظ >وهوأقرب شي؟ترى عادي لاني كم مرة اشارك بمسابقات ولا أقرأ أسمي معهم يمكن خطاءمطبعي :زعلان:

[جواهر عبدالله]

مشوار أقرأ 128 رد .. وين آخر لغز ما بعد حليتوه ؟

[محمد نايف العتيبي]

.

هاوي قصيد ماشالله عليك مبدع ومجتهد يعطيك العافيه ..



حامد وين غايب هاليومين ماشوفك , يالله شد حيلك في لغز السامر والنص بالنص هههههههه


النوري المشاغبه ههههههههه راعيه الاقتباسات المزيفه ههههههههه تسلمين ويعطيك العافيه على نقل لغز السامر هنا في الموضوع ..



وانا صراحه فكرت وتعبت وفي الاخير قلت ليه افكر واخر شي جايزه عاديه << احلى بابو الشباب هههههههه


والله فكرت بس ماجتني رمعات للحين ...




بس عاد انا خويكم اي شي ولا رمعه انا اوصلها للسامر والنص بالنص << هب يامحمد بارده مبرده تبيها :خجل:



دمتم بخير

[محمد نايف العتيبي]

مشوار أقرأ 128 رد .. وين آخر لغز ما بعد حليتوه ؟


.


معقوله ذي جواهر ؟؟


مرحبا نورتي الموضوع ياجواهر بس زعلانين عليك , بس تجين

وتنزلين موضوع شاعر المليون وع طول تختفين ...



وحياك الله واللغز اللي نفكر فيه الحين لغز السامر


ويالله جواهر شدي حيلك واذا حليتيه لا تخليني النص بالنص هههههه .



واتمنى معاد تغيبين علينا ...




دمتي بخير

[جواهر عبدالله]

هلا بك يامحمد
المنتدى منور بوجودك .. ومشكور على السؤال
والله يعينا على هالدنيا
بس اللغز وينه ؟
ما شفت شي !!
<<< الغياب أثر عليها ..

ولا عليك أمر أكتبه من جديد .

[محمد نايف العتيبي]

.


حراير نبتت على النـار والنـور=تحدث الكـون الفسيـح ببهاهـن
من حكمة الخلاق ولدن بديجـور=وبدد ظلام الليل عالـي سناهـن
احسابهن في خانة البضع محصور=وبعصرهن غطن على من سواهن
خوات مختلفات باحوال وعصور=متشابهـات بوصفهـن وبنماهـن
ياللي بحل رموز الالغاز مشهـور=هات الخوات الغـر والا حداهـن


.


يالله ياجواهر ولا تخليني عاد مثل ماقلت لك ههههههههه

[سعود السلمي]

صباح الخير لكل الاخوان

بعطيكم لغز من تأليفي كتبته لاحد الزملاء صراحه ترددت انزله بس كلهم احباب واخوان والشرهات مرفوعه .. اللغز سهل ان شاءلله .. والمجال مفتوح الي يبغى يشارك بحل لغز السامر او هذا اللغز البساط احمدي على قولتهم ..




ياحمود انا بنشدك ياراعي الجود = عن لغز حله يرضي الفكر والذوق
هي بنت فيها الوصف يحتاج مجهود = ياكم وكم بلٌت حناجير وحلوق
الصدر مكشوف وبها رصتٌ نهود = ماهي تطاوع كل عاشق ومعشوق
انهودها ياحمود بشروط وقيود = ماضاع حق البنت في يد مخلوق
وان كان ودٌك تمسك النهد ياحمود = اظغط في بطن البنت ويطيح من فوق

[جواهر عبدالله]

الله يعطيك العافية يا محمد وإن شاء الله أحاول أحله .. << ما فيه أمل ..

،

،

حياك الله يا هاوي
نقول ماكينة البيبسي ؟!!:11utup:

[النوري]

الله يعطيك العافية يا محمد وإن شاء الله أحاول أحله .. << ما فيه أمل ..

،

،

حياك الله يا هاوي
نقول ماكينة البيبسي ؟!!:11utup:



ياهلا ومسهلا

أنورت وأسفرت

جواهر عندنا ياسعدنا ياسعدنا< تحب السنع

وأنا أقول وش هالعطرالفواح <ماركةحصريه

واللغز ياالحبيبه يصير ماكينة البيبسي ليش لا؟<تبي ميرندا


والله مفاجأه حلوه ..مشتاقين يالغلا:اموه:

[النوري]

.


حراير نبتت على النـار والنـور=تحدث الكـون الفسيـح ببهاهـن
من حكمة الخلاق ولدن بديجـور=وبدد ظلام الليل عالـي سناهـن
احسابهن في خانة البضع محصور=وبعصرهن غطن على من سواهن
خوات مختلفات باحوال وعصور=متشابهـات بوصفهـن وبنماهـن
ياللي بحل رموز الالغاز مشهـور=هات الخوات الغـر والا حداهـن


.


يالله ياجواهر ولا تخليني عاد مثل ماقلت لك ههههههههه


ياحليلي دخلت أقرأ اللغز وأقول: هذا كني سامعتن به قبل.وأخرشي قلت:يشبه لغز السامر.أثرالعتيبي داهيه<مضيعة البيت :هاها:

[جواهر عبدالله]

ياهلا ومسهلا

أنورت وأسفرت

جواهر عندنا ياسعدنا ياسعدنا< تحب السنع

وأنا أقول وش هالعطرالفواح <ماركةحصريه

واللغز ياالحبيبه يصير ماكينة البيبسي ليش لا؟<تبي ميرندا


والله مفاجأه حلوه ..مشتاقين يالغلا:اموه:


تسلمين والله
على هالترحيب بجيكم كل يوم أجل :مزون:
أما الببسي تراني ما أحبه ولا أحب الميرندا
وش رآيك نسميها ماكينة حليب الشوكولاتة ! :11utup:
لا عدمتك يا النوري والله لا يحرمني منك :اموه:

عاد الأيقونات رتبوها في مكانها الصحيح .. ما أعرف استخدمها !

[نياف العتيبي]

اشرقت الانوار ياجواهر


حضورك دعم للقسم وتواجدك يثري المكان


اخت عزيزه يكنّ لها الجميع التقدير

لماتتمتعين به من خلق جم


وفقك ربي


واتوقع الحل صح واذا صح ابشري بلغز بالنيابه عنك


والاصاله عن نفسي ههههههههههه


قلب الموضوع لخطااااااب ههههههههههه


هلا مره اخرى بل مرااااات



الناايف

[سعود السلمي]

الله يعطيك العافية يا محمد وإن شاء الله أحاول أحله .. << ما فيه أمل ..

،

،

حياك الله يا هاوي
نقول ماكينة البيبسي ؟!!:11utup:

هلا والله شرفتي ونورتي

صح لسانك وبيض الله وجهك أكيد صح مافيها كلام

[حامد الروقي]

السلام عليكم


ارحب بالاخت : جواهر

لو اني متاخر وسامحوني على التاخير .

صار عندي لخبطه من كثر الردو ماعاد اميز .


تحياتي


وهذا لغز على الطاير


انا اباانشد عن اللي لاارتفع مايلحقه معصير= كثيرمـن النشامـا لامـدح لازم يحـلابـه
مقيد بس لاتتعب ولا يطري عليـك بعيـر=ولا يطري عليك حصان والادعج من اقرابه

[سعود السلمي]

حياك الله ياحامد الروقي توك منزل اللغز ماودي احله على طول انا عرفت الحل وبخلي المجال للاخوان

خلو الالغازكم صعبه جاتكم جواهر عبدالله ماراح يعدي لغز من عندهاا هههههه

[حامد الروقي]

:egg:
حياك الله ياحامد الروقي توك منزل اللغز ماودي احله على طول انا عرفت الحل وبخلي المجال للاخوان

خلو الالغازكم صعبه جاتكم جواهر عبدالله ماراح يعدي لغز من عندهاا هههههه



هلا وغلا بالهاوي للقصيد


كنت متاكد انه اول واحد يشوفه بيحله .

ننتظرباقي الشباب والشابات.
تحياتي .

[النوري]

صباح الخير لكل الاخوان

بعطيكم لغز من تأليفي كتبته لاحد الزملاء صراحه ترددت انزله بس كلهم احباب واخوان والشرهات مرفوعه .. اللغز سهل ان شاءلله .. والمجال مفتوح الي يبغى يشارك بحل لغز السامر او هذا اللغز البساط احمدي على قولتهم ..




ياحمود انا بنشدك ياراعي الجود = عن لغز حله يرضي الفكر والذوق
هي بنت فيها الوصف يحتاج مجهود = ياكم وكم بلٌت حناجير وحلوق
الصدر مكشوف وبها رصتٌ نهود = ماهي تطاوع كل عاشق ومعشوق
انهودها ياحمود بشروط وقيود = ماضاع حق البنت في يد مخلوق
وان كان ودٌك تمسك النهد ياحمود = اظغط في بطن البنت ويطيح من فوق

:خجل:



اللغز ياهاوي تهاويل وسعود=مكينة الباردتوافيك بالسوق
ياماحلاها ساعة العوز بحدود= ندخل بهاالمقسوم وعقبهانفوق
في حزة القيض الحمر صارت عضود=لاجيتها ضامي كماضامي الشوق
يوم الحضارة شيدت سد وسدود=تلقى مرادك لوتبي صحن مرقوق

:هاها::هاها::هاها:

[النوري]

السلام عليكم


ارحب بالاخت : جواهر

لو اني متاخر وسامحوني على التاخير .

صار عندي لخبطه من كثر الردو ماعاد اميز .


تحياتي


وهذا لغز على الطاير


انا اباانشد عن اللي لاارتفع مايلحقه معصير= كثيرمـن النشامـا لامـدح لازم يحـلابـه
مقيد بس لاتتعب ولا يطري عليـك بعيـر=ولا يطري عليك حصان والادعج من اقرابه




لغز بليغ (ياشيهان):11oto:

[سعود السلمي]

:خجل:



اللغز ياهاوي تهاويل وسعود=مكينة الباردتوافيك بالسوق
ياماحلاها ساعة العوز بحدود= ندخل بهاالمقسوم وعقبهانفوق
في حزة القيض الحمر صارت عضود=لاجيتها ضامي كماضامي الشوق
يوم الحضارة شيدت سد وسدود=تلقى مرادك لوتبي صحن مرقوق

:هاها::هاها::هاها:


هههههههههههههههه

تلقى مراد لو تبي صحن مرقوق الله الله

صح لساانك واعتلا شانك وصحتين شكلك مسويه القصيده وانتي على العشى :مزون:

[سعود السلمي]

السلام عليكم


وهذا لغز على الطاير


انا اباانشد عن اللي لاارتفع مايلحقه معصير= كثيرمـن النشامـا لامـدح لازم يحـلابـه
مقيد بس لاتتعب ولا يطري عليـك بعيـر=ولا يطري عليك حصان والادعج من اقرابه

عليكم السلام

الحل الحر النداوي


وحل النوري يمشي صحيح لان مثل هذي الاشياء ماهي معروفه عند الجميع


ونتظر التأكيد من حاامد الروقي

[النوري]

تسلمين والله
على هالترحيب بجيكم كل يوم أجل :مزون:
أما الببسي تراني ما أحبه ولا أحب الميرندا
وش رآيك نسميها ماكينة حليب الشوكولاتة ! :11utup:
لا عدمتك يا النوري والله لا يحرمني منك :اموه:

عاد الأيقونات رتبوها في مكانها الصحيح .. ما أعرف استخدمها !

ياهــلا ومسهــلا:كلوش:

تسلمين والله

والا كابتشينو<<تحبه:مزون:

[حامد الروقي]

السلام عليكم


صحيح النوري + صحيح حل الهاوي للقصيد.

انا مابينت اللغز الا ابي الاجابه ابيات .


حنا تركناالحلول بالشعر .




تحياتي .

[النوري]

إقتباس:
كتب اللغز بواسطة النشمي حامدالروقي وفقه الله.


انا اباانشد عن اللي لاارتفع مايلحقه معصير=كثيرمـن النشامـا لامـدح لازم يحلابـه
مقيد بس لاتتعب ولا يطري عليـك بعيـر=ولا يطري عليك حصان والادعج من اقرابه

.
.



الاياطير شلوى غايتك تأصل سما الخرخير=وأنا مدري عن الصقار لكنك على بابه
تذكر حامد الضبعان وقوله:ياعساه بخير= يهد الطير والمقناص يعشقه من تغنى به




حامد الروقي

حياك

السموحه

فكري تحلحل من الألغاز
والخاتمه منهو فيها فاز
إن كان مالي نصيب ابها
خطرن علي أبتعد منحاز:مزون:

[محمد نايف العتيبي]

(المشاركه الاصليه كتبت بواسطه : النوري )
هب يامحمد مطنش وانواع الغيابات وش تقول فيه ياهاوي وش السواه مع العتيبي هذا

.

النوري وحده بوحده حتى حنا نعرف نقتبس ههههههه



ماشالله عليكم

الله يعطيكم العافيه ..


وسلمت ياهاوي على اللغز

**


وسلمت ياحامد على اللغز

***


وشاكر لك النوري على اجتهادك وحلولك , واقتباساتك الجديده هههههههه

***

وشاكر لك جواهر ماشالله بغيتي ماتخلين هاوي يقول اللغز الا حليتيه ههههه الله لا يضرك ..




بس لا تزعلون علي هالايام انشغل واحيان النت ماش ويالله هيك حال الدنيا ...




دمتم بخير كلكم

[جواهر عبدالله]

هاوي عطاني عين ..
أي لغز ما أحله تراه من عين هاوي .

[سعود السلمي]

صديقي الرهيب محمد نايف


وينك يارجال ترا طلاتك ترد الروح فاقدينك واعذارك غير مقبوله أبداا شوف الاخوان الي معانا مشاركين من بداية الموضوع عندك نياف اللحين صار يعتكف في المساجد يدٌور حسن الخاتمه وحامد الروقي حصلوه حاجز تذاكر على الشيشان والنوري سجلت ثلاث حالات انتحار فاشله والرابعه ناويتها من برج الفيصله وابو ليلي أحيل للتقاعد المبكر وعايش على الظمان الاجتماعي كل هذا من الالغاز ومع ذالك مواصلين معانا يعني مالك عذر ارتاح بس هههههه



جواهر عبدالله


اي عين الله يستر عليك ههههه

تبغين الصراحه ياجواهر لو تطلعين في الالغاز مثل الاختراعات والابداعات الخياليه الي تسوينها انا اشهد بالله لو الواحد عنده عين عدستها مثل مرصد هابل الفضائي يمكن مايطرح من راسك شعرتين ههههه بس لايذبحك الغرور


اللهم ولا حسد والله يستر علي اخوانا واخواتنا المسلمين من شر العيون

[ابـــوليـــــلى]

السلام عليكم ورحمة الله

:هاها::هاها::هاها:

هاوي بدري على التقاعد مابعد حليت اي لغز
متابع وياكم وربي حتى لغزك الاخير الشييبان الي بالدوانيه يقولون سلم على راعيه عجبهم :)


اذا تسمحون جايب وياي لغز مطابق للشروط واتمنى تفاعلكم

عذراء ولها أم تأكل من تحتهـا .. تعاونت معها على غزو كم رجال
الأم ماتشبع لو قضت كل حاجتها ..بعد الغزو مايملي الـزاد فنجـال

[النوري]

(المشاركه الاصليه كتبت بواسطه : النوري )
هب يامحمد مطنش وانواع الغيابات وش تقول فيه ياهاوي وش السواه مع العتيبي هذا

.

النوري وحده بوحده حتى حنا نعرف نقتبس ههههههه



ماشالله عليكم

الله يعطيكم العافيه ..


وسلمت ياهاوي على اللغز

**


وسلمت ياحامد على اللغز

***


وشاكر لك النوري على اجتهادك وحلولك , واقتباساتك الجديده هههههههه

***

وشاكر لك جواهر ماشالله بغيتي ماتخلين هاوي يقول اللغز الا حليتيه ههههه الله لا يضرك ..




بس لا تزعلون علي هالايام انشغل واحيان النت ماش ويالله هيك حال الدنيا ...




دمتم بخير كلكم




سلط الله على ابليسك يالعتيبي

أجل وحده بوحده؟

طيب اللغز ماذا عنه؟ أجازه حامدالروقي والا لا؟
والابيات كويسه والا مشي حالك<حاسه:مزون:

ترى اللغاز ماتطيب الابوجودكم كلكم.لاهنتوا

[النوري]

جواهرعبدالله

الحقينا بالحل

.
.
هاوي قصيد

زين اللي فشلت حالات الإنتحار<باليوم نموت أكثرمن مرة حرة على حال المسلمين وحالنا.جبرحالي وحالكم.والحال حال<تمربحاله
.
.
ابوليلى

المهلهل

جاري التفكير باللغز
.
.
النايف

بالأصاله عن نفسي

ياهلا مره.بل مرااات<:مزون:

غاب يدورلنالغز<يمكن

[نياف العتيبي]

لغز خفيف.. بسيط لايحتاج لمجهود



وهو بالنيابه عن جواهر



أنشدك عن جملةعيالٍ محابيس=جوف الهنوف اللي تعدد خطاها
ربانها يبحر بعمق المراميـس=مفتاحها جوزٍ ويكشف غطاهـا

[سعود السلمي]

هههههه

لغزين في اليوم صعبه شوي هلكانين يادوب نقدر على واحد المفروض يكون اللغز عند نياف قبل حامد وابو ليلي لانه قال عنده لغز بس مو مشكله أكيد مانتبهوا

ابو ليلي

عليك وعليهم السلام لغزك وزنه يحتاج شوي بس خذ هالرمعه اذا غلط لي رجعه بكره الصباح ان شاءلله

قصاص الاظافر


نيااف العتيبي


عندي رمعه طال عمرك اذا صحيحه وتبغى الحل رد بالشعر عطني فرصه الي بكره الصباح لاني لازم اطلع ولا راح ارجع إلا الصباح واذا غلط الصباح لي محاولة ثانيه اذا ربي احيانا واحياكم

الحل صواميل الكفر كرمت وكل السامعين

[ابـــوليـــــلى]

اخوي نياف العتيبي اسف جدا جدا مانتبهت وربي ارجوا المعذره

ايش رايك ببطارية الرادو

[ابـــوليـــــلى]

هاوي القصيد
إجابة صحيحه صحيحه

وربي انك داهيه اكثر اللغاز تحلها وتالف اللغاز وابياتك وقصايدك قويه ومسمي روحك هاوي
ومالك ذكر بالمنتدى اخوك ابوليلي معاصر المنتدى من بدايته ومتابع جيد

حب الفضول اخي هاوي وليس تدخل في الامور الشخصيه

انت مين ياهاوي ؟؟

[نياف العتيبي]

هلابكم جميع


ولايوجد مشكله يالربع


انا اللي اعتذر منك يابو ليلى


يشهد الله ماشفت لغزك


شفت رد حامد باول المتصفح يقول اللغز

حلته النوري وهاوي قصيد

وتوقعت ان مابعده لغز


ولو انتبهت صبرت الى ان يحل لغزك


ولكن كل الامور سهله يالطيب


هاوي قصيد


عيني عليك بارده مبدع في حلولك

لكن هاللغز اقول خيرها بغيرها

وانتظرك بحل جديد يالقرم


ابوليلى برضه حظ اوفر يالغالي


ومازال اللغز ينتظركم


النااايف

[سعود السلمي]

ابو ليلي المهلهل

والله وانا اخوك مثل هذي الاسئله اذا صارت على العام تحرجني وتضايقني لانها تكررت معاي عدة مرات المفروض تكون على الخاص انا أقل الاخوان الي هنا شعراا وخلقاا وغير صحيح اني مجهول لي اصدقاء في المنتدى يعرفون عني كل شيء وبعضهم معاي في الماسنجر ,,, اتمنى اني ارضيت فضولك



نيااف العتيبي


ولا يهمك طال عمرك تعطيك الرمعه الثانيه وان خابت الثالثه ثابته ان قاله الله


الدباسه

[نياف العتيبي]

هاوي قصيد


مالك لوى يالغالي


ماهي بالدباسه


وانتظر الثالثه



الناااايف

[حامد الروقي]

إقتباس:
كتب اللغز بواسطة النشمي حامدالروقي وفقه الله.


انا اباانشد عن اللي لاارتفع مايلحقه معصير=كثيرمـن النشامـا لامـدح لازم يحلابـه
مقيد بس لاتتعب ولا يطري عليـك بعيـر=ولا يطري عليك حصان والادعج من اقرابه

.
.



الاياطير شلوى غايتك تأصل سما الخرخير=وأنا مدري عن الصقار لكنك على بابه
تذكر حامد الضبعان وقوله:ياعساه بخير= يهد الطير والمقناص يعشقه من تغنى به




حامد الروقي

حياك

السموحه

فكري تحلحل من الألغاز
والخاتمه منهو فيها فاز
إن كان مالي نصيب ابها
خطرن علي أبتعد منحاز:مزون:

الله يعطيك العافيه يالنوري / وشكرا على المدح .

----------------------------

ـــــــــــــــــــــــــ ـــــــــــــــــــــــــ ـ


لغز خفيف.. بسيط لايحتاج لمجهود



وهو بالنيابه عن جواهر



أنشدك عن جملةعيالٍ محابيس=جوف الهنوف اللي تعدد خطاها
ربانها يبحر بعمق المراميـس=مفتاحها جوزٍ ويكشف غطاهـا


نياف ياله حيه اعتقد ان الحل : مكينةالسياره والبلوف .
والله ماني مكانيكي بس اعتقد الحل كذا.سلم لي على جواهر وخلها تكتب لغزها بنفسها . ولا شكيناها للمديره / النوري


لحظه لحظه لغزين في ان واحد .
يذكرني :بالمنتج اللي يسوون له دعايه في آن واحد ماودي اذكر اسمه على شان مانسوي له اعلان بالمنتدى .


وتقبلوامروري الظريف . واثق ان مروره ظريف مثل ثقة ابوليلى من الشروط .


وفي النهايه : عدد اقتباسين في آ ن واحد .
تحياتي

[سعود السلمي]

حامد الروقي

حياك الله

لغز ابو ليلي خلاص حليته وانتهينا منه باقي لغز نياف شد حيلك مانبغاه يطول

[محمد نايف العتيبي]

.


يامرحبا بالجميع



نياف هلابك انت ولغزك ..




والله رمعتي للحين ماصملت عليها بفكر زياده ..




حامد احلى ياحركات مكانيكي ياولد هههههههه تصلح معي فالمقناص نسمكر انا وياك فالشاص






دمتم بخير

[حامد الروقي]

هاوي الله يعافيك شفت الحل وسؤال ابو ليلى بعد عن اسمك الحقيقي . انت سويت فينا مثل (سداح )

ـــــــ


محمدنايف : مشينا يله (الحره )

<<شاري جيب وشاري سلاح ومطلع تصريح يوم جاء يقنص قالو الطيور فيها انفلونزاء ههههههههه

والارانب انقرضت . والطيور تكسرنا على دروب الجرابيع على شان نعشيها .ههههههههههههه

الغزلان في السودان ( الشقيق )
والضبا في لبنان .


ننتضر نياف يقول رايه في الرمعه .



سلام

[نياف العتيبي]

هلا وغلا بالجميع


هلاياحامد ومرحبا مليون


والمكانيكا مالك لوى والمكينه وبلوفها


هاوي مرحبا يالذيب


ابونايف حياك ولاخليت منك


وفكر وانتظر حضورك مره اخرى


النااايف

[سعود السلمي]

نياف العتيبي

عندي استفسار عن بيت لانه مايوضح بالكتابه

تعدد خطاها = يعني تحسب خطواتها او مقصود فيها زادت اخطائها



وهذي رمعه ناشبه في الحلق يمكن تطلع مثل الاوله وتصير صح مع اني غير مقتنع فيها

الكبريت

[النوري]

لغز خفيف.. بسيط لايحتاج لمجهود



وهو بالنيابه عن جواهر



أنشدك عن جملةعيالٍ محابيس=جوف الهنوف اللي تعدد خطاها
ربانها يبحر بعمق المراميـس=مفتاحها جوزٍ ويكشف غطاهـا



بالنيابه:مزون:

والا بالمحكمه هههه




يمكن بطارية الكشاف(الضواية)

[نياف العتيبي]

هلابك ياهاوي قصيد


تراك ناشب بحلقي ههههههههههه


استفسارك تعدد خطاها خطوات مسافيه


وليست اخطأ وذنوب وزلات وغلطات


والكبريت مذكر وهي مؤنث ومالك لوى



النووري


وانتي الصادقه بالنيابه ولاتحال للمحكمه لعدم


كفاية الادله ههههههه

ومالك لوى مش حجار الكشاف ولا البطاريه


ولو قلت لكم هاللغز من 2005 بالمنتدى

ولا انحل


تصدقوني عاد ولا اجيب الاثبات هههههههههههههه



النااايف

[سعود السلمي]

نيااف العتيبي

هههههههههه احسن احسن من قالك تجيب الالغاز صعبه بس والله اني وراه وراه لو يصلع راسي


خذ هذي الرمعه اذا غلط الثانيه جاهزه


لعبة الكلمات المتقاطعه الي تجي في الجرايد والمجلات

[حامد الروقي]

أنشدك عن جملةعيالٍ محابيس=جوف الهنوف اللي تعدد خطاها
ربانها يبحر بعمق المراميـس=مفتاحها جوزٍ ويكشف غطاهـا



نياف : حليته يالغالي ابشركم .


مع احترامي لرمعات : استاذي هاوي قصيد


هذي ياطويل العمر والسامعين بعد عمارهم طويله .

رصاصة الشوزل . وصتمها محابيس بداخلها
والهنوف هي الشوزل تعدد خطاها
والقناص يحملها ويغيب يدورالصيد

مفتاحها الضارب /او مثل مانسيمه (النادوس)


وهذا كان ماهوب الحل يانياف . حيل الله اقوى .


والسلام

[نياف العتيبي]

نيااف العتيبي

هههههههههه احسن احسن من قالك تجيب الالغاز صعبه بس والله اني وراه وراه لو يصلع راسي


خذ هذي الرمعه اذا غلط الثانيه جاهزه


لعبة الكلمات المتقاطعه الي تجي في الجرايد والمجلات


اقول ماشاء الله عليك ياهاوي

اشهد بالله مبدع

وهاللغز مطروح هنا بغرابيل من عام 2005

وما احد حله

صح لسااانك

ودمت


الناايف

[سعود السلمي]

نياف العتيبي

صح بدنك ووجهك ابيض ولاهنت على اللغز


حامد الروقي

والله في بالي رمعتك الاخيره بس ماني مقتنع فيها ولا هي طرت عليٌ من ظمن الحلول
مالك لوى وبيض الله وجهك يالذيب

[نياف العتيبي]

حامد الروقي

هلابك

اعمسني هاوي قصيد يوم حله

ونسيت ارد على حلك والعذر من الله ثم منك

لانك رجل عزيز وتستاهل المعذار يابن الاخيار

وسلامي لك يالغالي


الناااااايف

[حامد الروقي]

وجيهكم بيض انا اللي مفروض اعتذر من اخوي / هاوي قصيد لاني احتقرت رمعته وتجاوزتها .


لكن سامحوني كلكم . ماعاد اتعودها

ـ وعطونا لغز ولا كلفو النوري ولا محمد ولا جواهر ولا ابو ليلى .


سلام

[سعود السلمي]

لا يارجال العلوم هذي ماهي بينا افا بس

المجال مفتوح للجميع والي عنده رمعه مقتنع فيها ينزلها حتى لو سبقه احد زملائه

نتظر احد الاخوان يجيب لغز ولو ان النوري ماقصرت ألفت وجابت الالغاز كثيره ونياف وابو ليلي وحامد باقي محمد وهو مشغول شكله هذي الايام وجواهر الي شكلي صفقتها بعين اتمنى انها بخير لاني بديت اوسوس واحس بتأنيب الظمير :icon_sad:

المجال مفتوح والخيار للجميع تبغونها اجازه ولا نواصل المسيره مستعدين لكل الحالات

[حامد الروقي]

سلام .

على كل حال دام الموضوع مفتوح نمر عليه كل فتره.

واهم شي يصير مفتوح للمحاولات في لغز السامر .


وانا وعتكم بالحل وان شاء الله قريبا .

تحياتي

[النوري]

مساكم الله بالخير

دورت عن لغزن قريب ماحصلت.< كلش غاااالي

وعندي رمعة بالنسبة للغز السامروهي فزعة جتني وهي(( بنات نعش))

وهن نجوم سبع حول الجدي..< ويش رأيكم ؟؟ قولوا تم< وده:مزون:

[نياف العتيبي]

النوري

بنات نعش اللي تقولينهن هن السبع بتسميتنا يالبدو

واسمهن العلمي النجم القطبي


واتوقع رمعة هاوي قصيد حول الرسالات اقرب

وللمعلوميه هي وحده من هالثنتين يالديانات ولا السبع

واشوفكم على خير بغيب عنكم كم من يوم

النااايف

[محمد نايف العتيبي]

.

.


صباح اللغاز اللي فككت مخي :زعلان:


الجميع كلكم مبدعين والله لايضركم


صراحه اللغاز انا فيها ماش يعني ميح هههههههه



لكن اللي رمعته حول الحل يعلمني اجي في صفه ههههههههه << لا ياشيخ




واتمنى الجميع بخير

[سعود السلمي]

حامد الروقي شد حيلك واسدحبه ,, نياف العتيبي ترجع بالسلامه في انتظارك ,, محمد نايف تكفي طلاتك ياذيبان ,,

اختي نوره رمعه حلوه وتنطبق على ابيات كثيره لكن وش تفسيرك لهالشطرين

(خوات مختلفات باحوال وعصور) - (وبعصرهن غطن على من سواهن )

هل النجوم تتغير مع العصور ؟؟ وكيف بعصرن غطن على سواهم ؟؟
اذا عندك اجابه مقنعه لهذا السؤالين وقتها اقول اجابتك صحيحه ان شاءلله

بالمناسبة أخت نوره المعنى الصحيح لكلمة ديجور ايش هو ؟ يمكن انتي عندك خلفيه أفضل منا
---

[النوري]

الأعزاء

حامد الروقي..يعطيك العافيه.ماقصرت

الناايف.إن كانهن السبع..الجايزة بحسابي..منتظرينك ولغز كاايف

محمد نايف العتيبي..ياعل تسلم..

هاوي قصيد

الديجور حسب فهمي والله أعلم (العتمة)أو اللجة والظلمة

وسأورد بهذه المناسبة هذه القصيدة الرائعه لسموالامير( بدر بن عبدالمحسن )

في رثاء والدته الأميرة وضحى الحمود الرشيد - رحمها االله

طيري عصافير السحر عن هدبها
عينٍ تخم النور .. من قلة النور
كود الظلام اللي علق في عصبها
وعروقها تبكيه حسرات وغرور
الله .. مااثقل جفنها وإن جذبها
برقٍ لمحت فـ ضيه اكفان وقبور
على الدروب اللي عشقنا تعبها
لين اقفرت من كل حيٍ ومعمور
كنه يلج بوسط سمعي صخبها
أو هو بكا .. ريحٍ على صدر ديجور
طيري عصافير الهوى اللي شربها
غدير .. واسقاها من أوهامه بحور
يكفي عن أحلام الحياة وطربها
لو ساعةٍ ببكي على ساعة قصور
أصيح شمسٍ ما تمن بذهبها
تنثره قلبٍ صادق .. ودافي شعور
والا النهار اللي عيوني حربها
اقبالته لحظه.. وغيباته دهور
أصيح عسبان الحياة ورطبها
أو حبها اللي توَّه اليوم مبذور
والا الضلوع اللي حنيني كتبها
شعرٍٍ قراه الصبح غامض ومكسور
اصيح من باصيح واغلى عربها
شدوا زمان الشوك باعشاب وزهور
يا حيف وضحى نور عيني جنبها
وخذت غياب الشمس من مرتع الزور
وخذت وعقرت مهرتي في طلبها
وقفت .. ودمعي في محاجره .. مذعور
ما غير أناظرها ويصغر لهبها
لين إنطفت ناديت يا سعود ماجور
خذها الذي من فيض جوده وهبها
يوم لنا رحمة.. وظل .. وذرى سور
ياعلها عنده بعالي رتبها
عند الذي نزه مقامه عن الجور
وطيري عصافير السحر عن هدبها
عينٍ تخم النور .. من قلة النور

[سعود السلمي]

النوري

مشكوره على التوضيح ويعطيك العافيه على القصيدة الجميله

نرجع لموضوع لغز السامر حاولت اشوف الحلول في المنتديات تصدقون ماحصلت الا منتدين في البحث ومافيها الا رمعتين او ثلاث مثل قلتها .. والعالم مكتمين الطمع ذابحهم هههه

الحقيقه ماني مقتنع بحل الكتب او الرسالات السماويه او حتى حل النجوم .. عندي رمعه جات معي بعد تفكير والله اعلم صح ولا خطاء لكن ماحد قالها قبل كذا


الحل والله اعلم " دول مجلس التعاون الخليجي"

وبعد عرفت معنى ديجور من الاخت نوره اعتقد التفسير المنطقي للديجور في هذا اللغز الي هو البترول الي تميز فيه الخليج .. وباقي الابيات تنطبق على الحل .. والله اعلم

[جواهر عبدالله]

إلى الآن تفكرون بلغز السامر ؟
الحل عندي .. بس الطمع ذبحني .. عشان كذا ما راح أقوله
هاتوا لنا لغز ثاني .

[حامد الروقي]

حراير نبتت على النـار والنـور
تحدث الكـون الفسيـح ببهاهـن
من حكمة الخلاق ولدن بديجـور
وبدد ظلام الليل عالـي سناهـن
احسابهن في خانة البضع محصور
وبعصرهن غطن على من سواهن
خوات مختلفات باحوال وعصور
متشابهـات بوصفهـن وبنماهـن
ياللي بحل رموز الألغاز مشهـور
هات الخوات الغـر والا حداهـن
-------------------------

السلام عليكم
فكرت في دول المجلس واضن ذكرتها في احد المشاركات .
بس بالبيت الاول قال :( نبتت ) ليش ماقال( نبتن )وقال (حراير)مذكر ولا مؤنث اللي اعرف انها الهجن . في قول :
تركي بن حميد (حراير ياعبيد مثل الاهله ـاو حراير يازبن مثل الاهله)
الديجور : هو الضلام او الحجر الاسود.على مسؤوليتي . تفسير البيت مولودات بالضلام ومزق الضلام نورهن . او اضائه او اضاء الليل نور الحراير .
والوقت مدري وش بقى من المهله يقولون شهر مدري لو انتهى الشهر وحنا نفكر .

اسمع عاد يالهاوي انت ويا باقي الشباب .والشابات .

الحل هو : المعادن النفيسه . لكن حنا بنتقاسم الاعتقادات .

يعني كل واحد يكتب مايعتقده صحيح .

ليش قلت المعادن النفييسه ـ لأنها تستخرج من الحجر وتنبت ولانها لايتم استخراجها الا بصهرها بالنار الكون كله يتحدث عن المعادن وسعرها . قال عنها( غر)لشهرتها . سواهن الاوراق النقديه المعادله .
ــــــــــ
1ـ المعادن النفيسه ـ الذهب ـ الفضه ـ النحاس ـ الزنك ـ الحديد ـ والله مدري وش باقي بس يدخلن في خانة البضع .
2ـ دول المجلس
3ـ السبّع
4ـ الكتب السماويه


ــــــــــــــــ والسلام ــــــــــ


انتهينا من لغز السامر ( اطال الله عمره)



وهذا اهداء للجميع وابي احد يحله وخصوصا جواهر




بعد كذب زوجها ياقوم فارقهـا= والحزن في داخله يكتض باعماقه
وبعد فراقه مشت والحزن يغرقها=لين اوصلت للي الله يلعن اعراقه
شلت يده مرتين وبعده اعتقهـا=يرجع لها الفضل بعدالله بعتاقـه

تحياتي .

[جواهر عبدالله]

جاري البحث عن رمعة :بفكر:

[سعود السلمي]

طيب ياطماعه اذا حصلتي رمعه عطينا خبر علشان نسوي إخلاء للمنتدى ونعلن حالة التأهب الاعضاء قربوا المائة ألف ونبغى نخرج بأقل الخسائر مانبغى احداث هيروشيما تتكرر :مزون:

حامد الروقي

توضيح لاهنت

هل اللعز حله شيء واحد او عدة اشياء ؟
وهل اللغز حله مرتبط بحدث او قصة معينه ؟

في بالي رمعة تتعلق بالسياسة بس بخليها بعد التوضيح
واذا حلك فعلا له علاقه بالسياسة خلاص لاتوضح شيء

[حامد الروقي]

هلابكم .توقعت انكم تبون التوضيح


الحل في قصص الانبياء





الله يعينكم تقرونها كامله . من البدايه للنهايه .

<<هذا المستخدم مايحب السياسه . عندي معلومه وحده عن السياسه وهي ان حذاء الحصان يغير كل ثلاث اشهر . هههههههههههههههههههه
تحياتي

[سعود السلمي]

ايه كنت حاس ان ورى اللغز قصة
وبيني بينك الالغاز الي تعتمد على الثقافه العامة صعب حلها

عموماا أعتقد انك تقصد قصة النبي أيوب عليه السلام مع زوجته وابليس الي جاهم على هيئة طبيب لكن ماذكر تفاصيل القصة ولا ودي أتكلم فيها بغير علم أتركها للي عنده اطلاع

[جواهر عبدالله]

أتوقع إبراهيم عليه السلام وزوجته سارة
وراح أفصل الأبيات على حسب فهمي للقصة .. لكن بأسلوبي ..

بعد كذب زوجها ياقـوم فارقهـا
والحزن في داخله يكتض باعماقه

إبراهيم عليه السلام لما سافر بزوجته سارة وكانوا متجهين إلى فلسطين ، وصلوا إلى منطقة فيها ملك ( طاغي ) كان يأخذ كل بنت جميلة ، وكانت سارة ذات جمال .. وبعد ما أُكتشفوا وجودهم ، سألوا إبراهيم عليه السلام : من تكون سارة بالنسبة له . طبعاً هدفهم لو كان زوجها أكيد راح يقتلونه .. عشان يآخذونها منه .. فقال عليه السلام : هي أختي . يقصد أنها أخته في الإسلام . ( حاشا للأنبياء أن يكذبوا ) .. واطمأنوا وأخذوها منه .


وبعد فراقه مشت والحزن يغرقها
لين اوصلت للي الله يلعن اعراقه

وطبعاً ذهبت معهم والحزن يغرقها .. حتى وصلت للملك ( الطاغية )

شلت يده مرتين وبعـده اعتقهـا
يرجع لها الفضل بعدالله بعتاقـه

البيت هذا بالذات هو اللي وضح لي الحل .. طبعاً هي دعت عليه ( في سرها ) بأن تشل يده لو اقترب منها .. وكل ما حاول أن يضع يده شُلت يده .. فخاف في المرة الأولى .. وترجاها أن تدعو الله أن يشفي يده ووعدها بأن يتركها .. وفعلاً دعت الله ، لكنه أعاد الكرة مرة أخرى ، وشُلت يده مرة ثانية ، وطلب منها للمرة الأخيرة ووعدها بالأموال .. وفعلاً دعت له وشفت يده للمرة الثانية ، وبعدها تركها تعود لإبراهيم عليه السلام .. وأعطاها أموال وجارية ، وهي ( هاجر ) التي زوجتها فيما بعد لإبراهيم عليه السلام .

يمكن أكون أخطأت ببعض التفاصيل ، خاصةً وعده لها بالأموال .. لكن هذه هي القصة ..

ومصيبة بعد هالسرد كله لو يكون الحل غلط !


وبيني بينك الالغاز الي تعتمد على الثقافه العامة صعب حلها

بالنسبة لي أشوف إنه سهل حلها
يا أنا واثقة من حلِّي .. الله يكفيني شر ثقتي بنفسي :11utup: .

[محمد نايف العتيبي]

.

ياجعلكم بالعافيه الجميع شادين حيلكم << وانت وش حضرتك

.

شوفوا اذا جتكم عين ترى مني انا .... الا هاوي اهب مايجيه شي << مات ضحك


والله مدري بس اللي يعرف الحل يعطيني خبر


بالتوفيق وهمتكم مانبي الموضوع يوقف الا اذا وقف غرابيل


دمتم بخير كلكم الجميع


محمد بن نايف

[حامد الروقي]

سلام مساكم الله بالخير جميع

اخوي هاوي قصيد ـ اجابتك غير موفقه ./ وكاتب لي بيني وبينك وحنا في متصفح يقراه 100000عضو ـ ههههههه الله يسعدك وجواهر تقول سهل تباني اعطيها لغز اقوى من لغز السامر.


ــــــ جواهر عبدالله

الحقيقه ماقصرتي واجابتك صحيحه . والله يعطيك الف عافيه



ــــــــــ

محمد نايف

ماحاولت تقول اي شي غير مدري . لو على الأقل وافقت جواهر في حلها كان كسبتها بارده مبرده .


ومروركم كله وحضوركم على راسي يارياجيل والله مدري وش اقول بس كلبوكم على راسي / على قول . عبدالله السميري.


تحياتي

[جواهر عبدالله]

ومروركم كله وحضوركم على راسي يارياجيل

والحريم ؟!!!
أهم شي إني جبتها وأنا بنت عبد الله
هاتوا اللي بعدووووو ..

[النوري]

سالخير عليكو

ماشاء الله تبارك الله ..شغلن تمام..<<وانتي وين طسيتي؟

عزالله ماقصرتوا ..وأنا قررت مابي أحل لغز السامر

أنا ماحب الطمع والفلوس وسخ دنيا<<يصير خير

الحمد لله القناعة مبدأ عندي مايتغير..لكن المشاركة هواية.<وبطلت

أشكركم وأعتذر لغيابي عن الموضوع وإنشغالي

[محمد نايف العتيبي]

أهم شي إني جبتها وأنا بنت عبد الله
هاتوا اللي بعدووووو ..

.

ايه هين حليتيه ههههههه

جواهر ترى شافوني يوم اعطيك الحل بس ماتوقعتك تنكريني افاااااااا << اهب ياوجهه


والله ياجواهر ماشالله حللتي اللغز حرف حرف . قولوا ماشالله ثلاث مرات الا هاوي يقولها خمس مرات ههههههههههه .



.........


حامد والله ياخوك اللغاز تعرف انا ماودي اخرب عليكم الحل من اول شي واقوله اعطيكم مجال << لا تكفى .


الله يعطيك العافيه ياحامد ولاهنت على اللغز السهل ههههههه



..........


النوري حياك الله , علينا تنحاشين من اللغز وتقولين مشغوله كنت اسوي هالحركات ترى .


..........


دمتم بخير

[سعود السلمي]

جواهر عبدالله

هههه أنا أقصد ان هذي الالغاز تعتبر ثقافه عامة موعن صعوبه والصراحه ماستغرب عليك شيء لو نعطيك لغز في نسبية آينشتاين تحلينه وانتي تاكلين فصفص


حامد الروقي

ههههه الولد هذا عليه طلعات تعجبني
ماعليه يالذيب أهم شيء عرفنا وجهه اللغز وصراحه لغزك يعتبر سؤال ثقافي ومجرد شرح لقصة نبغى مثل الالغازك الاوله حطو في حسابكم الداهيه الي معانا


محمد نايف العتيبي

صديقي هذا كسلان مايحب يتعب في الالغاز بس يحب يمٌر يتطنز ويمشي ههههههه


اللغز القادم ارشح النوري اذا فاضية او نيٌاف اذا موجود الالغازهم زينه وتخلي الواحد يدخل في غيبوبه .. اذا صار اللغز من عند نيٌاف أو النوري أنا اظمن لكم ماتشوفون غير غبار جواهر في القسم وانواع التفحيط والله يعين الي عنده ربوو .. نحن في الانتظار

[نياف العتيبي]

هاوي قصيد

ابشر بعزك

لاجيب لهم لغز خفيّف

وسلمت يالذيب

حامد لاهنت وشفت اللغز وقلت اكيد وراه قصه لكن ماضبطت معي

جواهر صح لسانك وعيني عليك بارده

ابونايف ياولد انت داهيه لكن تعطي لاحبابك الفرصه الله يبيض وجهك

النوووووووري قامت تغوطسّ عندها شيء الله اعلم وشهو

لكن ماهي عوايدها ودايم ترمع على اللغز ماخذه حكمتها من المثل

إن لقحت والاّ ما ضرّها الجمل هههههههه

تسلمون جميعا ً
الناااايف

[النوري]

1النوري حياك الله , علينا تنحاشين من اللغز وتقولين مشغوله كنت اسوي هالحركات ترى .<< صادوووه.سجلو اعتراف العتيبي .ضبطناه بالجرم/وقد تكرر غيابه.ووجد بحوزته قصايد وقوافي .




2النوووووووري قامت تغوطسّ عندها شيء الله اعلم وشهو

لكن ماهي عوايدها ودايم ترمع على اللغز ماخذه حكمتها من المثل

إن لقحت والاّ ما ضرّها الجمل هههههههه

الناايف

عدت والعود أحمد..حياك

والله مثل ماتفضلت طال عمرك..عندي مشروع مقال..وقصيدة وحاليا أحضر للماجستير<<بالمطبخ هههه

منتظرين لغزك ..والا سأبحث عن لغزن دسم..سكر أكشن عشان أحسن:مزون:

جواهر ..فالك البيرق:11ap:

هاوي قصيد
حامد الروقي

السموحه ترى الشوف نخل:مزون:..جهودكم على هامتي والله..مايجي قصور









(أذكروني كل ماعدلتوا رد..وأذكروني كل ماهب الهبوب)

[نياف العتيبي]

طيب استلموا هاللغز



انشدك عن عذراء لها دور ٍ كبير = في ما مضى واليوم كل ٍ كبها
واللي تولى عقبها ورع ٍ صغير = ينزل منازلها ويمشي دربها

[النوري]

انشدك عن عذراء لها دور ٍ كبير..في ما مضى واليوم كـل ٍ كبهـا
واللي تولى عقبها ورع ٍ صغيـر..ينزل منازلهـا ويمشـي دربهـا
.
.

يمكن الرحى؟الدلة؟ << ياربي هو شي قديم أداة..وشو؟ وشو؟ وشو؟

[نياف العتيبي]

النوري

اهلين يالشيخه

ويسعد مساك

لكن ماهي برمعة اللغز


النااايف

[حامد الروقي]

السلام عليكم وحمة الله وبركاته


والله كلكم معزتكم وحده جميع ولايهمك: ياجواهر




ابا اتوقع الحل يانياف واتمنى يكون صح .


في القديم كنا نشرب الماء في( طاسه ) وكبيناها هلحين ماعد نشرب فيها .
والبديل معروف .
ـ اتمنى من كل قلبي يكون الحل صحيح .




وفي النهايه والختام / كل الشكر لكم جميع من كثرة الردود والله على الموضوع والسوالف ماعاد نلحق نقول شكرا على الاقل لكن بقولها لكم كلكم كل الشكر لجميع من رد على المشارك السابقه بدون تعديد اسماء كلكم جميع رجال ونساء .





تحيه طيبه

[النوري]

هاردلك يالشيخه

ماذاكرت ..ماركزت..< مشغوله<برضوه

ننتظر العباقرة..

[نياف العتيبي]

حامد الروقي

ياهلابك ومرحبا

لكن الحل مالك لوىىىىىىىىى

الناااااايف

[نياف العتيبي]

هاردلك يالشيخه

ماذاكرت ..ماركزت..< مشغوله<برضوه

ننتظر العباقرة..

^
^

قالت ماركزت ابوك يالتركيز ههههههههههه

هلابك يالنوري

شكلك تفطرين فوووووول خخخخخخخخ


انتظرك بالحل وانتظر العباقره ولو ماهو محتاج لعباقره لانه سهل


الناااايف

[سعود السلمي]

نياف العتيبي

بيض الله وجهك على اللغز يالذيب

رمعة أفتتاحية

" الجوال "

[نياف العتيبي]

ووجهك ياهاوي


ارررحب

الحمدلله على سلامة اللغز ههههههههههه



انتظرك يالذيب

النااايف

[نياف العتيبي]

طيب استلموا هاللغز



انشدك عن عذراء لها دور ٍ كبير = في ما مضى واليوم كل ٍ كبها
واللي تولى عقبها ورع ٍ صغير = ينزل منازلها ويمشي دربها


نقلته لكم هنا فالصفحه الجديده


النااايف

[حامد الروقي]

هههههههههههههههههههههه

صدناه يانياف


العمِّه ــ


وبدالها العقاااااال


تحيه طيبه

[نياف العتيبي]

هلابك ياحامد


كل رمعاتك واقعيه فيما يخص ينزل منازلها لانه تبدل هالشيء وحل محله


لكن يمشي دربها ماتنطبق على ماقلت


انتظرك برمعه مميته لانك بصراحه قمت تدغدغه على قولتنا


النااايف

[سعود السلمي]

انا مارشحتك للغز غير خابر اللغازك ماتنحل إلا بولاده قيصريه

المشكلة اللغز يقبل حلول كثيره

قبل اقول رمعتي الثانيه بوضح الاولى

الاولى اقصد فيها الرسائل عند طريق الحمام الزاجل سبقاا ورسائل الجوال حالياا

رمعتي الثانيه ياطويل العمر

هي الاسطوانه سبقاا وشريط المسجل حاليااا

[نياف العتيبي]

هلابك ياهاوي قصيد

وانا كنت فاهم قصدك بالاول


وكلامك قبل شرح اللغز انا اؤيده لكن بعد ينحل


تجد انه ينطبق عليه ولاينطبق على غيره


ومثل ماقلت لاخي حامد انتم تجيبون اللي يحل محل شيء يعني تجيبون شيء قديم

والجديد اللي حل محله ,, لكن يمشي مماشيها نفس المكان اللي كانت فيه هو يجي فيه

لكن الجوال صار عبر الذبذبه وليس ورقي وعلى هالشكل

ترى بديت اوضح لكم ارجوكم لاتجرجروني بالكلام هههههههههههه

انتظرك بحل ثالث

وعلى قولتهم الثالثه ثابته


الناايف

[qp zaid db]

السلام عليكم

الأخ نياف هذي مني عن الأخ هاوي قصيد

الــريـشــــة


وعلى طاري لغز السامر .. اللغز اللي قبل هذا وش كان حله؟

[نياف العتيبي]

زيد هلابك ومسهلا


وحياك معنا يالنشمي


وحلك مالك لوىىىىىى

الناايف

[النوري]

الله يحييكم فيذا<< تحب الرياض

الحل: بحال الفطور قشطه

الختم..الطابعه..الفاكس..<< أختر أحدى الحلول:مزون:


qp zaid db
وعلى طاري لغز السامر .. اللغز اللي قبل هذا وش كان حله؟
حل السامر السابق كان (الطلاق وفهد)<<وأنا حليته الطلاق<<مزدوج؟؟

هذا والله يقويكم..جميعا

[نياف العتيبي]

النوووري

ياهلابك


لكن برضه ما صابن الثلاث


النايف

[سعود السلمي]

زايد

اهلا وسهلا شرفت ونورت

النوري

لاهنتي يالنشميه

نيااف العتيبي

تعبناك معانا واشغلناك اللغز واضح وتمام بس الحل مستعصي الواحد يحس انه قريب لكن ماهو قادر يصيده

انا عندي رمعه اللحين وبعدها خلاص يصير لكل واحد رمعه أخيره بعدها يتقفل اللغز ولك الحريه بعدها توضح اللغز او تحله مباشره

" القربه"

[نياف العتيبي]

هاوي قصيد


القربه مالك لوىىىىىىىىىى


وبوضح لكم وامري لله


هو يستخدم فالمحلات التجاريه قديما ً وحديثا ً


القديم انتهى والولد الان موجود ومستخدم بشكل رسمي ومتعارف عليه

ههههههههههههههههههههههههه هههههههههههههههه

[سعود السلمي]

ههههههههههه

والله وانا اخوك المخ ضرب وكل ماجيت افكر في الحل قال " ان اللغز الذي طلبته غير صحيح"


اظنك تقصد الربيه او جنيه الذهب زمان واللحين الريال

[نياف العتيبي]

واظنك تبا تحله


ارسل الاخيره وبعدها انا اللي بحظرك من حله ههههههههههههههههههه

[سعود السلمي]

انا خلاص اللغز الي مايجي معاي في ثلاث رمعات الظاهر لو حله خمس حروف وتعطيني اربعه ماحليته اقفل مره ههههههه

مير تدري اذا غلط هات الحل اشغلناك وانا شايف واحد مسند عليك قصيده تحتاج وقت للرد

وترا المشكله كلها من راس حامد ضيعنا من الحل >>>> لزقها في حامد

الميزان الكيلو حالياا والاوقيه على ماظن اسمها كذا سابقا

[نياف العتيبي]

الله يبيض وجهك ياهاوي قصيد

نعم


البنت الاوقيه زمان

والولد الكيلو الان وحل محلها وصار مقياس


لاهنتتتتتتتتتتتتتتتتتتتت

والقصيده ردها على وشك ماباقي غير اللمسات الاخيره

لكن والله اني مشغول واكتب فيها احيانا ً وانا ماشي لكن ربك يزينها


النااااايف

[حامد الروقي]

طيب استلموا هاللغز



انشدك عن عذراء لها دور ٍ كبير = في ما مضى واليوم كل ٍ كبها
واللي تولى عقبها ورع ٍ صغير = ينزل منازلها ويمشي دربها

نعلمك بالحل يازايد بعد مارد على الأخوه الكرام : النوري وهاوي قصيد


الله يحييكم فيذا<< تحب الرياض

الحل: بحال الفطور قشطه

الختم..الطابعه..الفاكس..<< أختر أحدى الحلول:مزون:


qp zaid db


بالنسبه لغز السامر : اعلن للجميع من هنا باني لن ارسل له الحل .
اعتقد ان النوري / تقراء كتاب في علم النفس قبل تقو ل الحل /في حالة الفطور القشطه . هههههههه هع ههههه

[QUOTE=هاوي قصيد;1874438]انا خلاص اللغز الي مايجي معاي في ثلاث رمعات الظاهر لو حله خمس حروف وتعطيني اربعه ماحليته اقفل مره ههههههه

مير تدري اذا غلط هات الحل اشغلناك وانا شايف واحد مسند عليك قصيده تحتاج وقت للرد

وترا المشكله كلها من راس حامد ضيعنا من الحل >>>> لزقها في حامد

الميزان الكيلو حالياا والاوقيه على ماظن اسمها كذا سابقا

ههههههههههه ـ حامد تفجر راسه يدور الحل ولا يجي الا في ساعه متاخره من ضيق الوقت . ويمكن يحله . تقبلو شكري جميع
ــــــــــــــــــــ
نياف العتيبي عقد <<<<<<<<<<هذا المستخدم

الحل::::- ــ غير مقتنع بالحل ومحتج عليه ـ

ياخي ضاعت العطله الاسبوعيه يانياف واخرتها الثقل والوزن حرام عليك .


ماعد افكر في حل لغز لك .

[نياف العتيبي]

انشدك عن عذراء لها دور ٍ كبير=في ما مضى واليوم كـل ٍ كبهـا

هذي الاقه ياحامد وحدة قياس للوزن قديمه كانوا الباديه يقيسون بها

وماقلت ثقل وكيلو

والرجال قال الاقه والكيلو



واللي تولى عقبها ورع ٍ صغيـر=ينزل منازلهـا ويمشـي دربهـا

اللي تولى عقبها الكيلو يعني هو اللي جاء بعدها

ينزل منازلها في الميزان

يعني يجي في كفه والبضاعه في كفه

اتمنى وضحت الصوره واذا ما انت مقتنع بالحل ابشر بما يرضيك


كله الا زعلك على الغازي وقبلها على اخوك

الناااايف

[حامد الروقي]

انشدك عن عذراء لها دور ٍ كبير=في ما مضى واليوم كـل ٍ كبهـا

هذي الاقه ياحامد وحدة قياس للوزن قديمه كانوا الباديه يقيسون بها

وماقلت ثقل وكيلو

والرجال قال الاقه والكيلو



واللي تولى عقبها ورع ٍ صغيـر=ينزل منازلهـا ويمشـي دربهـا

اللي تولى عقبها الكيلو يعني هو اللي جاء بعدها

ينزل منازلها في الميزان

يعني يجي في كفه والبضاعه في كفه

اتمنى وضحت الصوره واذا ما انت مقتنع بالحل ابشر بما يرضيك


كله الا زعلك على الغازي وقبلها على اخوك

الناااايف



هههههههههههههههههههه

الله يطول عمرك يانياف ـ لا مقتنع مقتنع وكلي قناعه

وسامحنا لوقسينا عليك . ورشح لنا واحد يطرح لغز


تحياتي

[سعود السلمي]

الله يعطيكم العافيه جميعاا

تفضلوا هاللغز ان شاءلله انه سهل ماجلس معاي خمس دقايق كامله في تأليفه واخراجه وان شاءالله مايجلس معاكم اكثر منها في التفكير



انشدك عن رجٌال نايم على جنب = مايصحي إلا لين بالرجل ينداس
إهانته ماهي خطيٌه ولا ذنب = مع ان هذا الرجل بالحيل حساس

[جواهر عبدالله]

والله الحل باين عليه سهل
بس ... :مدري:

[جواهر عبدالله]

طيب هو بالسيارة ؟
أو من أغراض البيت ؟

[سعود السلمي]

فكري انتي عبقريه وراح تحلينه وهو موجود في واحد من الاشياء الي قلتيها

[جواهر عبدالله]

المشكلة اللي بالسيارة ما أدري وش اسمه بالضبط
بس خلنا نقول ( فرامل ) . :خجل:

[سعود السلمي]

هههههههههههه

تقصدين دواست البنزين والحل مو دواسة البنزين بس خلاص انا راح اعتبره حل صحيح لانه مو معروف لك .. الحل الصحيح هو عداد السرعه حق السياره مايتحرك الا مع دعست البنزين

مافيك حيله مع اني متعمد اجيب شيء سهل مايكون معروف لك تفاجئة بالحل منك بصراحه والمشكله اللغز ماله خمس دقايق >>> قام يلقط وجهه

صح لسااانك والله

[qp zaid db]

ماشاء الله .. مايمدي

[جواهر عبدالله]

والله يا هاوي كنت بقول ( دواسة ) بس ما هضمتها
قلت إيش دواسة !!
وقلت ( فرامل ) أقرب ..
بس ما عليه ، أهم شي وصلت .. حتى لو من بعيد :021:

[جواهر عبدالله]

ماشاء الله .. مايمدي

العبقري ما يحتاج وقت :مزون: .

[النوري]

هاااااااااااااااااااي ياجماعه

توني أجي<<تقول ماحد دورن.شرهه؟

ماشاء الله اللغاز فاحت أدخنته<<حشى بارود

أشكر كل المتواجدين والغير متواجدين.واللي حضر.واللي ماحضر..

وأخصكم كلكم..بالتحية والتقدير..

[نياف العتيبي]

هلابك يالنوري

وين تغطسين

حياك ربي

الناااايف

[النوري]

هلابك يالنوري

وين تغطسين

حياك ربي

الناااايف


المهلي مايولي

النااايف

مشكلتي ماعند الوالده نت..<<في حال بر ويك إندي:مزون:

[محمد نايف العتيبي]

اقتباس المشاركه الاصليه بواسطه : هاوي قصيد . محمد نايف صراحه مالك داعي انت يالعتيبي يبيلك لغز لك لحالك تحله انت , ولازم نحاسبك على غيابك . (هذي مشاركه هاوي ).


.

رد اقتباس


هاوي هلا وغلا والله ياخوك اني منشغل ومثل ماقلت لك اللغاز ماشالله انت ماخليت شي لي احله << لا تورط نفسك .

ومن اليوم بكون متابع ومتواجد يالغالي ...



حامد . نياف . جواهر . النوري . من بعد ...الخ

الله يعطيكم العافيه

<< يقول اهب يانياف انت واللغازك ههههههه



دمتم بخير يالغالين


محمد

[سعود السلمي]

محمد نايف العتيبي

ههههه أقتباس موفق كأنك تقرا افكاري ونشوف اذا بتابع معانا أو لا .. وترا في حالة التقصير راح اعلم بالموقف الطريف الي صار عليك وقلته لي في الماسنجر أمس :dev:


ارشح اللغز الجاي للنوري اذا فاضية ..

[النوري]

محمد نايف العتيبي

ههههه أقتباس موفق كأنك تقرا افكاري ونشوف اذا بتابع معانا أو لا .. وترا في حالة التقصير راح اعلم بالموقف الطريف الي صار عليك وقلته لي في الماسنجر أمس :dev:


ارشح اللغز الجاي للنوري اذا فاضية ..




ماعندي مانع.قريبا اللغز القاتل .بشرط نعرف الموقف الطريف أول<ملقوفه::خجل:

[محمد نايف العتيبي]

ماعندي مانع.قريبا اللغز القاتل .بشرط نعرف الموقف الطريف أول<ملقوفه::خجل:


.

هلا يالنوري ارررحبي

.


هاوي ياويلك لو تعلم هههههههههه هذا مو موقف طريف هذا مصيبه طريفه :هاها:

[سعود السلمي]

محمد نايف و النوري

ودٌي اقوله بس وش يفكني من محمد نايف يهددني بالحذف من الجسر المعلق علشان كذا استسلمت :giveup:
وابغى اقولكم سرٌ بيني وبينكم بس لايدري محمد الشخص هذا ياما نكبني نكبات خلوها على الله >>> يتذكر كلامه يوم يقول انت ياهاوي نكبه :مزون:


في انتظار اللغز ياطويلة العمر والله يقويك

[جواد الحب]

ياحيالله من جانا >>>>هاجتن به :tongue:

الحقيقه والصراحه نكون واضحين مع بعض

يعني بين قوسين (على بلاطه ) >>> الرجال فاتح مقاولات :مزون::مزون:

ما لي ما للشعر لاكن نحاول معكم وش يضر :بفكر:

[النوري]

ياحيالله من جانا >>>>هاجتن به :tongue:

الحقيقه والصراحه نكون واضحين مع بعض

يعني بين قوسين (على بلاطه ) >>> الرجال فاتح مقاولات :مزون::مزون:

ما لي ما للشعر لاكن نحاول معكم وش يضر :بفكر:

جواد الحب

أرررحب يالطيب..

الشعر ..يتجلى في ذوق الذواقه أمثالكـ..

خلك معنا..جريب تستوي شاعر << قلبت إماراتيه:مزون:



ياهلا بضيف الرحمن..

شبـوا الدله

صبوا البخور

هلوا ورحبوا

[محمد نايف العتيبي]

افاااااااااااا

.

وين حامد , جواهر , نياف , سعود , النوري , الجمهور << حلوه الجمهور ههههههه


يالله اللغز الجاي عند جـواهـر ماقد شاركتي بـ لغز



دمتم بخير ياويل احد منكم يغيب

[سعود السلمي]

تسجيل حضور يابو ناايف

طالما اللغز اللحين عند جواهر من الحين اقولكم الي خايف على شعره لايدخل اكيد بيطلع اصلع ولا يهون الشيخ نيٌاف >> يتذكر الالغاز نياف

بما أن القسم حديث الافتتاح نتظر أفتتاحه بلغز من صاحبة الفكره في إنشاء القسم واللغز يعتبر شريط افتتاح نتظر افتتاحه من صاحبة المواهب المتعدده إذا سمح لها الوقت طبعاا