محاااورة وداعية :(

[مها الحسن]

:يمه:

استلم يامن ستقابلني :11utup:


لاسلام ولا كلام = مايجي غير الملام
وان تلاقينا سلام= ياقوافينا تعالي


اشوف الناس حيرانه تدوّر من يداويها = عرب تضحك عرب تبكي زمن وش غير احواله؟
خلايق مانجاريها وضاعت في خطاويها = الا يالله ياخالق تعين اللي شقا حاله

[سعود السلمي]

الله الله

صح لساانك عاد اذا قاف وداعي مانسمحلك أبداا تروحين

وصح لساانك الشاعر المقابل مقدمااا

[مها الحسن]

ضاقت النفس ياهاوي وخلها على ربك
صح بدنك ولاهنت
ولاهان راسك يالقرم

[الجرح أرحم]

قصيده حلوه تسلم يمينك
مشكوره على المرور الحلو
نتمنى الجديد انشاءالله
تقبلي مروري

تحياتي
واشواقي

[مها الحسن]

هههههههههه
الجرح ارحم ضحكتني وانا نفسي مسدودة
خير ان شاء الله شكلك مضيع الطريق وتحية واشواق ههههههههه

[فراج العتيبي]

بمناسبه القاف الوداعي اقول



ان كان نفسك طايبه يامها الحسن = اخذي علومك عندنا من قصيّر
فالنت مايحتاج دستور أو اذن = كلن ترى يابنت فأمره مخيّر


وصح لسان قبيلك ولسانك مقدما


اخوكم

[مها الحسن]

صح بدنك
وصح لسانك
ليه ماكملت يامفكر؟ وحاورت؟؟:زعلان:
بانتظر المقبل ويمكن يطول الانتظار لان مها الحسن صارت مشكلة القرن:يمه:

[فراج العتيبي]

>>>>>>>مطوع مايحاور بنات

[عمدة الشعار]

>>>>>>>مطوع مايحاور بنات

هههههههههههه

جزاك الله خير


وصح لسانك ولسان قبيلك مقدماً

[فراج العتيبي]

عمدة الشعار عينت قصيدة البارح راحت من صيد امس ههههههههههه

[ضيف الله الحميدي]

صح لسانك يالمهايابنت الحسن

اما الوداع ماحنا سامحين لكي والموضوع هذا شيليه من راسك

انتي شاعره وصفحاتك دائما لها قيمتها

ولكن وش الاسباب للوداع مع العلم اني اكره كلمه وداع

اخوك/ الحميدي

[عمدة الشعار]

عمدة الشعار عينت قصيدة البارح راحت من صيد امس ههههههههههه


ههههههههههه


علمتك مير انت ماسمعت العلم
والله يامثلها اني ماحطه بسم مستعار

[علي الاسلمي]

ههههههههههههههههههههه

والله الشي الي اضحك اوالرد الي مريتي عليه



اضحكني معك



اختي الوداع صعب وامل التفكر قبل اتخاذ القرار


وسعي صدرررررررك


تقديري لك

[برقان]

السلام عليكم ورحمة الله وبركاته




من خفاها لا خفاها=قسّمت والله عطاها
وان لقاها ما لقاهــا=يــــاقوافينا تعالـــــي



تماضر من تفانيها تناظر في مواريهــا=على المخراج والمدراج خياله ورحاله
بيبقى عـــالم الأرواح لا عدت ثوانيهـا=ومن في حيرته منصاب يتغنى بموالـه

[محمد نايف العتيبي]

مها الحسن

صح لسااااااااااانك ولاهنتي


اما سالفه الوداع

انا اول واحد بيوقف ويرفض , ماني بسامح لك مررره لا تجادلين


بس استمري عشان اتحاور معك هههههههه << يغريها هههههههه



ودمتي بخير


محمد بن نايف

[مها الحسن]

خلوووها:زعلان:




مابغينا ولابكينا= ماضحكنا ماشكينا
يازمن صبرك علينا= ياقوافينا تعالي


تماضر عافت الحاضر ولابه من يساويها = تظن الغير مايخدع وعانت من هل القاله
بشر تحسد بشر تظلم وتاهت في هقاويها = مصير الحي يتلاقى ونكشف ناس حيّاله

[مها الحسن]

صحت ابدانكم


شرف متابعتكم يالغالين


لاهنتواا


:يمه:

[الصقر البرازي]

الله الله لله الكبير سبحااااااااااانه



الليل الليل -- الداب الداب -- الغراب الغراب


جاك جاك -- كلاك كلاك


صحت القلوب وسلمت الالسن وتعافت الابدان


متابعين الى اخر رمق

[مها الحسن]

هههههههههههه

يه يه ياصقر

والله ولك وحشة

خليتني اضحك غصب

هههههههههههههه

[ضيف الله الحميدي]

خلوووها:زعلان:




مابغينا ولابكينا= ماضحكنا ماشكينا
يازمن صبرك علينا= ياقوافينا تعالي


تماضر عافت الحاضر ولابه من يساويها = تظن الغير مايخدع وعانت من هل القاله
بشر تحسد بشر تظلم وتاهت في هقاويها = مصير الحي يتلاقى ونكشف ناس حيّاله



صح لسانك يالمها


وصح لسان برقان

متابع

ومتابــع

[برقان]

صحت ابدانكم





الكتاب اللي فتحته=والشعور اللي اقترحته
ما قريت النص تحته=ياقوافينا تعالي



ثلاث أرباع من واحد وعُشر الخمس ثانيها=وثالث ناصف الرابع على مده ومكياله
ومن يحسد بشر يُحسد ومن يظلم مصافيها=يجمع ناتج الارقام كسب ماله خسر ماله

[مها الحسن]

خلوووووووووووووها


المعاني ماتغيّر= والبعض فينا تحيّر
والجزل معنا مخيّر= ياقوافينا تعالي


قليل اللي لقيناهم يسوقون الوفا فيها= وربع الخمس يابرقان يشد الناس بحباله
كتبنا اعذب معانينا وضاع اللي يباريها = جزيلة قابلت واحد وضيّع قافه اخباله

[برقان]

ناقض المعنا بمعنا=والبحر موجه جمعنا
غطرفت من غير معنا=ياقوافينا تعالي




تماضر وصل من ذات المحاسن نص من فيها=تقول ان كان برقان اللتحف ناره لقى فاله
كتبتي من غذابك جملة(ن) شلت قوافيها= وعذب الشعر ما يكتب على صفحات منشاله

[مها الحسن]

خلووها



توه الليل وبروقه= جاه نجمٍ مايروقه
وبيّن الحرف وفروقه= ياقوافينا تعالي



ترى المنطق يقول النار تاكل رجل واطيها=ولو برقان يتركها تراه الليله اشواله
وروحي مايعذبها سوى ناسٍ تجاريها = تظن الشعر في شيله وماللشعر كيّاله

[عبدالعزيز نايف]

مها صح لسانك وصح لسان برقان محاورة رائعه وجزله


مها وش السوالف هذي وداعيه وما وداعيه لاعاد اسمع السوالف هذي مره ثانيه توحين
والا علي الطماط ان رحتي اني لاعتزل المحاورة

[برقان]

الاخ عبد العزيز

صح بدنك



فسريها فسريها=بالمعاجم وافهميها
وان عجزتي ترجميها= ياقوافيها تعالي




مها بنت الحسن من همها غصت مصاريها=تشيل الهم فوق الهم وهي للهم حمّاله
فروضك لا وقع بك حال لا تنسي تصليها=وصومي لا قضيتي بعد نور الشمس وضلاله

[محمد نايف العتيبي]

الله الله


محاوره كايفه


مها الحسن صح لسااااااااااانك مليووون ولا يكفوووون

برقان صح لساااااااااااااااااااانك لاهنت



واصلوا


دمتم بخير

[مها الحسن]

خلووووووووووووها

:واو:


ضيّع عميلي حيلته = وضاعت معاها شيلته
الله ماكبر ميلته = ياقوافيها تعالي







اشوفك قمت تقلبها وغارت بك مساريها= حمولك زادت شويّه وظهرك صار جمّاله
مكاتيب القدر واجب نحارب من يعاديها = تريث والزم حدودك وشعرك طيّب اقواله

[مها الحسن]

صحت ابدااانكم


ومروركم يالذيابة شررررررررررررف

لاهنتووووووووووو


الليل الليل


الديب الديب


الداب الداب


الضفدع الضفدع

ههههههههههههههههههههههههه

[برقان]

الاخ محمد

ولا هنت




قرطمه من برطمه= ياعلي يافاطمه
من عشاها مقطمه=ياقوافيها تعالي





دخيل الله لاجل من حب شعرك لا تطفيها= ابيها نار ما تخمد وابيها حرب محتاله
ياحلو الدم من جرحك ودلالات معافيها= ياطيبك وانتي ما تدرين بالخافي ومرساله

[مها الحسن]

:11ap::11ap::11ap:

خلوووها


خربطه في خربطه = يعني صارت بربطه
برقان جا في مربطه = ياقوافيها تعالي




اذا خربت بخرّبها واذا صلحت بسويها=واذا قامت عليك الحرب تصبح حالتك حاله
ترى عمتك يابرقان تعرف من بناخيها=وانا بنت الرجال اللي مبانيها على الطاله

[برقان]

تهتي بالمعنا سلف=والخلف يلحق سلف
واحسبيها لك سلف=ياقوافيها تعالي



بعد بدري على مثلك وانا عمك وادويها=حروبي ما بتقويها ولا ترقين للقاله
وفروت راسك العالي على متنك تفليها= اذا ما تفهمين القصد لا تبكين ياخاله

[احمدالعارضي]

ههههههههههههههههههههههههه ههههههههههههههههههههههههه ههههههههههههههه
ههههههههههههههههههههههههه ههههههههههههههههههههههههه هههههههههههههه
ههههههههههههههههههههههههه ههههههههههههههههههههههههه ههههههههههههههه

صحت السنتكم
الحرب مشتعله
اوخص يامها ياقو قلبك
والله لايحطني في يدك ههههههههههه
والله يعينك يابرقان شد حيلك الليل الليل

[مها الحسن]

برقان ماودي انك تخربها ولكن لابد من الخراب خذ الرد :11ctor::11ctor:



برقان يامال التلف=ماتت حروفك في ملف
ولابقى لك لو00 علف=ياقوافيها تعالي


خضيري صار يتعمم وعمّه فوق يلويها = حروبه في عصايدها وطار الصقر بهلاله
ابيك توفر زنودك لمن هو معك يغويها = مها بنت الحسن قالت ( بريقي ضيع عقاله )

[مها الحسن]

احمد لاتشيل هم مها
بنت ابوي انا وافهمها وهي طايرة

وبعلقه بقرونه اللي فلها هنا

هههههههههههههههههه:واو:

امسك الصف لاهنت يالذيب



القطو القطو


الثور الثور


كلاك كلاك


جاك جاك


ماك ماك

هههههههههههههههههههه

[محمد نايف العتيبي]

اذا خربت بخرّبها واذا صلحـت بسويهـا
واذا قامت عليك الحرب تصبح حالتك حاله
ترى عمتك يابرقان تعرف مـن بناخيهـا
وانا بنت الرجال اللي مبانيها على الطاله

ههههههههههه مجرمه يامهاوي

.

خضيري صار يتعمم وعمّـه فـوق يلويهـا
حروبه في عصايدها وطار الصقـر بهلالـه
ابيك توفر زنودك لمن هـو معـك يغويهـا
مها بنت الحسن قالت ( بريقي ضيع عقاله )

ههههههههههه مهاوي انسي انك تودعينا والله ماتروحين فتر




صح لساااااااااااانك ولاهنتي وازهلي الصف دبل


صح لساااااااااانك برقااااااااان ولاهنت يالجزل




الليل الليل


الداب الداب


جاك جاك





دمتم بخير

[مها الحسن]

هههههههههههههههههههه


محمد خلاص معاد به وداعية بلزق هنا هههههههههههه

:واو:


امسك الصف

ولاتخاف على مهاااوي


ناوية على الشر مافيها كلااام

:واو:


الليل الليل



الداب الداب


هههههههههههههههههههههههه

[برقان]

وفقكم الله



الخراب اللي تبينه=بان لك من غير بينه
وانقفل باب المدينه=ياقوافيها تعالي






على الداخل على الخارج ويا مكثر ملافيها=وحراس القبو قامت تنظم موعد الغاله
عفيتك يا مها روحي ولكن لا تعيديها=وخلك في فضاء الغاله وخلي الشعر لرجاله


برقان(2008)

[مها الحسن]

:11sted_re:11sted_re


مالك خاتمة يابرقان من شفتك

استلم



برقان جاب لي ربعه= نصهم زيدٍ و ربعه
شينهم من شين طبعه= ياقوافيها تعالي


:11ctor::11ctor:



عرفت انك ضعيف القوم لك الله مااعديها = وحراس القبو عندك عطاهم صاحبك ماله
ابعفي عنك واسمح لك وخلك في مواديها = وخل الشعر ودلاله لمن هو طاب فنجاله

[مها الحسن]

هههههههههههه

وافي ماشاء الله على طووول شهادة شكر والله ماناقص غير تجيب لنا خطاب

هنا حسن سيرة وسلوم للاخ برقان ههههههههههههههههههه

بعدين مين قال لك اني متكبرة؟ ولا حكم قرقوش هههههههههههههههه

ترى راس مالها محاورة وشوف ردك كيف جا ماخليت احد ماحارشته هههههههههههههه

امسك صف برقان والباقي علي ههههههههههههههه

[مها الحسن]

اوووووه نسيت


الليل الليل



الفجر الفجر



الشاهي الشاهي


الدوام الدوام



الداب الداب


كلاك كلاك


جاك جاك



ههههههههههههههههههههههههه هههههه

[مها الحسن]

انا قررت الحين بناء على مشورة صديق مخلص


ماحاور الا اسماء صريحة


اللي يبا يحاور مها بنت الحسن يجي باسمه


اما اللف والدوران ذا غير مقبوووووووول لدينا<< قرارات حكومية:واو:

يسجل الواحد بخمسين اسم ويقعد يلعب يمين ويسار لااااااااا


ههههههههههههههههههههههههه هههههههه

[ضيف الله الحميدي]

انا قررت الحين بناء على مشورة صديق مخلص


ماحاور الا اسماء صريحة


اللي يبا يحاور مها بنت الحسن يجي باسمه


اما اللف والدوران ذا غير مقبوووووووول لدينا<< قرارات حكومية:واو:

يسجل الواحد بخمسين اسم ويقعد يلعب يمين ويسار لااااااااا


ههههههههههههههههههههههههه هههههههه




قرارر صائب
وتمنى لك التوفيق يامها

اتمنى فالحقيقه من جميع الشعراء

ان نراهم باسمائهم الحقيقيه لان هناك شعراء بمعني كلمة شعراء

يجيدون الرد ويتميزون فالمحاوره والمعاني ولاكن للاسف لانعرف اسمائهم

انتمنى من الله العلي القدير ان يوفق الجميع