الشعر في يديني لعبه وادرّبها [الأرشيف]

مها الحسن

14-01-2008, 10:04 PM

مساكم الله با لخير وللتواصل معكم ياشعراء غرابيل :مزون:

الشعر في يديني لعبه وادرّبها = واللي يتابعني شاهد وانا مشهود
تحضر بي الفكرة ومعكم اجرّبها = مايتعب افكاري حاسد ولامحسود
الشعر والحكمة للغير اشرّبها = دام العقل فيني بالناصية معقود
مايفهم الشاطر ياكود اقرّبها = وان ضاعت علومه تاه وغدا مفقود
مرّه يشرّقها ومرّة يغرّبها = تحتار في عقله!! ياصبرنا المعهود
ومن جاب لي كلمة لازم يعرّبها = لاينتظر مني اسكت على المنقود
ومن جاب لي كسرة لابد ايمرّبها = للّي يجبّرها من خارج الحدود
والنّاس لو تطلب منّي أدرّبها = تبشر من عيوني ياشعرنا المنشود

واستروا ماواجهتوووا:11umbup:

أبوعبدالرحمن

14-01-2008, 10:20 PM

الشعر والحكمـة للغيـر اشرّبهـا
دام العقل فيني بالناصيـة معقـود
مايفهـم الشاطـر ياكـود اقرّبهـا
وان ضاعت علومه تاه وغدا مفقود

ماواجهنا إلاكل شعر جزل يا مها

صح قلبك وكلك اختي

وسلمت اناملك

تحيتي لكِ

مضحي السميري

14-01-2008, 10:23 PM

مها

صح لسانك

ولاهنتي

دمتي بخير

جواهر عبدالله

14-01-2008, 10:27 PM

الشعر والحكمـة للغيـر اشرّبهـا
دام العقل فيني بالناصيـة معقـود
مايفهـم الشاطـر ياكـود اقرّبهـا
وان ضاعت علومه تاه وغدا مفقود

.

.

مها الحسن

.

.

صح لسانك ولا هنتِ يا الغلا

الله يعطيك العافية .

نشمي مقعد العتيبي

14-01-2008, 10:32 PM

مهاالحسن

صح لساااااااانك

مبدعه

لكي ودي

محمد نايف العتيبي

14-01-2008, 10:39 PM

الشاعره : مها الحسن

مسيك بالنور هههههههههه

عندي ملاحضه كالعاده: فالقصيده يامها ماحصلت ولا بيت هزل , كل القصيده جزله

وصح لسااااااااااانك ولاهنتي

والليل الليل

الذيب الذيب هههههههههه حركاتك

دمتي بخير

مها الحسن

14-01-2008, 10:41 PM

صح بدنك يابو عبدارحمن ولااهنت ومشكووور على الكلام الزيين:واو: وتشرفت بمرورك

مها الحسن

14-01-2008, 10:43 PM

مضحي صححح بدنك ومرورك شرف للقصيدة ولاااااهنت اخوى ولاهااان ردك

مها الحسن

14-01-2008, 10:46 PM

الله يعافيك ياخيتي جوااااااااهر وصحح بدنك ولاااااااااااااهنتي يالغالية على الرد اللي نور الصفحة

مها الحسن

14-01-2008, 10:47 PM

نشمي العتيبي صح بدنك ومرررررررورك شررف للقصيدة يااالنشمي

مها الحسن

14-01-2008, 10:49 PM

هلااا بالعتيبي محمممممممد وصحححححححح بدنك وانا يعجبني مروروك لاجل انك داااايم تشاغبني ههههههههههههههههههههه:واو:
وترى المزح في الشعر احبببببببببه مووت .
والذيب الذيب

وجـد

14-01-2008, 10:53 PM

صح لسـانك يا مها

حضور جميل وابيات جميله

لاهنتي

مها الحسن

14-01-2008, 11:03 PM

الغالية وجد وجوودك هو الاجمل لاهنتي وصح بدنك

عوادالعلي

14-01-2008, 11:18 PM

اختي الشاعره \ مها

مثل ماقال أبوعبدالرحمن

ماواجهنا إلاكل شعر جزل يا مها

صح قلبك وكلك اختي

وسلمت اناملك

تحيتي لكِ

مها الحسن

14-01-2008, 11:59 PM

ياعساااك ساالم ياعواد وشهادتك فخررر لي ولقصيدتي ومرررررررررورك شرررف يالذيب

محمد الجبريني

15-01-2008, 01:53 AM

مشعل الشايقي

15-01-2008, 11:00 AM

صح لسانك مها

راقيه من فكر راقي

تحيتي وتقديري

عبدالعزيز نايف

15-01-2008, 11:08 AM

صح لسانك يامهاوي على القصيدة ولو اني قعدت اقلبها ادور لحن مالقيت لكن قصيدة جزلة

عبدالله بن راجس

15-01-2008, 11:27 AM

يامها

بقول الي ماقاله غيري من الي سبقوني بالمرور على قصيدتك

((( والله ان الشعر شمال وقصيتك جنوب )))

الشعر في يدينـي لعبـه وادرّبهـا
واللي يتابعني شاهد وانا مشهـود

ووووين الشعر رايح

ولاكن مثل مااااااااااقالو الذيب الذيب

احمد مناحي

15-01-2008, 03:10 PM

مها الحسن

هلا بك وغلا

صح لسانك على هذه الفاتنه

كتبتي فاابدعتي يامها ....

ومثلك ماتجيب الا جزل ولاتقدم الا طيب

تقبلي مروري

أمل عبدالعزيز

15-01-2008, 04:45 PM

,
,
الشاعرة العذبة مها الحسن :

صح لسانك وقلبك على هذه العذبة الرقيقة
وقصيدتك الجميلة كانت على بحر البسيط ويقابله في النبطي ( بحر الهجيني الطويل ) ..
دمتــِ بهكذا جمال ياغاليتي ونتوق لجديدك على الدوام ...
.

عبدالعزيز نايف

15-01-2008, 08:18 PM

تبون الصراحة

اللي بدون مجامل والله جاملنا لين قلنا بس

القصيدة قالوا على الهجيني الطويل لكن مكسرة من الى

والبيت الاول الشعر لعبة وبيديني ادربها

هل اللعبة تقبل التدريب ؟

هذا تعليقي بصراحة وكلام ابو راجس في محلة

تحياتي

طيف

15-01-2008, 08:47 PM

الشعر في يدينـي لعبـه وادرّبهـا
واللي يتابعني شاهد وانا مشهـود
تحضر بي الفكرة ومعكـم اجرّبهـا
مايتعب افكاري حاسد ولامحسـود
الشعر والحكمـة للغيـر اشرّبهـا
دام العقل فيني بالناصيـة معقـود

الله الله وش ذا القصيد

روووووعه مشكوره يـ عسل

قصيده اكثر من رائعه

دفا المشاعر

16-01-2008, 03:18 AM

http://www.up.5alid.com/up/uploads/1e0a8c614b.gif

الشاعرة الرائعة القديرة /

،, مها الحسن ،,

صح لسانك ونبضك وكلك يالغالية

وما شفنا منك غير الشعر الجزل والزين :)

بيّض الله وجهك

http://www.up.5alid.com/up/uploads/1e0a8c614b.gif

لا عدمنا جديد شعرك الجميل و الزين والعطر

فائق احترامي وتقديري

مها الحسن

16-01-2008, 05:26 AM

محمد الجبريني صح بدنك وغشامتك ياوخيي ماني مسئولة عنه المهم ان القصيدة موزونة ولها معنى وهذا يكفيني واسعدني مرورك

مها الحسن

16-01-2008, 05:27 AM

مشعل الشايقي

صح بدنك

وعساك سالم

مرورك شرف للنص

مها الحسن

16-01-2008, 05:29 AM

هههههههههههههههه

عبدالعزيز الدلبحي

مرة قلبت القصيدة ومالقيت لحن

ومرة جزلة

واخر مرة ماعندك مجامل والقصيدة ماهي مفهومة ولهي قصيدة؟؟

ودي اضحك لكن الضحك ماعاد يجيب نتيجة الناس هنا تفهمه غلط

لكن لو كل قصيدة تمر عليها تقول عنها كذا كان ياسلام امدا نص القصايد لعب بزارين

شكرا لك

مها الحسن

16-01-2008, 05:31 AM

عبدالله بن راجس

ردك ماله عندي معنى ولامفهوم

ولو انك خليت القصيدة كان احسن م الكلام الغريب

قصيدتي وانا ابخص بها ويكفيني مرور اكثر الشعراء ومدحهم لها وليتك ماقلت الى ماقاله غيرك

لان السالفة ماتستاهل دام القصيدة ماعجبتك اتركها

شكرا لك

مها الحسن

16-01-2008, 05:32 AM

احمد الشمري

صح بدنك ياشاعر

ومرورك شرف للنص وصاحبته

لاهنت يالذيب ولاهان ملفاك

مها الحسن

16-01-2008, 05:33 AM

بنت عبدالعزيز

لو مامر على قصيدي غيرك يكفيني

صح بدنك

ولاهنتي يالسنافية

شكرا شكرا شكرا لك من القلب

مها الحسن

16-01-2008, 05:34 AM

الغالية طيف

عساك على القوة يالغااااااااالية وصح بدنك

مرورك يسعدني ويشرف نصي ولاهنتي

مها الحسن

16-01-2008, 05:36 AM

المشرفة دفا

تسلمين يالغاااالية ومرورك شرف للنص وراعيته

وصح بدنك

ولاهنتي ولاهااان غاليك

وشكرا من القلب لكل من حضر وكتب المفيد المختصر:11umbup:

عبد الرحمن مازن العطاوي

16-01-2008, 09:28 AM

.
.

والنّاس لو تطلـب منّـي أدرّبهـا
تبشر من عيوني ياشعرنا المنشود

صح لسانك يامها ولاهنتي
تحيتي لك

.
.

مها الحسن

17-01-2008, 01:02 AM

مازن العطواي

صح بدنك

ولاهنت

وعساك سالم

خيالات الشعر

17-01-2008, 03:21 AM

مها الحسين

صح السانك وقلبك وكلك يالغلاا

دمتي ودام نبض قلبك

فهد الفقيري

17-01-2008, 09:24 PM

الله يعطيكي العافيه قصيده جميله
واتمنى لكي التوفيق

سالم محمد اليامي

18-01-2008, 01:58 AM

الشاعر او الشاعره عندما يتباهون في قصائدهم فهذا اجمل مافي القصيده

والقفه توضح على صاحبة النص

وماواجهنا الا مها وثقتها وحيها من مواجهه

صح لساانش

اخوش

سالم

سعد الغنامي

18-01-2008, 10:57 AM

صح لسانك مها

الأبيات موزونه مافيها كلام

ويجي منك معاني اقوى

ولكل مجتهد نصيب

تحيه عطره لك

زبن بن عمير

18-01-2008, 01:15 PM

والله يماها يمكن اصير مخطي

ولكن بعيد عن شغل لنت مدح وبس

قصيدتك مالقيت لها بحر بعضها موزون واخرى مكسورة

يمكن هناك نواق املائية يمكن شي ثاني مدري

وبودي ان لاكوني جافة في تقبل النقد

كلنا بدينا نكسر وتعلمنا لكن هالقصيدة لو زعلتيوقال غيري روعه ابداع شي انا اقول ماقراته كوزن وليس كمعنى هناك خلل به!!
وليس هجيني طويل لانها مكسرة

عبدالعزيز نايف

18-01-2008, 03:47 PM

والله يازبن لوتعلم من هنا الى بكره مافيه فايده حنا علمنا ونصحنا لكن لاقينا رد سيء

خير تعمل شر تلقى ولكن من اليوم ورايح اي شي نقابله نقول روووووووووووووووووووووووع ه

عشان مانكون عرضه للتكذيب وانا اقول جميع من قال على هالقصيدة انها موزونه بغض النضر عن المعنى

انا اقول تاكد ياخي الكريم وخلنا من شغل المجاملات اختي امل اقسم بالله العضيم ماقلت الكلام هذا من حقد او اي شي اخر لاني لم اعرفك الا من فتره ولابيني وبينك شي

فهل تعتقدين اني اقول الكلام هذا بسبب حقد

انا لست ناقد فقط اخبر بحسب معرفتي وماارى انا ياما وياما كسرت وهدمت بعد بس عادي تقبلت عدة نصائح من شعراء بحجم عبدالله ابن راجس وزبن عمير وبعدها خلاص سلكنا الطريق الصحيح في وزن القصيدة

وجــــدان

18-01-2008, 04:09 PM

السلام عليكم ورحمة الله وبركاته

الأخت الشاعره مها الحسن

صح لسانك مليووووووون على هالقصيده الجميله والرائعه

ولي ملاحظه بسيطه فقط على هذا الشطر ففيه شوي ثقل وهو :

للّي يجبّرها مـن خـارج الحـدود

أما باقي القصيده فهي موزونه وعشره على عشره يامها وربي يوفقك ان شاء الله

واسمحوا لي أخواني بكلمه صغيره

النقد المفتوح والعايم لايخدم الشاعر ولاالمتابع فحينما أطرح قصيده ويأتي من ينتقدها في الوزن دون تحديد مواقع الكسر سأحترم وجهة نظره ولكن سأكون في حيره عن الخلل في القصيده ولكن عندما يأتي من يبيّن لي بالتحديد أين الكسر في الأبيات ويقوم بتعديلها سأحترم حينها وجهة نظره وأشكره على توضيحه الخلل الذي تعاني منه القصيده ،،،، ولكن أن يقول القصيده مكسوره أو فيها كسور فقط دون التوضيح فهذا فيه ظلم للقصيده ولشاعرها واحباط له

أعتذر لو ضايقت أحد بكلامي ولكن الحق يجب أن يقال

يعني يامها اللي يقول لك مكسوره قولي وين الكسر طال عمرك وياليت تعدّله لي

ههههههههههههههههههه

صح لسانك مرّه ثانيه وفالك المليووووون والبيرق والابداع

تحيتي للكل

مها الحسن

19-01-2008, 01:18 AM

خيالات شعر

تسلمين ياغالية

وصح بدنك

شكرا لك من القلب

مها الحسن

19-01-2008, 01:18 AM

ابن واايل

صح بدنك

وشكرا لك الرد

ومرورك الطيب لاهنت

مها الحسن

19-01-2008, 01:19 AM

سالم اليامي

شهادتك تكفيني

وصح بدنك

وشكرا لك

مها الحسن

19-01-2008, 01:20 AM

سعد الغنامي

مرورك هنا شرف للقصيدة وراعيتها

صح بدنك

لاهنت ولاهان ردك الغالي

مها الحسن

19-01-2008, 01:22 AM

زبن بن عمير

مازيد على كلام الشاعرة وجدان

وين الكسر

وكلامك على العين والراس

وياليت بعد تعدل المكسور

ومنكم نستفيد

لاهنت على مرورك

شكرا لك

مها الحسن

19-01-2008, 01:23 AM

ههههههههههههه
عبدالعزيز اعصابك ياخي

هي راس مالها قصيدة

اعجبتك حظي

ماعجبتك خذ الباب وطنش

هههههههههههههههههههههه

مها الحسن

19-01-2008, 01:24 AM

الشاعرة والاستاذة وجدان

عن رايك في الثقل يمكن لهجتي ياغالية هي السبب في الكلمة ؟؟ وكلامك على عيني وراسي

ووالله العظيم كل كلمة كتبتيها هنا اعدها لي درس خاص

مرورك اسعدني

لاهنتي ياالغلا

شكرا لك

<<< تدعي يارب ماحد يجي ينشب لها بعد ههههههههههههه

زبن بن عمير

19-01-2008, 09:37 AM

زبن بن عمير

مازيد على كلام الشاعرة وجدان

وين الكسر

وكلامك على العين والراس

وياليت بعد تعدل المكسور

ومنكم نستفيد

لاهنت على مرورك

شكرا لك

يبدو ان هناك مشكلة عظمى في الفهم وتفسير النصح..
وكأن تعليقي اخذ على انه فزعه او محاربة
فاقول لا ورب الكعبة ولو اكتشفت اني مخطيء فلدي القدرة والشجاعه لاقول ذلك ولكن هنا لم اجد للوزن رائحة هناك اشطر موزونة فقط والباقي عليه السلام..
ولاادري سر منافحة الاخت وجدان..!! واستماتتها هنا وكاننا في حرب فالقيدة ليست لها ونحن نتعلم ونعلم ونستفيد من نقاش يثري وليس تشنجات قولي يا مها ولو قالوا لك يامها هذا كلام اطفال
محورنا لوجدان وغيرها القصيدة وليس شخص مها ...
فقد قلت قبلا ويبدوا ان كلامي لم يفهم والان اعلق على كلام الاخت الفاضلة وجدان واوضح بعض الشيء:
ولكن لان الوضع متأزم ساستنبط من هذا الشيء فقط الموزون لانه الاقل في ماكتبتي واليك:

تحضر بي الفكرة ومعكـم اجرّبهـا*
موزون وبه ثقل

الشعر والحكمـة للغيـر اشرّبهـا**
موزون لو قلتي:
الشعر والحكمة لغيري اشربها

مـرّه يشرّقهـا ومـرّة يغرّبـهـا**
يصبح موزونا لو قلتي:
مرة يشرق بها واخرى يغربها

ومن جاب لي كلمـة لازم يعرّبهـا**
موزون لو قلتي كلمةٍ

ومن جاب لي كسرة لابد ايمرّبهـا*
هذا موزون لو قلتي كسرة

واتمنى منك الاستفادة

صورة مع التحية لوجدان لزيادة التعلم لديها

وجــــدان

19-01-2008, 12:28 PM

الأخت الشاعره مها

اللهجه لها دور كبير مثل ماتفضلتي في قراءة القصيده

يعطيك العافيه

الأخ زبن

أي استماته وحرب وتشنّج ؟

هههههههههههههههه

ياخي انت قلت وجهة نظرك وانا قلت وجهة نظري سواء القصيده لي أو لغيري ... وين المشكله ؟

والنصيحه اللي قلتها في اصول النقد حلو انك استفدت منها وعدت لتوضيح ملاحظاتك وهذا شيء يحسب لك دون سواك وتشكر عليه

وكلمتك ( كلام أطفال ) المفروض ماتصدر من شخص بمكانتك الله يهديك

ومسألة ان يزيد تعلمي منك فهذا فخر اننا نتعلم من حفيد الشعر ومنك نستفيد مثل ماقالت مها وودّي أسألك من باب الاستفاده عن بحر القصيده ؟

ومازلت اقول القصيده موزونه ومافيها كسر ولاغيره الا الشطر الثقيل اللي ذكرته في ردي الأول

تحيتي لك

عبدالعزيز نايف

19-01-2008, 02:10 PM

مها والله ماني معصب ولاغيره انا بس تفاجأت باخواني اللي مروا وهم شعراء اكبر مني سنا وشعرا انهم يقولون مافيها شي

توضيح الابيات لازيد عن كلام اخوي زبن شي مثل ماقال

اختي مها بصراحه : هل اللعبه تقبل التدريب

مها الحسن

21-01-2008, 12:21 AM

يبدو ان هناك مشكلة عظمى في الفهم وتفسير النصح..
وكأن تعليقي اخذ على انه فزعه او محاربة
فاقول لا ورب الكعبة ولو اكتشفت اني مخطيء فلدي القدرة والشجاعه لاقول ذلك ولكن هنا لم اجد للوزن رائحة هناك اشطر موزونة فقط والباقي عليه السلام..
ولاادري سر منافحة الاخت وجدان..!! واستماتتها هنا وكاننا في حرب فالقيدة ليست لها ونحن نتعلم ونعلم ونستفيد من نقاش يثري وليس تشنجات قولي يا مها ولو قالوا لك يامها هذا كلام اطفال
محورنا لوجدان وغيرها القصيدة وليس شخص مها ...
فقد قلت قبلا ويبدوا ان كلامي لم يفهم والان اعلق على كلام الاخت الفاضلة وجدان واوضح بعض الشيء:
ولكن لان الوضع متأزم ساستنبط من هذا الشيء فقط الموزون لانه الاقل في ماكتبتي واليك:

تحضر بي الفكرة ومعكـم اجرّبهـا*
موزون وبه ثقل

الشعر والحكمـة للغيـر اشرّبهـا**
موزون لو قلتي:
الشعر والحكمة لغيري اشربها

مـرّه يشرّقهـا ومـرّة يغرّبـهـا**
يصبح موزونا لو قلتي:
مرة يشرق بها واخرى يغربها

ومن جاب لي كلمـة لازم يعرّبهـا**
موزون لو قلتي كلمةٍ

ومن جاب لي كسرة لابد ايمرّبهـا*
هذا موزون لو قلتي كسرة

واتمنى منك الاستفادة

صورة مع التحية لوجدان لزيادة التعلم لديها

ياوووويلي على القصيدة اللي صارت حرب هههههههههههههههه:واو:
استاذ زبن
سؤال لك

الابيات اللي كانت موزونة وش بحرها؟؟ ودي تفهمني عشان نتفق على لحن تغنيه للقصيدة يمكن تمشي معك

على العموم رايك احترمه وعلى عيني وراسي وان كان اشوف انه غلط بحكم اني شاعرة واعرف وش اكتب وماهي اول قصيدة لي
صحيح اننا نتعلم من بعض وانا اشكرك على مجهودك الكبير والجميل ولكنه ماكان صحيح نهائي ولو تبي اقطع لك بيت واحد قطعته لك اربا اربا المهم انك تفهم وش بحر القصيدة وبناء على معرفتك للبحر استاذ زبن بتعرف ان الوزن ماشي صح مية مية علشان كذا لازم تعلمني وش هو بحر الابيات؟؟؟

البيت المقطع:

تح//ضر// بيل//فك//رة و //وم//عكـ//م جر//رب//هـا

ما//يت//عبا//فك//اري// حا//سد// ولم//حس//ـود

وبحر الهجيني الطويل تفعيلته هي:

مستفعلن فاعلن مستفعلن فعلن

ههههههههههههههههههههههههه ههه
وسلاااامتكم يالحلووين

على فكرة يابوعمير تقدر تغني القصيدة على من بادي الوقت وهذاطبع الايامي وبتمشي معك مية مية

يارب تكون وصلت المعلوماات ونرجعكم للتزود من معلوماتي لدرس الهجيني الطويل في مدرسة الشعر :واو:

مها الحسن

21-01-2008, 12:29 AM

هلا فيك ياعبدالعزيز

ولازال عبدالعزيز ياتي هنا ويصارع من اجل البقاء ههههههههههههههه الله يسعدك ياعزوز والله ماني زعلانة منك لكن ودي تفهم ان القصيدة صح ولاعليك الا من راعيتها هههههههه
على العموم سؤالك عن االلعبة

طيب سؤال لك

الكورة اللاعب مايدرب عليها؟؟
البلوت اللاعب مايتدرب عليها؟؟
القيم بوي اللاعب مايتدرب عليها؟؟
الطبخ الطباخ مايتدرب عليه؟؟
العود مايتدرب على عليه؟؟
والشعر نفس الشي لعبه ونلعبها والدليل القاطع عشان معاد اشوفك هنا غير زاير المحاورة؟؟ وش يسموونها البدو؟؟
هههههههههههههههههههههههه ماهي لعب؟؟ وماهو كل واحد يلعب مع الثاني؟؟ ويتبعها عرضة على كيفك هههههههههههههههه

وجدان شكرا لك من القلب في كل مرة تكبرين في عيني مادري وين بتاصلين هههههههههه

عبدالعزيز نايف

23-01-2008, 03:36 AM

على العموم اختي ماصار الا الخير بس تساؤلتي في جهه وجوابك في جهه انا اقول هل الشعر يدرب

لانك قلتي في يديني ادربها يعني تدربينه ولاتتدربينه

حلوه القيم بوي يامها هههههههههههههه

مها انا طالبك عطينا كم قصيدة هنا لانك تقولين لستي بغريبه على الشعر لك قصايد اخرى اتمنى قرائتها هنا واذا كان في ردي ورد ابو راجس ورد زبن يزعلك فانا اقول صدقينا ماقلنا الشئ هذا الابعد ماتاكدنا منه مئه بالمئه وبعدين مافيها شئ اذا كنت زائر للمحاورة فانا افضل المحاورة لاسباب احتفظ بها لنفسي

مها الحسن

23-01-2008, 07:23 AM

ههههههههههههههههه

عزوز يابوغشام الحين انا بعرف شي واحد وهو لوبغيت تكتب قصيدة كيف تكتبها؟ تتدرب عليها صححححححححححححححح؟؟وبعدين تكررها وتمررها <<كوره ماصار شعر هههههههههه
طيب انا ياطوووووووويل العمر ادرب البيت يمين ويسار ومن هنااااك ومن هنااااااااا الين يصير بيت حلو وتمام وبعد مااخذه جوووووووووووله على كم اغنيه على كم شيله على كم طرحه ههههههههههههههههههههههههه احطه هنا هاه بشر؟؟ وصلت المعلومة؟؟ ولا الاختبارات لاعبة في فكرك وحايسته حوووووووس ههههههههههه

مثال اخر للافادة

انا ادرب الشعر خلاص ؟؟طيب اي شعر؟؟ ادرب الشعر الين يصير جزل وشاطر ومفهوم وحلو مافيه عسف ولانسف ولاخسف ولاكسف يعني كذا؟ ماقلت ادرب الشعار؟؟ ولو قلتها فيجوز للشاعر مالايجوز لغيره مير انا اخذني الخجل وقلت عيب تدربين الشعار يابنت دربي الشعر نفسه ههههههههههههههههههههه يعني كلمتي صح في نظري انا ونظر من يقول بنظرتي لكن انت تشوف ان الشعر مايتدرب كذا يجي من السما للصفحه هههههههههههههههههه
وصدقني اني كل مافرحت وقلت الصفحة راحت للثانية جبتها هنا هههههههههههه
وعن سؤالك عن قصايدي ياعزوز شوي بحث في ملفي هنا بتلقى غير هذي وحدة
والباقيات ياطوووووووووويل العمر بتنزل على حسب المناسبات وان كان قصدك قصايد في مواقع ثانية فانا كان معرفي غير هذا الله يوفقك ويزوجك ويخليك لمن يرجي شوفتك ويغليك

هاه؟؟ وصلت المعلوومة ولا اعيد الشرح؟؟؟؟؟؟؟؟؟؟؟<<< استاذة لغة عربية وفاضيةهههه:واو:

مها الحسن

23-01-2008, 07:31 AM

هههههههههههههههههه

نسيت شي ياعزوز

دام البيت مزعلك حق ادربها خلاص قررت اغيره لعيونك ويصير

الشعر في يديني لعبة واخرّبها =واللي يجاريني ياحسرتي مقرود

هاه عسا الحين تنبسط وترتاح من مها وتدريب الشعر ههههههههههههههههههه
والله جات الفكرة الحين براسي قلت مافيها شي يامها لو حطيتيها وتنومستي مع عزوز وانا ان شاء الله بطلبك في المحاورة ونخربها هناك صح ولاحد يشوفنا ههههههههههههههههههه:واو:
المهم رضاك عن البيت يابوغشام هههههههههههههههههههه

محمد نايف العتيبي

23-01-2008, 09:27 AM

ههههههههه

مها

عبدالعزيز

خلاص فكونا خلوا القصيده تنتقل للصفحه الثانيه هههههههه

مها

ليتك ماعدلتي البيت وخليتيه على ادربها ههههههههه انتي عز الله خربتيها بـ اخربها

سعد الغنامي

23-01-2008, 10:40 PM

الصراحه أني استغرب من شعراء بحجم بن راجس وزبن بن عمير

ولايعرفون للقصيده هذي وزن . يالربع القصيده موزونه راجعوا انفسكم

وبالعكس زبن عدلها على لحن بعيده عنه كل البعد

وبعدين المجامل في الوزن مرفوظ

أما مجامل الشخص في معنى قصيدته سليمة الوزن ممتلئه به الصفحات

الف شكر لكل من مر من هنا

تحيه عطره للجميع

فالح المصعوك الغنّامي

24-01-2008, 12:26 AM

اختي مها ترى مسألة الوزن مسألة بسيطه يتعلمها الشاعر ويتقنها بالممارسه

وانا اخوك بعض الابيات اقتربت من الهجيني الطويل وهي الابيات اللي عدلها

الاخ زبن بن عمير وبعد تعديله اصبحت موزونه ومع احترامي للأخوه اللي يقولون

ان جميع الابيات سليمه اقولهم يراجعون انفسهم فالمسألة لاتحتمل المجامله

والانتقاد وانا اخوك لمصلحتك ومن ينتقدك يريد مصلحتك وتبيين الخطأ لك حتى تتجاوزيه

مستقبلاً ..اتمنى لك التوفيق في كل حالاتك

مها الحسن

24-01-2008, 12:35 AM

سعد الغنامي

اكتفي بردك هنا مع اللي كتبوه الناس اللي عرفت البحر واشكرك اشكرك اشكرك

الشعر بحاجة لمن يعرفه مايعرف الشعر من خلال الشعراء
فالشاعر نعرفه من شعره ماهو الشعر نعرفه من شاعره وهذي معادلة صعبة الفهم

الا على اللي يفهمون وش الشعر

سعد شكرا لك مليوون ولايكفوون

وانا ردودي هنا من باب توضيح المحاور اللي نتكلم عنها

مها الحسن

24-01-2008, 12:50 AM

فالح

صح بدنك

لاهنت يالقرم

ناعمة

24-01-2008, 03:26 AM

,
,
مهاوي
صح قلبك وفكرك
وتسلمين

,
,
كونوا بخير

مها الحسن

24-01-2008, 04:00 AM

ناعمة

هلا فيك

وصح بدنك يالغالية

لاهنتي ومشكورة

فيصل العتيبي

26-01-2008, 05:30 AM

مها الحســن

اهلاً وسهلاً

في السابق كُنّا نبحث عن الشعــر ونستمتع ..

ولكن بعد هذه الفاتنة إكتشفـــنـــا إن الإبداع في الطرق والبحور التي تصعب على الأغلبية من الشعراء أروع بكثيـــــــر من الإستمتاع .. !!

هذا النص ينقلنا من محيط إلى محيــط ... ونتعايش معه بروح الجزالـــة .. ونبض الجمال .. !!

حروف نابعة من النخـــاع ... لتنير صروح الإبـــداع ... ونحن لها بإنصيــــاع , كم كنّا في حاجة لهــذا الطـــرق اللذي يصعب على المتسلقين في هذه الســـاحة التي إختلط فيها الحابل بالنابل ولم نعد نستلذ بنكهة الجمال ,,

مها ,,

مها ,,

مها ,,

من أين أتيتي بهـــذا النص .. ؟؟ !!

قرأته أكثـــر من مره وراهنت من كان بجانبي على جمالـــة وجزالة معانية .. !!

هناك من خالفني لبضعة ثواني وأنا لا ألومـــة ولكنه إقتنع في ثواني .. !!

غرابيل لم تعـــد في شعـــراء وشاعرات بعد " مهـــا الحسن " واليعذرني من يقرأ ردي لإنني اتحدث بحس ذائقتي .. !!!!!!!

هُنا استلذيت ..

هُنا أستمتعت ..

هُنا إعذروني يازملائي الإعلاميين فهـــذا النص إكبـــر من خِبرتنا في الوســـط الشعبي .. !

مها ..

مها ..

هل تسمعيني ؟؟؟؟

إعفينــــا من هذه النصـــوص وقدمي لنـــا ماهو في مستوانا .. لإنك أكبر من مستوى الإعلام ونصائحه !!

تحية بنكهة الإبـــداع ,,

فيصل العتيبي