ياســـــام 6 ،، اهداء للنجم الاسطوري سامي الجابر وعشّاق الهـــلال

[وجــــدان]

السلام عليكم ورحمة الله وبركاته

أبيات قلتها في وداع نجم الهلال والكره السعوديه المعتزل سامي الجابر

هي لاتفيه حقه ولكنها مشاركه بسيطه مني


ان غاب سامي يحضر ألفين سامي=ماينضب هلال الفرح والبطولات
ياسام 6 لو تموت الأسامي=مامات ذكرك يا احمر العين مامات
ضاري على الهدّات والكف دامي=مرمى خصومك به كثير العلامات
ياذيب يامدمي الكبود الضوامي=رايتك بيضا ياخويّ المنصّات
ياما حسمت القول واللعب حامي=ياجابر بفنّك من اللعب عثرات
سامي بفّنك وبتعاملك سامي=من أول أيامك وحتى النهايات
تستاهل اليونايتد في الختامي=ويستاهل هلال الفرح والبطولات

تحيتي للكل

[خــــالـــــد]

وجـــدان
ـــــــــــــــــــــــــ ــــــ
صح لسانك ملايين يا وجدان

وتسلم يمينك على القصيدة الراااااااقية

بيّض الله وجهك ..

ولاهنتِ
ـــــــــــــــــــــــــ ــــــ
أخوكـ/خالد

[أحمد السكران]

وجدان
صح لسانك
ولبيه يالهلال كل ابوه

[نياف العتيبي]

الله

الله

راااااائعه ياوجدان

اشهد انك وفيتي يالشيخه

صح لسانك

ولاهنتتتتتتتي


ماخليتي شي ياوجدان والله يعين اللي بيكتبون لاحمد جميل في اعتزاله
الطريق امامهم صعب

ههههههههههههههههههههههههه هههه



النااااايف

[احمدالعارضي]

ياسلام ياسلم
يستاهل سامي القصيده الجزله
وتستاهلين الشكر على القصيده

[وجــــدان]

وجـــدان
ـــــــــــــــــــــــــ ــــــ
صح لسانك ملايين يا وجدان

وتسلم يمينك على القصيدة الراااااااقية

بيّض الله وجهك ..

ولاهنتِ
ـــــــــــــــــــــــــ ــــــ
أخوكـ/خالد


هلا فيك ياخالد

صح بدنك ولاهنت على حضورك الجميل

تحيتي لك

[وجــــدان]

وجدان
صح لسانك
ولبيه يالهلال كل ابوه

الأخ أحمد السكران

هلا ومرحبا بحضورك العطر وصح بدنك

لاهنت

تحيتي لك

[وجــــدان]

الله

الله

راااااائعه ياوجدان

اشهد انك وفيتي يالشيخه

صح لسانك

ولاهنتتتتتتتي


ماخليتي شي ياوجدان والله يعين اللي بيكتبون لاحمد جميل في اعتزاله
الطريق امامهم صعب

ههههههههههههههههههههههههه هههه



النااااايف

هلا ومرحبا بالشيخ نياف

صح بدنك ولاهنت

ههههههههههههههههههههههههه هههههههههه

أنا ممكن أكتب عن أحمد جميل ومحمد نور وأي نمر اتحادي بس كم تدفع أمل عبدالعزيز ومنصور البلوي

خلنا نشوف وش رأي أمل وممكن نراعيهم بالأسعار اذا أكثر من لاعب

ههههههههههههههههههههههههه ههه

تحيتي لك يانياف ولردك الرائع

[أمل عبدالعزيز]

الله الله....

الشاعرة الحبيبة والمبدعة دوماً وجدان ...
.

رغم إني ما أواطن الهلال ولا لاعبيه ولاجماهيره بعيشة الله كذا من ربّي لكن والله إبداااااع

قصيدة مركّزة إختصرتي مسيرة نجم في سبعة أبيات...

صح لسانك وقلبك ونبضك يامبدعة

نرجع للمهم ...

أنا بناءً على ردّك على الأخ نيّاف أجريت إتصالات ومشاورات مع أعضاء شرف نادي الإتحاد وعلى رأسهم الشيخ منصور البلوي وأعطوني كافّة الصلاحيات في التشاور لتوقيع عقد إحترافي معاك لمدّه خمسة سنوات كشاعرة محترفة لنادي الإتحاد وشروط العقد المبدئية هي ....

1 - مقدم عقد خمسة ملايين ريال وفلّة في ( الكرنتينا ) أرقى أحياء جنوب مدينة جدّه عشان تعيشين الأجواء من قريب وتبدعين يامبدعة
2 - سيارة فياغرا 2008 أصفر وأسود مع سوّاقها الأصفر وأسود عشان مايدل في الكرنتينا إلا هم وخمس حاجات مرافقات معاك ببسطاتهم قدّام الفلّه ومنها حراسة وحماية لك .
3 - راتب شهري 25000 ريال غير مكافآت الفوز
4 - 20000 ريال على كل قصيدة اعتزال لأحد لاعبين الدرجة الأولى و 15000 لدرجة الشباب و 10000 للناشئين والبراعم واذا كان إعتزال جماعي 17500 على الراس .:wink:
5 - بالنسبة للأهازيج الخاصة بالجماهير في الملعب نبي منّك تركزين على البحور القصيرة الطربية مثل الهجينيات والكسرات من نوعية ( ون ون ون الاتي نمبر ون ) و ( أوووه يالإتي ياموج البحر ) و ( اشبكم كدا انكتمتوا // كتمة الفول المدمّس ) ( ياكريم ياكريم يالله على بابك ) هيك شغلات نقّازيه مانبي بحور شيباني ومنكوس ثقيلة على صالح القرني وفرقته الله يوفّقهم ههههههههههههههه وبنصدر لك ديوان صوتي في نهاية الموسم لجميع الأشعار :harp:.
6 - 500 ألف ريال في حال إحراز بطولة محليّة ومليون ريال للبطولة الخارجية طبعاً مقابل قصائد الفوز بما لايقل عن 25 بيت للقصيدة ...
7 -في الإجازات تذاكر سفر بالدرجة الاولى لك ولعائلتك الكريمة لإحدى الدول الأفريقية ( تشاد , نيجيريا , النيجر , غانا ) مع مصاريف السفر والسكن في فنادق خمسة رخوم ههههههههههههههههههه:واو:
8 - في حال موافقتك أرسلي لنا فاكس عشان نرسل لك طائرة الشيخ منصور الخاصة تجيبك انتي وعائلتك الكريمة لتوقيع العقد واستلام الفلّة وبنعطيك معها بيت شعبي جنبها للحاشية المرافقة .
9 - في حال إعتراضك على شروط العقد أو عندك طلبات ثانية وضحيها لنا لو تكرمتي .:harp:
أمل بنت عبدالعزيز / المتحدّث الرسمي لنادي الإتحاد

[محمد بن ضاوي]

ماراح ارد

ماراح ارد

ماراح ارد



اصلا انا ماني مشجع هلالي



بس جيت بشوف وش يكتبون عنه جماهيره








سي يو كم == كلكم ههههههههههههههه

[راشد الهويمل]

والله إني نصراوي
و عندي حساسية من الهلاليين

لكن

صح لسانك يا وجدان

[فالح المصعوك الغنّامي]

كفووووووووووووووو اختي وجدااااان

يستااااهل الهلاااال وسام 6

<---- مشجع هلالي متعصب :واو:

صح لسااااااااااانك وخلّي احمد جميل يدور من يكتب له هههههههههه

[مسلط المغيري]

امل عبدالعزيز شروطك ولله طيبه بس ليتها توافق



بس احكاية كرانتينا هذي والله صعبه ههههههههههههههه


نبي احياء الحمرا والي جنبها وانا بكون مع الاخت وجدان


في المفاوضات


القصيده طيبه والشاعره طيبه


صح لسانك كثر جمهور سامي

[نايف عبدالله العتيبي]

.

وجدان

صح لسانك

وسامي أسطوره كرويه لن ينسوه الهلاليين ولا غيرهم ^_^

تقبلي المرور والأعجاب

أخوكـ

[أبوعبدالرحمن]

ياذيب يامدمي الكبـود الضوامـي
رايتك بيضا ياخـويّ المنصّـات
ياما حسمت القول واللعب حامـي
ياجابر بفنّك من اللعـب عثـرات



صدقتي


ويستاهل ابوعبدالله


صح قلبك وكلك ياوجدان


وسلمت اناملك اختي


تحيتي لك

[حامد الروقي]

صح لسان الشاعره المبدعه / وجــــدان

http://64.85.164.48/2007-2008/images/bg/sami_bye.jpg
ان غاب سامي يحضر ألفين سامي
----------------------ماينضب هلال الفرح والبطـولات
ياسـام 6 لـو تمـوت الأسامـي
---------------------مامات ذكرك يا احمر العين مامات
ضاري على الهدّات والكف دامـي
---------------------مرمى خصومك به كثير العلامات
ياذيب يامدمي الكبـود الضوامـي
----------------------رايتك بيضا ياخـويّ المنصّـات
ياما حسمت القول واللعب حامـي
--------------------------ياجابر بفنّك من اللعـب عثـرات
سامـي بفّنـك وبتعاملـك سامـي
--------------------------من أول أيامك وحتـى النهايـات
تستاهل اليونايتـد فـي الختامـي
-------------------------ويستاهل هلال الفرح والبطـولات




تستحق وسام افضل مشجع هلالي لعام 2008

اما بالنسبه للتحليل الفني للقصيده فهي كتاتي ....ههههههههه

1ـ جاء ذكر حرف السين في القصيده ـ ثمان مراتـــــــــــــــــــــ ــ8
2- وجاء ذكر حرف الألف في القصيده ( 55) مره
3ـ وجاء ذكر حرف الميم ( 29) مره
4ـ وجاء ذكر حرف الياء ( 27) مره

النتيجه ( س من السرعه و الألف من الابداع والميم من المراوغه والمكر والدهاء و الياء هي تعني النهايه او النتيجه الايجابيه .
وكلها في سامي


<<<<<< بتقولون تعب في عد الاحرف

للتاكد عدو حروف القصيده .

تحياتي


حامد

[فايز ماجد]

ياسلام ياوجدان

هالقصيدة تعبر عن شعور كل هلالي

ويستاهل ابوعبدالله

وانتي ابدعتي

كعادتك

شاعرتنا

صح لسانك ملايين

لاخلا ولاعدم

[محمد نايف العتيبي]

الله الله

آآه ياسامي


وجدان :

صح لساااااااااااااانك مليوووون ولا يكفووون


ابيات في قمه الروعه والجمال



دمت بخير


محمد بن نايف

[فهد المهوس]

ياسلام عليك

يستاهل ابو عبدالله

ويستاهل الزعيم اللي مهما كتبنا قليل بحقه

صح قلبك ياوخيه ولاهنتِ

[مضحي السميري]

سامـي بفّنـك وبتعاملـك سامـي
من أول أيامك وحتـى النهايـات



والله انا احترم شخص سامي


واخلاقه


بغض النظر عن الهلاال وتقليعاته

وابو زنده وفزعااته



-----------

وجدان


صح لسانك

مدد

فائق

احترامي

[مها الحسن]

هلالية ياستااذة؟

خسارة كل شي توقعتك تسوينه الا انك تشجعين الهلااال :زعلان:
ودي اقول صح لسانك
لكن خسارة في الهلال هههههههههههههه<<< متعصبة اهلاوية
ولاااااكن صح لسااانك على القافية

[دفا المشاعر]

http://www.arb-up.com/files/arb-up-2008-1/1F686000.gif

الشاعرة المتألقة والمبدعة دوماً /

،, وجدان ،,

قصيدة رائعة وجميلة في حق اللاعب السعودي القدير

# سامي الجابر #

أنا شخصياً من زمان أحب نادي الهلال ولاعبيه لأنهم مميزين
ببطولاتهم وروحهم العالية وتفانيهم من أجل إحراز أفضل النتائج

ولا هانت جميع النوادي السعودية وفي إنجازاتها وعطاءاتها

نسأل الله التوفيق لـ سامي في الدنيا والآخرة

وصح لسانك وقلبك وروحك مليون ولا يكفون يالمبدعة

وبيّض الله وجهك

لا عدمنا جديد شعرك المعبّر والعبق والمبهر

فائق احترامي وتقديري

[سلمان المسدر]

يستاااااااااااااهل الأسطوره ......

لاهنتي على هالقصيده ......................

بس ألفين سامي !!!!!!!


نبي واحد زيه بس ......


صح لسانك