شعر العمر يمضي

[الاسهم السعودية]

خذ من علومي ما يفيدك لدنياك
واللي تفيدك حزة الموت فدها
والله من شر البليات ياقاك
ويحسن ختامك قبل تسكن لحدها
العمر يمضي والمنايا تعداك
ولابد في يومٍ توافق وعدها
وش فايدة عمرك إذا خاب مسعاك
وأخطيت جنات الخلود ورغدها
دنياك ما تصفي لهذا وهذاك
كم واحد خذها ولا طال امدها
حث الخطى لرضا إلاهك ومولاك
ترضى وتلقى في حياتك سعدها
هذي نصيحة من على الخير وصاك
النفس بالطاعات والخير زدها
العمر يمضي والمنايا تحرّاك
ياغافل الأيام ينقص عددها