][ شـريـفـي يعتـدي على الـنـفـطـي ويحول تـدريبـات النصـر إلـى حلبـة ملاكمـة ][

[乂 ســلـمـان 乂]

ادارة النادي أوقفته حتى اشعار آخر
شريفي يعتدي على النفطي ويحول التدريبات إلى حلبة ملاكمة



http://www.up-00.com/uploads/qMo36377.jpg


اصدرت ادارة نادي النصر قرارا بايقاف حارس مرمى الفريق محمد شريفي حتى اشعار آخر وفتح تحقيق معه حول قضية اعتدائه على المحترف التونسي عبدالكريم النفطي في تدريبات الفريق مساء امس الاستعدادية للقاء الوطني في الدوري وتعود تفاصيل قصة الاعتداء الى تفسير شريفي المهارة الفردية التي تلاعب فيها النفطي امام المرمى بأنها استفزاز وقام بضربه وركله امام مرأى الجهازين الفني والاداري واللاعبين الذين بادروا إلى فض الاشتباك بين الطرفين.

على صعيد آخر وصلت الامور الى طريق مسدود بين محسن القرني وادارة ناديه حول قضية احترافه في نادي بوخارست الروماني نتيجة لبعض الامور التي تتعلق بالمدة الزمنية والمبالغ المادية التي ستحصل عليها ادارة النادي.


الــمـصــدر (http://www.alyaum.com/issue/article.php?IN=12636&I=553889&G=1)

<< ترى ماجبته من الرياض ولا الجزيره:مزون:

طــلــولــي العالمي وش اخبارك حبيب البي :زعلان:

[الذوق الرفيع]

انا لله
وش عنده شريفي هالمرة طالع على النفطي
اكيد طلب الاختراف وما احد وافق
شر البلية م يضحك
سلمان مشور ع النقل
دمت بكل ود

[متعب الهزاع]

سلمان ماصدقت على طول
مشكووور اخي سلمان عل الموضوع
بس انا ارى ان شريفي بدت عليه ملامح الغرور الزائد بعد الاعتماد عليه من قبل نادي النصر في حماية العرين النصراوي

وجهت نظر
وانا من وجهت نظري هذا لاابخس حق الاعب ان تطور في الحراسه لكن ابتعد عن المشاكل والغرور يامحمد

[乂 ســلـمـان 乂]

الذوق الرفيع

والله ما اظن حوله احتراف
الا اذا يبي يلحق خوجلي في سدوس شي ثاني :مزون:

على قولتك شر البليه مايضحك

الف شكر لمرووورك يالغالي

[乂 ســلـمـان 乂]

متعب

ياهلا وغلا بصقيقي اللي من زمان :اموه:


سلمان ماصدقت على طول

على قولة طلال ولو احنا في الخدمه

وفي مسألة الغرور اشوف ان معك حق فيها
كأنه يلعب في نادي ابوووه هالشريفي ومايفيد بشي
اذا تطور مستواه وخربت اخلاقه يقعد على مستواه الاول ازين

كل الشكر لك على هالمرووور خيو

[محمد نايف العتيبي]

هههههه

سلمان صح لسانك

<< وين يابو الشباب قصيده هي

المهم

صدق صدق ليه شريفي كذا , معقول مثل ماقال اخوي الذوق الرفيع انه يبي الاختراف لا مااصدق .

هههههههههه


سلمان تسلم يالغالي ماقصرت



دمت بخير

[TαlαL]

:خجل:

<< مستحي لايخش الموضوع :مزون:

شريفي ديدا العرب

والله ياهو اخذ مقلب بنفسه

وش انت ياديدا العرب عشان محد يسحبك

على فكره مو اول مره يسويها قبل تهاوش مع الخوجلي

ويقولون نفسه براس خشمه

يايت مو عقوبه وبس الا ينسقونه ويريحونا منه

سلمانوووه

هاذا الي دايم اخاف منه :زعلان:

جاني عقابي السريع عشان ابطل اتمسخر على احد

يسلمو قلبو

ماننحرم يارب

[أسيــ الصمت ــر]

مشكور اخوي سلمان على الموضوع ..

بصراحة عندنا لاعبين يبي لهم جللللللد لانهم مايستحون بصراحة ..

قبل فتره حسن معاذ وبعدها مشكلة بزارين الهلال والحين شريفي والله الصراحة انها مشكله وتحتاج إلى حل ..


تحياتي

[خــــالـــــد]

سلمان
ـــــــــــــــــــــــــ ــــــ
تسلم يالغالي على النقل

والله يعطيك العافية ..

أعتبر هذه المشاكل تخص النادي من الداخل ,,

وهي تحدث في أغلب الأندية

سعيد لبان ومعاذ سبقوهم وغيره الكثير ..

شكراً لك يالغالي
ـــــــــــــــــــــــــ ــــــ
أخوكـ/خالد

[乂 ســلـمـان 乂]

محمد العتيبي

صح بدنك يالغالي خخخخخ

وشريفي ماحوله احتراف على هالاخلاق

كل الشكر لمرووورك خيو

[乂 ســلـمـان 乂]

طــــلال

هلا وغلا بهالطله

هههههههههههه حلوه ديدا العرب



على فكره مو اول مره يسويها قبل تهاوش مع الخوجلي :11retcher

يعني سالفة شباب الهلال ماكانت الاولى
ومسوووين سالفه وزحمه وعندكم فضايح قبل ماندري عنها خخخخ


مشكور ياطلو على الرد الصريح
ويبقى تصرف فردي غبي لايمثل نادي بحجم النصر

تقبل ارق تحيه خيو

[乂 ســلـمـان 乂]

اسير الصمت

حياك وعلى قولتك هناك عقليات تحتاج الى
عقاب رادع لتعرف انها تلعب وفق قوانين وآداب تحكمها
وتحتاج الى ضربة موجعه على " القفا " لتذكر ماذا كانت ؟!

كل الشكر على حضورك وردك

[乂 ســلـمـان 乂]

خـــالــد

الله يسلَمك ويعافيك

ومن المؤكد انها مشاكل داخليه تخص النادي
بس اللي يسويها في النادي بهالشكل لاتستبعد يسويها
في اي مباراة رسمية منقوله للكل

كل الشكر على ردك حبيب قلبي