لا تصدقوا فهد بن خالد أبدا أبدا أبدا !!!

[الاهلي الراقي]

للأسف كلنا شايفين كيف إعداد الأهلي لهذا الموسم .. لا جديد تخبطات وأخطاء مكررة كل موسم ويا قلب لا تحزن .. وللأسف هذا الموسم زادت الأخطاء ورجع طموحنا ألف خطوة للوراء .. وأشك في إنو الفريق راح يكون منافس قوي على الآسيوية والدوري هذا الموسم ..

المهم ..

تعودنا من الرئيس المتخلف إداريا فهد بن خالد هجومه السنوي على التحكيم واللجان في حال كانت النتائج سيئة وأنو هناك مؤامرة تحاك في الخفاء ضد الأهلي وغيره من هياطه الكاذب ..

يا جماعة والله فهد بن خالد من خلال تصاريحه هذي يبغى يصرف نظرنا عن تخبطاته وأخطاؤه اللي جالسة تكرر كل سنة بدون أي استفادة منها ..

مو معقول كل موسم .. الأهلي هو فقط المحارب .. النصراويين كان يرددوا هذي الشماعة .. ولكن بعد ما جهزوا فريقهم وتفرغوا لناديهم حققوا الدوري والكاس في موسم واحد ..

واحنا لما متى يخدعنا فهد بن خالد بتصاريحه هذي ؟! لازم نوقفه عند حده .. خلاص يا جماعة ما عاد فينا نصبر أكثر من كذا ..

32 سنة بدوي بطولة دوري .. ودولاب النادي مافيه أي بطولة قارية لكرة القدم .. يعني تاريخنا جالس يتشوه كل سنة ...

شفتوا كيف جمهور الأتحاد وقفوا وقفة وحدة ضد الجمجوم وإدارته لما شافو النادي نازل للهاوية .. وإحنا إيش نتظر ؟؟

أتمنى أتمنى من كل قلبي .. اللاعبين والمدرب والمحترفين يخالفوا توقعاتي ويحققوا نتائج ومستويات مرضية ولكن .................... ...... !!!!!!


الله يكتب لأهلينا كل خيييييير في الموسم الجديد يارب