تسجيل الدخول

مشاهدة النسخة كاملة : طبع الردي


عذب المشاريب
19-01-2008, 09:54 PM
اليا تردى حظ غيرك وعاداك=خله يحس بحسرته وأنهزامه
هذا ردي الحظ لنته وشرواك=بمثلة ولاتلحق عليك الملامه
ياكثر هرجه يوم يذكر خطاياك=يبغى يزين مجلسه مع مقامه
قصده يشوة صورتك مع مزاياك= ويرقى على كتفك براس العدامه
ويغضب ليامنه سمع ذكر طرياك=ويصيبه الوسواس وأيضاهيامه
وليا تفاجا في قدومك ولقياك= ينسى صلاثه والوضو مع صامه
ماوده أنك في طموحك وعلياك=تاصل مواصيل الكرم والهامه
ولاوده أنك عند ذولا وذولاك=كساب لناموس علم وعلامه
وليا بغى نفعتك ينسى ويلفاك=أعذب كلامن ينطق من كلامه
حلون نباه لياعطيته عطاياك= وليا مشيت بمشيته وأنسجامه
وليا نصيته في طاليب ماجاك= فام يتعذر يرتجي للسلامه
واليا جفيته جفوتن قام ينعاك=عندالرجال مطوعين الجهامه
ماكن وقفاتك وعزمك وممشاك=اللي مشيته مع دي الشهامه
خلة يولي لايهمك لياجاك=هذاردين مايساوي نخامه
شعر \فهد بن محمد الرحيمي
محمد الروقي
19-01-2008, 10:29 PM
اخي عذب المشاريب

سلمت على النقل الطيب وصح لسااان فهد الرحيمي

وسمحلي بنقلها عساني ما اسمع بيومك لحملها اسم مستعار

تقب تحياتي وتقديري
مسلط المغيري
19-01-2008, 10:29 PM
الرحيمي


صح لسانك


نص جميل ورائع


لاهنت طال عمرك
محمد نايف العتيبي
19-01-2008, 10:34 PM
اخوي عذب المشاريب تم نقل القصيده فالمكان المناسب

وصح لساااااااانك


دمت بخير
عتيق الجرح
21-01-2008, 12:56 AM
صح لسانك أخوي عذب المشاريب

وأنتظر جديدك


وعلى المحبة نلتقي ,, ,
زهرة الخزاما
21-01-2008, 03:39 PM
صح لسانك اخوي عذب المشاريب
بصراحه القصيده كلها عاجبتني فما حبيت اقتبسها وحبيت اقراها مره تلو المره

دمت بكل خير
عذب المشاريب
21-01-2008, 08:20 PM
إلى زهرة الخزاما أتقدم لكم بجزيل الشكروالعرفان على قرائتكم لقصيدتي طبع الردي وإبداء رائيكم وإعجابكم بتلك القصيدة وأشكر كل من أبدى أعجابه بها في هذاألمنتدى الشعري الرائع
وعلى درب المحبة نلتقي
الشاعر \فهد محمد الرحيمي (عذب الشاريب)
عذب المشاريب
21-01-2008, 08:44 PM
اشكر لكم قرائتكم لقصيدتي التي بعنوان طبع الردي وكذلك قصيدة أحلى من الشهد وإبداء أعجابكم بها 0وعلى درب المحبة نلتقي

الشاعر \فهد محمد الرحيمي (عذب المشاريب)