قدّام عيني درب..ونهاية طريق

[جواهر عبدالله]

WIDTH=500 HEIGHT=250

هذا التصميم إهداء لجميع الأعضاء من أخوكم الشاعر حامد الروقي ..
الله يعطيك العافية يا حامد .

http://fad3a.com/pic/uploads/ffd001a01f.gif

صورة أثارت في خلجات نفوس شعراء وشاعرات غرابيل .. مشاعر متضاربة .. لم ترضى التقيد ليتفجر حبر القلم سائراً إلى البوح ..

http://www.albdoo.info/imgcache/5c1c52a4fbfefdca4fba33e11e0b22b8.jpg

http://www.v22v.net/zkarf/up/b400.gif


جور الزمان اللي حدا هالمسيكين =وخلاه يمشي عزتي له لحاله
هذي هي الدنيا على العسر واللين =من بعد زين الحال راحوا عياله
نطلبك ياربي وبك مستعينين =اتزين احواله بعد شان حاله

[ الشاعر / محمد نايف العتيبي ]

http://www.v22v.net/zkarf/up/b400.gif


الحب ماشيب وانا اليـوم شايـب=وصلت للسبعيـن وانـا مراهـق
خذيت من دنياي دفع الضرايـب=ونزلت من روس الجبال الشواهق
حتى وصلت لموعدك وانت غايب=واهيض العبره وازافر واشاهـق

[ الشاعر / عواد العلي ]

http://www.v22v.net/zkarf/up/b400.gif


ياعود ياللي بالمزارع علـى ويـن!=أحذرمادامك في طريق(ن)زراعي
الـدرب ضيّـق ماتحمّـل ولا أثنيـن=وأنـت الـذي بالعـلـم ياعـودواعـي
وترى المزارع ينعرف بالسرعين=تجنـبـوه الـكــل عـامــل وراعـــي

[ الشاعر / عبد الكريم بن خزيّم ]

http://www.v22v.net/zkarf/up/b400.gif


عـلى مبـدى الطريق إلا نهايات الطريـق الصـلـف=وضـعت أقـدامي اللي صار عكازي مـخاويـها
وصل بـي عـمـري إلى (يا) حيـاةٍٍ ابـتـدت بالـلـف=وخريـف العـمر ينهي قصـة أوراقي ويـنهـيها
ومـشرابي صميـلِِ فـي يدي فـاضي وجـلده جلف=خـطـير أنه يـتـكسر يـوم جـف وبان خافـيهـا
رحـلـت مـن البـلد وأحـلام عـمـري كـلبـوهـا خـلف=ودريـت أن الحيـاة أيـامها تـشـبـه لـيـالـيـهـا

[ الشاعر / مهدي بن مسفر الحبابي ]

http://www.v22v.net/zkarf/up/b400.gif


الشايب اللي انهك الوقت عمره=على جبينه لليالي علامات
ماله عضيد ٍ يمتثله بامره =يسير في درب طويل ومتاهات
الشمس غابت وابدل النور حمره =ليله طويل ويقضي اليل بآهات

[ الشاعر / نشمي مقعد العتيبي ]

http://www.v22v.net/zkarf/up/b400.gif


مشيت الدرب وسنيني توارت=مابين الوقت ومهاد الزمانـي
زماني كان وايامي تجـارت=اسيراليوم ومركوعي برانـي
الا يادرب بدروبـك تبـارت=سنين وحلم 0 احساس واماني
هذاني اليوم بعزوم استجارت=بعونٍ يستند به حيـل فانـي

[ الشاعر / طلال سويعد ]

http://www.v22v.net/zkarf/up/b400.gif

وين راحل
ليه خليت المباني
ليه ضعيت الاماني
ليه مافي حل ثاني
وين راحل
طبعها الدنيا تضيق
لا صديق ولا رفيق
عدت مع نفس الطريق
ومتجاهل
ناس يمكن ماعطوك
بعد هالعمر انكروك
وانت راحل في سكوت
ويش شايل
في يدك ماسك عصاك
الزمن قصر خطاك
صعب لو تنظر وراك
دام راحل
اخذ باقي ذكرياتتك
ذا قطار العمر فاتك
استوت اربع جهاتك
دون ساحل
ارحل ارحل في سكون
والحزن مال العيون
اخر ايامك تهون
وانت راحل
وين راحل
ليه راحل
دون مينا دون ساحل

[ الشاعر / مضحي العتيبي ]

http://www.v22v.net/zkarf/up/b400.gif


وين المخافـه واحتـرام الابـوه=ووين اصله بين الاهل والقرابـه
عزي لعود(ن) عكر الوقت جوه=والفقرفي وسط الصحاري غدابه
مع الفقر والكبر مزتـاد سـوه=عزي لحاله من عنـاه وعذابـه
وعزي لمن مافي ربوعه مـروه=وسط الخلا يضيع محدن درابـه
ومن مابـذل للواديـن العنـوه=من الـولاده قصـر الله شبابـه
والله يقطع فـي حياتـه نمـوه=ولا يبارك برزق(ن)بعمره سعابه
يالله يمنشي مـن البحـر نـوه=مزن(ن)بخار وينثر الماء سحابه
محدن ملك مثلك مرؤفـه وقـوه=ياواحدن هالخلـق كلـه يهابـه
ارحم كبير السن وخـذل عـدوه=انت الذي تسوى الاهل والصحابه

[ الشاعر / خليف الوهيداني ]

http://www.v22v.net/zkarf/up/b400.gif


قدّام عيني درب..ونهاية طريق=الساق له معكاز..والعين بغرق
والشيب ولّع روسنا صارت حريق=والقهْر بأيّام السنة ياماحرَق
وقفْت حاير..وآه مابلّيت ريق=الله يخارج من متاهات الطرق

[ الشاعر / علي عبد الرحمن الأسمري ]

http://www.v22v.net/zkarf/up/b400.gif


سكة سفر فيها الزمن عمرالانسان = يركض بها عمره وقلبه يعاني
يرسم من الاحلام والجسم تعبان = لكن تكون احلام عمره ثواني
احدا قضى عمره على خير واحسان = واحداٍ يجي ويروح مثل السواني

[ الشاعر / زايد الروقي ]

http://www.v22v.net/zkarf/up/b400.gif


ماهوب راجع مامضى من سنينها=دنيا قطفنا شينهـا مـع حسينهـا
مثل الفتاه اللـي تغـرك بحسنهـا=والناس كلٍ طامعـا فـي يدينهـا
تطوي معايشها كما تطوي الخصف=ويموت في عمياه مخطي يقينهـا
غير الذي هاديـه ربـه لطاعتـه=مهوب في حاجة رجاوي سنينهـا

[ الشاعر / حامد الروقي ]

http://www.v22v.net/zkarf/up/b400.gif


زوّادتي , جوع الزّمن , والكرامه=محدٍ وصل حدّ الغلا في عصاتي
عزّت عليّ أذبح لجوعي حمامه=وش ذنبها يوم سقطت في عباتي
ما ألتفت للي جرحني كلامه=تغنيني الدعوه عليه بصلاتي
مالي سوى أعمالي بيوم القيامه=ياربّ قرّب في حياتي / مماتي
ياربّ قرّب في حياتي / مماتي

[ الشاعر / نايف السليطي ]

http://www.v22v.net/zkarf/up/b400.gif


على العصا حِملي..وعلى اللّلله..مشكاي=عقب الشباب وعقـب قوّة...اذراعـي
ماعاد فينـي حيل..واقْصر..ابممشـاي=من عقـب ماكانت..اخْطايه..اوساعـي
ليت الشباب..يْعود واشكي له..ابكـاي=علـى الليال..اللـي مضت..والتياعـي
رحمتـك ياربي..وغفرانـك..ارضـاي=وال� �..التمني..مالـه الـيـوم داعــي
وياللي تشوفوا..حالتي دوركـم جـاي=والرابـح اللي..لامـر مـولاه طاعـي

[ الشاعرة / &الشاعره& ]

http://www.v22v.net/zkarf/up/b400.gif


الدرب الاشهب والعصا والعمامـه=والكيس والخطوه على حزة اعصير
والشايب اللـي واهناتـن عظامـه=وين الزمن وداك ياشايـب الخيـر
ذكرتني عقب الفخـر والزعامـه=بآخر حياة التغلبـي سالـم الزيـر

[ الشاعر / أحمد العارضي ]

http://www.v22v.net/zkarf/up/b400.gif


أنا والشيب واسباب المنايا عند سـن اليـاس=تعاهدنا نكون أصحاب غربـه والوعـد باكـر
تخاوينا عقب عهدٍ قطعنـا لا حدانـا البـاس=نواسي بعضنـا والكـل منـا للوعـد ذاكـر
زمن قاسي عقب ما شبت عافوني جميع الناس=وأقرب قلب معروفي جحده وصار لـي ناكـر
ألا يا حظي العاثر ترا ما عاد فينـي احسـاس=عسا الله يحسن أعمالي واكون بنعمته شاكـر

[ الشاعر / عبد الرحمن الشهري ]

http://www.v22v.net/zkarf/up/b400.gif


فمان الله انا برحل عن الخلان والديره=لادام العمرمايبقى ولا الدنيا على حاله
هموم الوقـت حدتنا وتقـفتـنا بأعاصيره=محاحيل الغـــثــأدارت وزارتنا بغـرباله
عقب ماحنا معازيب ومجالسنا لها سيره=حكت طيب الخصال اللي تشرفنا بفنجاله
تنحينا بلا عذر وعـذاريب الوفاء خـيره=يجـوع الـذيـب برقـاده ولاينقـاد لـذلاله

[ الشاعرة / النوري ]

http://www.v22v.net/zkarf/up/b400.gif


راحل يا عيالي ما بقى لي امر فيكم= كل مالي هو جرابي والعصا امشي عليها
برحل ابقَطر المواجع والرصيف اهون عليكم= عاد والتجريح فيا كان طعنه ما رتجيها
بترك اشواقي واهلي واعتصر فرقا يديكم=يا عيالي الله الله في سنينٍ كنت فيها

[ الشاعر / أيمن الشهاري ]

http://www.v22v.net/zkarf/up/b400.gif


الصورةاللي شفتها منظـره هـام=عيوني غزيرات الدمـوع ذرفنـه
ياعزتي للعود مـن ظيـم الايـام=شايـب وشينـات الليالـي بلنـه
شدالمرض والشيب يذهب للاجسام=وهمـوم باتـلا رحلتـه رافقنـه

[ الشاعر / سميحان السويدي ]

http://www.v22v.net/zkarf/up/b400.gif

يارجل سيري والفرج عند واليك=مدام عوني هي عصاي وصميلي
سيري على شوف(ن)ضعف مايقديك= القبر قدمك والاجر من حصيلي
على عيالي هوني ويش يبكيك=بكره بهم ميل الليالي يميلي
بس ان سمحتي وثقيلي مواطيك=وديني الي فيه مدفن خليلي
خليني ابكي عند قبره وثنيك= وجلس لعل الموت عجل(ن)يجيلي

[ الشاعر / محمد الروقي ]

http://www.v22v.net/zkarf/up/b400.gif

وهذه مشاركة من الشاعر محمد الجبريني .. والأبيات لوالده عبدالله حنيف الجبريني الحليلي السلمي :


اليوم جـات علـوم منهـا الزعالـه=بعـد المزايـد والضفـر والشكالـه
الكبـر خـل الــزول يقـعـد لحـالـه=والـلـي يعـلـم بالـدريـا مانوحـيـه
بينـي وبينـك يالكبـر جـت خلافـه=وانــا مـنـول كـنـت فــي الثقـافـه
وشبك تجيني مع دروب الضعافه=عزالله ان الضعف ماثاب راعيـه
أثــرك ناويـنـي وانـــا مانـويـتـك=لوتنشكي فوق الحكومـه شكيتـك
تلقـي عليـك القبـض وتهـد بيتـك=كله جزاء في عدلك اللي مسويـه
قـال الكبـر جيتـك وليـه مواعـيـد=من دونها منقص ولا سدها ازيد
واثبـت لـيـاردت عـلـى المـراديـد=ستيـن عمـرك والتعـب ماتدانـيـه

http://www.v22v.net/zkarf/up/b400.gif

وللجميع أطيب التحايا .

[النوري]

http://up101.arabsh.com/my/01d9fdf.jpg (http://up101.arabsh.com)




الله عليك
جواهر عبدالله

.
.
كل العبارت لاتكفيك
ولا التعابيرتوفيك..

.
مبدعة ومتميزه..دائما

وصورة تنطق بالآصالة وعبير الأمس
.
شكرا من القلب شكرا
.
والشكر موصول لكل شعراء الغرابيل النخبه
بارك الله جهودكم..وعطائكم..وبوحكم الراقي..

[ليــن القســا]

تعابير رائعة وتصوير عذب ..
كل الشكر لمن أثرى هذا المتصفح بجود فيضه
وعابق الشكر للرائعة جواهر على هذا الجهد المميز ..

[فايز ماجد]

تسلم يمينك

ياجواهر

على هالموضوع الرائع

وصحت قلوب شعراءنا وشاعراتنا

تحيتي للجميع

[محمد نايف العتيبي]

الاستاذه والشاعره / جـــواهر عـبـد الـله

لاتستطيع الاحرف شكرك على مجهودك ومواضيعك المميزه في غرابيل

كل الشكر لك .

واشكر جميع من شارك من الشعراء والشاعرات ومزيد من الابداع


دمتي بخير



محمد العتيبي

[عبدالعزيز نايف]

صحت السنتهم واعتذر عن المشاركه والله ودي اشاارك لكن الضروف

وش انسوي انشالله المرات الجايه

[صهيل الصمت]

جواهر عبد الله

متصفح رائع يحمل احاسيس شعراء غرابيل ..

جهد جميل

دمت رقراقة ,,

[أبوعبدالرحمن]

صحت قلوب الشعراء

والمبدعون يكتبون متى ما طرحت لهم الفكرة


الله يعطيك العافية يا جواهر

واختيار جميل جدا للصورة


تحيتي للجميع

[سعيد العمودي]

زوّادتي , جوع الزّمن , والكرامه
محدٍ وصل حدّ الغلا في عصاتـي
عزّت عليّ أذبح لجوعي حمامه
وش ذنبها يوم سقطت في عباتي
ما ألتفت للي جرحنـي كلامـه
تغنيني الدعوه عليـه بصلاتـي
مالي سوى أعمالي بيوم القيامه
ياربّ قرّب في حياتي / مماتـي



[ الشاعر / نايف السليطي ]


جواهر دايما حضورك مايجلب الجواهر



وحضور الشعار كان مميزا وراقي


والسليطي راقي جدا

[ناعمة]

,
,

مشاعر فياضة
من اقلام جميلة

صحت قلوبكم جميعاً

تسلمين جواهر حبيبتي
على الجهود الجميلة

,
,
كونوا بخير

[احمد مناحي]

جواهر عبدالله

هلا بك وغلا

شكرا لك على هذا المجهود وشكرا للاخوه الشعراء الذين شاركوا في قوافيهم العذبه في هذا

الموضوع الانساني وكما عودونا مبدعين غرابيل ابدعوا كعادتهم ....

وفق الله الجميع

[نـواف الشمــري]

الاخت الفاضله \\جواهر عبدالله








شاكر لكي على هذا المجهود






وعلى هذه الصور والرائعه












صحت قلوب الشعراء المبدعين







تحياتي لك

[علي عبدالرحمن الأسمري]

يعطيكم العافية
وصحت قلوب شعار غرابيل
تحياتي للجميع

[دفا المشاعر]

http://www.up.5alid.com/up/uploads/1e0a8c614b.gif

هي دنيا يولد المرء طفلاً ثم شاباً ثم كبير السن عجوزاً فيعود طفلاً في سرير الوحدة وينتظر على عتبة الباب
موعد الوفاة والبقاء في تلكَ الحجرة وحيداً أنسه عمله الصالح
وماذا قدم في دنياهـ ؟

فئة المسن فئة تحتاج إلى رعاية اهتمام ومزيد الحنان
وعدم النكران والإهمال والنسيان وإن كبلتنا ظروف الزمان

أبيات معبرة مؤثرة هي تذكرة سفر إلى دخول واقتحام
مواطن المسنين والشعور بهم من باب الانسانية

صح لسانكم وقلوبكم على هذه المقتطفات الثمينة والمؤثرة حد الإغراق

وشكراً جواهر على دعوة الشعراء إلى هذه التذكرة الإنسانية والقريبة
من قلوبنا وأرواحنا ، فهم الوطن الذي ننتمي إليه ونسكنه ،,

http://www.up.5alid.com/up/uploads/1e0a8c614b.gif

فائق احترامي وتقديري

[عبدالهادي الجهني]

،

،


جواهر عبدالله

يعطيك الله العافية على مجهودك و بارك الله في جهودك

ما قصرتي


تحيتي

،

،

،

[مهدي بن مسفر الحبابي]

الاخت جواهر عبدالله

الله يعطيك العافية على مجهودك الجبار والغير مستغرب

و بارك الله في جهوداتك المميزه

وصح الله السنت شعراء وشاعرات غرابيل على ما قدموه

تقبلي احترامي ومودتي

[أمل عبدالعزيز]

,
,

صحت القلوب والمشاعر والحضور الأكثر من رائع.
.

تبقين ياجواهر الحبيبة عطراً ودرّاً يحيا في هذا المكان

لكِ كل الحب وأصدق المشاعر من قلب أمل ..

[عوادالعلي]

الاخت \ جواهر

كل شاعر نقوله صح لسانك وسلمت يمين جواهر

[جواهر عبدالله]

الغالية النوري

.

.

تسلمين على التصميم الرايق
وألف شكر على تعاونك
وحضورك
لا عدمتك .

[جواهر عبدالله]

لين

.

.

شرفني مرورك يا الغالية
لا خلا ولا عدم .

[ناصر الجعيدي]

جواهر

لاتأتي إلاّ بالجواهر

شكرا للحضور

وشكرا على النقله اللي تعودنا عليها

[وجـد]

ابدااااااااااااع ما تسطر هناااااا

الحقيقه كانت الصوره ابلغ من اي تعبير وقوافي

فكل العذر على عدم المشاركه لانني احسست ان هذه الصوره لا تصفها كلمات

فقط عبرات

صح لســان الشعراء والشاعرات

ابدعوا

اجل التحايا

[حامد الروقي]

كل الشكر للأستاذه / جواهر


وصحة السنة الشعراء


والحقيقيه انها تسليه لذيذه لتنشيط القريحه الشعريه وكان لي الشرف ان اكون من ضمن المشاركين.

ويسعدني دائما المشاركه في مثل هذه الأفكار الجميله وفي مايخدم المنتدى والأدب باي طريقه كانت .



والسلام

[محمد الروقي]

جواهر عبد الله

يعطيك العافيه على المجهود الرايع

والذي ليس بغريب ولكن نقص والعذر لك موجود

اما الان لا عذر ياجواهر نبي نشوف مواضيع جواهر الرايعه


سلمتي وصح لساااان كل شاعر

دمتي بود

[بدوي الحجاز]

وين المخافـه واحتـرام الابـوه=ووين اصله بين الاهل والقرابـه
عزي لعود(ن) عكر الوقت جوه=والفقرفي وسط الصحاري غدابه
مع الفقر والكبر مزتـاد سـوه=عزي لحاله من عنـاه وعذابـه
وعزي لمن مافي ربوعه مـروه=وسط الخلا يضيع محدن درابـه
ومن مابـذل للوالديـن العنـوه=من الـولاده قصـر الله شبابـه
والله يقطع فـي حياتـه نمـوه=ولا يبارك برزق(ن)بعمره سعابه
يالله يمنشي مـن البحـر نـوه=مزن(ن)بخار وينثر الماء سحابه
محدن ملك مثلك مرؤفـه وقـوه=ياواحدن هالخلـق كلـه يهابـه
ارحم كبير السن وخـذل عـدوه=انت الذي تسوى الاهل والصحابه

[ الشاعر / خليف الوهيداني ]



أبيات رائعة
أعجبتني




زوّادتي , جوع الزّمن , والكرامه=محدٍ وصل حدّ الغلا في عصاتي
عزّت عليّ أذبح لجوعي حمامه=وش ذنبها يوم سقطت في عباتي
ما ألتفت للي جرحني كلامه=تغنيني الدعوه عليه بصلاتي
مالي سوى أعمالي بيوم القيامه=ياربّ قرّب في حياتي / مماتي
ياربّ قرّب في حياتي / مماتي

[ الشاعر / نايف السليطي ]

رائع يا نايف


صحت ألسن الشعراء
وشكرا لصاحبة الموضوع

[راشد الهويمل]

جواهر عبد الله

موضوع رائع
و مشاركه مميزه من شعراء غرابيل

[بعيد المراميس]

سلمت يمينك ياجواهر

مواضيعك مميزه وجهودك جباره

قرأت المشاركات وجميعها اثبتت ان الشعر مازال بخير

لاكن استوقفتني ابيات الشاااعره


الدرب الاشهب والعصا والعمامـه
والكيس والخطوه على حزة اعصير
والشايب اللي واهناتـن عظامـه
وين الزمن وداك ياشايـب الخيـر
ذكرتني عقـب الفخـر والزعامـه
بآخر حياة التغلبي سالـم الزيـر


وين الزمن وداك ياشايب الخير

وين الزمن وداك ياشايب الخير



فعلآ هناك ابيات تعلق في ذهن الشخص

صح لسانك يالشاعره

وصح الله لسان جميع من شارك في هذا الموضوع


تحياتي

[شاعرة نجد]

مراقبنا القدير صح الله بدنك ولاهنت

ولكن الأبيات اللي ذكرتهم للشاعر القدير أحمد العارضي صح لسانه

لتسلسل أسما الشعراء الدور الكبير في وقوع الإشتباهـ

تسلم أخوي وشكرا جزيلا لك..

تسلمين أختي الكريمه جواهر على جهودك الجباره

وصح لسان كل شاعر مشارك بهذا الموضوع الجميل

تقديري واحترامي لكم’,,

[بعيد المراميس]

مرحبآ اختي الشاعره

وآسف على هذا الخطأ الغير مقصود مني..

يمكن عشاني اقرأ المشاركه ايآ كانت بدون الاهتمام بكاتب الموضوع لان النص الجميل يفرض نفسه..

مع اعتذاري للشاعر (( احمد العارضي))..لسقوط اسمه سهوآ واكرر صح لسانك ياأحمد على

هذه الابيات والعذر والسموحه جل من لايسهو

وانتي كمان اختى الشاعره صح لسانك على ابياتك وصح الله السنة الشعراء كلهم


تحياتي مع اعتذاري للشاعر احمد العارضي والشاعره


دمتم بخير

[سعدالجميلي]

الابداع في البدايه منك اختي جواهر




والشعراء اكملوالوحة الابداع الرائعه

[فواز الشهيب]

جواهر

لك من الشكر أجزله

وللإمانه الشعراء أبدعوا إلى أبعد حد

وأقول لكل شاعر منهم صح لسانك ولاهنت

اخووووووووووووكم