مشاهدة النسخة كاملة : عمدة الشعار ... لاهنت
سعود السلمي
29-01-2008, 10:26 PM
اذا فاضي ورايق ودٌنا نتسلا شوي وخذ راحتك في الرد على الوقت الي يناسبك
يامرحبا عدٌ نو ٍ هلت امطاره = يالين اشوف السيول يسيل واديها
ياعمدة الشعر مدري عمدة الحاره = الحاره اليوم محد ٍ ساكنن فيها
عمدة الشعار
29-01-2008, 10:38 PM
أبرك الساعات والطواريق اللي جمعتني بك ياهاوي
استلم لاعدمتك
ابك البقا ياعميلٍ مانسا جاره = ويامرحبا بالبيوت وحي بانيها
ياهاوي الشعر وهله جا بهم باره = وأنا اللذي كنت بالميدان اراعيها
الصقر البرازي
29-01-2008, 10:42 PM
الله الله الله الكبير سبحاااااااااااااااااااااا اانه
هاوي قصيد - خويي القديم -
عمدة الشعار - خويي الجديد -
صحت الالسن والقلوووووووووب
وانا متابع الى اخر رمق
واصلوا لاهنتم
لكم التحيه من : - الصقر البرازي الســــــــهلي
عمدة الشعار
29-01-2008, 10:45 PM
الصقر البرازي
الله يحييك ويبقيك وصح بدنك ونتشرف بمتابعتك يالغالي
سعود السلمي
29-01-2008, 10:50 PM
لي الشرف طال عمرك
الشاعر الي علومه تسبق اخباره = مايشرب الي يحوس الطين صافيها
وان كان حكٌت يمينه راحة يساره = ما عاد ياعمدة الشعار يسقيها
سعود السلمي
29-01-2008, 10:51 PM
الصقر البرازي
شرفت ونورت متابعتك شرف طال عمرك
صح بدنك لاهنت
عمدة الشعار
29-01-2008, 11:05 PM
يامكثر اللي يبيح السد واسراره = على لسانه ولا ظني بيكميها
اللملعبه حاسها منيرة وسارة = ولولاك ياصاحبي والله ماجيها
سعود السلمي
29-01-2008, 11:17 PM
شال النعش من يدق اليوم مسماره = ياصاحبي والله اعلم وش تواليها
ذبح البهايم ترا مافيه كفاره = لاترحم الي على النيشان ترميها
محمد نايف العتيبي
29-01-2008, 11:20 PM
الله الله
.
.
هنا اوقف واتابع بكل دقه وكل سرور في محاوره من الوزن الثقيل
الشاعر : هاوي قصيد حي والله هالراس صح لسانك على المبدا الجزل والكايف
الشاعر : عمده الشعار حي والله هالراس وصح لسانك على الرد الجزل
.
.
واصلوا الين تفيض الصفحات
وكلكم على عيني وراسي والصف ازهلوه يالثنين
دمتم بخير
سعود السلمي
29-01-2008, 11:23 PM
محمد نايف العتيبي
وانا اقول النور من وين جاي ههههههه
يالله حيه اسفرت وانورت شرفت طال عمرك
صح بدنك لاهنت يالذيب
عمدة الشعار
29-01-2008, 11:28 PM
الطير مايشبعه ياكود منقاره = ولياك لاتبيعها ولياك تشريها
أطهر من الماسة وانجس من الفارة = ياهاوي الناس كاثرةٍ بلاويها
عمدة الشعار
29-01-2008, 11:30 PM
محمد بن نايف
مرحبا مليووووووون
نورت المتصفح وشرفتنا بمرورك وتواصلك
تحياتي لك
منصور السبيعي
29-01-2008, 11:51 PM
ياسلام .. ياسلام
صحت السنتكم يالشعار
متااااابع
سعود السلمي
29-01-2008, 11:52 PM
عود الخشب مايقصه غير منشاره = واللقمه الي في حلق الطير مابيها
من بعد ما طاح بيت الشعر وجداره = النفس عافت خلاص اليوم طاريها
سعود السلمي
29-01-2008, 11:53 PM
منصور السبيعي
صح بدنك لاهنت
عمدة الشعار
30-01-2008, 12:07 AM
ياهاوي الشعر ما ماتت سنا ناره = مثايلٍ من شطون الفكر ناقيها
وانا بعد جزت من ذولاك والشارة= العالم اللي تلاحيني والاحيها
هاوي قصيد يعلم الله بأنني تشرفت باللعب معك
صح لسااااااااانك فلسموك أرق التحايا
وتصبح على خيــــــــــر
عمدة الشعار
30-01-2008, 12:10 AM
هلابك يامنصور
صح بدنك ولاهنت على المرور
سعود السلمي
30-01-2008, 12:10 AM
الشرف لي طال عمرك وافي ماقصرت يالذيب
صح بدنك وتصبح على خيرر
ربح السبيعي
30-01-2008, 01:12 AM
هاوي قصيد وعمدة الشعار
صحت السنتكم على هالطاروق الرائع
لاهنتو جميعاً
ضيف الله الحميدي
30-01-2008, 08:24 AM
صح لسانك هاوي
وصح لسانك ياعمدة الشعار
وعساكم على القوه
واصلو يامال العافيه
ومتابع
سعود السلمي
30-01-2008, 10:50 AM
ربح السبيعي
صح بدنك شرفت ونورت لاهنت
ضيف الله الحميدي
صح بدنك شرفت ونورت لاهنت
عمدة الشعار
31-01-2008, 02:18 AM
ربح السبيعي + ضيف الله الحميدي
لاهنتوا على مروركم وصحت أبدانكم
حســــام
01-02-2008, 09:52 AM
محاوره قويه
صح السنتكم
واصلوا
لكــــــــــــــم حبي
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir